ماهيرو
ابو الوليد
اجمل احساس
شواقي
شكرا شكرا
زهور
مهدي الي الجميع
( بركان قلق )
بركان قلق
الشمس طلعت و النهار
صبح علي كل البشر
و ناس كثير سافرت بعيد
و ناس بعيد جت من سفر
و أنا قاعدة قدام المر إيه
شموعي بتصبر أسايه
و قلبي عصفور بجناحيه
طلع لفوق فوق و انتحر
و صراخه بركان من قلق
الزينة كانت ألف لون
فوق الشفايف و العيون
مستنياك و أنا عمر قلبي
مسا بش قلبك و افترق
دقيت عشانك ألف باب
شربت مر ملام عتاب
و قالوا عني كلام كتير
القسوة منه بتتخلق
من يأسي لملمت في ضفايري
و قلعت فستاني و أساوري
رميتها في دولابي الحزين
تصرخ ما بين دبله و حلق
و أقول معقولة ناس شيفاك
و أنا دايره هنا و هناك
ما بين بابي و بين شباك
ازرع غيطان شك و قلق
بقي قلبك الغدار نساني
و سابني في الحيرة لساعات
مكالمة من هاتف ثواني
كتيره علي قلب أتحرق
مابين بعادك و انتظاري
و بين عذابي و سهدي ناري
سبتني و لا كلامة منك
أو رسالة علي الورق
تسيبني اسأل عليك لايمين
و ناس بالحب مش حاسين
و افتش في الحواري عليك
و آتوه داخل زقاق و نفق
معقول جزاء المخلصين
تجري دموعهم ليل نهار
الحب نعمة و نور و نار
إن شاء بيجي إن شاء مرق
ابعد وروح مكتوب عليك
تجرحني و اكره بين ايديك
العمر لما و هبته ليك
و لقيته ضاع مني اتسرق
مكتوب عليا أعيش حياه
فاكره إن قلبك طوق نجاه
اتابيك كيان وهمي وسراب
اللي يأمنلك تاه غرق
مكتوب احبك من سنين
و اسكن دروب المجروحين
و اصرخ يا ليل المحرومين
تلج و أنين بركان قلق
بركان قلق
مواقع النشر (المفضلة)