الهوى غلاب
[align=center]
هقيت أني على بعدك و توديعك أنا قاوي
لقيت أني بعد فرقاك أهذر يبك بدون شعور
و هقيت أن الصبر ينفع و أنا اللي كنت له ناوي
لقيت أن الصبر بأقصى خفوقي هاجسٍ محظور
و هقيت أني إلامن طحت بطيح بوضع متساوي
و لكن طحت .. و ناتج طيحتي لك خاطر ٍ مكسور
أنا بعدك فقدت النوم و لا أظنه أبد يأوي
دموعي حأيره بالعين حدتني عن شعاع النور
يا كيف أهنا بحلو النوم و طيفك عاني ٍ ضاوي
قلط ضيف ٍ على فكري يعزيني على المقدور
نسيتي كيف لا شفتك أجر الصوت بقناوي
أرحب بك و أهلّي بك و أعيش بعالمي مسرور
نسيتي يوم تدعيني بعالي الصوت يا هاوي
تعال إقراء وش اللي قلت تعال أحكم على المنشور
قريت و شدّني حرفك .. صداه بداخلي كاوي
جروح بخافقي ثارت عجز في طبّها الدكتور
يا كيف أنسى زمان ٍ فات و أنا اللي كنت بك غاوي
أنا من حقي أغوابك و أصير العاشق المغرور
دلال و زين و طيبة فال تجلّى بوجهك الضاوي
أخاف يحوشني تقصير لا قلت إنك شبيه الحور
ألا لباااا الدلع كلّه إلى من صار شرقاوي
إلا منك تمأيلتي و لفحتي بشعرك المنثور
هذي ذكرى مضت يا زين أبد ما ظنها تأوي
و لكن باقية في البال و لو يمضي عليها دهور
و لكن عاشقك يا زين يعيش بحال مأساوي
هموم الوقت مع همّك على قلبي تجي بالدّور
يقولون الهوى غلاّب و ألعهده على الراوي
و أنا أقول الهوى فضّاح فضحني و بيّن المستور
مع تحيات اخيكم أسير الزمان[/align]
رد مع اقتباس
مواقع النشر (المفضلة)