-
دوره مبسطه بطلب ( سجينه الأحزان )
بسم الله الرحمن الرحيم
سوف نقوم بالعمل على الاصدار الثامن cs الانجليزي
وسوف تشمل دورتنا برنامج الاميج ردي المرفق معه اثناء التحميل
توكلنا على الله
اولا هذه صوره لواجهة البرنامج بعد فتحه ( منطقه العمل )
https://mwadah.com/images/imgcache/2008/10/793.gif
طبعا يظهر لنا القوائم في الاعلى لليسار
وهي كالتالي : طبعا ترجمتها : ملف - تحرير - صور - طبقه - اختيار - فلتر ( مؤثرات ) - مشاهده او عرض - نافذه - مساعده .
وايضا نشاهد : عمود التحرير اسفل القوائم ( الادوات ) طبعا دورها هام ((فيه القص والتلوين والفرش...)) بس هي تشرح نفسها بنفسها كل ما تعمقنا بالدروس
وايضا نشاهد مربع الى اليمين يحتوي على لير وشنل وباث ( عاده يستخدم للتعديل والاضافه على كل تأثير يضاف على العمل
هذا تقريبا اهم الاشياء في الصفحه الرئيسه للفوتوشوب 8
الان نبدأ باول خطوه:
عمل طبقه جديده ( نيو لير ) وهي الاساس في اي عمل
لازم نحط طبقه عشان نصمم عليها
من قائمه file ـــــ نختار new كما بالصوره
https://mwadah.com/images/imgcache/2008/10/794.gif
يظهر لنا مربع خيارات الطبقه ( يعني مساحتها ارتفاعها عرضها لونها )
كما بالصوره وما نغير الا قيمه العرض ( width ) والارتفاع ( height )
https://mwadah.com/images/imgcache/2008/10/795.gif
بعد ما نغير العرض والارتفاع للمساحه المطلوبه نضغط اوك
وبعدها يظهر اللير الجديد ( الطبقه المطلوبه ) كما بالصوره
https://mwadah.com/images/imgcache/2008/10/796.gif
تلاحضون ان الطبقه بنفس المقاسات المطلوبه المحدده مسبقا
هذا كل شيئ لليوم
اتمنى ان يكون مبسط وماشي حاله ومفهوم
بعد ما شوف تطبيقك ومافيه اي مشاكل
نستمر بالشرح
موفقين
واعتذر عن الجوده وركاكة الاسلوب
-
رد: دوره مبسطه بطلب ( سجينه الأحزان )
بداية موفقة
نرجو أن تكتمل بفضل الله
مع الشكر والتقدير
-
رد: دوره مبسطه بطلب ( سجينه الأحزان )
ان شاء الله
بس تابعونا
عشان نتعلم من بعض
-
رد: دوره مبسطه بطلب ( سجينه الأحزان )
الله يسعدك يارب ’’بداية حلوه وماشي معاي اوكي بس انا اشتغل على فوتوشوب 7 يعني مافي ضرر ’’
شكرولك مني اجمل تحية ’’
-
رد: دوره مبسطه بطلب ( سجينه الأحزان )
شـكــ وبارك الله فيك ـــرا لك ... لك مني أجمل تحية .
-
رد: دوره مبسطه بطلب ( سجينه الأحزان )
والله انا ما اشتغلت عليه
لكن على حد علمي انه مافيه فرق كبير
-
رد: دوره مبسطه بطلب ( سجينه الأحزان )
صحيح مافي فرق يعني انت تحكي بس انه موجود عندي بالعربي وعندك بالانجليزي بس واصل موفق بإذن الله ولك مني اجمل تحية
-
رد: دوره مبسطه بطلب ( سجينه الأحزان )
وين تطبيقك
ابغ اشوف لير جديد ( بأي مقاس مو شرط )
-
رد: دوره مبسطه بطلب ( سجينه الأحزان )
اقتباس:
المشاركة الأصلية كتبت بواسطة ابو راشد
شـكــ وبارك الله فيك ـــرا لك ... لك مني أجمل تحية .
