صمت المشاعر

:sm217: صمت المشاعر

--------------------------------------------------------------------------------



أكتب غيابك وانثر حروف حزني


قصة بطلها غاب من غير سيّه


اللحظة اللي من تغيبيـن عنـي


حسبي عليها ماأحتملهـا قويّـه


صمت المشاعر وقتها لاسكنـي


هي غيبتك هي سبة الصمت هيّه


موت المشاعر صمتها لاطعنـي


لاقبلها ولا بعدهـا مـن أسيّـه


فجأه وغابت وابتدا الخوف لاني


كتلة مشاعر مع أحاسيس حيّـه


ظنـي بهـا لاخيـب الله ظنـي


قلت آتفائل .. وانتظرها شويّـه


طال إنتظاري فاقد اليـوم كنـي


أكبر هديّه فاقـد أكبـر هديّـه


دورتها وكان أغلب الظـن إنـي



أرجع وشابك يدهـا فـي يديّـه


هي وينها .. هي ناويه تمتحني


أقول يكفي عودي الحيـن ليّـه


من إختفت .. كل الحواس إختفني


والله أنا بدونك ملامـح خفيّـه


سألت نفسي واستشكيـت منـي


مدري يانفسي إرتكبتـي خطيّـه


حرف(ن) كتبته في غيابك كتبني


شوفيه حرفي ماعتقد فيه زيّـه