ليلة القدر ( بقلم : محمد سنجر )

ـ هي ليلة القدر النهاردة ؟
( قالها زميلي ( هاني جرجس ) بينما يسحب الكرسي ليجلس )
ـ الله أعلم .
ـ يعني إيه ؟ هي مش ليلة سبعة و عشرين ؟
ـ مش لازم سبعة و عشرين ، ممكن واحد و عشرين ، تلاتة و عشرين ، خمسة و عشرين ، تسعة و عشرين ، على حسب .
ـ طيب لو رمضان في مصر سبعة و عشرين و في السعودية تمانية و عشرين ؟
ـ إزاي ؟ مش فاهم .
ـ مش انتم و السعودية أحيانا يقولوا بكرة رمضان و انتم تقولوا لأ مش بكرة ده بعد بكره ؟ صح ؟
ـ أيوة بيحصل أحيانا .
ـ طيب ما هو ساعتها ها تبقى في السعودية ليلة سبعة و عشرين
و عندنا في مصر ها تبقى ليلة ستة و عشرين ، و لما تبقى سبعة و عشرين عندنا ها تبقى ليلة تمانية و عشرين في السعودية .
ـ فهمت ، و اسمح لي أرد عليك ،
لو أنا قلت لك ها نروح للدكتور النهاردة الساعة سبعة و بالفعل على الساعة سبعة بالثانية أنا رحت و كشفت حسب الميعاد ،
و لكن ساعة حضرتك كانت مأخرة ساعة كاملة ، و جيت على الساعة تمانية و أكيد طبعا الكشف راح عليك ،
هل وقتها تقول لا لازم أكشف لأن الساعة معايا سبعة ؟
ـ يبقى ممكن تكون ليلة القدر في ليلة عشرين أو اتنين و عشرين أو أربعة و عشرين أو ستة و عشرين أو تمانية و عشرين أو حتى تلاتين عند المخطئين في رؤية الهلال ؟
ـ ممكن ، ليه لأ ؟
ـ يعني مش لازم تلتمسوها في الليالي الفردية بس ؟
ـ لا طبعا ، بص أنا ها أريحك ،
ليلة القدر ليلة معلومة عند رب العالمين و لكنه لم يخبرنا بها عشان كل واحد يجتهد و يحرص على أن يكون من المقبولين فيها ،
و لكن من يركز على ليلة بعينها عشان يجتهد فيها و يسيب بقية الليالي فربنا مش ها يقبل منه طبعا ،
عارف زي إيه ؟
ـ زي إيه ؟
ـ زي ما البعض سأل الرسول عليه الصلاة و السلام ( متى الساعة ؟ ) تعرف الرسول رد عليه و قاله إيه ؟ ( و ماذا أعددت لها ؟ ) ،
يعني المهم إني أكون باعمل ليوم القيامة مش مهم أبدا هي ها تقوم إمتى ، برضه المهم اني أجتهد في رمضان و في غير رمضان كمان ،
لكن بقى أحاول أعمل نفسي ( بُرم ) و ما أصليش و لا أجتهد في صلاتي إلا ليلة سبعة و عشرين أو أي ليلة بعينها فعمري ما ها شوف ليلة القدر و لو شفت حلمة ودني ،
يعني ممكن نكون بنصلي أنا و ياسر أخويا مثلا جنب بعض ، و هوه ربنا يجعله من أهلها و أنا لأ ،
و ممكن أكون من أهلها في ليلة تانية و هوه لأ .
ـ هو في ليلة و انته في ليلة تانية ؟
ـ عادي .
ـ طب إزاي و هي أصلا ليلة واحدة بس ؟
ـ ليلة واحدة في السنة أيوة ،
لكنها ستين أو حاجة و سبعين أو تمانين ليلة طول عمري ،
فممكن يبقى أخويا من أهلها السنة دي و أنا أبقى من أهلها السنة الجاية أو اللي بعد اللي بعدها .
ـ طيب و بتعرف إزاي انك من أهلها أو لأ ؟
ـ لو لقيت نفسي إتغيرت بعدها و ماشي بما يرضي الله يبقى أنا من أهلها .
ـ و إذا لقيت نفسك ما اتغيرتش ؟
ـ يبقى لازم أقعد أبكي ليل و نهار و أدعي ربنا إنه يمد في عمري و أشوفها تاني .

اللهم وفقنا علي ليله القدر وعلي قيام هذه الليله المباركه

مشكور اخي

[align=center]
ليلة خير من الف شهر اعطاها الله لامة محمد عليه الصلاة و السلام

تقبل الله منا الصيام و القيام و ان نكون من عتقائه من النار اللهم امين

بارك الله فيك اخي محمد سنجر

و جزاك الله كل خير

وفقك الله و سدد خطاك

حفظك الرحمـــــــن
[/align]

شكرا وبارك الله فيك لك مني أجمل تحية

اقتباس:

---

المشاركة الأصلية كتبت بواسطة بنت تعز

اللهم وفقنا علي ليله القدر وعلي قيام هذه الليله المباركه

مشكور اخي

---

اللهم آمين
جزاكم الله خيرا
أختنا الفاضلة
بنت تعز
دمتم بحفظ الله

اقتباس:

---

المشاركة الأصلية كتبت بواسطة رهـف

[align=center]
ليلة خير من الف شهر اعطاها الله لامة محمد عليه الصلاة و السلام

تقبل الله منا الصيام و القيام و ان نكون من عتقائه من النار اللهم امين

بارك الله فيك اخي محمد سنجر

و جزاك الله كل خير

وفقك الله و سدد خطاك

حفظك الرحمـــــــن
[/align]

---

جزاكم الله خيرا
أختنا الفاضلة
رهف
و تقبل الله منا و منكم صالح الأعمال

دمتم بحفظ الله

اقتباس:

---

المشاركة الأصلية كتبت بواسطة ابو مالك

شكرا وبارك الله فيك لك مني أجمل تحية

---

و بارك الله فيكم و لكم
أخي الحبيب
أبو مالك
دمتم بحفظ الله

جزاك الله خيرا على الطرح الرائع
مع الشكر

شكرا وجزاك الله خير الجزاء