https://mwadah.com/images/imgcache/2009/01/781.gif
https://mwadah.com/images/imgcache/2009/01/782.gif
السلام عليكم ورحمة الله وبركاته
https://mwadah.com/images/imgcache/2009/01/783.gif
https://mwadah.com/images/imgcache/2009/01/784.gif
البستم : جزء ميكانيكى فى محركات السيارة بدونه لا يوجد محرك
قرص مصمت متصل باسطوانة صغيرة مجوفة على شكل جرس تتصل بذراع فلاوذى يسمى عمود التوصيل بنهايته تجويف نصف دائرى يتصل بعمود الكرنك لايجاد حركة دوارة للمحرك ومن ثم نقلها الى عمود الحركة
البستم حركته مترددة مرة فوق ومرة تحت فى نفس الزمن ولنفس مقدار الحركة البستم موازى لاتجاه الحركة دائماً
https://mwadah.com/images/imgcache/2009/01/784.gif
لكن ايه دخلنا بالبستم فى القاعة العامة ما كنت اروح عند حمادو اكتبه هناك واخد جايزة موتوسيكل ولا حاجة ايه اللى وصلنى هنا وخلانى اكتب موضوعى هنا
https://mwadah.com/images/imgcache/2009/01/785.gif
رغم ان البستم دا جزء مميز جدا فى اى حركة ميكانيكية لكن عندنا بستم تانى له حركة انسانية بستم متردد دايماً بستم مش راسى على بر زى ما بيقولوا بستم عقله مش فى راسه ولا عارف خلاصه
كتير جدا فى المجتمعات ومش فى العربية بس بيعانوا من المشكلة دى التردد خوافين جدا مفيش ثقة بالنفس ودا سبب مشاكل كتيرة فى حياتهم والمشكلة انهم مش ناويين يتعرفو بدا وعشان كدا بيفضلوا مترددين دايماً بيعتمدوا على غيرهم ومش بيعتمدوا على نفسهم بيخافوا يتخذو قرار عشان ممكن يكون غلط يخافوا يغلطوا لا ينكسروا يخافوا ينكسروا بس ما يعرفوش انهم بيقوموا ماهو ربنا مش بيسيب حد
الثقة بالله مش موجودة وتكون موجودة ازاى وهو بيخاف من اى قرار ماهو لو واثق فى ربه هايسيبها للى خلقه والمقولة بتقول اعقلها وتوكل بس هم بيعقلوها ومش بيتوكلوا على الله
فى بيت شعر بيقول
اذا كنت ذا رأى فكن فيه مقدماً فان فساد الرأى عند تردده
بيت جميل جدا ومهم جدا
الثقة بالنفس رائعة جدا وبتخلى الشخص ياخد القرار الصح فى المكان الصح فى الوقت الصح وبطريقة صح كمان
فى دكتور ليا فى الكلية بيقولى مش شرط المهندس يكون حريف جدا فى الميكانيكا عشان يكون مهندس ميكانيكا بس ساعات ثقته هى اللى بتنجحه وياما ناس عباقرة ترددهم بيخليهم محلك سر
https://mwadah.com/images/imgcache/2009/01/786.gif
من الجميل جدا اننا نلاقى اطراف جميلة فى حياتنا بتحاول توجه جهودنا كمان فى حاجة صح لكن الاجمل ان يكون التوجيه دا برضه من انفسنا ويكون التعامل معاها ذكى وبطريق صحيحة وبدون تردد
وبعد كدا نقدر نقول اعقلها وتوكل يا
سيدى البستم
https://mwadah.com/images/imgcache/2009/01/783.gif
