•°§°• مسجــــــــــات •°§°••°§°• مسجــــNewـــــات•°§°••°§ °•مسجــــــــــات •°§°•

[صدى المجمعة]

[align=center]
•°§°• مسجــــــــــات •°§°••°§°• مسجــــNewـــــات•°§°••°§ °•مسجــــــــــات •°§°•



أبي أرحل لعالم ثاني..
أنسى فيه كل زماني..
وأوعدك إذا رحلت
راح أقسي قلبي وأسجنه..،
لكن مع هذا وذاك..
أعرفه قلبي ماراح ينساك..
باقي على ذكراك؟؟
لو هجرته.. لو طعنته.. لو ذبحته..
بيظل يهواك ويهواك..
الين تدفنـــه ..
(( بيمنــــــاك))..!



عرفتك صادق الإحســاس..
عرفتك غير عن هالناس..
تداوي الجرح..
وتجبر الخاطر المجروح..
حنون القلب..
وكلماتك ترد الروح..
تعطي ولاتاخذ أبد..
وماظن في مثلك أحد..
أنت بحر ماله حدود..
أنت عطر كل الورود..
روحك كلها طيبة..
وغيرك أنت وش لي به..؟




أن قلت
" واحشـــني "
ترا ماتوفي..
وإن قلت ..
" توحشــني "
ترا ماقلت لك شي..
وإن قلت لك وحشـــه..
أبد ماتكفيـــي..
وشلون أعبر لك إني بجـــد
" مشــــتاق "


صرت أتشفق شوفتك يوم بالعام..
من عقب منت عندي العام كله،،
وأصرخ على ماضي الهوا مثل الأيتام..
ومثل الطفل لين فطم قبل حله،،
أحدن تمنى شوفته طول الأيام..
وأحدن تشوفه ساعتين وتمله،،





في غربتي صارت جروحي قصايد..
أصدق مشاعر تنكتب فوق الأوراق
سطرتها بدموع عيني شهــايد..
وأهديتها للي لهم دوم مشتاق..
الوقت خلى أحباب عمري بعايد..
عايش وحيد بين حسرات وفراق..



لو تغيب سنين
أويوم
وشهور..
ناذر منساك
يالغالي نذر..
لك بوسط القلب
يالغالي جذور..
وكيف يحيا القلب
لامات الجذر..


كل ماذكرت عمري ماذكرت الا
وفاك..
ولو أدون ذكرياتي ماانطبع فيها
سواك
أنت أوفى من لقيته زدت عن هذا
وذاك
لاتقول أني نسيتك أو أفكر في
جفاك
لو تمنيت الأماني ماطلبت إلا

..+ لقـــــاك ..+


تخيل أني اختفيت..؟
ضعت أو اني نسيت..؟
تخيــل معي..
لو تدور لو تسأل ..
"عني" مالقيت ..؟
ولو قالولك أني من هالعالم انمحيت..؟؟
وفجـــأهـ..
أخذتك الذكرى وسهيت..
تذكرت رقمي وحنيت ..
وقتها ياترى وش بترسلي ..؟


لاتلوم القلب لو ولع حريقه ..
بالصبر عن فقد شوفك مايطيق..!
الصديق ان غاب ماينسى صديقه..
وأنا ماغيرك هوا قلبي صديق ..
خل نفسك ياهوى بالي شفيقه..
لاتخليني وحيد بليا رفيق..
بعدكم يانور عيني مانطيقه..
في غيابك عايش مثل الغريق..!


وين أنت ياللي مابقى غير ذكراك..؟
يالي على فرقاك روحي عليله ..
العام يوم اني على طول وياك..
عيني بعينك خل يعشق خليله..؟
حدتني الدنيا على يوم فرقاك..
ظروف وقت وشوفتك مستحيله ..


من وين أبتدي..؟
..+احساسي من يمك غريب..+
عندي شعور بحيرتي..
وتغلبني مره غيرتي,.,.
ودي أجي مثل الطفل
أحضنك وأنسى دنيتي..
ومرات ودي أسألك ..
ومرات ودي أعشقك..
ومرات ياخذني الوله..
ومن كل قلبي.. أفقدكـ ,...


