بتحبني؟
* أوي
-انت عارف انت كل حاجة في حياتي انا فعلا مقدرش أعيش من غيرك
*و انتي فعلا أجمل حاجة حصلتلي في حياتي و الله حياتي عمرها ما حاتكون ليها معنى من غيرك
** ايه رأيكم في الحوار الرومانتيكي ده 00فظيع مش كدة ؟؟ طيب ايه الموضوع؟؟
الموضوع ان بعد يومين تلاته اسبوع كدة شهر نبص نلاقي حاجات غريبه بتحصل 00
طرف من الطرفين دول يا اما مش بيرد على التليفون أو يرد بس يتكلم معاك بطريقة تخنق جدا و تحس ان كان اكرملك ان هو ما يردش عليك أصلا بدل ما يرد و يتكلم بالطريقة دي 00 و تسأله يقولك عادي مفيش حاجة 00تسأله انا عملتلك حاجة ؟؟00يقولك لأ بقولك عادي عاااادي00
و ممكن تتصل و يقولولك نايم أو هو يكون موجود و يقولولك خرج ده طبعا بعد ما يشوف نمرتك و يخلي حد تاني يردعليك و يكون هو
مفهمه حايرد عليك يقولك ايه 00 تبعتله messages تقوله يتصل
بيك لما ييجي و اللا لما يصحى و لااااا يعبرك 00 المهم انك مش فاهم حاجة و مش عارف ايه اللي بيحصل ده و تفضل تعصر
في دماغك يمكن اكون قولتله حاجة زعلته و انا مش واخد بالي 00طب يمكن عملت حاجة هو مش بيحبها و برده مش واخد بالي 00
و بعدين تكلمه و تقوله في ايه طيب انا عملتلك حاجة طيب انا لو عملتلك حاجة ما تزعلش انا آسف يوقلك ماشي خلاص مفيش حاجة و برده مفيش حاجة تتصلح و برده يكلمك بطريقة رخمة جدا و تحس ان هو مش عايز يرد عليك اصلا و ان هو بيكلمك وهو عاصر على نفسه 10 كيلو ليمون
ايه اللي حصل ؟00 الله اعلم 000فتبدأ تفكر ان هو من كام يوم كدة كتييييييييييييييييييييييي ر قالك بحبك و تفضل تكلم نفسك أيوة ده قالي بحبك أيوة ده قالي انا مقدرش اعيش من غيرك 00لأ ده اكيد لسه بيحبني 00قبل ما تنام تفتح الرسايل اللي كان باعتهالك على الموبايل اللي كاتبلك فيها انت عمري و حياتي و قلبي و روحي و 00000 و كل ده علشان تقنع في نفسك ان هو لسه بيحبك و بيفكر فيك و عايزك و تقول لنفسك الحب اللي بجد مش بيتنسي بالسرعة دي و هو قالي ان هو بيحبني بجد و قالي اني انا لا يمكن اكون
لأي حد غيرك 00تسؤ 0000 طيب هو ليه بيعمل معايا كدة 00ليه بيتهرب مني ؟؟00هو ليه مش عايز يكلمني 00هو انا عملتله ايه؟؟
الغريب ان الرد الغالب في المواقف دي لما تسأله في ايه مالك بيكون (عادي)و تسأله ايه من اللي بيحصل ده عادي من امتى و هو ده العادي يرد عليك و يقولك (عادي) و بعد ما انت كنت متعود ان هو بيكلمك كل يوم خمسين مرة ممكن يفضل اسبوع ما يكلمكش وبرده لما تسأله يرد عليك يقولك (عادي)
تبدأ بقة تحس ان هو باعك خلاص00
شويه و ترجع برده تقنع في نفسك ان هو عمره ما هينساني لانك بتفتكر كل كلمه قالهالك لما وعدك بان هو عمره ما حايسيبك في يوم من الأيام و مفيش حاجة ممكن تفرقنا عن بعض الا الموت و لما قالي0000000 و لما قالي000000و لما قالي0000000
و تقول هو لسه بيحبني انا متأكد من اللي انا بقوله ده
و ترجع تقول طيب هو ليه بيعمل معايا كدة انا محتاجله أوي
و ساعتها بعد فترة كبيرة ممكن تكون اسبوعين تلاته أربعة من عذاب متواصل تحصل حاجة من التلاته ** أخيرا حايرد عليك و يقولك ان الموضوع انتهى بالنسبالي و لما تيجي تسأله
عن السبب يقولك كلام يدل على ان هو 00000000سوري يعني (عبيط) أصله حايقولك (أصل 00000آآآآآه 0000كدة000تسؤ000انا مش مرتاح 000أصل انا اتغيرت0000أصل انت000 كدة بقة و خلاص !!!!!!!)
