عطني من ايامك نهار وباقي العمر للي تبي (روايه رومانسيه تجنن)
[ALIGN=CENTER][TABLE1="width:95%;backgro und-image:url('http://www.mwadah.com/mwaextraedit2/backgrounds/35.gif');background-color:skyblue;border:1px double deeppink;"][CELL="filter:;"][ALIGN=center]
قصه سعوديه اعجبتني بجنون انجذبت معاها لرومانسيتها وحلاوتها حزنها بعده فرح وفرحها وناسه وحبيت اشارك فيها معاكم
صح احداثها كثيره بس مافي مجال للملل
واقول لكاتبتها اهات القلوب تسلم ايديك
عطني من ايامك نهار وباقي العمر للي تبي
اول حاجه نعرف بالشخصيات الي راح نعيش وياها في قصتنا
عائلة ابو مازن (راكان)الله يرحمه
ام مازن..(شما)
مازن:عمره32 سنه متزوج من بنت خالته شمعه وعمرها 27سنه وعندهم ولد اسمه سليمان عمره 4 سنوات وبنت اسمها منى عمرها سنتين وهو يشتغل مع ابوه في الشركه
شخصيه قويه وعصبي وشايف حاله على الاكو الماكو ---
فيصل:عمره 27 سنه ماهو متزوج ... عنده عقده من الحريم بسبب امه وفعايلها مع ابوه وهو احسن واحد واطيبهم تعامل مع دلع -
فارس:عمره 26 سنه وعلا قته مع ابوه قويه... وهو يشتغل مع ابوه ويسمع كلام امه وطوع امرها -----
فواز : عمره 21سنه يدرس في الكليه العسكريه وهو شخصيه مرحه بس عصبي ونذل ---
دلع :عمرها 18 سنه وهي في ثالث ثانوي علمي اختهم من ابوهم وامهم مطلقه من يوم هي بيبي واكتسبت من امها الجمال والعيون الوساع السود والجاذبيه واكتسبت من تربيتها بين الصبيان انها صارة مثلهم بس كل ذا مايخرب روحها الحلوه وابوها متعلق فيها وايد بسبت شبها من امها ----
_________________________ __
عائلة ابو سلطان --- عبدالله زوج امها
ام سلطان منيره و ام دلع
سلطان:عمره 30 سنه متزوج بنت خالته عبير وعنده ولدين واحد اسمه عبد الله عمره 3 سنوات وولد عمره 8شهور واسمه احمد
مشعل : عمره27 سنه يشتغل في احد الشركات في منصب مهم
مشاري :عمره 24 سنه يدرس قانون
امال: 23 سنه متزوجه من ولد عمها سعود وحامل بالشهر السادس
دانه :22 سنه طيبه .. حساسه ..حبوبه .. يعتمد عليها في وقت الضيق سمراء جميله وعيونها وساع
هبه : 16 سنه جميله وحبوبه وفله وتحذف حكي من غير ماتقصد
*************************
وباقي الشخصيات نتعرف عليها في ثنايا القصه
اولا ... احب اوضح لكم ان ابو راشد الي كانت متزوجه ام راشد في البدايه وبسبب عصبيته الزايده طلقها ثلاث مرات وصار مايقدر يردها وبعد محادثات بين شيباهم اقترحوانها تتزوج ولد خاله سليمان عشان وبعدين يطلقها وتحل لرجلها الاول وتزوجها ورفض يطلققها في البدايه لانها اعجبته بس بسبب المشاكل واذيه مرته الاولى ماقدر يصبر وطلقها وهو مايدري انها حامل وجابت له دلع وبعد سنه من عمرها اخذها ابوها وتربت على ايد جدتها ..
البــــــــــــــــــــــ ـــــــــــــــــــــــ الاول ـــــــــــــــــــــــــ ــــــــــارت
في مستشفى ...... في الرياض بنت بريئة جسمها ضعفان ولونها اصفر وملاح وجها ماهي مبينه جروحها تنزف وباين عليها علامات الظرب وغايبه عن الوعي وساعه تفتح وتبربس عليهم بكم كلمه وترجع تغيب عن الوعي مره ثانيه
الدكتورخالد الي قام بحالتها وهو مره معصب : عرفتو من الي جابها وايش سبب ذا كله
الدكتور بندر : والله اخوها الي جابها حالته حاله وما عرفنا نكلمه
د خالد : ان زين راح نقوم بالواجب وبعدين يصير خير
كان فيصل واقف عند غرفة العنايه المركزه طبعا مااوصف لكم حالته.. ماقدر يقعد بمكان وكان يتحرك بأستمرار قدام الباب
واخيرا استقر في اخر المرر واقف قدام ... شباك
ويشوف الناس والسيارات اللي رايح واللي جاي ...
وماكان يلمح الا شكل دلع وهي بين ايدين امه واخوه مازن وطايحين فيها طق وتعذيب
كان يدعي لها من كل قلبه انها تقوم بالسلامه
ااااااااااااااااااااااااا اااااه ياقساوة قلبك يوما شلون سمحت لك نفسك تطققين ها اليتيمه وابوي ماله شهرين من مات وليته ماوصاك عليها الله يسامحك بس الله يسامحك وضرب بايده في الجدار يمكن الوجع الجسدي يخفف من النار الي بقلبه
وبعد انتظار دام حوالي ثلاث ساعات طلعوا الدكاترة من عند دلع وشافوا فيصل واقف يم الشباك وحالته حاله
الدكتور خالد وهو يربت على كتف الدكتور بندر : راح اترك لك مسولية تبليغ اخو ها البنيه عن حالتها وحاول انك تعرف شا الي صار لها واذا استدعى الامر نطلب الشرطه لا تتاخر ...؟
بندر : لا توصي ان شاء الله يكون الامر مايستاهل
ابتسم الدكتور خالد لدكتور بندر الي ماصار له فتره من يوم ما استلم شغله في المستشفى وما يستغني عن النصح والارشاد
بندروهو ياخذ نفس عميق : الله يعيني وراح ليما وقف وراء فيصل وأتنحنح عشان يصحيه من سرحانه وشروده
راح فيصل يمشي باتجاه الدكتور بندر ومسكه من ايديه
فيصل : هااااه دكتور بشر ؟
بندر : لا الحمدلله ...
فيصل : شنو فيها ..
