اشهـد انـي كـل ماقلـبـي هــدا

اشهـد انـي كـل ماقلـبـي هــدا
جـددت دنيـا الكـدر فينـي طعـون
وكل مـا هـم(ن) مـن ايامـي غـدا
اقبلـت دنيـاي بهـمـوم وضـنـون
وكـل مـا فكـري تجمّـع واهـتـدا
جاتني حالـه تبعثـر لـي السكـون
صابـر(ن) يـاالله عسـى عقبـه ودا
مـن صبـر يلقـى مشاغيلـه تهـون
والتعب لي من علـى ابـن آدم بـدا
ماحسب للي مضـو واللـي يجـون
وان بـدا العالـم بعيـنـه اســودا
كنّه اللي طول عمـره فـي الجنـون
وش دواء اللي صابتـه دنيـا الـردا
قـدّر الخالـق ومــا راده يـكـون
لي دعا شخص(ن) رجع صوت الصدا
يالله الخيـره.. مـن اللـي يشمتـون
وان شكـا يلقـى عـدو(ن) يحسـدا
مايفيـده لـو جـرى دمـع العيـون
يـا الـذي عنـي وحالـي تنـشـدا
شعري ابلغ من وصف فيني الشجـون
مـن زمانـي اللـي تعـدا واعـتـدا
ساقنـي سـوق المهالـك والمـنـون
كان حظي فـي المـدى ماخـذ مـدا
لين صار الحظ في غيـب السجـون
وكان صوتي لي سمع صوت(ن) شدا
يسمعـه حتـى الـذي مايسمعـون؟!
وكـان فكـري صافـي(ن) ومجـددا
فكر يغرف كـل شكـل وكـل لـون
وكـان قلبـي للضـروف مـعـوّدا
مايهمـه عثـرة الـلـي يعـثـرون
كم قريـب وكـم صديـق(ن) مجـدا
قال دربك درب لـي هـم يوصلـون
بكـره ايـامـك تـزيـن وتسـعـدا
تغمر الفرحـه فـوادك!! .. يكذبـون
عمـري اتّعـدا الثلاثـيـن وعــدا
لاتهنيـتـه ولا هــم يـحـزنـون

جميل جدا

شكرا لك وبارك الله فيك

جميل اخي الكريم

تحيــــــــــــــــ لك ــــــــــــــــــــاتي

شـكــ وبارك الله فيك ـــرا ...