]شعر ابو ريشه بالغثيان وأن جسمه همدان وعطس فى وش مراته زوبه اللقيمه
اللى فاجأته باللطم والشتيمه وقالت له اتوكس ياغندور دى أعراض انفلوانزا الطيور ودخلته فى دائره الاوهام وان خلاص أخرته قربت والسلام
ونصحته لازم ينام عقبال ماتروح لجارتها أم عبد السلام اللى عندها الحل الاكيد علشان يرجع شديد ويمكن يستفيد 0
وراحت زوبه لام عبد السلام جارتها اللى سألت سيد ابن خالتها اللى شغال فى مستوصف الحسنيه عن أعراض انفلوانزا الطيور
فأجاب بكل ثقه وغرور أن عنده معلومات أكيده وسريه ومفيده عن أعراض المرض اللعين التى لايعلمها غير الساده المسؤلين 0
وكان أولها
الشعور بالرغبه فى الطيران
وهز الرقبه
وتحس انك دايما مفقوس
وكمان تشوف نفسك فى المنام مذبوح ياموكوس
ولما الحاله تزيد تلاقى نفسك عايز ترقد على البيض وتحس انك ديك البرابر
وتغنى كوكوا واواوا من وقت لاخر وتبقى انت كده على الاخر يعنى بقيت حامل الفيروس
هتعمل ايه يامتعوس لازم تشوفلك مخرج من المخارج وتروح تتعالج
والطريقه بسيطه ومش محتاجه زيطه
تفضل تقول بق بق بق بق طول اليوم
وتنام بكل الهدوم وتاخذ حقنه كال كال لتقويه المناعه
والمصل متوفر عند الفرارجى ياجماعه وسعره فى متناول الاطفال بس أوعى تسال عنه البقال وكمان لازم تبعه عن البقول وبلاش تأكل عيش مبلول0
مواقع النشر (المفضلة)