عابر سبيل، ميل

ورد السلام

فِ ايدية سنابل هَنَا

والثانية برج الحمام

ناسي هناك الضنى

عايش هِنا الأحلام

عشق النسيم طلعته

وبنوره عشت الغرام

عابر سبيل أنت ولا

حدوته وسط الكلام!

عابر ودق الوتر

صحي الندي فِ العنين

غازل جبين القمر

داوى الجراح بالحنين

يا شوق قصايد الغزل

يا لهفة العاشقين

لو ضاع فِ يوم الامل

نلاقيه في ضي العين

النيل علي طلعته

ميل و بيمسي

والبدر من فرحته

غنى وقال نفسي

اسمع صدي غنوته

ساعدني يا حسي

لجلن ما أعيش دنيته

وانسي تعب أمسي

والعين قصايد شعر

والقلب ليك شمعة

لو تتحرق الف يوم

تصفي علي دمعة

تحي خضار القلوب

وشمسك الطالعة