ردود ترفع الضغط
هذه كلمات إذا قالها لك أحد ودك تتوطى بطنه هههههههههههه
أنت بغرفتك منسدح بالسرير ومطفي النور ومتلحف بالبطانية ( ماهذا البرد؟)
يجي أحد أخوانك ويفتح الباب عليك ويقول لك : بتنام ؟
( لا أبرقص ,, أكيد أبنام )
أنتم معزومين عند ناس ورحتوا لبيتهم وأول ما فتحوا الباب لكم , قال ولدهم : " جيتــوا العزيمة " ( لا رحنـــا ,, أكيد جينا وأنت وشوف )
والعكس : أنت لابس ثوبك وكاشخ بالشماغ وماشي بالبيت متجه لباب الشارع ,, يجي أحد من أهلك وينادي بصوت عالي : بتطلع ؟
( أبدخل ,, أيه أبطلع )
أو مثلا راكب السيارة وشغلت الموتور شوي وتدوس على البنزين يطلع لك واحد ويطق على القزاز , , أنت بكل ذوق تفتح القزازة وتقوله : آمر يالحبيب ؟ يقولك : بتمشي بالسيارة ؟
( لا أبفحط وأسوي خمسات .... أكيد أنا ماشي )
عزيزتي الفتاة مثلا أنتي بالكلية وقمتي من الطاولة عقب ألف سالفة وسلافة يتخللها الحش والضحك والغشمرة ورحتي عند الباب تلبسين عبايتك تجي وحده ملقوفة من البنات وتقولك : فلانة بتروحين البيت ؟
( لا أبطلع برا أشم هواء ,, أكيد أبروح لـبـيـتـنـا من زين الكلية جالسة في استاربوكس وانا مدري )
مثلا ماسك سماعة التلفون وقاعد تضغط بالأرقام يجي أحد من أهلك ويقولك : تتكلم بتلفون ؟
( لا بصور معه كم صورة تذكارية ,, أكيد أبكلم )
مثلا : ماسك مذكرة أو كتاب وقاعد تحفظ ومتحمس . . جاء أحد وقالك : قاعد تذاكر ؟
( لا أفرش أسناني ,,, أيه أذاكر )
ولا تعالــو شوفو قنواتنا وأسئلتهم البديهية البايخة .
برنامج إهداءات يتصل واحد يطلب أغنيه ؟ ترد عليه المذيعة بكل سخافة : أنت بتحب هذه الأغنيّة؟
( لا ما أحبها بس طالبها أستهبل ,, إيه أحبها ليش أجل متصل )
والأسخف من هالبديهيات اللي تضيع وقتنا إذا قابلو مع بزارينا , , يقول المذيع للبزر : أنت تحب ماما وبابا ؟ ( أيه يحبهم أجل تبي يقول لا )
المذيع : أيش تسوي بالعيد أكيد تروح لأهلك تسلم عليهم وتقولهم كل سنة وأنتم طيبون !
( لا أبروح أكفخهم وأسوي هوشه ,,, أكيد أبعايدهم )
واحد شايل شنطته ومتجه عند بوابة المطار ويشوفه خويه بالصدفة هلا والله أعلومك أخبارك شو تسوي في المطار ؟
( والله جاي أشوف مباراة الهلال والأهلي ... أكيد إني بسافر )
ملطوش
رد مع اقتباس
مواقع النشر (المفضلة)