ياللي تقول الليل معتم فـي سمـاك
لا ترجي من الشمس تنور لياليـك
يومك رضيت تعيش بدنيا الهـلاك
علامك جيتني تذكرنـي بماضيـك
روح لشاطر اللي من قلبي خـذاك
غرك بدنيته لين تاهـت خطاويـك
نسيت قلبأ صانك وحبك واغـلاك
ونسيت روحأ من عنا الوقت تحميك
ونسيت عينن صرت بنظرها مـلاك
ونسيت صوتأ يدعي الرب يحميـك
واليوم جيت تشكي من ظيم بلـواك
روح شوف غيري تشتكيله بلاويك
خساره عمري اللي ضيعته معـاك
بين نار الشقا والهم حطته اياديـك
وقبل لا ترحل خذ النصيحه ويـاك
عين ضحكت لك اليوم بكره تبكيـك
مواقع النشر (المفضلة)