يا ساهر الطرف ويش احرمك المـنـام

يـا ســـــاهــر الطـــرف

يا ساهر الطرف ويش احرمك المـنـام
هو من عوايدك و الا الهوى مضنـيـك
*****
تسهر تراعي النـجـم فـي اللـيل الظلام
ويـش يـفـيـد النـجـم دام القمر مجفيك
*****
مهـما يـطـول اللـيـل ويلـج ابـك الغـرام
ما ظـنـي نـجـوم السـمـاء كلها تغـنـيك
*****
لا من الـقـمـــر غـاب مـا يـفـيد الكلام
و لا يطيب السهـر و لو طـالـت لياليك
*****
لــو عــشــت لـيـالــيك كـلــهـا احـــلام
ما كـل حـلـم تـشـوفـه يحـقـق امـانـيك
*****
المـنـى غــالـي مـالــه ثـمـــن يـنـسـام
الا بـغــالي الـروح تـشريــه و يـشـريك
*****
الـهـوى مـوصـوف باعــراف و احكام
و حـكـم الهـوى غـالـب عـليّـا و عليك
*****
و لو ما تـطـيع الهوى و تولـيه اهـتـام
ما طـاعــك الهــوى و لا سـأل فــيـــك
*****
تـشّـرق و تـغّـرب جـنـوب و الا شـــام
ما كـل درب يوصـلك حـتى و لا يديـنك
*****
ما بـيـنـك و الـهــوى مـسـيـرة اعـوام
امـا وصــلــت و الا زادت بـــلاويـــــك
*****
يا مـسـهـــر الحــال فــي هــم و هـيـام
تـســري مـع الفـكـر يجـيـبك و يـوديـك
*****
الـهــوى غــالـي لـه قــدر و احـتـــرام
قــدّره و اعـطـيــه لابــد مــا يـعـطـيـك
*****
العشق ما هـو بدعـة و الا شـئ حرام
وصحيح الحب فتنه من شوفته يغريك
*****
و لا مـنـك بغـيـت الحـب اوفـيه بالتزام
و خـلّك مـعــه وافـي لاشـك يـوفــيــــك
*****
الفـــــــــــــارس

سلمت وسلم مداد قلمك الدافئ
مع الشكر لطرحك الرائع

كتبت وقلت لك مــــــــرات وتغنيت في حبك
وكل الناس شافو وش كتبت ومن هو الغالي

شرحت الوضع واعطيتك هوايه خاف من ربك
تجي وتقول لي وشفيك مطلوبي عسل حالي

انا ما غير احوالي سوى اصرارك على صدك
ورفضك ياحبيبي مطلبي بيحـــــز في بالي

وانا هلحين راجع لك محب ويرتجي عهــدك
حلفت انك لترضيني وانا برضيك ياغـــــالي

حبيبي لو قويت البعد كيف اقوى على بعدك
اعيش الشوق واتقلب على ناراً لها صــــالي

[تراهني]
‏
تراهني على٠٠نبضي ونبضك٠٠أيهم يسهر؟!
‏
يتابع خطوة الثاني
ويفرش بالوفا دربه...
‏
من اللي يعشق الثاني كثير ولهفته أكبر؟!
من اللي يملك الدنيا لاصار الثاني بجنبه؟!
‏
[تراهني]؟!
‏
تراهني عن اللي غيم الحب ولهفته تمطر...
وتتناثر ربيع إحساسه وشلالات منسكبه...
‏
[تراهني]؟!
‏
تراهني عن اللي لو بغى النسيان مايقدر...
ولو حاول لقى النسيان يجدد بالوفا حبه...
‏
[تراهني]؟!
‏
تراهني عن اللي يحب ويعطي أكثر وأكثر..؟
‏
ترى<الخسران>!!
‏
يت
‏
يتن
‏
يتنا
‏
يتناز
‏
......يتنازل!!
ويعطي للوفي؟!
‏
;;قلبه;;
‏
‏
بعد هذا؟!
_تتوقع..؟؟
مع الايام ممكن قلوبنا تهجر..؟!
‏
عن نفسي..
_أنا أجفاك...!!!
_أبد ... ماأقدر!!
أبد ... ماأقدر!!

أبد ... ماأقدر!!

تحياتي لك يالفرس وسموحه على القصور