وجودك اخي ابو راشد شرفني
-
رد: دوره مبسطه بطلب ( سجينه الأحزان )
ههههههههه طيب يااستاذي لكن ماعرفت كيف انقلها لك عشان تشوفها بس والله كل شغلي سليم وماشية معاك خطوه خطوه’’’
-
رد: دوره مبسطه بطلب ( سجينه الأحزان )
هههههههههههه
آل استاز آل هههههههههههه
سهل جدا
عندك زرار بالكيبورد مكتوب عليه برنت اسكرين
هذا يصور الشاشه المفتوحه
بعد ما تسووي اللير اضغطي برنت اسكرين بعدين من الرسام تحرير ثم لصق ثم نحدد بالمربع المنقط الجزئيه اللي نبيها وبعدين تحرير وقص
بعدين ملف و نيو بيقول حفظ للصوره الاولى
نقول لا
بعد كذا تحرير ولصق
وحفظ باسم
ويعدين اي مركز تحميل ونرفع الصوره
ونجيبها
وسلامتكم
-
رد: دوره مبسطه بطلب ( سجينه الأحزان )
[align=center]
اليوم راح نتعلم كيف نلون الطبقه
وكيف ندمج لونين
بعد ما سوينا طبقه جديده
نلاحظ وجود قفل للطبقه
https://mwadah.com/images/imgcache/2008/10/742.gif
لابد من تحرير الطبقه
وطريقتها : ضغطتين بالماوس بجوار القفل ثم نضغط على اوكي
الان لتلوين الطبقه كامله بلون واحد
https://mwadah.com/images/imgcache/2008/10/743.gif
نختار اللون المراد صبغ اللير به من اداة الالوان كما برقم (1) بالضغط على المربع مرتين فيفتح لنا تدرجات الالون
نحدد اللون المطلوب ونضغط اوكي ونلاحظ انه اصبح اللون النشط كما باللون الاخضر الفسفوري
بعد كذا نختار اداة التحكم باللون ( البوكت ) - اداة الصبغ - كما برقم (2) ونذهب بها الى اي مكان باللير وتكه وحده على الماوس بس
ويصير لون كما حددنا شوفوا الصوره
https://mwadah.com/images/imgcache/2008/10/744.gif
الحين نجي لدمج لونين
https://mwadah.com/images/imgcache/2008/10/745.gif
حدد اللونين المراد دمجهما بالضغط على المربع النشط ( العلوي ) مرتين ونحدد له لون ونضغط اوكي
ثم نبدل للمربع الخامل ( السفلي ) بسهم التبديل كما بالصوره اعلاه
فيصبح هو النشط بعد كذا نضغط عليه مرتين ونحدد له لون ونضغط اوكي
بعد كذا نروح لاداة التحكم باللون البوكت ونلاحظ انه يوجد سهم اسود صغير جدا في زاويه المربع الذي حولها
https://mwadah.com/images/imgcache/2008/10/746.gif
كما بالصوره
نضغط عليه ضغطه طويله شوي
تنفتح لنا قائمه
فيها اداة تدرج اللون ودمجه
نختارها ونذهب الى اللير ونلاحظ ان مؤشر الماوس اصبح مربع منقط ( اداة تحديد )
نروح الى احد زوايا اللير من داخل الاستروك ( الاطار ) ونضغط ونستمر ضاغطين كلك الماوس اليسار ونسحب للزاويه المقابله قبل الاستروك مباشره ونفلت
فتندمج اللونين
ونلاحظ انه يدمج لنا من الاعلى اللون النشط وفي الاسفل اللون الخامل
كما بالصوره
[/align]
-
رد: دوره مبسطه بطلب ( سجينه الأحزان )
شرحك اكثر من رائع تسلم ’’’صحيح جت حوسة على كيفك بس الامور مشت تمام وحاولت اسوي الطريقة عشان انقلك عملي بس للاسف ماعرفت ’’
