شرد افكاري
شرد افكاري
========
صباب ذعار العتيبي
أنا افكاري سريتبها ولا قرب قريب الناس
* اسريها وابعدها ليازانت مساريها
اجمع شرد ياتي مباديها مع الهوجاس
* كثير الناس والشعار فكره كان غاويها
وأنا فكرة قصيدي صيدة من دونها الادماس
* تقطع في ديار يعجز الماشي يناحيها
وأنا فكري ليا فكرت مثل النادر القرناس
* ليامنه شهر في الجو لابده يلاقيها
مخاليبه ليامنه هوى فيها الضرر والباس
* يعشي صاحبه لاجاع من ضربة مهاويها
ليامنه تذكرها وهب من الهوى نسناس
* يحلق في السماء العالي وينزل في ثناديها
وهي مره بداد ما يجيها القانص الهلاس
* ومره في جبال يتعب القانص علاويها
ومره في الهضاب اللي مراقيها خطر حساس
* يتوه القانص اللي جاء يبيها في مراقيها
ومره في ديار حاليات تتعب العساس
* ديار تتعب العساس في تايه مماشيها
وأنا فكري يجيك أبها مجي ما يعرف الافلاس
* ولا ياتي بها ياكود باغيها وهاويها
وأنا البارح عيوني داخل فيها تعب واعماس
* على اللي شوفته للعين من حبه يداويها
عيوني ساهره في الليل والله ماغفت بنعاس
* على اللي يا عباد الله زادت في تجافيها
على اللي لا تبين لي نحرها مثل عقد الماس
* وخد لا تبين مثل برق في مناشيها
طعني في فوادي مثل طعن كليب من جساس
* رماه برمية بالغدر والحيلات ناويها
وأنا هذا رماني رمية قشري بدون قياس
* رماني رمية ما عاد طول الوقت يبريها
رماني رمية من بعدها ما قال لي لاباس
* ياليته في فوادي والنحر ما كان راميها
رد مع اقتباس
رد: شرد افكاري
مواقع النشر (المفضلة)