يابوي لن ضاقت وجات الشدايد

[فرجة السبيعى]

يابوي لن ضاقت وجات الشدايد

الدرب كايد شفت أنـا الـدرب كايـد

شلفا الزمن قفت بعد حطـت طعـون

دق الجرس تنبيـه لأجـل الشهايـد

وكلن مع عياله يروحـون ويجـون

ونادوا علـي وجيـت قـوم الفرايـد

متون شرح وزود عن شرح ومتـون

سـراج نـور ومحتميـن العقـايـد

مزون خير ولا عن الخيـر يجهـون

إللـي حوونـي يـوم كلـن يزايـد

يوم إن غيري فـي بلاويـه مفتـون

حزت الصـدارة يـوم كلـن يصايـد

والمركـز الأول عشانـي يقـولـون

جافيـت لأجلـه ناعمـات الوسايـد

يافهد هانت قلت يـا كيـف بتهـون

رايد ويكتـب فـي شهادتـك رايـد

ماينفع الأول وأنـا أبـوي مسجـون

مسجون في دنيـا السعـد والرغايـد

وأنا أتدرق من حيـا الجـار مديـون

يا أستـاذ هـاك العلـم ود القلايـد

إللي خرزها من الجزيـلات مـوزون

الحبـر دمعـي والكفـوف الجرايـد

يقنب قصيدي ذيب والناس يوحـون

يا أستاذ تلقى أبـوي جـال اللحايـد

متنه كفن من حوض دنيـاه يـردون

قلـه ولـدك يعـد فيـك القصـايـد

مزيون يذخر من ذرا الطيب مزيـون

يابوي لن ضاقـت وجـات الشدايـد

وصارت حياتي دون والوضع في دون

وصار الحكي بيـن المخاليـق زايـد

وصرت الهدف لإبليس وإبليس ملعون

الجار يسأل يـا فهـد ويـن عايـد

أبوك وينه شايـف الحـال مغبـون

يا جـار أبويـا خابـر ٍ لـه فوايـد

يطرد وراها بيـن راهـن ومرهـون

لكـن لابـد مـا يجيـنـا يعـايـد

ويعود صفو وينشرح كـل محـزون

يا بوي تكفـى عـود يـا بالعوايـد

أنا على يمناك لـن عـودت شـون

[صناع الحياة]

شـكــ وبارك الله فيك ـــرا لك ... لك مني أجمل تحية .

[فرجة السبيعى]

مشكور على مرورك