بندر وهو يبتسم له عشان يخفف التوتر الي باين على وجهه : لا هذي يبي لها قعده ... اتفضل يا اخ وياي حجرتتي ... وبكل هدوء راح فيصل وياه حجرته والخوف متمكن من كل جزء بجسمه خايف على اخته الي دايم الظروف معاكستها وعايشه وحيده بذا الدنيا وحيده وكله بسبب حقد امه وتسلط اخوه الكبير
فيصل وهو يعيد نفس السؤال بس باصرار : هااااه دكتور بشر ؟
بندر وهو عاقد حواجبه : المفروض انا ياخوي الي اسالك اش سبب الي هي فيه ... الي فيها كان يستدعي انا نطلب الشرطه بس حبينا انا ننتظر الين ما نعرف منك اش الي صار
فيصل : مادري اش اقول لك انا كنت مسافر الشرقيه وتوني واصل ومن دشيت لقيتها بايدين الوالده واخوي الكبير يطقونها وحالها زي ماشفت .. ووطى راسه خجل من الي صار لان الي صار شي ماهو بسهل ... شي مستحيل ان انسان يسويه
د بندروهو يبقق عيونه بتعجب : في ام تسوي ببنتها كذا ؟؟؟
فيصل : لا هي اختنا من ابونا والوالد ميت وعشان كذا مستقوين عليها
بندر : ........... على العموم هي فيها كسر برجلها اليمين ورضوض متفرقه بجسمها ونزفت وايد بسبب الجرح الي براسها ونطلب من ربنا انه مايكون جاها ارتجاج بسبب ها الضربة (وشد عليها باسنانه ) هذا غير جسمها الخالي من الفيتامينات .. والاملاح .. و فقر الدم بعد... وهذا سبب لها نوع من الاغماء بس بعد ننتظرها الين ماتفوق وتعدي اربع وعشرين ساعه بعدين نطمئن اكثر...
فيصل : ............
بندر : الحمدلله على كل حال .. سهالات ان شاء الله ...
فيصل : ااااااه يادكتور هذي الغاليه
د بندر : شي احسن من شي ياخوي صح ولا انا غلطان والحين ماتبي تشوفها
اخذ فيصل رقم الغرفه الي اعطاه له الطبيب وطلع من الغرفه بسرعه ... ويوم وصل غرفتها ... ودخل عليها كانت شاحبه كلها اجهزه ...وعيونها مزورقه من الضرب ووجهها مجرح
فيصل وهو يبوس ايديها : سلامتك يالغاليه .. حشى هذا وانتي من لحمهم ودمهم وشلون لو كنتي غربيه شنو كان بيسوون فيك
السستر :-انت اخو هذا
فيصل :-ايه
السستر :-روح استقبال عشان معلومات مريضه
مشى فيصل وسجل معلوماتها كلها بالاستقبال بعد خمس دقايق ..رجع لها
دخل غرفتها كانت بتعترض السستر لكن الطبيب كان ورى فيصل واشر لها تطلع من الغرفـــــــــــــــــه ..
سحب فيصل كرسي وجلس جنبها ...
مسك يدها يكلمها ..وماهو حاس بوجود الطبيب
سامحيني .. صدقيني خلاص ماراح اتركك تعيشين بينهم .. ماراح اسمح لهم يتحكمون بحياتك ويسيرونك زي مايبون ..راح اخليك تعيشين عند امك وغصب عن الي مايرضى ..بس المهم ماتتركيني ..
قاومي وكافحي اعرفك انتي القويه العنيده الي محدن يقدر عليها ..!انتي طول عمرك عايشه وياهم كفاح وتحدي لما وصلنا النهايه تجين تضعفين وتنهزمين .. ما ارضاها لك يا دلع والله ما ارضاها يالغاليه
كان فيصل يحبها من حب ابوها لها ومن روحها الحلوه الي زي النسمه يحبها لدرجه لو كان بيده ما تردد دقيقه وجا فمكانها .. وتحمل الالم والعنا .. بس ذي امه هدت حيله وخلته عاجز قدامها انه يدافع عن اخته
كان متمسك بيدها بشكل ما ينوصف وكانها بتروح منه لاتركها !
"ربك كريم يا فيصل "
فيصل وهو يقز الطبيب بندر :.................
بندر : جلوسك وياها كذا ماراح يفيدها ... وانا اشوف انه من الافضل انك ترد بيتكم احسن انت حسب ماقلت انك توك راد من السفر واكيد تعبان
قام فيصل من محله وطلع مع الدكتور : أي والله العالم يادكتور ... يالله دكتور ماوصيك عليها
بندر : مايصير ها الكلام تراها في عيوننا .. بس ياليت تعطينا رقم الوالده عشان تجي تقعد يم بنتها .. تعرف البنت ماترتاح الا وامها يمها .. وهذا راح يساعد دلع كثير في تحسن حالتها
فيصل : والله ما اعرف رقم ام دلع بس هو اكيد مسجل بموبا يلها وانا لارديت باكر اجيبه وياي ... يالله دكتور بالاذن
بندر : اذنك معاك مع السلامه
طلع فيصل من المستشفى وهو يفكر بالي صار ويوم وصل البيت لقي امه واخوه مازن وفارس بالصاله يتقهوون ولا على بالهم
دخل وهو مسوي روحه مايشوفهم وما كان يبي يتعب روحه وياهم لا انه عارف ان مامن وراهم الا عوار الراس
ام راشد : ها شرفت ... يالحنون .. وتطالع تدور دلع .. وينهي شينة الحلايا لايكون ماتت
فيصل : كانت على وشك يوما ... وبسخريه ... كنتي بتذبحينها على بالك مالها احد
مازن : لاترفع صوتك على الوالده يا الطيب
فيصل : عن المثاليه الي مالها داعي .. وقولي اش الي خلاك تطق اختك بوحشيه
مازن : والله اكتشفت انها ماتربت عدل وجاء الوقت الي اعيد تربيتها فيه
فيصل والدم صار يغلي بعروقه من العصبيه : اقول لا تغلط دلع تربيه جدتي ونعم التربيه ... بنت رجال
ام مازن وهي تتصنع البكاء : حشى ماني امك اختك المدللة لما حست انا كشفناها قامت تطول لسانها علي والي ناقص بس انها تطقني وانت جاي تدافع عنها
فيصل وهو يطلع الدرج بدون مايناظر امه : يوما كافي ها المسرحيات انا عارف كل الي صار ارحمي البنيه خلاص كافي خافي ربك فيها ... وطلع فيصل غرفته وهو يسمع وراه سيل من الشتايم والتهزيء من امه واخوانه ... ودخل حجرته ونام
