موقف محرج

[امال]

السلام عليكم

موقف محرج , و نفذتوا منه بأعجوبة ....
يعني مثلا :

المثال الأول :
لما كنت بأول ابتدائي .. أنا و ولد خالتي شفنا خالتي نايمة ... و خطرت في باله فكرة جهنمية

ولد خالتي: سمول .. شرايج نحط لها ماي في %*$&* .. و لما تقعد من النوم بصير عبالها انها سوتها و هي نايمة هي هي هي

انا: ايييييي صج فكرة

رحنا حطينا لها اول مرة و هربنا وراقبناها من بعيد ... ما حست ...ثاني مرة نفس الشي
و ثالث مرة انا رحت بروحي لها و ولد خالتي يراقب من بعيد .....
و انا داخلة الغرفة شفتها قامت من النوم و عيونها..

مو مستوعبه الموضوع .... تتأمل في الماي و تفكر شوي ..
و شافتني .... انا ما عرفت شسوي قلت انا مكشوفة مكشوفة ....شفت كورة حنب سريرها

انا: لقيت الكورة في الغرفة جنب السرير >>>> ما اكلم احد .. بس اطلع نفسي من الورطه لأانها بتقول المجرم رجع الى ساحة جريمته

و طافت السالفة و سجلت عليها جول <<<<<< متأثرة بالمونديال

المثال الثاني:
في ثاني متوسط ... منعت المديرة الطالبات انهم يقعدون في الصف أثناء الاستراحة
انا ركبت ... و من حسن حظي توني طالعة من الصف و شافتني

انا وقفت شوي اطالعها و ناديت : تبين اي دفتر مللتيني <<<<< ما في احد اكلمه طبعا
و هي تتلفت يمين و يسار مستغربة من اكلم ..... خخخخ

وقفت شويه و رحت دخلت الصف و خذيت اي دفتر و طلعت مرة ثانية و هي واقفة تنتظرني .
انا اكلم نفسي مرة ثانية: هذا الي تبينه ؟ ... اوكي الحين جاية .
و نزلت ......... و سجلت عليها جول مرة ثانية

المثال الثالث:
في الثنوية...من الصبح امشي رايحة الصف ...كنت شويه و انام و انا واقفة ...
دخلت صف غلط
و طبعا حسب خبرتي الطويلة في هالسوالف ..
انا: بنات في وحدة في صفكم اسمها فاطمة محمد ؟
البنات:لا
انا: اوكي شكرا

ههههههههههههههههههه طافت ... و هذا الهدف الثالث

اذا صار الى احد منكم مواقف تشبه هذي ...ياريت يشاركنا
و مشكورين

[المودة]

هذا موقف حقيقي صار لي وما راح أنساه ما حييت :

قبل كم سنه كانت إدارة المرور عبارة عن فوضى عارمه بمعنى الكلمة والنفسيات سيئة عند موظفيه لأبعد حد ... وكانت إستمارة سيارتي منتهية وبحاجة للتجديد ... إستجمعت قواي في يوم ما وجمعت أوراقي وفلوسي ... وعلى وين على المرور ... دخلت المرور الا ساحة فلا فيها عدة شبابيك ولكل منها رقم ... بدون لوحات أو وسائل توجيه ولا يعرفون شيء إسمه إستقبال ... يا ربي وين أروح ... على طول على أقرب شباك ... السلام عليكم ... تجديد الإستمارات وين ؟

طبعا الموظف من اللي نفسياتهم يا سلام سلم ... ما رد السلام ولا فيه أمل يرد ... هذا اذا هو سمعني أسلم اصلا ... المهم قال لي وقف في آخر الصف ... قلت تمام على الأقل وصلنا للشباك .

وقفت في آخر الصف وبما أني خدوم جدا زي ما أنتم عارفين :) صرت أي واحد يدخل ويسأل عن تجديد الإستمارات اقول له صف ورانا ... يوم وصلت الموظف بعد حوالي 3 ساعات ومبسوط ... ودي الله يسلمك أجدد هالإستماره ... وسلمت له الملف ... كانت المفاجأة أنه رماه علي ببرود وقال لي التجديد في شباك 3 وانا طبعا صاف مع شباك 5 أقرب واحد للباب .

ما راح أقول لكم ويش صار بعد كذا وهو انا جددت ولا ما جددت ولا أيش موقفي مع الرصة اللي صفوا وراي بناء على توجيهاتي ونصائحي وراح أخليها لكل واحد يتخيل الموقف والحلول ... بس اللي ودي أقوله أني من يومها ما دخلت أي إدارة للمرور .

تحياتي .

[صناع الحياة]

أكيد الأخ الفاضل أبو راشد باع السيارة عشان يرتاح من وقفة الشبابيك والانتظار ساعات طويلة فى الصف
مع الشكر
ولى عودة إن شاء الله تعالى للمشاركة فى الموضوع

[امال]

هذا موقف حقيقي صار لي وما راح أنساه ما حييت :

قبل كم سنه كانت إدارة المرور عبارة عن فوضى عارمه بمعنى الكلمة والنفسيات سيئة عند موظفيه لأبعد حد ... وكانت إستمارة سيارتي منتهية وبحاجة للتجديد ... إستجمعت قواي في يوم ما وجمعت أوراقي وفلوسي ... وعلى وين على المرور ... دخلت المرور الا ساحة فلا فيها عدة شبابيك ولكل منها رقم ... بدون لوحات أو وسائل توجيه ولا يعرفون شيء إسمه إستقبال ... يا ربي وين أروح ... على طول على أقرب شباك ... السلام عليكم ... تجديد الإستمارات وين ؟

طبعا الموظف من اللي نفسياتهم يا سلام سلم ... ما رد السلام ولا فيه أمل يرد ... هذا اذا هو سمعني أسلم اصلا ... المهم قال لي وقف في آخر الصف ... قلت تمام على الأقل وصلنا للشباك .

وقفت في آخر الصف وبما أني خدوم جدا زي ما أنتم عارفين :) صرت أي واحد يدخل ويسأل عن تجديد الإستمارات اقول له صف ورانا ... يوم وصلت الموظف بعد حوالي 3 ساعات ومبسوط ... ودي الله يسلمك أجدد هالإستماره ... وسلمت له الملف ... كانت المفاجأة أنه رماه علي ببرود وقال لي التجديد في شباك 3 وانا طبعا صاف مع شباك 5 أقرب واحد للباب .

ما راح أقول لكم ويش صار بعد كذا وهو انا جددت ولا ما جددت ولا أيش موقفي مع الرصة اللي صفوا وراي بناء على توجيهاتي ونصائحي وراح أخليها لكل واحد يتخيل الموقف والحلول ... بس اللي ودي أقوله أني من يومها ما دخلت أي إدارة للمرور .

تحياتي .

هههههههههههههههههههههه

[امال]

أكيد الأخ الفاضل أبو راشد باع السيارة عشان يرتاح من وقفة الشبابيك والانتظار ساعات طويلة فى الصف
مع الشكر
ولى عودة إن شاء الله تعالى للمشاركة فى الموضوع

وانا بقى اشتريت العربيه