بسم الله الرحمن الرحيم
قبل كل شي أمانه لحد يقول لي العنوان مخالف ولا أحد يحذف الموضوع لأني الحين جالس أكلمكم بكل أسى
وأتمنى مشاركة الخبراء وأهل المعرفة وخصوصاً أبو راشد
أبحكي لكم معاناتي مع المستضيف واللي يبي يساعدني يقرأ المشكلة حتى الأخير
قبل 9شهور بالضبط صارت مسابقة في أحد المنتديات الكبرى وكانت الجائزة منتدى على استضافة مجانية المهم فزت أنا بالجائزة وحصلت على المنتدى ...... مبروك :mwalat41:
المهم أشتغلت عليه أنا وكم عضو تقريباً شهر ونصحوني بعض أهل الخبرة أنه الاستضافات المجانية ممكن تتقفل في أي لحظة وقمت أدور على أستضافة مدفوعه
ولقيت واحد في نفس الحي عندنا بمكة يستضيف مواقع وأتفقت معاه على مساحة 1 قيقا وترافيك 10 آلاف بـ600 ريال في السنة + 100 ريال حق الدومين مع أني عارف أنه بـ 50 ريال
وقام الأخ نقل المنتدى على استضافته وراحت علينا مجهودات شهر يعني تقريبا أكثر من 1500 موضوع و 3500 مشاركة و 30 عضوية ورجع لنا المنتدى مثل ما بدأنا
وقلنا مو مشكلة المهم بدأنا الأستضافة المدفوعه وبالتحديد بتاريخ 1/4/2008 وأشتغلنا تقريبا 5 شهور وصار لنا أختراق قبل رمضان بأسبوع وطارت علينا عضوية 107 أعضاء + 2000 مشاركة وموضوع
المهم قام الأخ ورجع المنتدى وقال لي لازم تسوي دعم فني وحماية وأتفقنا على السنة بـ 1000 ريال غير حق الاستضافة والدومين المهم من أول يوم بعد ما رجعنا المنتدى قال لي الحين أتحدى هذا الهكر
يخترقه مره ثانية وما مداه يخلص كلامه ألا والهكر كأنه جالس معنا يسمع ههههههههه ويخترقه مره ثانية ومن حسن الحظ طلع الهكر هذا من زملائي وقال لي تراه ما عنده سالفة ولا في دعم فني ولا سد ثغرات
ولا هم يحزنون قلت له مو مشكلة يمكن عشان الرجال توه بدأ الدعم الفني فلازم نعطيه فرصة المهم صرت أطلب منه هاكات يركبها ويطلب مني أدور على الهاكات وأعطيه الملف وهو يرفعه للمنتدى
وفي يوم من الأيام طلبنا من واحد من المعارف يصمم لنا ستايل جديد وفعلاً صممه وقلت له على سالفة أني أجيب الهاك وهو يركبه وقال أجل وش فائدة الدعم الفني ما دام الوضع كذا كمل جميلك وركب الهاك بنفسك
يعني منت محتاج دعم فني والمنتدى كله ثغرات وهو بس قفل لك التقويم وحط لك لوحة التحكم على مسار ثاني غير مسار المنتدى وعلى ايش تعطيه 1000 ريال
المهم خلص الأستايل وركبه الدعم ما قصر (( أحس انها جميلة منه )) ونجي لمشكلة إطارات الجداول حقت الأقسام مو منظمه وكلمته وقال لي هذا مو شغلي شغل مصمم الأستايل
وروح لخويي واكلمه وقال ياخي هذا لازم يسويه الدعم وقلت له تكفى تجمل معي وما قصر والله وعدل لي كل شي وضبط المهم بعد العيد 10 أيام ويجي ذاك الهكر اللي يخترق السيرفر حق المستضيف كامل
وألا أدخل المنتدى واشوفه مهكر وأتصل على الدعم وهو مو داري وش الطبخه وأعلمه على التهكير ويجي يبي يدخل على موقعه وألا يلاقيه فعلا مهكر
المهم مالكم بالطويلة ويطير عليه على كلامه 70 موقع وبالنسبة لي طار المنتدى وطار معاه 527 عضو نشيط + 62 ألف موضوع وأجي أسأله عن الباك أب ويقول لي الأخ والله الباك أب في نفس السيرفر
وراح معاه المهم ضاع مجهود 8 شهور في لمح البصر ويرجع يركب المنتدى من جديد وما بغيت أرجع لكن ألحاح الأعضاء اللي معي على الماسنجر خلاني أرضخ للأمر
ونرجعه ونرجع نشتغل عليه من جديد وحنا لنا شهر الحين بعد ما رجعناه وكل يوم يظهر لنا مشكلة جديدة
يعني مثلا كلما يجي عضو ينزل مشاركه أو موضوع تجي له هذي الرسالة :
اقتباس:
Fatal error: Allowed memory size of 67108864 bytes exhausted (tried to allocate 37365393 bytes) in /home/tnahe6c/public_html/includes/functions.php on line 616
وكلمته عليها وقال ياخي من صندوق الرد ( أدوات المودة للتحرير ) قلت له طيب دور لنا على حل وقال نحذف الصندوق وعطله ألا وختفت المشكلة ورجعه ونفس الكلام
قال لي عشان ذاكرة السيرفر مدري وشو 46 ميقا وضحكت عليه وقلت له طيب اللي صمم لي الأستايل يقول عطني 300 ريال وأحل لك كل المشاكل
قال أجل يمكن المشكلة من الأستايل وقلت له يا أبن الحلال الأستايل أشتغلنا عليه شهر كامل بدون مشاكل ولما صار التهكير بدأت تكثر علينا المشاكل قال لازم المصمم يدخل ويعدل قوالب الأستايل
وه وربي جنني مره يقول ذاكرة السيرفر مدري ذاكرة أيش 64 والحين تقول لي الأستايل والمصمم
وقلت له تدري قفل المنتدى بلا وجع راس بلا هم يحزنون وفكني من شرك
زبدة الموضوع ما تلاحظون يا جماعة الخير أني كلما بغيت هاك اروح أدور عليه وأجيبه له وهو يركبه
وما تلاحظون أننا خلال 9 شهور ما أشتغلنا شهر على بعضه بدون مشاكل
وما تلاحظون أني الحين فقدت الأمل وأبي مشورة أهل الخبرة منكم
يعني تكفون يا أخوان لا أحد يهمل الموضوع اللي له في الأمر هذا يرد وألا ما يعرف لا يرد