اما في المستشفى ... بعد ماخلص الدكتور بندر مناوبته حب يطمن على دلع الي حس نحوها بالتعاطف وشده لها شكلها الطفولي والوضع الي تعيشه مع مرة ابوها
دخل بندر وسمعها تأن واقترب منها وفتح عينها بايده وصار يوضي عليها بكشاف صغير بايده
دلع : اه شفيك فقعت عيوني …اه اه
بندر وهو يشيل ايده من على عينها ويبتسم : الحمد لله على سلامتك دلع
دلع وهي تفتح عيونها بخفه والدموع صارة تتارجح منها : دراكولا مرة ابوي وياك
بندر وهو يبتسم من اسلوبها وحاس بخوفها : لا تبين اطلبها
دلع وهي تغير السالفه : لا … ابي انوم بس راسي يعورني حييييل
بندر :هذا كله من اثر الجرح الي براسك
دلع ردت تصيح وهي تمسك راسها وتشوف رجلها وطبعا تتذكر الي صار يوم مرة ابوها تتهمها انها كانت واقفه بالدريشه وتأشر لواحد وترمي له رسائل .. وش كثر حست الظلم واخوها مازن يضربها برجله ويدوس على وجهها ويسبها في شرفها وتربيتها وكيف كان يبي ياخذها ويرميها فا الخلا بعيد عن الناس عشان تموت لولا الله ثم جيت اخوها فيصل بالوقت المناسب … صحيح انها قبل ماكانت عايشه وياهم مرتاحه ولا متهنيه بدلال ابوها وحبه لها بس كل الي جاها منه يهون ولا يتهمونها في شرفها وتربيتها …ثارت اعصاب دلع وصارت تصيح وتشاهق بصوت عالي وهي تقول : ما ابيهم الله يخليك لاتخليها وولدها يدخلون علي ما ابي اشوفهم ابوس ايدك …وردت تشاهق
بندر : سستر اعطيها ابرة مهدي بسرعه
السستر : اوكي دكتور ..وفعلن جابت السستر الابره وعطتها لدلع الي مازلت تصارخ
وبعد خمس دقائق بدءمفعول للمهدئ يسري بجسمها و تستجيب له وتهدى
دلع ودموع عيونها بعدها تهل : الله يخليك لا تخليني لوحدي لاتخلي مزون وامه ياخذوني .. طلبتك يا دكتور … خل امي تجيني … وانشل لسانها وبدت تغيب عن الوعي ومره تفيق وتجلس تترجاه
بندر قطعت قلبه دلع وحس انها شوي ويلمها ويهديها ماحياته انهز قدام أي انسان دايما كان الاقوى انسان له هيبه وله مكانه ومعزه بين الناس رغم صغر سنه الا انه رجال بمعنى الكلمه …: ابشري يادلع .. والله ماتطلعين من هنا وياهم .. والي خلقني ماتطلعين الاويا امك
فتحت دلع عيونها وناظرة بندر وتبسمت له ابتسامه اخذت علقه … ( دلع اكثر مايميزها ابتسامتها الي تاسر الكل وابوها ماكان يطيق زعلها من شان ها الابتسامه وزميلاتها يحسدونها يوم تبتسم وتبين غمازاها وتتقوس عيونها ويبين طول رموشها وسوادها وبياض بشرته والعرق البنفسجي الي نازل من يسار جبهتها الي حاجبها ويبرز اذا ضحكت او تكلمت )
مسح بندر على شعرها بايده ووصى السستر عليها وطلع رايح لحجرته ... وقبل يدخل غرفته جاء على باله انه ياخذ ملفها ... يمكن يلاقي رقم امها وفعلا راح لريسبشن وطلب ملفها وخذاه وراح حجرته حطه على مكتبه وسند راسه على الكرسي وهو يمرر ايده بشعره وسارح بافكاره
اه قد ايش الانسان ظالم ... ياخوفي لأكون ظلمتك يا نجلاء ( نجلاء هذي اخت بندر وبينهم سالفه طويله ) وقطع عيه تفكيره صوت الدكتور خالد وهو يتنحنح واقف قدام مكتبه
بندر وهو يفيق من شروده: اهلا دكتور اتفضل ما انتبهت لك يوم دخلت
خالد : ايش الي مجلسك الى الحين ونوبتك خلصت من ساعه
بندر: والله ماقدرة اروح ... البنت الي في غرفه 408 ترجتني ما اخليها لاخوانها وزوجة ابوها خايفه منهم حيل وانا وعدتها
خالد وهو يبتسم : كفو ياولدي ... بس انا جلست الحين ماراح تكمل للعصر بكره واكيد هذولي ان بغو يجون مايجون الا العصر ... وانا اشوف انك تروح ترتاح الحين والعصر ترد وانت نشيط
بندر بعد تفكير : طيب افرض الحين جو وماصابت توقعاتنا
د/خالد : انت ناسي اننا بمستشفى والسكيورتي الي بيها ايش شغلتهم ... وبعدين انا وين رحت وهذا وقت نوبتي
بندر : اعذرني ... يابو سطام والله ماقصدي ... وعشان اثبت لك كاني قايم راد للبيت
د/ خالد : فمان الله
بندر وهو ينزل البالطو الابيض ويرميه على الكرسي : فمان الله
اليوم الثاني العصررجع بندر المستشفى...وراح يشوف دلع ولاقها نايمه بسلام وكان شكلها مرره طفولي وبريئ....بس حس بخوف عليها لمن افتكر خوفها من اخونها مايدري بس في شي غريب يشده لها ويخليه يتعلق فيها
طلع من عندها وكتب لها ابره واعطاء الوصفه لنيرس وراح يمر على باقي المرضى
فتحت دلع عينها بتعب لحظه انا... وين هذي الفلبينية ايش جابها بس ليش ماسكه في ايدها ابره لحظه من هذا وددقت النظر وعرفت انها في المستشفى
دلع قامت: بسم الله ويني وش صاير
النيرس : مافي كوف هذا ابره مايعور
دلع وهي تبعدها عنها وتصارخ :اه وش هذا ابره وخري يعني وش مايعور ليش انا هنا
النيرس : بيبي مافي كوف ... انت مريض بيبي ... ويوم ماشافت منها الا الصد نادت على الدكتور بندر
بندر الي توه داخل : اختي انتي بعد تعبانه دلع طالعته باستغراب كبير وبعدين حطت يديها على راسها وكانها تو تحس ان ماعليها جلال
دلع :من انت
الدكتور:انا بندر و ابعالجك ان شالله
دلع :وش فيني
الدكتور وهو يدخل القلم بجيب البالطو الابيض: مافيك الا الخير
والحين خليك هاديه عشان النيرس تعطيك الابره
دلع :لا... قسم بالله ماتعطيني اياها
