يمه تعالي ملكتي بعـد يوميـن
يمه علامك وش بلا مـا ترديـن
حسك فقدته مدري اليـوم وينـه
يمه صغيرك ما سلا عنك للحين
حاير ودمعه جرح اهداب عينـه
يمه تعالي ملكتي بعـد يوميـن
شوفي جنينك دبلته فـي يمينـه
رشيت عطرك يمه اللي تحبيـن
ليتك يايمـه تقربـي تنتشينـه
ما ظن يمه انك اليـوم توحيـن
صوتي ولو صدري تعالي ونينه
رحتي وكلك بالشرايين تجريـن
غلاك في قلبـي بنالـه مدينـه
حطوك في قبرك وغطوك بالطين
تجمعت حولك قلوب (ن) حزينـه
رحتي وقلبي صابه اليوم رمحين
رمح الفراق ورمح ظلم الوزينـه
حملي يايمه زاده الوقت حمليـن
شوفي عشيرك شل وقته يدينـه
رفيق دربك صابته صدمة البيـن
واصبح طريح للفـراش وانينـه
يابوي قلي وين ابلقـى مداويـن
وتبع خطاهم لو يبون الخزينـه
لو يطلبون الروح تفداك يالعيـن
روحي وقلبي تحت كفك رهينـه
ودي اشوفك واقف(ن)فوق رجلين
تجري كما خيل جموح(ن)ثمينـه
مالي سواك اليوم بعد الله الحين
اقفت ملاك الروح نـور المدينـه
لو احكي يمه عن جمايلكم سنين
مااوفاكم المخطي ولو ربع دينـه
رد: يمه تعالي ملكتي بعـد يوميـن
فرجه
رااااااائع بوحك حبيبتى يسلمووووووووووووو
اماه بكيت كثيرا حتى جف الدمع:mwalat15:
رد: يمه تعالي ملكتي بعـد يوميـن
اعتذار مشكورة على مرور وربى يسعدك
رد: يمه تعالي ملكتي بعـد يوميـن
جميل جدا
بارك الله فيك
وفي انتظار جديدك
رد: يمه تعالي ملكتي بعـد يوميـن
مشكور مرورك الطيب ....وربى يسعدك
رد: يمه تعالي ملكتي بعـد يوميـن
رد: يمه تعالي ملكتي بعـد يوميـن
امين فتافيت السكرر.............وربى يسعدك
