صندوق الوارد لأحد المشرفين

الرسائل الخاصه: لديك 11 رسالة جديدة غير مقروءة

الرسالة الأولى
السلام عليكم ...
كيفك مشرفنا .. أقولك تكفى ترى أنا أضفت موضوع بس مدري شكله نزل ثلاث مرات بالغلط
احذف أي واحد فيهم .. اللي يعجبك أنت .. بس أشر واحذف .

الرسالة الثانية
هلا مشرفنا .. أقول شف ترى في عضو قاعدلي كل موضوع يرد علي ويهينني قدام الأعضاء ..
ترى لو ما سكته بأسوي شيء عمره ما صار ... واقلب لكم المنتدى .. وقد أعذر من بنشر .

الرسالة الثالثة
ياأبو الشباب الحقني ... كل ما أدخل المنتدى يطلعني بره ...
ومو راضي يدخلني وش الحكاية لا يكون الدخول بفلوس .

الرسالة الرابعة
هاي مشرفنا ... ممكن لو سمحت تعدل اسمي من الحلوة إلى ملكة جمال المنتديات ( واخدة في نفسها مقلب)

الرسالة الخامسة
كيفك عمري ... عساك مبسوط .. الصراحة شخصيتك عاجبتني ولك هيبة في المنتدى بس ياريت يعني إذا نزلت موضوع ثبته لي , ترى أنا زعلانة ما في أحد يثبت لي مواضيعي .

الرسالة السادسة
أبوي بأقولك شيء , شوف ما ني مسلم عليك ولا شيء إنت أصلاُ ماتستاهل كل ما أنزل موضوع تحذفه لي .. عجيب والله ... يا أخي مافيها شيء لو الواحد يضحك شوية نمزح مع هندي ولا باكستاني ..
تيكيت إيزي ياأخي .

الرسالة السابعة
مساك الله بالخير سوبر ستار المنتدى ...
أخوي الصراحة أنا مستحية منك ودي أطلب طلب بسيط ...
يعني أنا ودي أتعرف كيف المشرف يتعامل مع المواضيع وكيف الطريقة
يعني بالعربي الفصيح ودي الباسورد حق نك نيمك إذا تكرمت ..

الرسالة الثامنة
يا أخي تراك زودتها ... شايف نفسك علينا وكل ما نكلمك ما تعطينا وجه
يا أخي ترى الإشراف مو يعني صرت ملك ... استح على وجهك بالله .. قال مشرف قال ... انت أصلاً خدام عندنا يعني تخدمنا .. أقوول بالله جيب واحد شاي .

الرسالة التاسعة
حبيب قلبى... كيفك حبي .. عرفتني أنا القمر .. واحشني كتير .. أقول كلمني عالمسنجر ضروري ... باي .

الرسالة العاشرة
من المشرف العام
السلام عليكم ..أخي
ألاحظ كثرة الشكاوي من الأعضاء وكثرة المشاكل أرجوا تهدئة الأمور بأسرع وقت .. وأن تفعل أي شي لمصلحة المنتدى ... وشكرا .
بعدها يطلب المشرف استقالته فورا و يريح راسه ...
وبعد يومين جاه طلب إشراف في منتدى ثاني ...
قال ... لو يعطوني راتب 1000000 في الشهر ما راح أوافق

الرساله الحادية عشر
يا مشرفي العزيز .. كيفك ؟ أخبارك؟
ممكن طلب صغير بالحيل

أولاً أبي أصير مشرف زيك وبأسرع وقت
توه مشترك ومشاركاته ماوصلت 10

ثانياً أبي توقيع غير شكل
لأن اللي تسوي توقيع تقول بعد أسبوع
لأن في زحمة وتقول تبي تحط اسمها وأنا ما أبي
وتقول لازم مشاركاتي توصل1000
و يومها بأكون تزوجت وجاني أطفال وأنا توني ماوصلت 30 مشاركة

ثالثاً أبيك تعرفني عـالإدارة فرداً فرد
رابعاً أبي أكون مميز وغير ولي اسمي ومكانتي
وياليت ياليت أصير من ضمن الإدارة
كل هذا ويقول طلب صغير

ملطوش لعيونكم

:mwalat19: أضحك الله سنك ..كلها روووعه من اولها لآخرها

يعطيك العافية وشرح الله لك صدرك

جزاك الله كل الخير على حضورك الدائم
مع الشكر والتقدير

هههههههه


الله يعطيك العافيه

جزاك الله خيرا
ايها الاخ العزيز

اقتباس:

---

المشاركة الأصلية كتبت بواسطة التجافي

هههههههه

الله يعطيك العافيه

---

اقتباس:

---

المشاركة الأصلية كتبت بواسطة فلوريندا

جزاك الله خيرا
ايها الاخ العزيز

---

جزاكما الله كل الخير على التواصل بالموضوع
مع الشكر والتقدير