صدقني أحبك لو كنت نساي..
وأموت في حبك ولو ماتبيني ..
خذ وقتي الحاضر وخذ وقتي الجاي..
وأن مامداك تحبني خذ سنيني..
أن جيت ابشكي حالتي أنت مشكاي..
وأن جيت أكرر نظرتي
فأنت عيني..


ذعذع هبوبك وامتلى محجر العين..
يالي مع النسمات وصلك تمده ..
أشتاق لك وانساق سوق المجانين..
ماتدري ان الشوق قلبي يحده..
أن قلت لي بنروح ماقلت لك وين..
هاك الخفوق ووين مارحت وده..



تعبت أكتم قهر حبي وأعاند
كل حســـادي..
ولا ودي أحد يدري عن حياتي وش
جرى فيها..
أنا في يوم حبيتك..أحسه
يوم ميلادي..
قصايد قلتها لجلك كتبتك
في قوافيها..
اذا مات الأمل فيني يظل الشوق
بفؤادي..
وتبقالي حروف اسمك
قصيدة دوم أغنيها...



سلام ياسنا سامي سما فوق
السما واستدار بسموهـ..
سلام شارق بارق فارق عن كل
مايعتري جوهـ..
سلام دايم حايم غايم من
كثـــر نوهـ..
سلام مسطر معطر لغالي طرا
بالبال توهـ،




يامنتهى الــغايه..
وذوق المشـــاعر..
يا أروع شعور بحياتي قريته..
لي قلب مجنون
ولي روح شاعر..
وفيني عقل لولاك مني خذيته..
( ياشيخ أحبك )
لعنوبها رسايل..
ماتوصف الي بالحنايا
ضميته....،



سقيتني عذب الحكي من شفاتك..
وأحييت قلب مات من عدة أعوام..
مخلص وصادق دوم هذي صفاتك..
نادر مثيلك لو أدور مية عام..
أوعدك ماأنساك طيلة حياتك..
ويبقى فؤادي يذكرك طول الأيام..



تعال لحف عيوني
بليل عشت به لحظات..،
تعال سمعني سواليفك وهمساتك..
تراك الي تسافر بي عن أحزاني والآهات..
تراك الي تبعثرني وأنا الي جامع اشتاتك..
جدار الصمت يقتلني
ابيك تجدد الضحكات..
تراك الوحيد الي تزيل الهم ضحكاتك..،،


لاتنبهر..ماجاك من حبي قليل..
أنت تستاهل وأنا طبعي كريم..
أنت مامثلك بها الدنيا بديل..
أنت آيه صاغها الرب العظيم..
لو يشوفك فاقد العقل الهبيــل..
صار مامثله بها الدنيا حكيــم..
يكفي انك صرت للشمس البديل
والقمر في غيبتك يصبح يتيم..



ولهت في لحظة عليك
وقمت أسافر في ذكرياتي..؟
تذكرت لك معي وقفات
خلتني أبتسم ماأحاتي..
أنت بطيب روحك تملك الناس
وبطيبتك تمحي كل معاناتي..
وصرت أشكر ربي عليك..
لأنك من أروع الناس في حياتي..



ياما شربت السهر من
وحشة غيابك..،
والشوق في كل
عرق لجلك يبري
مشتاق اضمك في ضلوعي
حلم وأحيابك..،
وأسوق لك دمعتي
لامن قصر حظــي ..



أسأل عليك الليل وأقول وينك..
وروحي وعيني يالغلا يسألونك..؟
مرسال حب الأمس بيني وبينك..
والشوق ياخذني لمرسى عيونك..
أنت الوفى لأن الوفى في يمينك..
ومن عادة الوافي أبد مايخونك..



وحشــتني..."
كثــر فرحي بيوم لقيـــــاك..؛
وحشتــني..."
كثـــر دمعي بليل فرقــاك..؛
وحشـــني..."
كثر ضحكي أنا ويـــاك..؛
وحشـــتني..."
كثــر همي وأنا بليــاك..؛
وحشتـــني..."
كثـــر حبي أنا لطرياك..؛


لك وحشة في داخلي مالها حد..
في غيبتك كل المشاعر تنادي..
كل الوجيه اليا بغت عني تصد
أقول روحوا لاتردون عادي..
إلا انت أحبك موت وأشتاق من جد..
أحس لك وحشة تقطع فؤادي..




