الفرق بين البنات والأولاد أثناء الفسحة
أول ما يرن جرس الفسحة
أولا : عند البنات
- تشوف شلة بنات داخلين الحمام (حالت طوارئ)
اللي تعدل شعرها والثانية تعدل كحلها
وكل وحدة منهم تسولف عن اللي ســوَّته
في أخيها الصغير أمس ..
- وفيه بنات يلبسون نظارات شمسية جديدة
(توهم شارينها من أبو ريالين) يستعرضون فيها
وإذا سألتها عن ماركة النظارة
تقول والله من كرستيان ديور أو شنل
والماركة أصلاً هي (بسطتهم اللي جنب البقالة اللي قدام البيت)
- كل بنت تمشي وفمها ( شكولاته )
وإذا عطيتها شيبس تقولك : سوري أنا مسوية ريجيم (الله واكبر)
اول ماترجع البيت على طول إلا ودق على المطعم
- والبنات الأذكية ( اللي مهتمات )
اول مايرن الجرس تشوفها داخلة غرفة
المدرسات تبي الأستاذة تشرح لها الدرس
اللي كانت هي متغيبة فيه
- وبعض البنات تشوفهم ورا اللوكر
يحلون واجب الرياضيات اللي ماحلوه في البيت ..
- أما الأهم
تشوف بعض البنات يستأذنون من الحصة
قبل البريك بثلاث دقايق ويركضون على الكافتيريا
(يحجزون لهم مكان)
وأول مايرن الجرس الأكل كله خلص ما فيه إلاعصير
ثانيا : الشباب:
خلونا من البنات ونروح نشوف
وش يسون الشباب في الفسحة ..
- تحصل واحد منهم نايم طول الحصة وأول
مايرن الجرس يدعي على اليوم اللي دخل
فيه المدرسة ( لأن حلمه انقطع بسببهم )
- واثنين من الشباب ينتظرون متى يروح المدير
اللي صار له واقف ساعة قدام الصف
وأول مايتحرك خطوتين يشلون شلايلهم
وينطون من الطوفة ويشردون من المدرسة
ويمرون على كم محل في طريقهم
وبعد نص ساعة يرجعون المدرسة حركات خطيرة
- وشلة تروح ورا المدرسة يدخنون لين ما يقولون بس
وواحد كشخة يرويح يفتن عند المدير
وما يوعون إلا المدير حابسهم في غرفة الاحتجاز
ويسوي تليفون حق أهاليهم.
- أما واحد تشوفه فارش غترته على الأرض ويكمل رقاده
لأنه طول الليل مارقد يشوف فيلم
أو يتكلم على المسنجر أو يلعب بليستيشن
أدام الله سعادتكم
رد مع اقتباس
مواقع النشر (المفضلة)