الدكتور بندر وهو يقترب بعد ماكان يبي يطلع : ليه
دلع : بس خلاص انا حلفت تبي تاثمني .. والله وقسم ماتعطيني اياها لو اموت
بندر وهو يحاول يخفي الابتسامه : انزين نجيب لك نيرس ثانيه
دلع : قسم بالله ماتمسكني ممرضه هنا خلاص حلفت
اقترب بندر وهو فاك حلقه يضحك ... ودلع خافت منه واستحت من روحها
بندر : قسم بالله لاعطيك انا الابره
دلع : لا خلاص انا حلفت
بندر وهو ياخذ الابره من النيرس ويجهز المسحه الطبيه ولصق الاجراح: انتي حلفتي على النيرس ماهو على الدكتور ... ولا تبين تؤثميني عشان ااثمك
استسلمت دلع وسحب الدكتور ايدها وغمضت عيونها من شان ماتشوف الابره وهي تدخل ايدها وصارة دموعها تنزل غصب رغم انها ماحست بالم
د بندر وهو يقزها بخوف : خير دلع خلصنا ليه الدموع
دلع : خلصت ... وصارة تمسح دموعها ... ولا حاجه دكتور بس غصب عني نزلت
بندر : مسك الشاش الي على راسها وفكه وكلم النيرس تغير الضماده
وانتبهت على رجلها
دلع:ااااااااااااااااااااا ااااااااااااااااااااااااه
بندر :وش فيك
دلع:رجلي رجلي وش فيها.. ما اقدر احركها
بندر: دلع هدي وانا بفهمك
دلع:وشو اهدى
بندر: اسمعيني واجلي صراخك
دلع:وشو
بندر:قال لها كل السافه
دلع: ماراح امشي شهر شهر بقعد عاجزه(دلع نفسه عزيزه عليها يعني وعارفه انها لوردت عند مرة ابوها راح يذبحونها وهي مافكت رجلها اذا ماقدرت تمشي وهذا كل اللي مازمها)
بندر: دلع فتره مؤقته لاتصيحين ... ولا ابجيب الابره الحين
دلع كانت تبيكي وامارات الدهشه على وجهها وهي تطالع رجلها ماتحس فيها كانها مو رجلها
بندر: لاتصيحين راح تكون هذي الفتره فترة تغيير بحياتك ماراح تنسيها
واخذ القلم من جيبه وهو يبتسم وكتب لها على الجبس ) اذا قرب الرحيل فلم تروني*** فهذا خط قلمي فتذكروني وتوقيع بحرف b والتايخ )
دلع سكتت وقعدت تطالع رجلها لانها كانت مو مصدقه: ايش كتبت
بندر وهو يبتسم :بعدين تعرفي ... خليه يكون لك فتره ماهو برجلك دفتر ذكرياتك يذكرك بالناس الي حولك ... بس ها ماهو تشيلينه وتنسين كل الي بيكتبون لك وياه...
دلع بعد صمت :انا متى بطلع
بندر وهو بيطلع : بعد اسبوعين
دلع :ايــش
بندر: ... ما مداك مليتي...وطلع
ورجعت للصياح الاان نامت
باليل الساعه 9 دلع بدت تصيح وهي تقريبا نايمه
فيصل الي كان جالس وياها :دلع ..دلع وش فيك
دلع : رجلي توجعني وتعبت من النومه على ظهري
فيصل :طيب انادي الدكتور
دلع :لا اشوفه قدامي ... ماعنده الا ابر
فيصل سفهها ونادى الدكتور
الدكتورخالد : سلامات وش تحسين
دلع : انا ماناديتك
الدكتور خالد :الدكتور بندر انتهى دوامه
دلع: مابي احد مابي ابره مابي علاج كافي و صاحت بقوه وصارت تئن بسبب رجلها
الدكتور: رجلك توجعك ماانقدر نسوي شي غير اننا نعطيك مهدئات هذي فتره حرجه ولا نقدر نحرك رجلك
دلع سفهته ونادى النيرس وعطتها مهدىء وقبل لاتنوم قعدت تسال فيصل عن امها
فيصل : والله يادلع ... انا مانسيتها بس شكلهم طالعين مايردون ... وهذاني جبت موبايلك بس رقم امك ماهو مسجل عندك
دلع وهي تتنهد: ايه ماهو عندي عشان مزون لايحصله عندي وياخذ الموبايل مني ... تعرف يكره امي
فيصل : لها الدرجه وصلت فيك النذاله يامازن حسبي الله عليك
والتفت لدلع ولقيها رايحه بسابع نومه
اليوم الثالث لدلع بالمستشفى صارت احسن من قبل بس نفسيتها كانت تعبانه وبحاجه لامها
بندر وهو يدخل يطمئن عليها : ها دلع بشريني عنك اليوم
دلع : الحمد لله ... بس امي ماجات ... ابيها ولي يسلمك
بندر : ان زين انتي اعطيني رقمها وانا اطلبها
دلع وهي تنزل عيونها بحزن : رقمها ماهو معي بس انا مسجلته عند صديقتي
بندر : انزين معاك موبايل تكلمينها
دلع : ايه اخوي جابه في وحده من الشنط ذي
بندر استحى ينبش باغراضها وطلع موبايله من جيبه وقال لها تتصل على زميلتها
ما عارضت دلع وخذت الموبايل منه واتصلت على صديقتها اريج
اريج وهي تنعم صوتها : الووووووو
دلع :هاي اريج
اريج : وعليكم الهاي ... هذا انتي وانا اتميلح على بالي واحد مضيع
دلع وهي تبتسم غصب :ماني فاضيه لسوالفك ..بس بغيت رقم امي
اريج : دلع اشفيه صوتك تبيني انا اكلمها
دلع : لا الله يسلمك اعطيني الرقم وانا اكلم ... وبعدين انا في مستشفى......... اذا تقدرين تمريني
اريج : ليه سلامات عسى ماشر
دلع بابتسامه بارده : كالعاده مطاردات توم وجيري
بندر في نفسه ( يالبى قلبي مهونتها عن نفسك غصب )
اريج :ياعيني .. اكيد راح امرك .وذي يبي لها سوال ... واذا تبين بعد اتصل لك على امك اتصل عادي
دلع : لا مايحتاج انا اكلمها احسن عشان ماتنجلط لادرت ... عاد يالله اروجي طولتي علي وفشلتيني من الادمي الي اتصل من موبايله
اريج : الدكتور... كيف شكله حلو ولا مايستاهل
دلع : ايه اخلصي الرقـــــــــــم
وسجلت دلع الرقم في الموبايل وقفلت واعطته بندر عشان يتصل لانها ماتعرف لجهازه وخافت لتخربه عليه
اخذ بندر الموبايل وهو مبهور من لباقة وادب ها البنت...وضغط على مفتاح الاتصال .... وشوي الاوتجيه مفجاءه
كانت راح توقف له قلبه ... شي خيال ..حلم ...مستحيل كان يتوقعه ... جار الاتصال ..
