غداهـم الارنـب وطيـر الحبـاري**وعشاهم المجمار بليـل الخراميـس
طرا لي من بيـن المغاليـق طـاري
ودلا يمرس ثومـة القلـب تمريـس
خلاني استاحش سـواة الضـواري
اللي مع الخايع تـدوج التضاريـس
حالي كما حـرن بشـوح البـراري
ما له وكر وامسا وحيـد القرانيـس
يبلـج بعينـه يـم ذاك الخضـاري
صعب يعلفها بين عسـر اللواعيـس
ضاقت به الحيلـه بنيفـن عـواري
وامست عليه من الليالي عساعيـس
حتى الجراذي ما رعـت بالخبـاري
ولا بدا له بيـن الاشجـار تدويـس
شيـن تعدانـي وانـا عـنـه داري
ما ينكتـب خطـن بليـا قراطيـس
اخفيت ما كنيـت وادلجـت سـاري
ونزلت بيتـن باديـن لـه مقابيـس
مغمار رمثن يلتهـب فـي وجـاري
فيه الذرا واعلـوم ناسـن نباريـس
اللي لهم مع بيـع الاجـواد شـاري
حقيقتن ما هيـب علـم الدنافيـس
ما همهم فـي باهضـات الاسعـاري
هم يرخصون القرش في كاثر الهيس
تلاعـج دلالـن بـذيـك النـيـاري
مهيلاتـن مـا بدتهـا المطاريـس
مثـل العراجيـن بعـزاز المـذاري
فيها الوبل ناقع بطمنـن محابيـس
وابريق شاهي مستنيـرن سمـاري
وابريقن مزنجـل يزيـل التعاميـس
واللايذ اكثر مثـل سـود الصفـاري
ميدمات بشلعـة الهرفـي والتيـس
جلسة زحولـن دايجيـن الصحـاري
من شرق طخفه لين غرب السناعيس
غداهـم الارنـب وطيـر الحبـاري
وعشاهم المجمار بليـل الخراميـس
في مشجرن مـا صفقتـه الـذواري
ما غيـر هيفيـه تـذع النسانيـس
يشعق جهام الغرب ضوحن شـراري
ينيـر بالقبلـه سـواة الفوانـيـس
علـه يعـم الخيـر كـل الديـاري
وتربع الاوطـان عقـب التيابيـس
( يوسف الخليفة )
رد مع اقتباس
مواقع النشر (المفضلة)