أبوس إيدك ( نزف قلب : محمد سنجر )
أبوس إيدك
أبوس رجلك هوي الحبل على رجلي و لو حبة
و أخرتها معاك يا با
عشا ن خاطري أبوس إيدك
و ليه يا با مكلبشني و بيني و بين ولاد اخويا
مفيش بينا الا بوابة
سامع صوتهم و مش قادر بقى اتحمل
مكتفني و البوابة مفاتيحها معاك يا با
سامع صوتهم و أنا إيدي على خدي
بتنهشهم قرود خنازير كلاب سعرانة و ديابة
و طول الليل سامع صوتهم و متسلسل
و آآآآآآآه يا با ....
ما فيش بينا الا بوابة
و فات كام يوم و سايبنهم ف عز الرعب
وحديهم في قلب الضلمة في الغابة
لا عاد فيه سقف يداريهم من ولاد الكلب
و برق و رعد طول الليل مهانة و ذل و كآبة
و لما الصبح بينور ألاقي كومة م الأشلاء
و نوافير دم تتفجر من لحم يتامى و غلابة
عشان خاطري أبوس إيدك أبوس رجلك
ماعدتش قادر اتحمل خلاص يا با
ولاد أخويا مفيش بينا الا بوابة
سامع صوتهم و حاطط إيدي على خدي
بأدندن و ابكي أطفالنا بمزمار حزن و ربابة
و الاقي صوت ولاد الكلب بيشوش على صوتي
قرود خنازير ولاد خنازير كلاب سعرانة و ديابة
بتدندن و ترقص غصب بالجزمة و فوق راسنا
بصوت طيارة أو مدفع و دبابة
رد: أبوس إيدك ( نزف قلب : محمد سنجر )
نزف قلبك
وعبر عن ما بداخلك
وكتبت كلمات لا بل صرخااااااااااااات
تقديرى لطرحك
اللهم انصر اخواننا المستضعفين فى غزة
رد: أبوس إيدك ( نزف قلب : محمد سنجر )
اقتباس:
المشاركة الأصلية كتبت بواسطة اعتذار
نزف قلبك
وعبر عن ما بداخلك
وكتبت كلمات لا بل صرخااااااااااااات
تقديرى لطرحك
اللهم انصر اخواننا المستضعفين فى غزة
جزاكم الله خيرا
و بارك الله فيكم
اللهم انصر أهلنا بغزة
دمتم و دامت غزة
بحفظ الرحمن الرحيم
رد: أبوس إيدك ( نزف قلب : محمد سنجر )
موفق بإذن الله ... لك مني أجمل تحية .
رد: أبوس إيدك ( نزف قلب : محمد سنجر )
اقتباس:
المشاركة الأصلية كتبت بواسطة الجندي الفتحاوي
موفق بإذن الله ... لك مني أجمل تحية .
بارك الله فيك
أخي الحبيب
الجندي الفتحاوي
دمتم بحفظ الرحمن