* أحبكـ *
لاتحسب كلمتي زلة لسان.؟
الغلا مايحتمل شك ويقين..
اللسان بساعة الشدة حصان..
والخجل مايبعده مسح الجبين..!
معك ينساب الحكي حب وحنان..
وكل شدة باس قدامك تلين..
مابقى للصمت في صدري مكان..
إيه *أحبكـ *
قلتها والله يعين..!!!



مسافة بيني وبينك..
وصوتك أقرب لقلبي..
أخايل صورتك بالروح..
ولا أدري كيف أوصلك..
أحبك رغم أسبابي
وأشد لعينك الترحال..
أبي لمسة من يدينك..
وأبي جو الهوى الحساس..
وأبي أنسى زمان الناس..
وأصحى وعينك بعيني..



أن كان تعذيبي يسرك ويرضيك ..
عطني عذاب وخذ بداله سعاده..
أهجر على كيفك ورد بتحديك..
وأنا بدال الهجر أحبك زياده..
لك مني أبكي كل ماحل طاريك..
لين البكا يصبح مع الوقت عاده..




مهما حصل مانفترق..
دام الأمل فينا صدق...
يمكن تغيرنا الظروف..
طبع الليالي ماتروف..
بس المهم ماننتظر..
دمعة تعاني وتحتضر..
وتبقى معي بنفس الطريق..
أصدق بشر وأغلى صديق .,.


بريد الحب ناداني..
وفوقني وصحاني..
هلابك ياعبير الحب..
هلابك يارفيق القلب..
هلا باللي ملك روحي..
أبهديلك أنا كلمـــة..
عساها توصف جروحي...

.. ، مشتاق لك حيل ..،


أيه أحبك قلتها والصدى غطى المكان..
والتفت من كان حولي..
مندهش من كلمتي..
ثم جلست أردد الكلمة الى وقت الاذان..
ثم ذكرت الله وهللت وبديت بدعوتي..
ربي احفظ من ملكني حبها طول الزمان..
ربي اكتب كل خير بدربها وبخطوتي..



ليه أحبك وانت لي هم وعذاب ؟
ليه قربك نار وفراقك جمر؟
ليه أشوف الكون بدونك خراب؟
ليه أحس اليوم بغيابك دهر؟
ليه أصدقك ومواعيدك سراب؟
ليه أكذب جيتك لي وانتظـــر؟
ظالــــمي...حلفتك برب الكتاب...؟
ليه كل ماجيت أعاتبك أعتــــذر...؟



أموت بنظرتك واعشق سكون
الحرف بشفاتك..
أبي أصبر على بعدك..
ولكن كل شي ضدي..
ولا أقدر على بعدك..
خلاص بشوفتك ودي..
حبيبي كانك المخطي..
حضنت بروحي زلاتك..
اذا عندك عذر مقنع..
انا هاللحظه ماعندي سوى..
حب ملا صدري يفوق الحب
في ذاتكـ ...،،




كانك تسلى بي كفايه تسليت
خلاص مافيني لمثلك تسالي
أكبر خطا اني من القلب حبيت
ووفيت للي بالهوى ماوفالي
الحب ماهو بس خذني وانا جيت..
الحب وقفه بين غالي وغالي..
كانك تجاملني بقولتك حبيت..
تقدر تبدلني وتلقى بدالي..



آسف على الغيبه ماكنت فاضي..
أسف على التقصير لاكنت قصرت..
رجعت لك حاضر ماني بماضي..
أبعتذر يمكن عليكم تأخرت..
حطيت في غيبتك الحب قاضي..
وحكم علي ارجع لو ماتبصرت..
رجعت قانع بحبك وراضي..
ماحد جبرني يوم أرسلت واشتقت..



تدري من أنا ...؟
أنا الي في ضلوعي قلب يهوى
حيل كلماتك..
أنا الي في عيوني دمع
يعاني طول غيباتك..
أنا الي في لساني قصيد
يطرب شفاتك..
وكل هذا ومثله وزياده
سببها هو غلاتك.. ..!



طال النوى ماجتني علوم الاصحاب..
لاواعذاب الي نشد عن عذابه ..
مدري أدور عذر لعيون من غاب..
ولا على ماقبل عذره غيابه..
مانيب في شيخ الحبايب بمرتاب..
تشيب عيني ماقطعت الرجا به..