بحاول اعرفها وانزلك تطبيقي ’’’
شكرلك على المعلومات ولك مني اجمل تحية
-
رد: دوره مبسطه بطلب ( سجينه الأحزان )
اذا فيه شي صعب
اقتبسيه وانا اوضحه ان شاء الله
-
رد: دوره مبسطه بطلب ( سجينه الأحزان )
شكرلك في الشرح اناماشية اوكي بس حاولت انقلها لك ماعرفت كيف وسويت الطريقة اللي قلتها بس ماضبطت معي وان شاء الله احاول انقلها’’
موفق بإذن الله ولك مني اجمل تحية
-
رد: دوره مبسطه بطلب ( سجينه الأحزان )
[align=center]
اليوم سنتعلم كيف ندرج صوره في الفوتوشوب
اول شي نفتح لير جديد زي ما تعلمنا
وبعد ما نحرر اللير من القفل
نروح الحين لقائمه ملف ومنها لامر فتح
بيفتح لنا نافذه ندور الصوره اللي نبيها ونختارها
تجينا وتجي على طبقه جديده خاصه فيها
نحرر قفل طبقه الصوره مثل ما تعلمنا
بعد ما جبنا الصوره وحررنا طبقتها
الحين بندرجها على اللير اللي سويناه اول
نقوم ونضغط كنترول + A ومعناها تحديد للشكل ( الصوره )
نلاحظ انها تحددت وصار حوليها مربع منقط ومتحرك
وفائده التحديد هو التحكم في الجزء المحدد دون باقي الشاشه او العمل ويسهل علينا العمل
الحين بعد التحديد نضغط كنترول + C عشان ننسخ الجزء المحدد
يصير منسوخ بالماوس
نصغر الحين الصوره تقريبا انتهينا من استخدامها
نصغرها تحت ونخليها
نروح لللير اللي سويناه
ونضغط كنترول + V تجينا الصوره فوق اللير بس مو مطابقه لحجم اللير
تجي اصغر
نقوم نضغط كنترول + T عشان تصير محدده باطار التحجيم
بعدها نمسك المربعات الصغيره حق التحجيم ونكبر لين تصير بحجم اللير
ثم نضغط انتر عشان يروح تحديد التحجيم
وبكذا نكون ادرجنا صوره في عمل جديد ( على لير جديد )
[/align]
-
رد: دوره مبسطه بطلب ( سجينه الأحزان )
مفهوم ورائع شكرولك مني اجمل تحية ’’
-
رد: دوره مبسطه بطلب ( سجينه الأحزان )
[align=center]
حفظ العمل :
تكمله لموضوع ادراج لون وادراج صوره
بعد الادراج وعمل التنسيقات اللازمه
نقوم بحفظ العمل
ولابد من حفظه بصيغه psd صيغه ملفات الفوتوشوب
لنتمكن من التعديل عليها مستقبلا
وان كنا لانريد التعديل فنحفظها بصيغه gif وخصوصا ان كان عليها تاثيرات
فلاتر او حركه عن طريق برنامج الاميج ردي ( سوف ياتي لاحقا )
[/align]
-
رد: دوره مبسطه بطلب ( سجينه الأحزان )
شكرولك مني اجمل تحية على التوضيح ’’واصل ابداعك
-
رد: دوره مبسطه بطلب ( سجينه الأحزان )
ان شاء الله
بس كنت اتمنى ارى تطبيقك
-
رد: دوره مبسطه بطلب ( سجينه الأحزان )
ان شاء الله بس اول مااعرف انقلة اكيد راح انقلة لك من اول مابدينا الى اخر شئ وعن قريب بإذن الله ’’’
-
رد: دوره مبسطه بطلب ( سجينه الأحزان )
فيه طريقه اخرى
بعد حفظ العمل
يمديك ترفعي الصوره اللي حفظتيها من اي مركز تحميل
