لو البنات يحكمون العالم

**امال** · 04 / 05 / 2006 20 : 10 PM

البنت أحسن من الولد

بعد التدقيق والتدوير والتنقيب

أثبتت التحريات أن البنت أحسن من الولد والأسباب :

- تتكلم براحتها في التليفون وأبوها أو جوزها اللي هيدفع الفاتورة

- البنت مش ملزمه تجهز نفسها ابوها او خطيبها اللي هيدفعوا دم قلبهم

- مفيش حد بيبص علي بدلة العريس كله بيركز في فستان العروسة

- لو واحدة عملت مخالفه مرور تعيط شوية للظابط وهو يعديها لو راجل هياخد علي دماغه

- لو واحدة لم تعط لقرايبها عيدية مفيش حد هيتكلم ولا يقول ياه دا راجل تبت وبخيل

- لو واحدة متأخرة علي المحاضرة ممكن الدكاترة يدخلوها لو ولد يقولوله روح يا بابا كمل بره في الشمس

- لو حصل زعل بين البنت وأبوها مش هيطردها بره البيت بس هي يدوب تدخل الأوضة وتعيط شوية وبابا يروح يصالحها أما الولد فيدوب يلحق مكان ينام فيه جنب البواب

دلع البنات :

ياختي قميلة ( سنتين)

يا عسولة (5 سنين)

يا عروسة (12سنة)

يا قمر (18سنة)

يا هانم (40 سنة)

يا ست الكل (50 سنة)

يا أم العيال (60 سنة)

دلع الأولاد:

انت ياد (10 سنين)

انت يا شحط انت بقيت طول الباب اهوه (18 سنه)

يا راجل (40 سنه)

يا عم الحاج (50 سنه)

يا راجل يا عجوز مناخيرك أد الكوز (60سنه)

شفتوا بقى إن الولاد مظلومين أوى وحقهم رايح

**المودة** · 05 / 05 / 2006 25 : 12 PM

لو اردنا أن نتحدث بجدية عن الموضوع لإكتشفنا أنه لا البنت أفضل من الولد ولا الولد أفضل من البنت ... فكم من بنت تعتبر عن الف ولد وكم من ولد يعتبر عن الف بنت وهذا راجع لإعتبارات عدة ... تحياتي .