وش اخبارك ياتاج راسي وعاليه..
ياغيمة جادت بأغزر مطرها..
أنت ربيع القلب وأغلى أمانيه..
عطر الحياة وأثمن دررها..
حقك كبير يعجز الشعر يوفيه..
ياوردة فاحت بأجمل عطرها..


ياويل قلبي كل ماجيت ابنساك..
القاني أتعلق بك أكثر وأكثر..
والي خلقني ماقوى البال يسلاك..
لانمت عيوني لك القلب يسهر..
وشلون أبنسى العيش والملح وياك..
أطلع
* رخيص الأصل*
لو قلت بجفاك وأقدر.....




إحتمـــال أنســــى ويأخذني الطريق
وإحتمال أعيش في ذكرى هواك

وإحتمــــال أبكيك ...أو صدري يضيق
وإحتمــال أرجوك تــاخذني معاك

وإحتمـــال أرفضك .. واقبل بك صديق
وإحتمال أموت واحيا في رجاك

إحتمال البرد (ياغايتي) في عز الحريق
إحتمـــالاتي ( بقربك او جــفاك )




سد قلبي منّه اشواقي اتسرّب
واثر شوقي من غيابك فاض سيله

شفت قلب اللي على بعدك مدرّب
طاح عزمه....سلمك رمحه وخيله

عشت ليلٍ من لقا الصبح يتهرّب
كن ليل الكون كله صار
( ليله )





خانت الأيام شخص مايخون
ولاهقيت أنه كذا طبع الزمن
كيف أصبر وأعيش مغبون
كيف ادفأ طالما الحظ أندفن
بس ليه أشكي وأحسب للظنون
وراس مالي تالي الدنيا كفن
ذي بداية والنهاية وش تكون
هو يزول الهم عني..
..( ما أظن )..




وين أنت ؟

يا للي للسواليف لماح
دام قلبـي
يشتـكي من ضنيـنه
عمري ظلام
وللعمر أنت مصـباح
شــــفني
رهين الهم شفني رهينه
وبالله قل لي
كيف ابوفيصــل بيرتاح
و ( بـــعدك )
بسبابه ما ذاقت النوم عيـنه




في غيبتك تساقطت
خضر الأوراق ؟
ماقاومت غيبتك نبتة
عـنـادي..

ماكل من يبعد له القلب
يشتاق!
ولا كل من عـوّد له القلب
شــادي!

إلا انت في الثنتين
محرقني إحــراق ..
إن غبت زاد الشوق
وإن جيـت ( باقي ) ..




نام الطريق
وتاه في موقي النور
اصبحت انا والليل حيل انتشابه
ياصاحبي
والعمر لا شك مهدور
راس غزاه الشيب والروح مابه
جيتك بقايا معركه وجه مكسور
فارس رمى سيفه وكسر حرابه





يا ملاذي لا نويت ابتدي منك الفرار
وان تركتك جد فاحسب لعمري ساعتين

لا تخليها هزيمه وهي ماهي انتصار
ولا تغالطني بنفسي اعرف النفس زين

ولا تكبرني بعـيني وانـا مـالي قـرار
والدليل أني تبعـتك بكل الحالـتـين





كل شيء يقول.. بنفترق

قبل الفراق ..بنفترق

كل شيء يقول....

اللي بقى من الكحل

بعيون فرحتـــنا..قريب..

ابــيــنســرق..

واللي بقى من البحر

بأصـــابعي وأصابعك

ابــيـــحترق




اضحك وكني رايق البال
خالي
والناس تحسدني
وانا امـوت
( بسكـات )
اقضي نهاري بالمزح
والتسالي
واسهر بليلي في هموم
ومعانات
غريبة هالدنيا على كل
حالي
الحزن دام والفرح بس..
( لحظات )




في حياتي يوم راحة ماظهر

مظهري جنه ومضموني هجير

مرقدي تمثيل والواقع سهر

جيت يمك وأنت عزمت المسير

صرت ضدي مع صواديف الدهر

الوداع فراق والموقف مرير

والعزى ماضيك والحاضر قهر .