و يسكت 000(هاا عبط مش كدة)
يا اما ** حايكبر و يضربلك الطرشه و انت لو عندك مخ حاتفهم
**أو يبعتلك مرسال يقولك الموضوع انتهى بالنسباله و هو طبعا مش حاييجي بنفسه يقولك علشان هو طيب و ما يقدرش يقولك كدة في وشك علشان ما يقدرش يجرح مشاعرك و لما تسأل المرسال عن السبب يقولك (ما اعرفش حاجة و الله) و بينهي اجابته بكلمه و الله علشان ما ترغيش و ما تسألش كتير ده انا حلفتلك يعني بترغي في ايه؟ قال هو يعني فارق معاه حلفان 00
ساعتها هتحس ان كل حاجة راحت منك00أغلى حاجة انت كنت عايشلها اختفت روحك طلعت منك و تحس انك اديت قلبك لواحد ما يستاهلش هتحس ان قلبك مات و تحس ان كل اللي حواليك كدابين و مفيش حب في الدنيا خلاص كل الناس كدابه و محدش يستاهل و تفضل تقول انا مش هحب تاني و تبص تلاقي دموعك غصب عنك عماله تنزل و مش بعيد تتعب لدرجة انك تدخل المستشفى من نفسيتك اللي بقت تحت الصفر و كل دقيقة تعدي تلاقي نفسك تقول هو الخسران و بعدين ننتقل لمرحله تشغيل الأغاني الكئيبه و تديها (غدار خليتني احبك 00على شويه 00سابني و راح) و طول ما انت بتسمع عمال تقول هو الخسران و بعدين تنزل تشتري شرايط فيديو افلام كئيبه و تتفرج عليها و قلبك يتقطع و تفضل تعيط و تقول هو الخسران
هو الخسران قلب لو لف الدنيا كلها مش حايلاقي قلب يحبه زي قلبي 00هو الخسران حنيه لا يمكن حد حايديهاله قدي 00هو الخسران حضن لو لف الدنيا كلها مش حايلاقي لا أدفى و لا أحن و لا أأمن منه00 هو الخسران 00000000هو الخسران 000000000هو الخسران0000
لازم تحس ان هو ما يستاهلش منك كل اللي بتعمله ف نفسك ده 00انت لازم تعرف انك بتقطع في نفسك و هو نايم مرتاح و بيصحى يشغل أغنيه (كعبو كعبو 00حبيبي و انا الاعبه)
و بيتفسح و بيهرج و مش بعيد يكون عايش حياته مع حد تاني غيرك 00حط لنفسك شعار أغنيه
(ريح بالك 00بتاعت تامر)
ريح بالك و انسى اللي نسيك عيش ليك لياليك مش ده يا قلبي اللي بنتمناه 0000
حاتفضل تلوم نفسك و تقول ايه اللي خلاني اختار بني ادم زي ده دون عن ملايين من البني آدمين التانيين 00طيب هو انا اخترت غلط 00طب هو ما حبنيش أصلا 00طيب هو كان بيضحك عليا ليه؟ طيب هو معقول واحد يحب واحد النهارده و ينساه بكرة ؟؟!!
طيب هو ليه قالي كل الكلام ده ليه وعدني و قالي عمري ما هستغنى عنك أبدا 00ليه كل لحظة كان بيحسسني ان هو بيحبني أكتر من اللحظه اللي قبليها 00ليه عيشني كل اللحظات الجميله دي؟
أسأله كتيرة مش حاتكفي دواوين
ده انا ضحيت بكذا و كذا علشانه 00ده انا عملت و سويت علشانه00ده انا كان عندي الاستعداد الكامل اني ابيع الدنيا كلها علشان خاطره
و برده نرجع لنقطة الصفر 0000
**يا جماعة الناس دي فعلا ما تستاهلش كل اللي انتوا بتعملوا في نفسكم ده و يا ريت كل ده بيعمل حاجة في الآخر انت اللي بتتعب و انت اللي بتتخنق بس 000ما ينفعش تحس ان هي دي نهايه العالم لازم يبقى عندك أمل في بكرة فإن انك حاييجي عليك اليوم اللي حاتلاقي فيه اللي يعوضك عن كل يوم وحش عيشته في حياتك بس خلّي عندك أمل 00 ما تقفلش على نفسك الباب وتقول لأ مش هحب 00لأ هتحب 00هتحب انا عارفة 00حتى لو بعد عشرتاشر سنه 00 أصل الحب ده علينا حق 00انت بس علشان لسه الموضوع في حماوته حاتقول كدة بس و الله كلهم بيقولوا كدة في الأول00و بعدين حاتلاقي نفسك بتتشد لحد تاني و حاتعيش قصة حب تانيه و و الله مش بعيد تالته و رابعة 00بس الناس الصح هما اللي يعرفوا يستفيدوا من التجارب دي 00 و ما ينفعش تقول واحدة خانتني طب و الله لأوريكوا يا بنات حوا و تفضل تحبب بنات فيك و بعدين تسيبهم علشان واحدة عملت فيك كدة00و الكلام برده للبنات علشان بيحصل منهم حركات مش لطيفة خالص00
و برده ما ينفعش تبقى تجربه انتهت بالفشل تكون السبب الأول في فشلك انت شخصيا و فشل في الدراسه بقى أو الشغل أو حتى في تعاملاتك مع الناس00
أقولك حاول لو تجربة الحب بتاعتك انتهت حاول تحب 00تحب دراستك تحب شغلك 00تحب اصحابك 00تحب أهلك00و أولا طبعا تحب ربنا قرب أوي من ربنا و الله حاتلاقيه بيهون عليك حاجات كتير أقف صليله و عيطله في الصلاة كمان و الله أول ما حاتخلص صلاة حاتحس براحة لايمكن تتخيلها 00بس جرب وقتها هتعرف معني الحب الحقيقي والسعادة الحقيقية
تحياتي للجميع
