شاعر ابحث عنه في كل مكان من
ثلاثه اشهر ولم اجد له قصائد ولا اخبار انه شاعر القصيده
الشاعر سلطان ابن عادي
كتب هذه القصيده في حبيبته وهو في حفر الباطن
1 قال الذي حده على بـدع الالحـان
واشرف على بنـات فكـرٍ وندبها
2 يذب صوته بيـن سجـات وذعـان
علـى طواريـق المعانـي سحبهـا
3 يتـل قلبـه بالمعالـيـق شـريـان
تلـت يمينـن تلهـا ثم كربـهـا
4 شوارد المعنـاء ثقيـلات الاوزان
يشدهـا هاجـوس فكـراً سكبهـا
5 شاب الورق مـن مابقلبـه ولالاان
ارها على الجـزلات حتـى كتبهـا
6 في سولتـه ياقـل مافيـه سلـوان
باسباب من كان السبب في سببهـا
7 اللـي تسبـب لـي بهجراًبالعيـان
جعله وقـود النـار واول حطبهـا
8 ترف الصباء عذب اللماء مطرق البان
مياس قـدر وكـم قلـوبٍ عطبهـا
9 سبحان من صور جماله وسبحـان
انا اشهد ان اللـي عطاهـا وهبهـا
10 لاجيت اقارنها مع البيـض شتـان
مابـيـن انـحـاس والا ذهـبـهـا
11 واليا وقف رمحٍ علـىراس مابـان
وليا مشاء درج القطـاء ما عجبهـا
12 ارواه ربـه والبهـا فيـه ريـان
قام ايتغطـرس باالعيـون اوهدبهـا
13 فريد جنسه مانخلـق مثلـه انسـان
ياكبر حـض اللـي ولاة وكسبها
14 تبقى لها الذكرى علـى مـر الازمـان
بنت الرجال اللـي رفيـع نسبهـا
15 ادمنت حبه ليـن عديـت الادمـان
والارض ضاقت لو وسيع رحبهـا
16 قـم يانديبـي بالملازيـم والشـان
حملـك ورق وانـا عليـا تعبـهـا
17 اركب على نتق المواريث الالمـان
بالكاش مشراها مـن اللـي طلبهـا
18 من وارد الناغي بها حوش عمـان
ياكـم عيـون لا تحلـت رهبـهـا
19 قلت صانعها ماهو بنس مـن جـان
فوق المواتر صاغها ثـم رسمهـا
20 ياكنها عـذرا تمـاري باالاوجـان
باالملعبـه ماحولهـا مـن هزمهـا
21 مـن فـوق فـل اكشـن ايــلاان
الرابح اللـي جابهـا مـن نجبهـا
22 تنزع من الباطن وتسـري مسيـان
وتنـوي اللـي للمسافـه ركبـهـا
23 بي ام سبع اميه وخمسين وحصـان
بين المواتـر ماذكـر مـن غلبهـا
24 من شيشه المسرور والا عبيـلاان
فول وقـود النـار ووزن حدبهـا
25 ثم تلهـا تلـت شفـوق وحدمـان
للـي هـواء بالـه تنحـاء جنبهـا
26 ياكنها دعجـا هـوت بيـن عقبـان
شيهانتـن فـي عشهـا مارعبـهـا
27 اسرح مساريح القطاء يـم نجـران
ديـره ارجـال فعلهـا ماحجبهـا
28 واضح محله مايبي وصف عنـوان
تلفي على اللي ماتقضـع اركبهـا
29 قله تراء ذا الخط من يـم سلطـان
ونتم تحلـون البلـش مـن نشبهـا
30 لاياعـوض ياصاحبـي ياكحيـلان
انته عوض نفسن تزايـد غضبهـا
31 انته شبيه الذيب والذيـب سرحـان
عدا على روس الطـوال ورقبهـا
32 تبذل يمينك مـا تغاليـت الاثمـان
يمناًعلى فعـل المراجـل طربهـا
33 يمناك عدتبـك ورث كـم برهـان
ماجـور ياعـودٍ جذبـك اوجذبهـا
34 روسان ياجاهل عن افعال روسـان
حمولتـن ماغـاب عنهـا شببـهـا
35 اشكي عليك الحال من كاينن كـان
مسهوجتاًوشيـب قلـبـاً رغبـهـا
36 منساه لوتنسـاء بنـي يـام شيبـان
ولو ينقل الباطـن وعوجـاه ببهـا
37 ولو ينتقـل لدبـي سنجـار وابـان
وبرج العرب واللعين عندي عزبها
38 ولو تنكر المطران عرفاء وعوجان
والصلب والصمان واقصا ء هضبها
39 والشمري يزهق بحايـل وبـرزان
يتـرك معاميلـه عقـب ماعملهـا
40 ولو يطردون الضيف طلقين الايمان
والضيف مايلقاء القرا فـي عربهـا
41 ولو تنتقل وايل وراء ضلع شمران
وتنزل بعرعر ناس ماهـي شعبهـا
42 ولو يقطنون السيت صبيان قحطـان
تتـرك اتالعهـا وتنـزع ودبـهـا
43 ولو يتركون اهل الحساء كل بستان
ويجنبـون انخيلهـا مـع رطبهـا
44 وهل البحر تنزح من السيت بدوان
وتارد علـى لينـه وتمـلا قربهـا
45 منساه دام الروح في وسط عبـدان
ومـادام روحـي ربهـا ماسلبهـا
46 اخيلهـا ماخايلـو غـر الامـزان
واون ونــات تكـسـر عتبـهـا
47 هذا ولـك منـي تحيـه وعرفـان
يامـن فناجيـل المراجـل شربهـا
أدمنت حبه لين ....عـديت الأدمــان
رد مع اقتباس
مواقع النشر (المفضلة)