أهل القنازع لارقص كل شيطان

السلام عليكم ورحمة الله وبركاته
بسم الله الرحمن الرحيم
كريـم يامنـزل مـن الغيـم ودان
على فياضـن زايفـات النواويـر
جاها الحيا بارق وراعـد وهتـان
وعـم الفيافـي كلهـا بالشخاتيـر
يفرح بها من كان هالك وضميـان
ويطرب لها راعى الغنم والمضاهير
وتناقلو علم الحيـا بيـن الاوطـان
وساد الفـرح مابينهـم بالتباشيـر
ومن عقبها يامحلا طرق الالحـان
في مدح ربعـن كلبوهـم مناعيـر
قالولي امدح راعي المال سلطـان
حتـاه أيعـدل حالتـك بالدنانيـر
قلت اسمعو مني وحان الفخر حان
وركاب فكري واردات ومصاديـر
امدح هل الناموس ذربين الايمـان
ماني من اللي يمدحـون الهواميـر
أثني وجيب البيت جزلـن ومليـان
وسوق مدحـي للوجيـه المسافيـر
ربعي ضنا مرزوق لاثـار دخـان
هل سربتن تنطح جيوش وطوابيـر
يشهد لنا سيفن ورمحـن وميـدان
وتشهد لنا قحص المهار المشاهيـر
أهل القنازع لارقص كل شيطـان
اللابت اللـي ماتهـاب المخاطيـر
وحريبنـا لامـن نوانـا بالاكـوان
لانسمع الغـاذل ولانسمـع أمشيـر
نارد كما يارد على الجم ضميـان
وعاداتنا نـروي سيوفـن بواتيـر
نرمي العشا لطير والذيب سرحـان
اليا ختلط عج الرمـك بالذواخيـر
ومن وقعنا شاف المصايب بالاعيان
وقفا يشيـل غبونهـا والمخاسيـر
حنا هل العليـا قرومـن وفرسـان
ستر العذارى لابسـات الأساويـر
وحنا هل المعروف ذربين الايمـان
نفرح اليا شفنا الضيوف المساييـر
ترحيبنا لضيـف والجـار والعـان
ترحيبن احلى من حليب المصاغير
أنقلط السفـره وحيلـن وخرفـان
ونكرم اللي يحتمـون المضاهيـر
ميزاننا يرجح علـى كـل ميـزان
ومكاننا من فوق كـل التصاويـر
وعقب كلامن فيه زورن وبهتـان
وماينقلـه ياكـود ناسـن معاثيـر
(وماقل دل وزبدة الهرج نيشـان)
قد قالها راكـان زبـن المخاسيـر
تمـت وصلـو عـد ماهـل ودان
على نبيـن بيـن الشـر والخيـر