تغيير شروط التسجيل في المنتدى

هذى الشروط من المشرف العام لأحد المواقع المشهورة فنيا بعد أن جاءته حالة من الطفش من كثر مشاكل الأعضاء والموقع وبسبب إعجابي بالموضوع أردت أن تشاركونى هذة البسمة فاقرأوا ماذا قال :
~~~~~~~~~~~~~~~~~~~
لقد تغيرت شروط التسجيل في المنتدى وتم تغيير مسمى المنتديات لتواكب مرحلة ما بعد الحرب الباردة :

اعرفوا الشروط زين .... وافهموها .... واللي ما يبي هالشروط جعل اصبيعاته اللي طقت على الكيبورد للكسر... ولو ما عليه كلافة يطق راسه بأقرب جدار... احنا ما نلعب .... واللي يبينا حياه الله بينا .... فهمتوا يا الجحلط .
~~~~~~~~~~~~~~~~~~~
بما أن هذا الموقع موقعي لحالي لابارك الله فيكم ولا في الساعة اللي فتحت لكم هالموقع .... اللي يبي يسجل معنا يوافق على الشروط من ورى خشمه .... والشروط هي :
~~~~~~~~~~~~~~~~~~~
1- اللي يسب أي واحد من الأعضاء نبي نجيه وبنربط حواجبه في صدامات الهايلكوس وبنروح ونطعس فيه بأقرب طعس ... همني قايلكم حنا ما نلعب.

2- لما تكتب موضوع خل البقية يجون ويتميلحون ويتهاوشون بس بحدود وخلهم يذبون براحتهم.....واللي بيقلبها سب...عز الله إن أمه داعية عليه...لأني ابحتريه وقت صلاة الفجر بالعجرا وأبشخمط وجهه وأبخليه يغني أغنية :
خروفي خروفي لابس بدله صوفي...له عينين وأربع رجلين...
من كثر ما امحطه بالعجرا.....همني قايلكم حنا ما نلعب

3- اللي بيخربط بالدين ولا بالسياسة....هذا عذابه عذاب أبخليه يتخيل إنه قرد ولا عمره ذاق موز....وبحجز له على أقرب رحلة على طيارة ترش الجراد وابرقي فيه على ارتفاع 50000 ألف قدم وبجدعه على خوص خلة...علشان ما يتعود لها همني قايلكم حنا ما نلعب .

4- أنتم أعضاء لكم تكتبون بس.... ولا أحد فيكم يسوي لي فيه مراقب مانبي مراقبين ..... فهمتوا ولا أفهمكم...

5- الساحة الرياضية لكم ثنتين...واللي ماهو نصراوي لايوطوط فيذاك ....
ساحة أبو جدي وأنا حر فيها ولا عندنا ديمقراطية.... ولا عمرنا سمعنا فيها وهي وشهي...هي الديمقراطية حاجة تنوكل ما قلنا تنشرب.

6- مسموح الذب...والذب هي كلمة آتية من الذباب وهي فعل مضارع جمع تكسير مضارع بسيط...فهمتوا...صح ولا ماهو صح... قولوا صح لابارك الله بالساعة اللي جمعت هالخشش فيها...واللي بيزعل من الذب بنخربط وجهه ونخليه يطالع في المراية ويطلع الأخطاء التسعة عشر.. إيه تسعطعش. .. ساحتنا واحنا حرين فيها .

7- ياويلك ويا سواد ليلك لو تعطي أحد كلمة الضروس....إلا عندي سوال ليه سموها كلمة سر... ليه ما سموها كلمة خشم ولا ضرس ولا مصران أحول قصدي أعور.....طبعا قايلكم ساحتنا وحنا حرين فيها .

8- اللي بيسجل بأسماء قبايل وعوايل... ولا مخلة بالأدب.... هذا بنوديه لأقرب شيخ وبنكويه مع علباه...وبعدين بناخذه لأقرب قليب... وبنغطسه وبنطلعه...ونغطسه ونطلعه إلين ماهي خلف إلين مايقول إن التفحيط ما هو بالشطارة ولا بالمصالة... التفحيط فن يا هوووووه وأشر لي بالمنديل يا هووووه قال أنا ماشي....اقول لا تكثر بربستكم يا هوووه....وش هالمسكة الغلط.....همني قايلكم ما نلعب...

9- قريتوا الشروط........هاه عجبتكم....فهمتوها... طيب ما عندنا تسجيل هالأيام.... واللي يبي يسجل معنا يرسل لي إيميل على التلفون حقي اللي ماني ذاكره لكم...لأن الدعوة عناد... واللي براسه حب ما انطحن....تراي أبطحنه له....وإذا فيه خير يقابلني وين ما بغى عند الصمان ولا ديراب ولا بالشرقية ولا بأي محل....