دلع الي شدها ذهوله نادت عليه بخوف : دكتور ... دكتور في شي
بندر والي الى الان مو مصدق :هاه .. لا.. بس الرقم ناقص انتي شكلك نقلتيه خطاء
دلع : اكيد هذي المطفوقه اريج عطتنيه بسرعه .. الله ياخذها
بندر اتصل على اريج واعطى دلع الموبايل وقال لها ترسله بطاقة اعمال
وفعلا قالت لها دلع وما تأخرت أريج
بندر : ان زين دلع ... شكل الوالده ماترد على ارقام ماتعرفها وانا راح اتصل فيها من الهاتف الثابت واخبرها بهدوء
دلع وهي تتنهد : طيب
بندر : يالله تامرين شي
دلع : ايه ... ابي جلال و ابي اصلي وماعرف شلون اتوضاء والنيرس فلبينيه مافهمت علي
الدكتور: اها مو مشكله نجيب لك نيرس مصريه تقدر تساعدك
دلع: :مشكور
الدكتور: مع السلامه
طلع بندر من عند دلع وكانت نهاية فترة دوامه وعلى طول راح مكتبه واخذ ملف دلع الي تركه على المكتب وقعد يقراءه والي اثار تعجبه عمرها
بندر وهو يقفل الملف : يااااه معقوله هذي عمرها18 سنه والله مبين اصغر يعني كبر اختي نجلاء... اه يانجلاء اه ه ه
طلع بندر من المستشفى وباله مشغول وتعبان ...صار قلبه وتفكيره متعلق في هذي البنت اكثر واكثر ركب بندر سيارته ومشى وهو مقرر انه يروح لبيت عمه وطلع موبايله و ودق على مشاري الي ماتاخر في الرد
مشاري : ياحي الله ذا الصوت
بندر : الله يبقيك ... وشلونك ... ياولد العم وشلون الاهل
مشاري : مناح نشكرفضل الله
بندر :هههههه اخس يالبناني ... بس لايكثر ... اقول مشاري عمي موجود بالبيت
مشاري : ايه الوالد اهم شي عنده قعدة المغرب ويا حبيبة القلب ... أي ..اه ويكلم ابوه ..هماها حبيبة القلب ولا انا غلطان....
بندر: هههههه اجل انتظروني على ها القعده الحلوه الحين جايكم ...يالله سلام
انهى بندر المكالمه وسرح بافكاره وهو ناسي انه واقف بالاشاره ومانبه الا اصوات بواري السيارات من وراه
جفل بندر من الاصوات ...الناس حيل مستعجلين ... ؟ وعلى ايش تنهد بندر و اخذ يردد ثم
اول الناس انتي .. وكلهم ..
وآخر اللي عيوني .. تملهم ..
لو تحبيني .. هذا يكفيني ..
اسكني عيني .. ونامي ..
انتي يانوري .. وظلامي ..
ياقمرهم .. كلهم ..
أعدل الناس .. وازينهم خجل ..
واغلى من الناس .. في وقت الزعل ..
واجمل اللي حصل لي .. وماحصل ..
لو تحبيني .. هذا يكفيني( بدر بن عبدالمحسن)
( بندر كان من محبين الشعر ولدرجة الجنون بعد ويحب المقناص وعلوم الرجال ابوه رامي كل حمل اخوانه عليه ولاهي ويا ابله وحلاله ..وله مكانه بين عمامه وعيالهم والكل يحسب له الف حساب27 سنه اسمر حلو ومملوح طويل وعريض شعره اسود وشوي طويل وعيونه نواعس وجذاب .. توه راد من بريطانيا دارس الطب هناك وهذا بداياته في العمل
......................... ......................... ........
اما في بيت ابو سلطان
مشاري : يبه هذا بندر يقول الحين بيجينا
ابوسلطان : اللهم اجعله خير
ام سلطان : وش بلاك هماه ولد اخوك يجي باي وقت .. لازم يكون فيه شي
ابوسلطان : والله قلبي ناغزني ..بندر ماعمره جاء بها الوقت
سلطان : يمكن يبه يمكن جاي يخطب وحده من ها المقرودات
ابو سلطان وهو يبتسم ويطالع بناته : والله هذا يوم المنى ليته ..
هبه : وععععععع ماقعد الا ذا الي شايف نفسه تاخذه هبوش بنت عبدالله
مشاري وهو قايم ويرميها بالمخده : والله لو يصح الك كان مسكتي فيه باسنانك بس انت داريه انه مايتنازل ياخذ بلوى زيك
الكل :هههههههه
هبه عاجبك يبه ...هين يامشاريوه يا لثور اوريك وطلعت حجرتها زعلانه ... ولحقتها دانه عشان بندر بيدخل وهي مامعاها جلال
مشاري : ياولد طريـــــــــق
سلطان : اقلط يا بندر حياك
ابو سلطان : هلا والله بالغالي
تعدلت ام سلطان وتمت جالسه يم زوجها الي كانو يتقهون بالصاله ...
بندر "السلام "
وسلم على عمه عبدالله قبل لا يقوم ...
