باكر وامس

[كـ العذال ـايد]

[align=center]يا ناس تعالوا وخذوا مني... ودو لها...
خذوا مني الروح آهاتي والجروح...
خذوا مني القصيد والحاني وهمي الزايد
خذوني كلي لها ودوني مقوى بعدي عنها...

اصغر جروحي كبيرة.. حياتي مالها طعم..
عايش وقلبي بحيرة.. وحيرتي علي تعم...

كلا عرفني بها.. من كثر سوا ليفي..
دنياي صارت لها.. بحور وهي مجاديفي...

سافرت من بحر إلى بحر.. بحور العز والتذليل..
بحور الآه حتى القهر.. بحور الحب والتعليل..
بحور الخوف ويا الذعر.. بحور آلامي حتى الويل..
تعديت الزمن والدهر.. سافرت بنهار وليل..
نقشت اسمها بالجزر.. وضمتها المواني حيل..

سنة عمري وكل عمري..
سنة عانقتها بالقلب.. سنة عشق ود وحب..
سنة كلها خايف .. خوفي امن وامني رعب..
سنة غنيتها ولحنتها.. قصيدة حب في واقع صعب..

سنة عمري وكل عمري.
.
واليوم راحت ,وابعدت
وتركتني..
وكان وأخر رسا يلها..
كلمتين..
(الحب قسمة ونصيب وانته حبيبي يافهد ولكنك ما أنت النصيب)

غصب عنها وعني وقمت أتحايل وأحايلها..
حبيبتي اقربي أنتي الحب مالي غيرك لي حبيب..

غصب عليهم باخذك.. وليه مني يأخذونك..
انتي الورد اللي زرعته.. بهالسهولة يقطفونك..
أنا اللي سقيتك بدمعي.. أنا اللي سهرتك..
أنا اللي زرعتك.. ليه هم يحصدونك؟؟

تعلمت منك الحب.. ودرستك ألحانه..
مات سهلنا في الصعب.. وعشنا الحب وجنانه..
يا ناس ليه الدنيا تتعبنا..
همها تحزنا تسرقنا وتقتل أملنا..

يا ناس سووني رسالة.. اجمعوني وقولوا هذا فهد وأحواله..
ودوني لها وش حالها.. هي مثل ما كانت تبيني..
وإلا نستني والمغترب نسى عاشقة وغاب عن باله..

هي كانت تبيني كنت كلي لها حلم..
كنت أبوها وعمها كنت حتى أمها..
كنت أواسيها وتواسيني كنا حبايب..
حبايب أفعال صدق ما هو بأقوال..
نبض أطفال بين حرمه ورجال..

كنا نرسم مستقبلنا بأيدينا وكيف البيت يجمعنا..
كنا نخطط لباكرنا وأطفالنا وأحلامنا..
كنا نتخيل مشاكلنا وكيف نحلها بضحكة..
كنا نحلم ونتأمل كنا بصدق نتكلم..
كنا نعيش اليوم لأجل بكرة..

متى يجي بكرة..

وما درينا بان الغد يرسم لنا غدره..
فعلا باكر اهو امسي..
وجاء بكرة وكلن رحل..
وضاع أمسنا في باكر..
وصار باكر هو أمسنا..
ورحلت ضحكتنا وضاعت الأحلام..
انتهينا والخلاصة مجرد كلام..

بنعيش اموات وبنموت في امس..
امس كله سنة.. واليوم كله صار امس..

وكل ماجيت بانسى..
ذكرني بها كل من عرفني بها..
يسألني عنها
و قبل لا اكذب (نسيت).. تسبقني الدمعة تجاوبهم..

رحلت عن دنياي وهي ساكنة فيني..
بعيدة وهي اقرب انسان في قلبي..
ونصيحتهم بكرة بتنساها..

وكل مايجي باكر يزيد الحنين لامسي..
فعلا باكر اهو امسي..
فعلا باكر اهو امسي..
..[/align]

[بحوور]

والله انك كايد للعذال فعلا

كلام جميل جدا ورائع

واحاسيس رائعه رسمتها الكلمات

شكرا لك جزيل الشكر وننتظر المزيد

[كـ العذال ـايد]

والله انك كايد للعذال فعلا

كلام جميل جدا ورائع

واحاسيس رائعه رسمتها الكلمات

شكرا لك جزيل الشكر وننتظر المزيد

اختي بحووووووووووور لم تكتمل الروعة الا بحضورك زادت كلاماتي جمالا ورونقة في عيني لانها اعجبتك فانتي الذوق وردك ذووق واحساسك ذووق
شكرا من الاعماق ودمتي على احسن حال

[جوال نت]

مشكـــــــــ وبارك الله فيك ـــــــــــــــور