القاف فـن !!!

بسم الله الرحمن الرحيم
السلام عليكم ورحمة الله وبركاته
نزلت لكم قصيده جميله وارجو انتنال على اعجابكم




القاف فن وكل فنٍ على قاف
احاول اعرف موقفي من حروفه
ما دام اله عندي معزه وميقاف
ببذل معه جهدي واقدر ضروفه
واذا بغيت اصف تأملت الاوصاف
والناس كل ٍ تبع شفه وصوفه
واذا بغيت امدح كريمين الاكفاف
ذكرتهم واللاش ممدح كفوفه
واذا قنصت اطلع على كل مشراف
واتشوف عيني ما تيسر،تشوفه
واذا نويت اغوص في موج واصداف
القا الجواهر يوم غيري تطوفه
واذا نويت الخيل فارس وعساف
العاصيه بعدي تقول معسوفه
واذا حصل زله ومنقود وخلاف
تركت للرديان كل الكلوفه
ولو عشت في عزله ومكتوف الاطراف
اخير لي من لقف ناسٍ لقوفه
والحر تكفيه الاشاره اذا شاف
واذا انعمى راسه تشيله كتوفه
حسب اعتقادي ماعسر شي الاسلاف
وحنا خلفهم والسنين أمخلوفه
للي تبع سنة سبب بيت الاشراف
ومن رحمة الله ما يطري حسوفه
ما قل ، دل ، وللزهر فيه قطاف
بشاوره ويزود قطفي قطوفه
شاعر ومعجبني ، وفاهم وعراف
ومن راس ناسٍ فالزمان امعروفه
يصرف درر، يوم اكثرالناس ينعاف
ريف الخوي والجار مكرم ضيوفه
اسعود بادي بنك صارف وصراف
الله يكافيه الزمان وصدوفه

القاف فنً عن فنون العرب كاف "
" سجل عناوين الفخر في كشوفه
ياشاعرً قبلي سعى فيه واطاف "
" اكمل طوافه ست واتبع بطوفه
صخر بيوتً ماتصخر كذا حاف "
" الا لمن قافه بفكرة يحوفه
شاعر بحر ماحط قارب ومجداف "
" يغوص غباتة ويشهر سيوفه
اخذ من بحورة على عرفه اصناف "
" وقمت اتفكر في عجايب صنوفه
الشاعر اللي صدر بيته على آف "
"والعجز جابه من صميمه على اوفه
جيت وعقبته ياجماعه بمغراف "
" مرً زلال ومر طينً غروفه
الشعر ضيف لمن عنى فيه لاضاف "
" يكفي قليله عن كثيراً تعوفه
اسير له خطوة ويمشي لي آلاف "
" يلقى هنا شاعر بحضرة صفوفه
ورجلً مثل منصور حاوي وشواف "
" يجني من الجزلات دايم شفوفه
من ينتظر من وقتنا كلمة انصاف "
" تابس شفاه ولايشاف معروفه
مثل الشجر ياقف وله ظل واطراف "
" بس المصيبة من يقدر وقوفه
مات الضمير ولحفو فوقه لحاف "
" ومات الكلام الصدق فينا بخوفه
انص الذي بالمرجلة والكرم ناف "
" والا الردي لوقال جعله ذلوفه
لاجاء نهاراً فيه خفه وخفخاف "
" تقول تضرب وسط قلبه دفوفه
ناظر يمين وقدام وايسار وخلاف "
" ناس حذفت ناسً وناس محذوفه

ياسيد الكلمه ويامطوع القاف
ويابحر زاخر البحور مغروفه
ويانايفٍ بالشعر والشعر بك ناف
في نايفٍ يزري الردي لا ينوفه
ابدعت في قولك وجاوزت الاتحاف
بغزاره المعني وقوة حروفه
ولو كان مابرقك علينا بكشاف
شوف الحيا يجذب عيونٍ تشوفه
ويجبرك في روضه تمشى وتطاف
وتقطف وتنظم ماتحالى قطوفه
هذا وانا شاعر وللرمي هداف
اصيب مركوز الهدف وسط جوفه
وليا نويت اغزي تباعدت الانكاف
ودون الهدف ما اقنع ولا ابغى النكوفه
ولاني على المقفي شفوقٍ ومزهاف
يعرض ونعرض لا عطانا كتوفه
واشهر كما يشهر على الخيل كرناف
بالعزوه اللي بالفعول معروفه
بسيفٍ يجز الراس من فوق الاكتاف
من فعله ابصار الخصوم مخطوفه
والشعر يامنصور يسّمو بالاهداف
وتراجم السان العرب ومن حروفه
وللشعر يامنصور ناقد وعراف
صرافٍ وعراف بفكره يحوفه
ومن يرمي الجمله بلاميز وجزاف
شوفه بعيد ولاتدانا بشوفه
ومن كان مثلك مايبي نصح واسعاف
يكفيه مد كفوف غيره كفوفه
وانته وانا نمشي على نهج اسلاف
اللي مواقفهم تجلي الحسوفه
والخاتمه اسلم ودم يابن الاشراف
ياشاعرٍ منك البحور مغروفه