ابو سلطان بابتسامه "هلا والله بالغالي "
بندر : هلا بك .. وشلونك عمي عساك بخير .. وشلونك خالتي ام سلطان عساك بخير
ابو سلطان وام سلطان : الحمد لله وشلونك انت
مشعل : ياهلا والله بندرمن زمان ماشفناك سم ... ومد له فنجال القهوه
بندر : اسلم ... انا معذور مشغول بس انت قولي اش وراك
مشعل : وراي الباب
الكل: هههههههههه
وبعد ماتقهوو وشربوا الشاي وبل الاذان بشوي ناظر بندر ساعته وشاف انه الوقت المناسب عشان يخبر زوجة عمه وبعد فترة صمت قصيره رفع راسه وشاف الكل يناظره وكانهم حاسين ان بيه شي وهذا الي شجعه انه يتحكى
بندر وهو يطالع عمه:قبل يومين جاتنا بنيه صغيره في عمرها جايبها اخوها ومعالم وجهها مختفيه من الطق ورجلها مكسوره ونزفت دم كثير وكنا نظن انها ماراح تعيش او انها راح تتاثر بسبب الطيحه الي على راسها.. بس البنت كانت قويه وقاومت وكنا راح نطلب الشرطه بس حبينا انا مانستعجل احسن لحد مانشوف ملابسات الموضوع ( الكل تعاطف مع السالفه وضنو انه يبي مساعده ماليه لها البنت )
ابو سلطان : قول ياولدي اذا تبي فلوس لذا البنت ترانا حاضرين ...
بندر : خل اكمل ياعمي بعدين اقولك اش ابي
ابو سلطان : السموحه ياولدي كمل
بندر : ومالكم بالطويله .. انا فهمت من اخوها ان اخوها البكر وزوجة ابوها اهم ......................... .................. المهم اهي الحين بخير وباحسن حال وبصحه لايعلى عليها وراح تخرج من عندنا عقب اسبوع عشان رجلها المكسوره ... وهي عطتني رقم امها عشان اتصل لها عليها وفعلا اخذته ودقيت نفس الرقم الي سجلته هي بجهازي ولما اتصلت ...وطالع يم ام سلطان ... جاني مكتوب جاري الاتصال بام سلطان ... وماخبرتها ولما اخذت ملفها لقيتها دلع بنت راكان الـــــ
طالعوا الكل ام سلطان الي كانت تصيح بصمت والي خفف عليهاالصدمه اسلوب بندر لانه قال لها في البدايه وضع بنتها الي مايخفى عليها ثم خبرها انها بنتها الكل كان متفاجئ ب لموضوع معقول ..ابد ماخطرة على بالهم اختهم يصير فيها كذا وهم مايدرون
ام سلطان : سالتك بالله الي ماتنام عينه بنتي فيها شي
بندر بابتسامه كلها حنيه : لا يا عمتي دلع مافيها الا العافيه ... واذا تبين اوديك لها الحين فانا حاضر
ام سلطان وهي قايمه : أي والله يوما الحين اجهز
بندر : بس على شرط عمتي
ام سلطان : امر يوما
سلطان : دلع ماتدري اني اصير لكم .. ولا ابيها تدري
سلطان : ليه ياولد العم
بندر : لاتفهموني غلط ... بس انا المسؤل عن حالتها والبنت خجوله واخاف لادرت ترفض اني اكمل وياها علاج وهي يالله بالقوه تاخذ علاجاتها
مشاري : فديتها والله اختي راسها يابس
اذن العشاء وراحو الرجال يصلون بالمسجد عبال ام سلطان ماتجهز والي الدمعه مافارقتها من عقب ماخبرها بندر
ام سلطان وهي بدارها تجهز روحها عشان تروح لدلع
......: تك تك تك
ام سلطان : ادخل
عبير وهي تشوف خالتها لابسه عباتها : على وين ياست الحبايب
ام سلطان : هلا يوما الله جابك
عبير : امري يالغاليه
ام سلطان : حكتها بكل السالفه ......... وابيك يوما تقعدين مع خواتك
عبير : امري يوما ماهو تشاورين هبه ودانه خواتي
ام سلطان وهي تشيل موبايله الي يدق : الله يبشرك بالجنه يابنتي
وردت على زوجها ابو سلطان : زين كاني نازله ... يالله مع السلامه
عبير مع السلامه
وصل بندر وعمه ام سلطان للمستشفى ودلهم على حجرتها وراح مكتبه
ويوم دخلت ام سلطان شافت بنتها نايمه ووجها الطفولي الملايكي مبين عليه التعب والضرب حاولت تصحيها بس ماصحيت ماقدر تمسك نفسها كان شكلها مبين فيه الالم كانت نايمه فيه جرح بوجهها قربت منها و شافت يدها مضمدة مجروحه والجروح كانت عميقه شوي ورجلها كانت كلها من اولها لاخرها مجبسه وكان الجبس عريض مره من اصابعها الا نص فخذها طلع قلبهاو تقطع على بنتها المحرومه منها اللي مبين انها تعاني من حياتها ويا اخوانها
ام سلطان : هئ هئ هئ يابوسلطان بنتي اش فيها ماترد والي يسلمك خل بندر يجي يشوفها لايكون صابها شي
ضرب ابو سلطان الزرار الي فوق السرير وجاه بندر جري
بندر : في شي
ام سلطان : بنتي ليه ماترد
بندر وهو يحس نبضها : ياعمتي خوفتيني .. وبعدين انا معطيها ابرة مهدي عشان الالم وهي الحين بسابع نومه وماراح تفيق الاالصبح
ام سلطان : اكيد
بندر : أي والله عمتي .. ويالله انا الحين اترخص ابرد البيت وباخذ عمي وياي وانتي اذا احتجتي أي شي رقمي وياك دقي ان زين وسامحيني عالقصور
ام سلطان : الله يعطيك العافيه ياولدي وينور لك طريقك يا يوما مامنك قصور
ابو سلطان : يالله يالغاليه سلامة دلع .. ابروح من الحين ازهب لها حجره عندنا باذن الله ماراح ترجع الا في بيتك يامنيره
ام سلطان : تسلم يالغالي انا اشهد انه مافي احسن منك ياسيد الناس
ابوسلطان : رضيتي عنا ياحياتي
ام سلطان : ابو سلطان ....
بندر :هههههههههه عنبوكم .... استحو ماتقولون ويانا عزابي عيب
عبدالله +منيره :ههههههههههه
بندر+عبدالله : يالله فمان الله
وراحو كل واحد لبيته ...اما ام دلع فقعدت جمب بنتها تصلي و تناجي ربها الين ما نامت
(..هل ياترى نلتقي وتخز أيامنا بالفرح وترتسم بلقياكم احلى ايام المنى ويضمني السعد والهنا وتجمعنا احلى الصدف ..)
