انا لاكتبت الشعر لي فيـه سبـع بحـور
انا لاكتبت الشعر لي فيـه سبـع بحـور
اعـلاه فـوق الوصـف وادنـاه لثـريـا
وانا لانطقت الحرف قلته بـدون قصـور
السهل لي ينصاع والـوي الصعـب ليـا
ولاني بمشهور(ن) ولانـي بعـد مغمـور
ولانـي بمـن يغتّـر فـي ذاك او ذيــا
قصيـدي ليـا قلتـه قلتـه بكـل شعـور
مابعـثـر اوراقــي بهـنـاك وهنـيّـا
امشي دروب العز من سارهـا منصـور
ومـن يطلـب العلـيـا لابــد يتهـيـا
بالطيب اجازي الطيب واسمح خطا المعثور
وان كـرر الغلطـه يـا مـالـه العـيّـا
واجمح غضب نفسي يـوم الـردي يّثـور
ويامن ملـك نفسـه عنـد الغضـب حيّـا
واهوى طريق الصدق درب الوفا والنـور
وان قـال مغـرور(ن) مازيـنـا زيّــا
من كانت اوقاتـه دايـم فـرح وسـرور
لاجاتـه النكبـات يمـلا الفـضـا ايّــا
جرّبت انـا وقتـي شفتـه يلـف ويـدور
والوقت لي من راح يطـوي العمـر طيـا
بعض العرب لاغاب غابت معـاه شـرور
وبعض العرب لاغاب يكوي العـرب كيّـا
مـن صابتـه دنيـاه ماينفعـه مـحـذور
دام القـدر يمـشـي.. لاظــل لافـيّـا
دنـيـا نسايـرهـا بأيامـهـا وشـهـور
عدل(ن) يبان بهـا وغـي(ن) ورى غيّـا
ياذا القصيـد اللـي دمّـك غـدا مهـدور
من قبـل انـا لاجيـك قـد كنـت لاشيـا
رد مع اقتباس
مواقع النشر (المفضلة)