وتجيبيها هنا
هذي الطريقه اسهل من الرياضيات الاوله
ههههههههههه
-
رد: دوره مبسطه بطلب ( سجينه الأحزان )
ههههههه اوكي ان شاء الله راح احاول واعرفها لعيونك شكرولك مني اجمل تحية
-
رد: دوره مبسطه بطلب ( سجينه الأحزان )
لا تطبيق
ولا حتى مشاركات من الاخرين
اصبح ممل
اتمنى ان اجد احد يرد
-
رد: دوره مبسطه بطلب ( سجينه الأحزان )
اذاكان وجودي وتطبيقي معك ومواصلتي للدروس لاتكفيك فيمكن لك ان تعتذر اخي الكريم ’’وانا شاكره لك عن كل ماقدمت لي من معلومات حول الفوتوشوب وكانت جدآ رائعة اتمنى لك التوفيق لماقدمته لي ’’لانك اذا مللت فلن تكون المعلومات التي تقدمها بصدر رحب ’’شكرلك
-
رد: دوره مبسطه بطلب ( سجينه الأحزان )
الفتوشوب
ليس مجرد مفهوم وسهل
الفتوشوب شوف انا طبقت كذا وصار كذا
ليش جا هذا اللون مو بواضح
ليش ما تحركت الكتابه
ليش اللمعه ماضهرت
ليش العين ما تحركت معي زي اللي بدرسك
ـــــــــــــــــــــــــ ــــــــــــــ
ما شاء الله شوف انا خليت ابيات الشعر تتحرك زي ما سويت انت
انا خليت العين تغمض
انا ظهرت معي اللمعه على سطح الماء
انا خليت الدم يطلع من الجرح زي درسك
هذا هو الفوتوشوب
تفاااااعلي
-
رد: دوره مبسطه بطلب ( سجينه الأحزان )
شـكــ وبارك الله فيك ـــرا لك ..القلب الدافئ.. لك مني أجمل تحية .
-
رد: دوره مبسطه بطلب ( سجينه الأحزان )
-
رد: دوره مبسطه بطلب ( سجينه الأحزان )
جزاك الله خيراً أخى جهد قيم لا حرمك الله الأجر والثواب
-
رد: دوره مبسطه بطلب ( سجينه الأحزان )
-
رد: دوره مبسطه بطلب ( سجينه الأحزان )
سوف نكمل الدروس
بس ابي احد يطبق كل درس
ابي رايكم
؟؟؟؟؟؟؟؟؟؟؟؟؟؟؟؟؟؟؟؟
-
رد: دوره مبسطه بطلب ( سجينه الأحزان )
[align=center]
اعتذر على ركاكه الاسلوب
ارجوا ان يكون سهل
[/align]
-
رد: دوره مبسطه بطلب ( سجينه الأحزان )
[align=center]درس اليوم سهل وبسيط
سوف نقوم بإزاله كتابه معينه من على الصوره
هناك عده طرق لازاله الكتابه سوف نختار طريقتين :
1- باستخدام اداه الرقعه
https://mwadah.com/images/imgcache/2009/04/938.gif
اول شي بعد ما نختار اداه الرقعه من عمود الادوات نروح نحدد بها الكتابه اللي بالصوره
طبعا التحديد يكون مستمر يعني : بدا من نقطه معينه حول الكتابه ونضغط بزر الفاره ونستمر ضاغطين ونحرك حول الكتابه لين نوصل لنفس النقطه ونفلت
بعد كذا نضغط بنص الكتابه او التحديد ونقوم بالسحب لاي مكان مناسب لخلفيه المكان اللي مكتوب عليه ونفلت فينتقل لنا نسخه من المكان اللي رحنا له على مكان الكتابه فتختفي الكتابه
شاهدوا العرض :
https://mwadah.com/images/imgcache/2009/04/939.gif
ـــــــــــــــــــــــــ ـــــــــــــــــــ
2- باستخدام اداه الختم
https://mwadah.com/images/imgcache/2009/04/940.gif
