لما يشوفوك نايم عالسرير ومغمض عينك ويسئلوك هتنام ؟
امال بحاول أموت مثلاً !
يتصلوا على تليفون البيت ويسألوك انت فين ؟
هكون في الجامعة وساحب السلك هناك!
يشوفوك واقف قدام الاسانسير في الدور الأرضي ييجي واحد ويسألك طالع ؟
لأ مستني الشقة تنزلي .
تكون في الحمام ويخبطوا عليك ويسألوك انت بتعمل ايه؟
هكون بلعب كورة جوة مثلاً ؟
يشوفوا عربيتك مخبوطة ويسألوك حادثة ؟
لأ دي العربية عاملة نيولوك
ولما تكون صاحي من لنوم وقايم وخارج من اوضتك وداخل الحمام وتلاقي حد بيسألك انت صحيت؟
لا بمشي وانا نايم مثلا
ولما تكون لابس هدوم الخروج ومتشيك وضارب علبتين جل على شعرك وريحت البرفيوم جايبه اخر الشارع وحد يسالك انت نازل؟
لا كنت بجرب شكلي
ولما تخش من باب البيت و نفس الحد العجيب دا يسألك انت جيت؟
لا مجتش ولا حاجه دي تهيوءات
