لوخيروني بيـن مليـون رجـال

لوخيروني بيـن مليـون رجـال
والكل منهم عاشقـن مشترينـي


بقول كلمه دايم الـدوم تنقـال
دوم إتـردد بيـن قلبـي وبينـي


" إن ماخذيت اللي له القلب ميّال
عقبه فلا آخذ كل رجلن يبينـي "


يمكن بعيدن بالمسافـه والأميـال
لكن قريبن بيـن قلبـي وعينـي


أشوف به شيخن على كل الازوال
إليـا لفـى فزولـه الحاضرينـي


متسيّدن في وسط قلبـي ويختـال
يملك حياتي بس وينـه ووينـي؟؟

اللي رفض كل العذارى ولاطـال
إلا خفوقـي بالغـلا والحنيـنـي

وشلون ابقنع خافقي لاالزمن مال
إن الظـروف القاسيـه ماتلينـي

وشلون ابرضى عقبها بأي رجال
وشلون ابدّل نور عينـي بيدينـي

دامه حفظني فـي عيونـه ولازال
طيفه على طـول الليالـي يجينـي

ابيه يذكـر كلمتـن دوم تنقـال
دوم إتـردد بيـن قلبـي وبينـي

" إن ماخذيت اللي له القلب ميّال
عقبه فلا أخذ كل رجلـن يبينـي

شكرا وبارك الله فيك
صح لسانك

سلم الله اناملك الشجية

اقتباس:

---

المشاركة الأصلية كتبت بواسطة ابو مالك

شكرا وبارك الله فيك
صح لسانك

---

هلا فيك اخوي ابو مالك
ولسانك يالغالي الف شكر على طلتك

ودي

لا اعلم القصيدة لك او منقولة لكن في كل الحالتين صح لسانك وسلم ذوقك

قصيدة جميلة جداً

خالص ودي