~¤§[ إسطوانات البنات لتثبيت الشباب ]§¤~

إسطوانات البنات لتثبيت الشباب

عمرك سمعت عن البنت الدنجوانة (آه يانا منهم آه )؟
يمكن المصطلح غريب حبتين بس الحقيقة أن في فعلا بنات كده
واخدين دكتوراه في الضحك علي الشباب الغلبان
اللي يا عيني بيصدق الدلع والضحكة اللي بالى بالك
اللي تخلي قلبه يرقص ويتنطط عشان ضحكت علي كلام بيقوله.
يمكن مش مصدقين , طب بلاش ، كلنا طبعا سمعنا عن اسطوانات الولاد المشروخة
اللي بيها يخلوا البنت تحس بدوخة، طب حد فيكو سمع قبل كده
عن اسطوانات البنات الهيمانة اللي بتخلي الولاد في خبر كان؟ مش مصدقين؟
على العموم المية تكدب الغطاس

وتعالوا نشوف إيه الاسطوانات دى


دة أنت حبيبي

هي بضحكة مصطنعة :: تصور كل أصحابي بيسالونى عنك
وإن كنا مرتبطين ببعض ولا لأه عشان إحنا باستمرار سوا
((الحدق يفهم بقي ))




صحتك يا حبيبي

أف بطل السجاير دى عشان صحتك حتى أنت ابتديت تكح وتنهج حرام عليك نفسك




أسعد واحدة في الدنيا

خد يا بنى أنا كتبت لك المحاضرات اللي فاتتك عشان تعرف تذاكر وتنجح
نفسي تأخذ بالك من مذاكرتك ومحاضرات صدقني هاكون اسعد
واحدة في الدنيا لما أشوفك ناجح
(( قلب الأم ))





كده وكده يعني

إيه رأيك نعمل إننا مرتبطين عشان نغيظ صحبتنا فلانة او صديقنا فلان
(( لسه مش فاهم قصدها إيييه ؟)




إفهم بقي

صحيح أنت ما قولتش مواصفات فتاة أحلامك وعروسه المستقبل
والبنت اللي أنت تلاقى معاها نفسك ونفسك ترتبط بيها
(( طبعا هتكون نفس مواصفاتها ))




أنت وبس

مش عارفة أنا دايما سرحانة على طول وأول ما بفكر في حد بيكون أنت عشان
تعرف انك غالى عليا جدا
(( طبعا عرفت ))



حبيب حياتي

تعرف إني حلمت بيك امبارح ونطقت باسمك
ولما سألني بابا عن صاحب الاسم تانى يوم ما كنتش عارفة أقول إيه
(( تفتكر أقوله إيه ))




أنا ليه مين غيرك؟

مش عارفة ليه بحب أحكي لك كل حاجة لكن كل الى أنا متأكدة منه
انك قريب منى وساعات بسال نفسي أنا ليه مين غيرك؟
((طبعاً شهم ومش هتتخلى عنها ))


[glint]منقووووول[/glint]

مع إخلاء مسئوليتى مما ورد أعلاه

وتقبلوا أرق تحياتى

ههههههههههههه

من جد حلوة

يعطيك العافية

ماننحرم من روعة مواضيعك

أختك سراب الماضي

ممكن تسلفنى الاسطوانة دى أنزلها عندى ؟
http://www.mwadah.com/images/imgcache/notfound.gif