الصباح فتحت دلع عينها ببطأ وهي تحس بالكسل .. وخدودها صايره مثل الجمر تحترق من كثر الصياح والدمع الي نشف فيها .. تحس بحراره على حدود شفايفها تفجرت دلع بالبكاء .. وقامت امها على صوتها وجلست يمها تمسح على شعرها: شفيك يا توؤم روحي>>> لاتصيحين يالغاليه
دلع: يوما حبيبتي (( مسكت يدها بترجي))لا تتركيني
صاحت امها اول مره تشوف بنتها الي دايما تمثل القوه كذا .. ضمتها لصدرها ظلت تقرأ عليها السور ه الى حافظتهم..
هدات دلع : يوما انا اسفه تعبتكم معاي
ام دلع : للحين ما تعرفين انتي شنو بالنسبه لي .. انتي الضحكه الى اضحك معاها والدمعه الى تطيح من عينك انا امك يادلع لولا الظروف ماكان هديتك يوما
دلع : فديتك يا بعد عمري
وجلست امها تصيح يمها
دلع :يوما انا بخير
وفجاءه انفتح الباب بدون احم ولا دستور الي خلى دلع وامها يطالعون للباب بذهول تذكرت ضربه وحقده واهاناته و جتها نوبه لما شافته حست بالقرف والحزن والألم حست بكره كبير له في قلبها صاحت وبين دمعه وثانيه كانت تتنفس وتشهق (لكم عاد تتخيلون الموقف) : اطلع يا مازن اطلع أنت منت اخوي ولا اعرفك انت اهنتني قــ.. ... ذبحتني بالحيا
و صارت الدموع تنزل من عيونها بغزاره دموع غير عن دموعها اللي اعتادت كل مره تبكيها .... بكاها مو أول مره يصير بسبب مازن ... بس كل المرات كانت تصيح بسببه .. بس المره بسبب الي قاله عنها ... و هاللي سواه مثل سكين حااادة انغرست بقلبها .. الصفعات لو جت من غريب ماتهم ولا تذكر ... بس هي جت من اخوها وما تداويها الأيام. اخوها الي المفروض يكون لها سند وعزوه بعد موت ابوها .. مهما كان جرحها بسيط الا ان تأثيره قوي .. ورغم كثر غلطاته الا ان غلطة ها المره غير .. لأنها طعنه في الظهر في شرفها
دلع بهستيرياء : يوما طلعيه من هنا يوما اااااااااااااااا ... اطلع يانذل ..براااااااا . صرخت دلع بأعلى صوتها.. ما ابي ارجع معاك خلاص يوما اااااااا ... طلعووووووه ... يمه شوفيه شوفيه بيضربني احموني منه وخروه عني يمه نادي الدكتور ناديه. صارجسم دلع يرتجف وهي تصارخ وشكلها صار يكسر الخاطر
ام دلع دقت الجرس والخوف على بنتها ومن الحاله الي صابها نستها وجود مازن
مازن : اقول خلي بنتك توفر دموعها الين ماترجع البيت وراءنا حساب طويل ... ولاتفكرين انك راح تاخذينها وياك ... كااااافي المسخره الي هي بيها
منيره: أطلع برا بسرعة أختك ما تبي تشوفك
مازن : ماهو بكيفها
منيره حطت ايدها على الجرس وعلقت عليه ...وصارت تطالع مازن وهي تقول : انت تفتقد لرجوله في شخصيتك ..انت انسان منحط وقوتك ماتقدر تفرغها الا في الضعاف ياولد شما ... الحين نطلب لك الشرطه
ماخلصت منيره كلامها الا والدكتور خالد داخل ومعاه كم دكتور على بالهم ان فيها شي
الدكتور خالد وهو يروح لدلع الي شاف حالتها حاله وتصارخ : خير اش صار اش فيك دلع ... دلع خليك اقوى من كذا
دلع من شافته امسكت في البالطو الي عليه : خله يطلع بـررررررره مابي ارد وياه مابي ارد عشان يقتلوني
الدكتور خالد وهو يطالع مازن : لو سمحت اخوي اطلع بره
مازن : فوضي ذي ... اطلع بره هذي اختي وراح تطلع وياي الحين غصب عنك
الدكتور خالد : لوسمحت دكتور هزاع اطلب الامن واطلب الدكتور بندر
الدكتور خالد وهو ماسك دلع الي غابت عن الوعي : دلع ... ردي دلع خليك اقوى يادلع ...( ورد يكلم مازن) . عاجبك الي سويته في اختك ... انت ادمي ماعندك ذرة احساس
ام دلع كانت ميته بكاء وخوف على بنتها وماسكه ايدها وتدعي لها
هنا دخل بندر وهو يدق مازن يايده عشان يبعده عن طريقه زي شي غير مرغوب فيه وراح لعند دلع
بندر : خير دكتور ايش فيها
د خالد : اغمى عليها لازم ننقلها للعنايه ...
بندربعد ماطلعو دلع للعنايه تذكر وعده لدلع انه راح يحميها منه فراح لمازن بشجاعه وتحدي : لولا اني انسان محترم ولا كان شتك برجلي بره لاكن اشكالك مايستاهلون انا نعبرهم ... سكيوورتي خذوه بره هذا مستشفى محترم
مازن بذهول واستسلام طلع برا المستشفى بدون مايحكي ولاكلمه .. وهو يفكر في قرارة نفسه انه ارتكب غلط كبير بس لايمكن يعترف بيه
اما دلع فنقلوها العنايه ...
ام دلع الي اتصلت على زوجها وعيالها : يابو سلطان شوفهم صار لهم ساعتين من دشو هنيء
ابوسلطان : ماعليك يامنيره هونيها مافيها الا العافيه ان شاء الله
ام سلطان : ان شاء لله
في ذا اللحظه طلع بندر ووجه منور ومن شافوه راحو له ركض
مشاري : ها بندر بشر
بندر : لا ابشرو اهي طيبه الحين جاها انهيار عصبي لاكن بسيط ان شاء الله اذا أبعدناها عن الي يزعلها ... بس يبي لها 24 ساعه عشان تستقر حالتها
ام سلطان : الله يبشرك بالخير ياولدي
بندر : واجبي يوما ... يالله تامرون بشي
ابو سلطان : ايه ياولدي نبي نشوفها
بندر : ان شاء الله بس بهدوء وانتبهو لاتزعلونها
مشاري : لاتوصي ... تراها الغاليه
راح بندر ودخلوا عند دلع الي كانت نايمه وتمو اخوانها عندها شوي بعدين
راحو وبقيت عندها امها وخواتها الى الساعه 9 بالليل وقت ماصحية دلع
دانه تناظر دلع الي كانت مسكره عيونها والتعب واضح على ملامحها ومعبسة وجهها .. !! ومادرت هي نايمة ولا لاء الا يوم شافتها تحاول تبلع ريقها بألم بسبب البنج اللـّي الي كان بحلقها !:يوما دلوعه صحيت..