10- كلنا عيال قرية وكلن يعرف خيه... هماني قايلكم حنا ما نلعب

الآن أسماء المنتديات بعد التعديل :-

* منتدى شخبط وخمبق ترى محد لمك.....المنتدى العام سابقا
* منتدى شاعر في المشمش......المنتدى الشعري سابقا
* منتدى مواضيع مهناش أحد.....منتدى المواضيع الجادة سابقا
* منتدى معاهم معاهم عليهم عليهم. ...المنتدى الرياضي سابقا
* منتدى ياهلال ياهلال كخ كخ....منتدى الهلاليين سابقا
* منتدى كن صديقي.....منتدى المواضيع المتميزة

* بالنسبة للبريد إن شاء الله في السنة الجاية زي هالحزة ما حنا حاطينه .. ماعندنا .
* بالنسبة للمحادثات....تسان ودكم نسوي لنا طلعة بر على الطبيعه ازين...

ملاحظة ...

اللي بنكتشف إنه رجال مشورب ويكتب بأسماء إناثي ولا إناثي تكتب بأسماء رجالية هذولي بنخلي خششهم كلمات متقاطعة يصعب حلها.....والله ما يضرب بعصا يا سرع طيحتهم ...
اختـــــارووووو
(موافق )
(غير موافق)

السلام عليكم ورحمة الله وبركاته
الظاهر أنا أول وحده طحت في ذا الرجال
بصراحه منتداك عن جد بيعقد ومصرقع وخصوصاً
الكلمات المتقاطعه اللي بالخشش ..هههاا
شـكــ وبارك الله فيك ـــرا لك ... لك مني أجمل تحية .

هههههههههههههههههه

ما له صاحب المنتدى ده
فيه حد ضاربه علقه ولا حاجه
وجاى يطلع زهقه علينا

مش موافقين

هههههههههههههههههه
حلوة تسلم

هههههههههههههههههههههه

والله انها فله ..

انا لي يمكن تقريبا اربع شهور وانا ادورها ..

الله يعطيك العافيه خيوو ..

واعجبتني وربي كتير ..

موفق بإذن الله ... لك مني أجمل تحية .

اقتباس:

---

المشاركة الأصلية كتبت بواسطة حمرة الورد

السلام عليكم ورحمة الله وبركاته
الظاهر أنا أول وحده طحت في ذا الرجال
بصراحه منتداك عن جد بيعقد ومصرقع وخصوصاً
الكلمات المتقاطعه اللي بالخشش ..هههاا
شـكــ وبارك الله فيك ـــرا لك ... لك مني أجمل تحية .

---

اقتباس:

---

المشاركة الأصلية كتبت بواسطة اعتذار

هههههههههههههههههه
ما له صاحب المنتدى ده
فيه حد ضاربه علقه ولا حاجه
وجاى يطلع زهقه علينا
مش موافقين
هههههههههههههههههه
حلوة تسلم

---

اقتباس:

---

المشاركة الأصلية كتبت بواسطة منتديات الريم

هههههههههههههههههههههه

والله انها فله ..

انا لي يمكن تقريبا اربع شهور وانا ادورها ..

الله يعطيك العافيه خيوو ..

واعجبتني وربي كتير ..

موفق بإذن الله ... لك مني أجمل تحية .

---

شكرا لكم جميعا على تواجدكم الطيب بالموضوع
جزاكم الله كل الخير

مشكور اخوى

شكرا لك أختى الفاضلة على تواجدك بالموضوع
جزاك الله كل الخير

ياساتر يارب


هذه مب شروط تسجيل

هذه شروط حلبة المصارعة


ههههههههههههههه


شكرا اخي صناع الحياة


يعطيك العافية

السلام عليكم ورحمة الله وبركاته
شـكــ وبارك الله فيك ـــرا لك ... لك مني أجمل تحية .
جزاك الله خيرا دايما مواضيعك تجنن
جزاك الله الجنه

اقتباس:

---

المشاركة الأصلية كتبت بواسطة سكر زياااااادهـ

ياساتر يارب

هذه مب شروط تسجيل
هذه شروط حلبة المصارعة

ههههههههههههههه

شكرا اخي صناع الحياة

يعطيك العافية

---

اقتباس:

---

المشاركة الأصلية كتبت بواسطة رومانسيه

السلام عليكم ورحمة الله وبركاته
شـكــ وبارك الله فيك ـــرا لك ... لك مني أجمل تحية .
جزاك الله خيرا دايما مواضيعك تجنن
جزاك الله الجنه

---

جزاكما الله كل الخير
مع الشكر والتقدير لكما على الحضور العطر

مشكووور جزاك الله ألف خير

جزاك الله خيرا على تواجدك الطيب بالموضوع
مع الشكر والتقدير