من مواني الليل

( لعيونك سريت )

ودمعتي تحلف علي أهلها
كم بكيت بداخلي لو مابكيت
كبرت همومي وقلبي شلها
كم تناسيتك
ولكن مانســـيت
لو تغيب الشمس يبقى ظلها
بأنتهي بك مثل مافيك أبتديت
وماسوت عزة زماني وذلها





حرفي عذاب ولوعتي بين الأبيات
وفي نظرتك تقرا عيوني قصيده

يا ما سريت بلهفة الشوق بسكات
أخشى معاناة الظروف العنيدة

غلاك باقي لو مضى الحب ما مات
وجروحك ..الماضيه.. تبقى جديدة

في بحر حبك عشت خوف ومتاهات
وحظي نقص طول الدهر ما يزيده

عايش على الذكرى ليالي وساعات
ذكراك فلم أحلام عمري تعيده





( انـا )

مـو اول ولا آخـر حـبـيــب
بالنهـاية مـع حـبيبة يفـتـرق
من متى صابت معي حتى تخيب ؟
البـخـت وياي عمره ما صدق
الغـريـب اني وانـا جنبك قـريـب !
لو نـحـاول نـتـفـق ما نـتفـق
إيـه ياقـلبـي معـه مالك نصـيـب
من فراقه لا تشب ولا تحترق
بس أنا ( قلبي ) عيا يستجيب
من فراقه
( .. شب .. وأحترق.. )



أنت يا للي في عيوني ولا غيرك حدا
جيت اسولف لك عذابي وهمي واطلبي

جيت اسولف كيف الغصون ينساها الـنـدى
وليه من بعدك تساوي نحاسي وذهبي

وجيت أفضفض باقي الهم واصرخ بالمدا
ليه تكبر كل الأحزان والحلم ايحبي

آه من برد الليالي إلى طاح الردا
وأه من شرهة ضلوعي لي خان حطبي





تعال ووقع بجرحك أنا قلبي كتاب جروح
ما يهمك ترى غيرك جرحني ما افتكر فيني

زوايا القلب تتألم وشرخ في الحنايا ينوح
وعبره تخنق إحساسه ودمع راجف بـعيني

زمن فيه ألوفا ولى وسيف الغدر به مسموح
يسله من هوى ذاته ويهوى بس يشـقيـني

زمن فيه ألانا تقتل مشاعر بين روح وروح
وعلى كثر الألم منها صار الفرح مجـفيني

شوف الواقع المؤلم يعشق شوفه المجروح
رسخ في داخلي كلي ووده حيل ينهيني





صدق انا احبه و هو غاية مرادي
بس انا تصعب علي نفسي الجزوعه
علمتني دمعتي .. سرالسعاده
يوم جربت الشقا (ميزت نوعه)
لو حرمت النفس مده من هواها
الهنا باكر يضوي لي شموعه
يا دموعه..
لوني ليله بصبري
الحظيظ اللي مشا قلبه بطوعه
ذكريه لحظه من (لحظات ياسي)
فيها
ما قدر
( دموعي ) يا دموعه





نار شوقي لك يذوب الها الحديد
وانتثر دمعي على خدي مـــدد

دايم ياشــوق شوقـــي لك يزيـد
وان سالت العين لك فيها مـرد

دمعتي تنبيك عن حـــب(ن) اكيد
غيرها ياروح روحي وش بـعد ؟؟



مايموت الشوق
لو قـل الوصــل..
ومايهز الحب
زلزال الظــروف
انت داري في معزتنا اصل
ولو يطول الصمت..
لايلحقـك خـوف
والغلا بالقلب والله متصل
ثابـت مثل
الاصابع بالكفـوف




هذي حروفي....بين ايديك

ماقلت...لك

غصب ...عليك

تقدر تناظرها.. ابـ عشق..

وتقدر..تغض ..

ولك العذر..

تقدر .. وتقدر .. وتقدر ..

وفي النهايــه..

إنتحر..

قصدي ..

( أنت .. حر )

منقوووووووووووووووووووووو وووول[/align]

[المودة]

ما شاء الله تبارك الله ... روائع ... شكرا لك وللكاتب الأصلي ... تحياتي .

[صدى المجمعة]

ما شاء الله تبارك الله ... روائع ... شكرا لك وللكاتب الأصلي ... تحياتي .

جزاك الله خير

[الأمير المصري]

مشكوووووووووووووووووور جدا


اخوك




الأمير المصري

[صدى المجمعة]

[align=center]

مشكوووووووووووووووووور جدا


اخوك




الأمير المصري

جزاك الله خير [/align]