قربت منها امها وقالت بحنان : دلع حياتي .. فتحي عيونك حبيبتي الحمدلله على السلامة !
فتحت دلع عيونها بوهن وحست انها مو بالدنيا ومدت ايدها.. ومسكت امها إيدها بسرعه واخواتها من حولها يقولون : الحمدلله على سلامتك يادلع
دلع بوهن: اه ...ابي مويه
دانه راحت ركض وجابت لها مويه وشربتها
دلع : مشكوره دانه
مسكت امها ايدهاوصارت تقراء عليها المعوذات
دلع بابتسامه : يوما كافي .. ما اقدر عا الدلع
هبه : ايه وش عليك الجو يشجع لدلع بس ملحوقه عا الكرف في البيت
دانه : ايه دلع بسرعه خفي بابا جهز لنا حجره انا وانتي تاخذ العقل
دلع بابتسامه : الله يخليه لكم
دانه : ويخليك لنا ان شاء الله
ام دلع : طاح الشر ان شاء الله يوما
دلع : ان شاء الله
تك تك تك : وفتحت النيرس الباب وقالت لهم ان الدكتور بيدخل
دلع : ماماتي ابي جلالي
هبه : وشهو له الجلال هماك طول النهار بين ايدينهم ماقعد واحد هنا ماشافك
دلع : واذا يعني خلاص لاشافوني صارو حلالي
دانه : ههههههههه ماعليك من داعية التحرير لا تخربك وغطتها بالجلال والبنات بعد تغطوا ودخل بندر
بندر ها كيفك دلع الحين
دلع : زينه بس ابي اطلع
بندر وهو يقيس الضغط عندها: بس احنا مانبيك تطلعين مونستنا
دلع : بس ان مليت ابي اطلع
بندر : ابشري يومين ان شاء الله وتكونين بالبيت
دلع وهي متشققه من الوناسه : صــــــدق
بندر وهو طالع : ايه اذا اهتمتي شوي بأكلك ونفسيتك راح تطلعين
دلع : ان شاء لله .. وطلع بندر من الحجره
هبه كانت طايره عيونها في بندر وماخذته قز من اول مادخل
دانه : هبوش استحي اكلتي الرجال
هبه : خليني امتع عيني بالجمال بدل مقابلة خشتك لوعتي كبدي
دلع : ههههههههه... ماعليك منها دانه مفجوعه ذي الله يستر عا الرجال منها
هبه : حشى ماصارت كلمه كلتني
مرة ليلتها حلوه ويا دانه الي قعدة يمها بدال امها واليوم الثاني بدو يجون الحريم قريبات واهل وصديقات ام سلطان وحريم عمانها وبناتهم
اليـــــــــــــــوم يوم خروج دلع من المستشفى
مشاري : بعد اليوم يابندر ماراح نفشلك احنا والجيوش الي مرتصين عشانا
بندر : وش دعوه ماحد على حسابك
مشاري : قلت شي
بندر : لا سلامتك بس اهم حاجه الدواء في مواعيده وبعد شهرين تجون نفك الجبس ونسوي صوره مقطعيه للراس
مشاري : ماتقصر يابندر اذا خلصت الشهرين تعال خذها وياك وانت رايح لدوام مره وحده وقوم بالازم
ابوسلطان : ماعليك منه يابندر ذا ماينعطى وجه ابشر انا بنفسي اجيبها
مشاري : وش دعوه يبه ماصارة مزحه
بندر: لا مشاري .. اهم شي الفتره هذي مابيها تعرف من اكون
الكل : ان شاء الله
اما في غرفة دلع
مشعل وهو يشيل دلع ويحطها في الكرسي المتحرك : اوه ياثقلك كسرتي ظهري
دلع : وش دعوه كلي50 كيلو
مشاري : والجبس خمسين صارت ميه
الكل :ههههههههه
دلع : لاتحاولون ماراح تعكرون مزاجي ومدة لهم لسانها وقعدت تغني
حسيت في أخر زيارة
شئ بعيونك مختلف شئ بحديثك مختلف
حتى سكوتك مختلف وصرت بشكوك
شفت الحقيقة بعيونك تعترف
موقف أبد ما ينوصف ..
وين الكلام ..؟
وين الحرارة في السلام ..؟......كبيرررر...وسكت فجاءه
مشعل : علق الشريط
مشاري :لا في ضيوف غير مرغوبين
بندر الي كان واقف من بداية الاغنيه وماوده انها سكتت ولا وده انها تطلع : لا ماشاء الله لو داري انك بتستانسين كذا كان من بدري مطلعك
ابو سلطان فيك البركه يابوك .. ( اما دلع راحة فيها من الخجل .. والباقين ضحك عليها )
بندر : اسف .. ياعم ماكن قصدي ادش كذا بس هذي اغراض دلع اخذتها منها اول ماوصلت المستشفى ... واعطاءها ابو سلطان في ايده وطلع وصوت دلع في راسه وكلمات الاغنيه على لسانه ...اما ابو سلطان بدوره اعطاءها دلع
دلع وهي تشيل الغطاء من على وجها : ياااااه والله فكرتها ضاعت مني..وصارت دموعهاتنزل بحراره
دانه وهي تحظنها : ليه دلع الصياح خلاص كاهي بايدك
دلع : والله من الفرحه هذي اغلى هديه من الوالد ... وضمت السلسال والساعه لقلبها وباستها ولبستها
منيره :يالله
ابو سلطان : يالله ياعيال مشينا .. الحقونا
وراحو ابو سلطان وام سلطان بسرعه لسياره
اما مشاري فما طلع من المستشفى الا بعد ماسوى خمسات وتفاحيط باسياب المستشفى
ودلع مستانسه وايد وناسيه مازن وطوايف مازن .. الي مانسيها وقاعد يدبر و يحرض في اخوانه وعمامه عشان يذلها ....
نــــــــــــهاية البارت الاول ....
ردودكم ما استغني عنها انسوني وشدو همتي بيها ومــــــــا استغني عن اراءكم .....
[/ALIGN][/CELL][/TABLE1][/ALIGN]
رد مع اقتباس
رد: عطني من ايامك نهار وباقي العمر للي تبي (روايه رومانسيه تجنن)
عطونا وجه ياناس با اضافة رد وشلون ابعرف اذا القصه عاجبتنكم
مواقع النشر (المفضلة)