فلسطيني وافتخر

قالولك اسكت ما تحكيش

انت خلقت للتلطيش

للحواجز للمعابر للتفتيش

كتبوا علي جبينك ينداس

من الضابط للشاويش

فلسطيني قالولك ممنوع تعيش

فلسطيني ممنوع تثور

و مش مسموح تكون مقهور


اياك تطالب بحقك


اوعك بيوم تشوف النور

***

ممنوع تجدد هويه


ممنوع تجدد بسبور


فلسطيني و بدك تعلم

هاي الشغله ضد الدستور

فلسطيني لازم تتألم



من دون ما يشوفك دكتور

فلسطيني ممنوع تتظلم

و لا يطلع بجناحك ريش

فلسطيني ممنوع تعيش

***
فلسطيني بكل المطارات

اسمك بالاحمر مكتوب

و على شباك مصلحه الجوازات

كتبوا علي جبينك مطلوب

لازم تتوقف ساعات



مذنب او مندون ذنوب

و يتوجه الك اتهامات

انك سبب كل الحروب

كأنو بسببك الحق مات

و العدل بارضك مسلوب

و كأنك سبب النكسات

و كل ازمات الشعوب

و كأنو بسببك مجرم فات

على جنين بلحظه الغروب

و ذبح صبيان و بنات

و عجز على امرها مغلوب

***مع انو الحقيقه

انا الي بالدنيا ضحيه

عملتوني ماده للغنى

و قضية للي ما عندو قضيه

انا الي راسي ما إنحنى

بوجه الريح القويه

انا الي شعبي صمد
في الضفه و بالرشيديه

انا الي شعبي انتفض

و بحجر حارب دوريه

و اليوم و بكره و للابد


عنا كلمه وحده هي

احنا فلسطينيه مش ارهابيه


اخوكم ناطر القمر

منقول

((( سوف تعود فليسطين يوما من الايام)))
شـكــ وبارك الله فيك ـــرا لك ... لك مني أجمل تحية .

باذن الرب سبحانه وتعالى ستعود... شكر لمرورك اخي بحر

ستعود بإذن الله اذا عدنا والشعب الفلسطيني محظوظ ومحسود ... فلسطين محتله والكل يعلم ذلك ولكن هناك دول محتله ولا يعلم عنها أحد بما في ذلك أهلها ومواطنيها وقادتها ... تحياتي .

شكرا اخي ابو راشد علا ردك المعبر وشكرا لمرورك .... تحياتي

شـكــ وبارك الله فيك ـــرا لك ... لك مني أجمل تحية . ستعود انشاء الله

شكرا لك اخي تشي جيفارا علا مرورك الطيب ......

مع اطيب الامنيات

( لا تزال طائفة من أمتى ظاهرين على عدوهم لا يضرهم من خذلهم قالوا أين هم يارسول الله ؟ قال : بيت المقدس وأكناف بيت المقدس )
صدق من لا ينطق عن الهوى
شـكــ وبارك الله فيك ـــرا لك ... لك مني أجمل تحية .

شكرل لك اخي صناع الحياه علا مرورك الطيب وشكرا لردك اطيب

مع فائق شكري وتقديري