انتحار القلم في كفي

قلم .. خذ جرحي ..خذ كلي ..خذ احزاني و حرماني




خذ الدمعة اللي غصب عني ..ذابت(بهمي)في داخل اجفاني




خذها وعلى ظهر الورق..احملني اسافر في وسط شرياني





سافر بي فوق الالــم ..وارميني فنفس المكان اللي رماني





حبيت جرحه .. ومن كثر حبي لجرحه حبسته داخل احظاني





احترق منه وريدي .. ولا قدر يحمل جراحه نبض شريانـي






انا غريب المشاعر .. و غربتي هـي اول و اخــر اوطاني






انا رفيق القلم .. على حبره اذوب عيوني واموت و اعاني






شوف السهر .. مد كفه على رمشي يبي يحضن ازماني






شـــوف التعب في كفي ارتعش .. و القلق حطم اغصاني





وهـــذا الـــندم ثار فيني .. و ثار به من الاسف بركاني





واذا مـــا عــاندك حزنك .. افتح عيونك ولا شك تلقاني





تلقاني في وسط همك .. اكتب حروفك وارسم الحــاني




وابكي معك .. والقلم في يدي ينتحر في كف حرمانـــي