[table=99%][tr=tcat][td]وزارة هنوريك اللى عمرك ما شفته[/td][td]توكل على الله[/td][td]المادة : كوكتيل[/td][/tr][tr=alt1][td]إدارة مالهاش لازمة[/td][td]اختبار الدور الأول[/td][td]الزمن : انتهى من زمان[/td][/tr][tr=alt2][td]مدرسة لن ينجح أحد[/td][td]20050[/td][td]الصف : كله على بعضه[/td][/tr][/table]
اسم الطالب : ناسي البطاقة في البيت يا معلم
نوع الطلب : علمي علمك
عدد الطلبات : طلب واحد شاي
عنوان المنزل (( في حالة الانتحار أو الوفاة )) : أول ناصية على إيدك اليمين
تليفون المنزل : اتنين صفر و اربعة خضر
هذا الامتحان برعاية بيبسي كولا
دلوقتي .. بيبسي الصاروخ بجنيه واحد بس ... هتفضل تغلى لغاية ماتبطلها (( وراك وراك ))
ملاحظة : أجب عن الأسئلة التعجيزية التالية و عددها ( 6 ) إجباري و ( 1 ) اختياري على أن يكون مجموع الأسئلة (7).
ملاحظة : عجلة الجاذبية 9.8 ( في حالة إنك حبيت تنط من الشباك )
يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة عشان يديك يا حلو ))
السؤال الأول (20 علامة )
===============
قال ريكو في أغنية (( خلي الشعب يعيش )) مايلي :
راحت عليكي الدنيا .. وراح زمن الشهادات
و بقيتي يا دنيا ماشية عالسقفة و عالصاجات
هزيها براحة براحة .. تفضلي على طول مرتاحة
هزيها بشويش بشويش .. خلي الشعب يعيش
الأسئلة
=====
1- اشرح الآبيات الأربعة الأخيرة من النص بما لا يقل عن 90 سطرا باختصار شديد (9 علامات)
2- لماذا أكد الشاعر على القصد الشريف و النية الصادقة ، و علام يدل قوله (( هزيها بشويش بشويش )) ؟ (3 علامات)
3- استخرج من البيت الأول محسن إبراهيم و محسن إسماعيل مبيناً نوع كل محسن منهما . (3 علامات)
4- استخرج من البيت الثالث صورتين فوريتين مبينا نوع الكاميرا (3 علامـات)
مساحة خالية للإعلان : واحد اتنين .. الجيش العربي فين
السؤال الثاني : ( 8 علامات )
=================
اعط أسباب ما يلي مع شرح وافي :
(( ياعم كبر يا عم بص .. ده حتى بص ده الواد بيلظ ))
========================= =====
1- تم نقل السوق المالي إلى سوق السمك ؟ (2 علامـة)
2- إقبال الناس على شراء نوكيا 9990 و عدم شراء نوكيا 9900 ؟ (2 علامـة)
3- إغلاق شبكة الأخبار PNN بعد زواج شارون ستون ؟ (2 علامـة)
4- أسباب اندلاع الحرب بين ..... ما فيش فرق، اختر أي حرب، ماهو انت هتعيد كده كده ؟ (2 علامـة)
========================= =========================
أخي الممتحن أقلب الصفحة : والله لتندم عالساعة اللي دخلت فيها المدرسة
السؤال الثالث : اختياري (5 علامات)
======================
ما اسم الراجل اللي حط كرتونة مياه ( بركة ) المعدنية رقم - 966504 - في سيارة نقل القاهرة رقم - 125986 - ؟
( ورد ذكر اسم هذا الرجل في اكثر من مسلسل تليفزيوني )؟ (5 علامــات)
========================= ================
فاصل إعلاني : غمض عين فتح عين ... اشتري بيتزا تاخد اتنين (( هذا العرض ساري حتى نهاية الوقت المحدد للإمتحان ))
السؤال الرابع : (8 علامات)
================
ورد في قناة روتانا فيديو كليب " ليلي نهاري " للمخرج كاميرون كايسي و غناء عمرو دياب :
" أحكيلك أيه خلاص ما نت شايف من غير ما قول أكيد إنت عارف كلام كتير أنا نفسي أقوله وكلام كتير يا ريتك تقوله "
الأسئلة :
=====
1- ماذا كان يريد أن يقول عمرو دياب ؟ (4 علامــات)
2- ما نوع الكنبة اللي كان قاعد عليها عمرو في الأغنية , و ما اسم عامل السفنج في المصنع ( مع التوضيح ) ؟ (2 علامـــة)
3- ما اسم صبي الخياط بتاع أم الموديل اللي كانت مع عمرو في الكليب ؟ (2 علامـــة)
السؤال الخامس : موضوع تعبير : (20 علامة)
========================= ==
قال أحدهم : " حسن زعبولا .. ماشي بيتسلى .. محندق الجاكيتة و بيتعايق بالقلة "
اكتب نبذه عن حياة أبو حسن (( الحاج زعبولا )) و اذكر 3 أسباب عن سبب انفصال الحاجة زعبولا عن هندامة (( زوجته الأولى ))
بيبسي كولا المشروب الرسمي لهذا الامتحان
=========================
أخي الممتحن أقلب الصفحة أحسنلك (( أصلك مش عارف اللي فيها ))
السؤال السادس : ( 19 علامة )
==================
أجب عن أربعة فقط من الأسئلة التالية :
======================
1- ما رأيك بتصرفات " رفيع " و " فرحة " في مسلسل الضوء الشارد ؟ (5 علامــات)
مبيناً ماذا سيحدث في فيلم ( تيتو ) بعد مقتل ( تيتو ) في الفيلم و افتتاح مطعم ( تيتو )
2- ما رأيك بموقف " حسام " من " سرية " في مسلسل الحقيقة و السراب ؟ (5 علامــات)
3- من برأيك أقوى وأفضل بوكيمون - هل هو – بيكاتشو ؟ (5 علامــات)
4 – اذكر أسماء أبطال كابتن ماجد ، مع بيان فريق كل منهم . وما عدد الأهداف التي سجلها الكابتن ماجد في كأس العالم الأخيرة في كوريا و اليابان 2002. (4 علامـات)
عرض موبينيل الجديد من سمعان أبو رنة ، اشتري كارت بـ 330 جنيه و احصل على نص جنيه في الرصيد مجاناً
المستوى الغليظ : ( لرفع العلامة ) ( 20 علامة)
و ملهوش لازمة أساساً
أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية .
ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء .
انتهت الاسئلة
نلقاكم في امتحان الدور التاني إن شاء الله
ربنا يعينكم علينا
مع تحيات
بيبسي كولا
الراعي الرسمي للامتحان
منقول بتصرف
مواقع النشر (المفضلة)