القصيده التي اثارت غضب بنات السعوديه ..

[الأرطاوي]

القصيده التي اثارت غضب بنات السعوديه ..

هذه قصيده كتبها احد السعوديين بعد قدومه من المغرب خلونا نشوف وش قال

ياللي تنشد عن علوم الــــــذي طاف .. .........كل البحور وكل دوله وديـــــره

خذ من علومي علم اوصافه اوصاف ............... جزل سمين يشتعل له ســعيده

الزين عقب المغربيات ينــــــــــــعاف ............غيد لهن بالزين ذكره و ســـيره

فيهن حلا طاغي ولين و تــــــــعطاف ........... وفيهن حنان يشعل القلب غيره

حلوات وصف وفاهــــمات بالاعراف .. .............زيننات منطق صافيات السريره

بنات قوم طيبهم غصــــــــــــب ينشاف ............ اولاد مغرب بالليل العســـــيره

ياللي تنشد عن علومي بالانصــــــاف ........ هرجي يكفي صامله عن كثـــيره

الزين في لميا وتغريد و الطــــــــــاف .......... ماهوب في حصة و كشره و منيره



والرد إلي يبرد القلب الرد اللي يبرد القلب

قال الذي في بدع الامثال صراف .. .......جزل يفرق بين درهم وليـــره


ياللي مدحت المغربيات بجـــحاف ..... ..الله يجيرك من عماه البصـــــيره


لو تعجبك لميا وتغريد والطــاف .......... مايصلحن لهل الوجيه الســفيره


مفصخات و لبسهم حـول الارداف ......... وبليس اغواهم بكشف الستيره


متعودات كلهم زيف وخفــاف .. .............على التغنج والتعطف وغيره


كل يوم مع صاحب و لافيهم اعفاف ......... خويهم اللي فلوسه كثيره


ترى البضايع عده اشكال و اصناف ...... وكل ينوخ وسط سوقه بعيره


عز الله ان الطيب في بنت الاشراف ...... اللي على الحشمه تربت صغيره



ولا تبين منها كود الاطـراف ................... مثل القماشه فالبحور الغزيره


ياللي تدور بالجواهر و الاصـداف ............. الزين كله في بنات الجزيره


وهذا رد للمرحوم طلال الرشيد (( الملتاع )) .. الله يرحمه


يابن الحلال ان طعتني خل الاســـراف .... واترك جمال الغيد لاهـــل البصيــــره

الزين موبس في الملامح والاوصـــــاف .... الزين روح وعفه وطيــب سيــــــــره

مانيب من يهوى سريا وانصـــــــــــــاف .... انا هواي وبس بنت الجزيــــــــــره

بنت الخليج اللي تماري بالاعــــــــراف .... وحنا نماري باسمها كـل ديــــــــره

مالي غرام بقول وخا وبالـــــــــــــــزاف .... اذبحتني عند الطرحه المستديــــره

احب قولة ياهلا وعل وماخــــــــــــلاف .... من بنت ثوبي بنت الارض النضيــــره

اللي تحلاها الظبي حلو الاطــــــــراف .... جمال في عفــه ورقه وغيــــــــــــره

واللي بها سحر مهو سحر عــــــــراف .... ياعل عين ماتراها ضريــــــــــــــــره

عطف وحنان وذوق في لين الاعطــاف ....والى كشفت لثامها شفــــت أميـــره

صعب على اللي بالردي شاف ماعاف ....وحلوه علىاللي سنـــــه الله ضميــره

شمس الى من اشرقت والدجا طـاف. ...غابت نجومك غصب لو هـــــــي كثيــره

السيف مايزهى سوى كف سيـــــاف .... والخيل دون حصانهـــا مستخيـــــــره

بس أنت دورلك على قدك لحــــــــاف ....وان طعتني دور بدلنــا عشيـــــــــره

[المودة]

بارك الله فيك ولكن :

ما اريد الا سعودية ... بالعباية مخفيه ... مبغى غيره مهما تكون ... ومهما تحمل جنسية ... قالها شاعر بصوت حجاب بن نحيت ... تحياتي .

[صدى المجمعة]

[align=center]ياللي تدور بالجواهر و الاصـداف ........ الزين كله في بنات الجزيره


صح لسانك و لسان قايلها ...[/align]