الموضوع: الخطة السرية لاصطياد ( عريس ) للبنات فقط

شوفوا بنااااااااات

موضوعنا اليوم ........


الخطه السريه لاصطياد تمسااح يعني عريس


الخطة السرية لأصطياد سمساح ( عريس )...

الى أختى السحلية اليك هذه النصيحة والخطة المحكمة للحصول على عريسك بأسرع وقت ممكن .

الى كل سحليه ناشبة في حلق أهلها وماتصرفت مع انهم حاطين معها أختها مجانا
( لترويج البضاعة المتراكمة في البيت ) .


للاجابة على هذا السؤال اليك مايلي :

أهم نقطة : نشني على العجوز اللي حاطة عينك على ولدها ثم نفذي مايلي :

1 - خليك مع أمك لاتروحين مع البنات وتستهبلين ماورى ما ستهبلتي اصبري عنهن كم شهر لين تتم العملية بنجاح .


2 - امشي وانتي حاطة راسك بين كتوفك لاترفعينه أبدا حتى لو يصير كله صعارير
( خلي الفكس دائما في متناول اليد ) علشان يقولون مؤدبة ومب متكبرة .


3 - كلمة خالة خليها على لسانك وخاصة لأم السمساح علشان تحس بنوع من التميز عن بقية العجز .
لامانع تنادين وحدة ثانية بخالة علشان إذا مانجحت الخطة مع العجوز (نمبر ون)
تنجح مع الثانية أعتبريها ( كخطة احتياطية ) يعني ستبنة أسبير .


4 - إذا بدت أمك تتكلم انغزيها بكوعك علشان تدخلك بالموضوع
حتى لو مالك داعي تطبيقا للمثل ( كثر الدق يفك اللحام ) .
أدري إن المثل ماله داعي بس مالقيت غيره .


5 - اخوانك الصغار لاحقيهم وطامري وراهم وين مايروحون حتى لو مب عادتك
بس تصرفي معهم كأنك أمهم لأن هذا يوحي بما لايدعو مجال للشك
عند العجوز بأنك حريصة على ذريتك ( جعلهم عقبك )


6 - مهما أكلت أمك من أكلة زينة خليها تقول :
نفس الاكله اللي تسويها بنتي ( حتى لو الاكل من المطعم الصيني أو المكسيكي ) .


7 - اذا جيتي بتمدين ايدك جعلها الكسر ( خربتها )
اعبطي خشتك وتويجعي ( مب قوة علشان مايقولون جايرة )
وخلي أمك تقول : قايلة لك وأنا أمك لاتنظفين جدران الفلة الخارجية
بس أنتِ الله يهديك ذابحتك النظافة
( جعلي ماأبكيك أجل بتنظفين جدران الفلة نظفي غرفتك أول اللي تقولين ثايرة فيها قنبلة ذرية )


8 - دايم وبأستمرار ارتزي كأنك بالعة قصبة علشان ماينقص من طولك ولا سنتيمتر ( للقصيرات فقط ) .
خخخخخخخخخخخخخخخخخ

9 - اذا تكلموا الحريم عن أي عرس اكتمي نفسك لين تحمر خدودك
علشان يقولون البنت تستحي ومالنا حق تكلمنا
عندها ( بس لاتكتمين نفسك مرة أخاف تروحين فيها وأصير قتلت نفس بغير حق ) .


10 - مهما كان موضوع الحوار حماسي لاتبدين رأيك وخليك مثل الطرما لأن اللقافة تجيب أجل الخطة .


11 - شعرك افرديه لين يتحسحس لاتخلينه طاير وشوشة مهما كانت الموضة
لأن العجز مايدورون الا اللي شعورهن ناعمة والا ياعمري اللي شوشهن طايره ماحد يلتفت يمهن .


12 - إذا أدلت العجوز ( أم المتوهق ) بأي رأي سواء كان سياسي أو وطني أو اقتصادي
وافقي عليه حتى لو هو ماسخ وماله داعي مثلا تقول العجوز:
أمس بوش متقهوي عندنا قولي لها : وليه ماعلمتينا ياخاله نجي نعاونكم .


13 - في العرس لاترقصين اربضي واقضبي ارضك واعتبري الرقص عيب وشق جيب .



-اذا جا طاري السوق وطبعا هو لازم يجي الطاري لأنه ملح الجلسة عند الحريم
خلي أمك ( الله يعظم أجر أميمتك ) بناتي مايطلعون للسوق أغراضهم أبوهن يجيبها
( وانتي شكلك مقطعه السوق تقطيع ) . احتمال وارد الحدوث

ممكن تكون العجوز منشنة على بنت غيرك لكن بعد النقاط السابق ذكرها
بتصرف نظر عنك وعنها ( أمزح لاتصدقين ) .

الحين بتكون العجوز وقعت باالفخ

( جاء دور السمساح الحين ) ياكبدي على السماسيح

اهجدي في بيت أهلك ولاعاد تطلعين واذا جاء المعرس بيشوفك خلي أبوك يقول له :
والله ودي تشوف البنت بدون ماتدري علشان تأخذ راحتك وانا عمك
وبعدين تشوفها على الطبيعة علشان ماتقول بعدين غشيتوني
( ايه هين ياالشايب لو يحصل حطيت بدالها باسكال مشعلاني والا أليسا والا مايا هالي مطيرتن عقول عيالنا ) .

وقبل يجي اليوم اللي بيشوفك فيه بحوالي اسبوع أو أكثر
( على حسب شين وجهك )
ادهري من مشغل لمشغل ( صبغه ، فرد ، تنظيف بشره ، ... الخ ) لاتخلين على روحك قاصر .

ولما يجي المعرس خلي أخوك ياقف بجنبه عند الشباك علشان مايطول بالتبحلق
ويبان المستخبي وذلك تطبيق لنظرية اللمحة ذبحة .

بعدها عاد كيف بيشوفك هذي عليك مب كل شيء بعلمك اياه دبري عمرك .

بس خلي أبوك في نهاية المشاهدة يقول :
العذر والسموحه وأنا عمك ( الأخ ضمن الولد يوم انه يقول وأنا عمك ) ترا ( البنت حوسة )
مع انك طاقة كل زينك بس يعني اني في هاللحظة الولد بينط على راس أبوك
وبيمطخه لين يشفط مخه وبيقول متى العرس ياعم ( اللهم ارحمه فقد كان ولدا بار بوالديه ) .

عاد الله يوفقك ولاتنسينا من حلاوة العرس والكليجا واياني واياك تعلمين السمساح من اللي معلمك
هالعلوم ولا حتى باسم القروب لأني أعتقد انه بيسوى مصيبه وأخاف يحط حرته فيني .

تحذير ... تحذير ... تحذير

ابعدي عن أمهات العيال اللي متعلمات راعيات الشنطة مثل لون الجزمة
لأن هذولي يبيلهم خطط بعيدة المدى .

نصيحه ... نصيحه ... نصيحه

رفيقاتك بيلاحظون التغيرات المفاجئة اللي صارت لك فانتِ قولي لهم
:انك خلاص انسانه عرفتي درب السنع والعداله ( فاصل دعايه للطقاقه فطومه ) .

تدرين ليه ؟؟ خوفا من سرقة الفكرة الادبية ...

مع تمنياتنا لك بسمساح على كيف كيفك

ملطووووووووش