تعال ياكلي خلني امسح دموعك–·

مســآء/صبــآح......الخــير..
كيفكــوووون..؟؟
جبتــ لكـم خـآطـره اتمنـى تعجبكــم...





..تعال ياكلي خلني أمسح دموعك...وشفي الدنيا حاطه دوبها دوبك...ابتسم يا خلي أنا جنبك لاتخلي أحد يهمك وافرح ترى قدامك صدر مجنونك.



هذه الدنيا تلف وتدور مرة تصير بيدك ومرة لا بالله الله يكون بعونك...لا تبكي ترى دموعك وربي غالية وما عاش من ضيق صدرك واتعب عيونك.



أدري أنك تعبت والله يلوم إلي يلومك...وهذه الناس يا خلي تتعب تشتريهم وهم بكل سهولة يبيعونك...وتخلص لهم بحبك وتعطيهم عيونك وهم عادي يظلمونك.



يا خلي لو كل واحد يحس بالظلم يبكي كان شفت البحر يغرق في دموع البشر ودموعي ودموعك...ارفع رأسك وطالع فوق هناك ربك ينصر كل ظالم وبكلمة وحدة يخلي هالكون يضحك لك ويصير كونك.



معقولة..!أجمل عيون تمتلي بالدموع...!؟

معقولة..!أحلى صوت أسمع فيه الخوف والآه إلي تهز الضلوع...!؟

معقولة..!اليد الدافية الحنونة من الضيق ترتجف وكأني أشوفك للضياع تنجرف...!؟

معقولة..!هالشفاه مخرج أحلى الحروف تنمحي منها أجمل بسمة من جمالها تخلي الحزن يطوع...!؟



وكل شيء ياخفوقي يهون إلا سماع القلب يخفق بقوة وجنون.

محد يقدر يشوف غالية أحلى إنسان وأقوى كيان قدامه ينهدم...والكل مستعد يبيع العالم علشان جرح حبه يلتئم.



ترى الدنيا مستحيل تعيش فيها طول عمرك براحة...والإنسان بدون أمل تكثر جراحة...ولابد تخسر علشان تذوق طعم الرباحة...وهالدنيا لابد تنتهي وأنت فيها مجرد سياحة.



ابتسم وخل الفرح على وجهك يرتسم...كذا راح تحقق كل حلم...وكل معركة تخوضها لابد تفوز وتغتنم.



يا حلو العين لمن يرجع لونها وماها...ويازين الشفاه لمن ترجع بسمتها وتصير للجروح بلسمها ودواها...واليد لمن تثبت وترجع دفاها...والقلب لاهدت دقاته وصار مرتاح في كل أوقاته.

إذا أنت يا عيني عندك من يسندك وقت الحاجة غيرك محد يعرفه وقت الأخطار...

لايهمك يا قلبي كثرة جروح من حولك ترى الزهرة بين الشوك تلفت الأنظار...

ملايين يا خلي يدعون ربك ويطلبون الغيث ويمكن ببركة واحد تنزل أمطار...

ترى الرياح يا حبي إلي تداعب الأنفاس بطرفة عين يمكن تنقلب إعصار...

إذا أنت يا عمري دموعك ملت كفك ترى غيرك عمل من دموعه أنهار...

أنت يادنيتي مؤمن بالقدر غيرك ما يعرف إن الكون بيد الواحد الجبار...



اضحك على الأقل علشاني...ومادمت جنبك لاتقول الكل راح خلاني...لاتهمتم بجروحهم مادام إيدي بإيدك بإذن الله بنحقق كل الأماني...خلنا نراقب الله وخل فكرك بفكري وعينك بعيني راح يكون هالزمن زمانك وزماني...ترى العذال تفرح بدموعك وأنا يا خلي أغرق فيها وأعاني...خلك كريم بحبك وخلك بدموعك على غيري أناني.



اضحك بعد اضحك واضحك ترى الدنيا فيها حب وجمال...صحيح في من يجرح ويخون لكن في من بنى للوفا والحب قلعة وتمثال.



أنا آسف إذا كثرت عليك الكلام...لكن أنت غالي ولأجلك تنشف الأقلام...وآخر نصيحة خذها مني إذا انجرحت أو انظلمت انسى وأعتبرها(أضغاث أحلام).
مع حبي *ارجوانه*

موضوع رائع وجميل

لقد اعجبني ما نثرتي

لا عدمنا جديدك

أنا آسف إذا كثرت عليك الكلام...لكن أنت غالي ولأجلك تنشف الأقلام...وآخر نصيحة خذها مني إذا انجرحت أو انظلمت انسى وأعتبرها(أضغاث أحلام).


ارجوانه

كلماتك حلوة كتيييير
تسلمى

ما صعب ان نرى دموع من نحب
ودى وتقديرى

بسم الله الرحمن الرحيم السلام عليكم ورحمة الله وبركاته ارجوانه جميل ورائع ماقدمتم شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية .

[align=center]
ارجوانة

كلمات رائعة تستحق منا الشكر و الاشادة
شكراً جزيلاً على هذا الطرح الرائع و المميز
و دمتي ودام لنا تواجدكِ
لكي مني جُل التحايا ،،،،
[/align]

[rainbow]
واااااااااو روعــــــــــــه اللــــــــه يخليــــــــــــك
ويعطيك العــــــــاافيه
تقبــــــــــلي مروري
همـــــــــس الجـــــــــروح
[/rainbow]