شعر عراقي(( الى محبوبتي))
شما نبني اساس البيت نبني وهدمو بنيانه
وشم نمشي بدرب ونكول بس احنه وخيال الشوك ويانه
منين يطلع الشامت ويتلكانه لا يعرف عشك لا شوك بس الغيبه بلسانه
وابو الدكان البصفكم مفتح بس على العذال دكانه
يبيع اسرار للعذال ما يربح ولا عانه
يبسرمني بكلامه يكول كبلك بعت لفلانه
والناطور حارس شوك عدكم عّند ويانه
لا يفتر ولا يندار حسبالك كنز مدفون بمجانه
وهاي انوب جارتكم تسد الباب بحركه اذا مريت منانه
ترد تضرب ابنهة تصيح باخر صوت زهكانه
شمالك ماخذ البيبان رجلك ما شكتلك يوم تعبانه
وانه المكصود بالجلمات وشنو ذنب الجاهل المسكين يتحمل خطايانه
سفينه وغركاهه الروج واحتارت السفانه
طير وحاصرة الصياد بيش تفيد جنحانه
واظن الجاي مثل الراح ما يرحمنه يفلانه
ما يرحمنه يفلانه
رد مع اقتباس
مشاركة: شعر عراقي(( الى محبوبتي))
مواقع النشر (المفضلة)