نختار اداه الختم ثم نروح لاي مكان مشابه لخلفيه الكتابه ونضغط alt اللي يمين المسافه ونستمر بالضغط عليه وحنا ضاغطين ننقر بز الفاره اليسار
طبعا في المكان اللي حددناه مشابه لخلفيه الكتابه
بعدين نفلت ونروح للكتابه ونضغط بزر الفاره اليسار ونستمر بالضغط ونبدأ بالتحريك بدقه فتختفي الكتابه ويجي مكانها المكان اللي حددناه
شاهدوا العرض :
https://mwadah.com/images/imgcache/2009/04/941.gif
هذا كل شي لدرس هذا الاسبوع
اتمنى يكون سهل
[/align]
-
عمل اطار لتحسين شكل الصور ( برواز )
عمل اطار لتحسين شكل الصور ( برواز )
طبعا فيه طرق عديده لعمل فريم للصوره ولكن سوف نتعلم طريقه وحده اليوم
اول شي نجيب الصوره اللي نبي نسوي لها الاطار مثال هذي الصوره :
https://mwadah.com/images/imgcache/2009/04/870.gif
بعد ما جبنا الصوره للفوتوشوب من قائمه ملف ثم فتح
اول شي نسويه نفك عنها القفل
الان الصوره جاهزه لعمل الاطار
اول خطوه نروح اداه الاشكال من صندوق الادوات كما بالصوره التاليه :
https://mwadah.com/images/imgcache/2009/04/871.gif
طبعا الاداه اللي ظاهره بالصوره اللي شكلها مو منتظم هي اداه الاشكال واختيارها ان لم تكن موجوده تلقائي ( بالضغط على السهم الصغير الاسود الموجود في زاويه الايقونه ) وراح تنسدل لنا قائمه بتكون الاداه اخر واحد فيها
نختارها فيظهر لنا خياراتها بالاعلى اسفل الاوامر
https://mwadah.com/images/imgcache/2009/04/872.gif
بعد كذا نضغط عليها فتفتح لنا اشكال كثيره نختار منها المربع كما بالشكل
https://mwadah.com/images/imgcache/2009/04/873.gif
الان بعد ما اخترناه نروح للصوره ونبداء من الاعلى نضغط بالفاره ونمشي الى ان نحدد الصوره بالمربع كم بالشكل التالي :
https://mwadah.com/images/imgcache/2009/04/874.gif
طبعا بعد افلات الماوس راح يتلون الاطار بللون الافتراضي الاستايل الموجود جنب صندوق الاشكال كما في الشكل:
https://mwadah.com/images/imgcache/2009/04/875.gif
وكل ما عليك هو تغيير الاستايل لما تحب ..
نجي للخطوه الاهم :
نلاحظ ان اطراف الصوره معديه الاطار ولكي نجعلها في حدود الاطار كل ما علينا عمله هو الذهاب
لصندوق الطبقات ( اللير ) والوقوف على طبقه الصوره ( تقريبا بتكون اول طبقه انشاءناها ) بالضغط ضغطه وحده عليها .
ثم نروح ونحدد الصوره عن طريق كنترول زائد تي ctrl+t
ثم نلاحظ ان الصوره تحددت واصبح بمقدورنا التحكم بتحجيمها فنقوم بسحب اطرافها من الزوايا الى ان تتناسق مع الاطار
https://mwadah.com/images/imgcache/2009/04/876.gif
وبكذا نكون صلحنا اطار للصوره وصار شكلها انيق
اتمنى يكون الدرس بسيط
-
رد: دوره مبسطه بطلب ( سجينه الأحزان )
دورة رائعة استفدت منها شكرا لك