صدك تقبل حبيبي الغيري هسه تصير؟؟؟؟
صدك تقبل حبيبي الغيري هسه اتصير
وصدك مليت مني وبعد متحبني
وصدك هانت اعليك اسنينه الحلوات
وما هانت عليك شلون تتركني
انه لمن عشكتك ما سألت الناس
شجاك اتغيرت وبكلبك انته أشصار
جنت اتموت بيه وجنت تعبدني
وجنت اتنفسك وانته الهوى بدنياي
وجنت لو تبتعد لحضات تخنكني
معقوله الورد ينكر جميل الماي
وانته ابهل سهوله اتنازلت عني
ما انكر امقصر اجت فتره وياك
لكن مو بديه الوكت يجبرني
شفت يمك نفط وبين اديك الماي
وانه ابنار احترك ردتك تخلصني
لكيتك بالعكس مايك شمرته بعيد
وجبت النفط بيدك حته تحركني
شسولف بعد وطعم الوسالف راح
ردت منك توافي وخيبت ضني
ادري الوكت هوه الخله كلبك هيج
وكبل لا تبتعد عني سؤال ارجوك
فكر ويه روحك عود جاوبني
باجر لو متت وتشوفني بتابوت
هم تبجي عليه وبعد تذكرني
......................... ........................
:mwalat1: منقول احببت ان انقل لكم هذه الكلمات التي اثرت في وبقيت تجول في ذاكرتي ودمتم بخير عضوتكم المحبه نرحس الحب:mwalat1:
