يوميات زوج سعيد

[align=center] سلام الجواز ده حلو بشكل وتعالو كده نسال صاحبنا ده بس هنسأله على حلقات

يلا بينا نسمع منه الحلقه الاولى



أنا ياخوانا

راجل زيى كتير ملايين

يعنى موظف...
كل حياتى بيتى وشغلى وقعدة قهوة

مع أصحابى المحترمين....
عندى تلاتة ولاد مساكين

ليه مساكين؟؟؟؟؟

علشان طول اليوم ما ينوبهم

غير زعيق وخناق ومشاكل

بينى وبين الست حرمنا مبتخلصش

وهى بتاتا مبتزهقش...
لما بتفتح وصلة ردح

تدخل زى القطر المجرى مبتفصلش

أعمل ايه؟؟؟؟؟؟؟

يبتدى صوتى معاها بالراحة

لكن أبدا غير زعيقها مبتسمعش

يعلى صوتى شوية شوية

وهى تقوللى: أما بجاحة

كمان ياعنيا عندك دم بتشخط فيا؟؟

سهران ضحك وفرفشة برة



وراجع وش الصبح وصاحى




كمان تتخانق؟


وش الصبح دا ايه ياولية؟

لما دخلت البيت بالليل

كانت الساعة يدوبك عشرة

وانتى ف سابع نومة ونازلة ياستى شخير

يبقى ازاى تتكلمى يعنى عن التأخير؟؟

طبعا ما انت ولا على بالك

اصل الجارية اللى أهلك شاريينهالك

طول اليوم اهى تطبخ .. تغسل

أو بتذاكر مع أولادك

.وانت ياحبة عينى يارايق

داخل خارج وبتتعايق

قصر يللا

لاحسن انت جايبلى العلة

وادى ياخوانا......
عينة يعنى من خناقاتنا اليومية

قُصره... خرجت

رحت الشغل وانا متعكنن



وعندى صداع




منفعش معاه ولا أى مسكن


صاحبى قاللى : مالك يابنى؟؟

شكلك كده ع الصبح واخدلك حتت علقة

لأ .. دى خناقة

والله ياصاحبى هى ما فارقة

قمت شكيتله م اللى انا فيه

واللى حاولت كتير اداريه

قاللى : ياهووووووه

باحمد ربى إن انا عازب

ولو نصحونى قالولى اتجوز

مليون مرة انا لازم احاسب

أيوة ياصاحبى...
واللى يقولك انه سعيد ويا مراته

دا اكيد كاذب

صاحبى قاللى : بس انا عندى


حتت حل ملوهش مثيل...

راح تدعيلى عمرك كله

وتبقى حياتك حلم جميل

قلت الحقنى قوام بالحل وقوللى عليه

قال : معلش



أصل انا عندى معاد دلوقتى




وكنت ناسيه


بكرة اشوفك واقدر اقولك

حل مشاكلك يطلع ايه؟؟؟؟



انزل بالتتر يابنى الحلقه الاولى خلصت

اتمنى انها تكون عجبتكوا عايز اعرف رأيكو عشان انزل الحلقه التانيه[/align]

رائعة
جزاك الله خيرا ودائما فى انتظار كل ماهو جديد منك أخى الكريم
مع الشكر