كان ليا صاحب
وكان عندى اعز الناس
كان حبيبى اووووى
وواعدنى على الاخلاص
ولما حظه ابتسمله
باعنى ونسينى
اصل الزمان دا كدا
فيه الاصيل يتداس
ادى الصحاب شوفو شوفو شوفو
دبلت دموعى على خدى
ازاى ياصاحبى تخون ودى
كنا دايما مع بعض صحاب
دلوقتى ليه تسبنى لوحدى
ادى الصحاب شوفو شوفو شوفو
والعشره هانت على قلبك
وانا اللى قلبى كتير عزك
وكنت بفرح لو تفرح
وكنت فى الاحزان جامبك
ولا الزمان لما ادالك
والدنيا ضحكتلك مره
فى لحظه يتغير حالك
ادى الصحاب شوفو شوفو شوفو
والغالى اصبح يرخصلك
وعشت متهنى فى قصرك
انا مش حزين لكن اتمنى
انك يا صاحبى تكون جامبى
طب مالزمان قبلك باعنى
حتى الحبيب بيلوعنى
ابعد كمان انت يا صاحبى
ويفيد فى بعدك ايه يعنى
ادى الصحاب شوفو شوفو شوفو
دا شىء خلاص اصبح عادى
ومش غريب للدرجادى
لكن مكنتش اتصور
انك تكون بالقسووه دى
ادى الصحاب شوفو شوفو شوفو
الدمعه خبتها فى عينى
ودى مش عاويدك تجافينى
وان كان ضرورى يا صاحبى انساك
هيكون فراقك على عينى
ادى الصحاب شوفو شوفو شوفو
وازاى يا صاحبى تكون زكرى
وليه كمان كل دا يجرى
دا مهما طال الليل يا زمان
عندى امل لسه فى بكره
ادى الصحاب شوفو شوفو شوفو
وبكره لازم تانى افراح
واللى اتكسر راح يتصلح
دا مهما دا مهما زاد فى الورد الشوك
لابد ييجى فى يوم يطرح
الورد يرقص على عوده
والفل ينور له خدوده
واللى فاتونا يا قلبى زمان
لازم فى يوم تانى يعودو
ساعتها برده هنسامح
وننسى احزان امبارح
اصل الاصيل عمره مايقسى
بينسى جرحه ويسامح
عجبتنى نقلتها لكم
مواقع النشر (المفضلة)