ماكذبت أمي عليّ يوم قالت ..
ماكذبت أمي عليّ يوم قالت ..
لاتنام إلا متوضي
وصل لله ركعتين
واقرأ ولو آيتين
وارفع يديك وتضرع بالدعاء
يشرق النور بجبينك
ماترى أحلاما موحشة
ولا تقوم الصبح مهموما حزينا
ماكذبت أمي عليّ يوم قالت ..
لاتفرط في صلاتك
ولايغرك حب ذاتك
ولايبل الريق مسكر
حتى لو يبست لهاتك
احرص .. تصلى جماعة
وكل ساعة
راقب الله في حياتك
ماكذبت أمي عليّ يوم قالت ..
لا تصير إنسان جارح
اضحك بوجه الجميع
عامل الناس بتسامح
لاتفرط في حقوقك
لاتجامل في النصائح
ولاتثور .. تصير فاضح
وإن لمست عيب صاحب
لاتنافق .. ولاتصارح
وإنتبه من هالنصيحة
لاتصير إنسان غامض
ولاتصير إنسان واضح
ماكذبت أمي عليّ يوم قالت ..
إحذر أولادك ومالك ..
لاتجافيهم وتقسى
ولاتبالغ في دلالك
ربهم بالخير .. تربح
وعلم النفس القناعة
وعلم القلب الشجاعة
ولاتغطي العين وتحلم
وتخدع الرآي بخيالك
ماكذبت أمي عليّ يوم قالت ..
انتبه .. لاتبني دارك
قبل ماتختار جارك
وفكر بحق المجوره!!!
لايحس إنك ظلمته ..
وإلا إنك يوم خنّته ..
وإلا توذيه بصغارك ..
ماكذبت أمي عليّ يوم قالت ..
إن وعدتَ وعد .. فاصدق
إحذر تزل بلسانك
أو تقلل يوم شانك
عش عزيز النفس تسلم
حاجتك للناس .. علقم
لاتبين ضعف حالك
أو يغرك زود مالك
ولاتهين إنسان .. تندم
ماكذبت أمي عليّ يوم قالت ..
خلك إنسان بكرامة
لاتغرك هالأمور
المناصب
والقصور
فكَّر بيوم القيامة
فكَّر إنك ما أنت خالد
رحلة الدنيا قصيرة
تلقى نفسك في سلامة
ماكذبت أمي عليّ يوم قالت ..
إحذر تصيرالبخيل
واحذر تبذر وتطّغى
واحذر تعيش بخساسة أو ذليل
ولاتنام بيوم خالي
لاتنام بدون لاتفعل جميل
تلقى نفسك في معزة
تلقى روحك في شموخ
عش أصيل ومت أصيل
ماكذبت أمي عليّ يوم قالت ..
كل ماسويتْ فيني
أو في أبوك
تبي تشوفه من عيالك
بر فينا تلقى بِرك
ياعسى الله لايضرك
والله الله
لاتلين بضعف تعصر
ولا تقسى بشر تكسر
إصحى .. وإحذر
زوجتك تشكى وتكدر
لاتدقق في خطاها
وإنتبه تكشف غطاها
تسعد بنعمة وفاها
وتلقى منها مايسرك
ماكذبت أمي عليّ يوم قالت ..
لاتمل هموم حملك
ولاتظن الناس مثلك
واصنع أمرك من يمينك
لاتدور من يعينك
بين ربعك .. ولاأهلك
لاتعامل باللي تكره
ولا تجارم وإلا تشره
رد مع اقتباس
مواقع النشر (المفضلة)