حل لبعض مشاكل الاكس بي الشائعة بالصور

وكالعاده وبدون مقدمات ندخل موضوعنا ... مع ملاحظة اذا صورة ما تطلع فكل ماعليكم تضغطون رايت كلك وتختارون اظهارالصورة او شوو بيكتشر

مشكلة اعدادات اللغه وعدم المقدره على الكتابة بالعربي و و و....الخ
الحل:
من قائمة ستارت نروح للأعدادات ونفتح الكنترول بانل
ونبحث عن هالايقونه ونضغط عليها
https://mwadah.com/images/imgcache/2007/02/292.imgcache

وبتطلع نافذه .. ماعلينا الا نطبق نفس الاعدادات الموجوده بالصور الثلاث القادمه

1-
https://mwadah.com/images/imgcache/2007/02/293.imgcache

2-
https://mwadah.com/images/imgcache/2007/02/294.imgcache

3-
https://mwadah.com/images/imgcache/2007/02/295.imgcache

وطبعا لا تنسون ان بعض الاعدادات فوق تختار فيها دولتك مثل ما انا اخترت لكويت

____________ __


الكل يلاحظ ان بالويندوز اكس بي بعض البطىء عند فتح الصفحات او عند بدأ التشغيل او في الكثير من الاشياء المهمه
ومن الاسباب الرئيسيه هو شكل او مظهر الويندوز لأنه ياخذ بعض من الميموري ويأثر على الاداء
وفي خاصية بالاكس بي تخليك تختار طريقة عمل الويندوز من حيث الاداء او المظهر

وللوصول لهذا الاختيار
نضغط رايت كلك على
My computer
ونختار
Properties

والباقي مشروح بالصورتين

https://mwadah.com/images/imgcache/2007/02/296.imgcache

https://mwadah.com/images/imgcache/2007/02/297.imgcache

يبقى الاختيار لكم ... عمل الويندوز حسب افضل أداء او افضل مظهر




____________ ____




الكثير يعاني من مشكلة كثرة التول بار الموجوده بالاكسبلورر
مثل التول بار الخاص بغووغل او النورتن او برنامج الياهو وو....الخ مما يسبب صغر صفحة الاكسبلورر
مثل هالصوره
https://mwadah.com/images/imgcache/2007/02/298.imgcache

ولشطب جميع التول بار الغير ضروريه .. نتبع هذي الطريقه بالصوره

https://mwadah.com/images/imgcache/2007/02/299.imgcache

حيث نشطب علامة الصح من جميع الاختيارات ما عدا هذي الاختيارات
Standard Buttons
Address Bar

والنتيجه .. يصبح الاكسبلورر على هذه الحاله وبدون زيادات
https://mwadah.com/images/imgcache/2007/02/300.imgcache





____________ ________





تقارير الاخطاء من المشاكل الشائعه بالاكس بي ولما تطلع تعطيك اختيار ارسال التقارير لمايكروسوفت من عدمه
وبالحالتين .. او ماتسكر المسج تسكر معاه جميع صفحات الاكسبلورر المفتوحه
وهالشى يضايق الكل خصوصا اللي فاتح عشر صفحات نفسي

واذا تبون رأيي ؟؟ ترى تقارير الاخطاء ما منها فايده ولو تسكرون هالخاصيه افضل

واللي يبي يسكرها

رايت كلك على ايقونه
My Computer
ونختار
Properties

وبعدين .. من قائمه
Advanced
نختار
Error Reporting
ثم نختار
Disable Error Reporting

والصوره توضح لكم الطريقه بشكل افضل

https://mwadah.com/images/imgcache/2007/02/301.imgcache


ولما تختارون هالاختيار لا تنسون تشيلون الصح من هالجمله
Notify me when error occur





____________ _________ __





البعض مايطلع عندهم على سطح المكتب ايقونة ماي كمبيوتر او ماي دوكيومنت او الاكسبلورر
ويمكن البعض يحب يخفي هالايقونات بس مو عارف شلون

وبالحالتين الطريقه سهله

رايت كلك بأي مكان فاضي على سطح المكتب ثم بروبيرتيز او خصائص

ومن النافذه نختار
Desktop
ثم زر
Customize Desktop

https://mwadah.com/images/imgcache/2007/02/302.imgcache


واللي مو طالعه عنده الايقونات يحط صح عند الايقونات اللي يبيهم
واللي يبي يخفي ايقونات يشيل الصح منهم





____________ _________





بشكل افتراضي .. عند فتح اكثر من ثلاث صفحات انترنت .. فهذي الصفحات تتجمع في زر واحد
كما بالصوره
https://mwadah.com/images/imgcache/2007/02/303.imgcache

واللي مايحب هالخاصيه ويبي كل صفحه في زر مستقل .. فهذي الطريقه

رايت كلك على التاسك بار ثم بروبيرتيز او خصائص
https://mwadah.com/images/imgcache/2007/02/304.imgcache

ونشيل علامة الصح من هالجمله
https://mwadah.com/images/imgcache/2007/02/305.imgcache





____________ _________ ___





بصراحه انا اكره قائمة ستارت لما تكون بهذا الشكل

https://mwadah.com/images/imgcache/2007/02/306.imgcache

واللي يشاركني الراي ويحب يغير قائمة ستارت ويرجعها للأساس فماعليه الا يضغط

رايت كلك على التاسك بار ويختار بروبيرتيز او خصائص
https://mwadah.com/images/imgcache/2007/02/304.imgcache

ونختار من فوق
Start Menu
ثم
Classic Start Menu

https://mwadah.com/images/imgcache/2007/02/307.imgcache





____________ _______





البعض اذا مو الغالبيه .. مايعرفون مواصفات اجهزتهم
يعني تلقاهم خبره بالشات والمنتديات بس ابسط المعلومات عن اجهزتهم مايعرفونها
كأن اللي اشترالهم الجهاز ولد جيرانهم مو هم ...

واللي حاب يعرف معلومات دقيقه عن جهازه
من قائمه ستارت يختار تشغيل او رن
Run
ويكتب
cmd
ولما تفتح نافذه الدوس نكتب
systeminfo

عاد بيطلع كلام كثير .. بناخذ منه الاشياء المهمه وشرحها تحت الصوره

https://mwadah.com/images/imgcache/2007/02/308.imgcache

والحين نشرح الاشياء حسب رقم كل اختيار

1- يشير الى نوع الويندوز الموجود على الجهاز

2- نوع الاصدار الخاص بالنظام ونوع السيرفس باك الموجود عالجهاز

3- تاريخ تنزيل الويندوز على الجهاز .. بالتاريخ الكامل باليوم والشهر والساعه والدقايق والثواني
وواضح لكم اني نزلت الويندوز على جهازي بتاريخ
30-3-2005
الساعه
11 : 50 : 18
بالليل

4- هذا الاختيار يوضح من متى الجهاز شغال
واللي طالع بالصور .. ان جهازي صارله نص ساعه شغال
فأذا احد كذب عليك وقالك صارلي دقايق مشغل الجهاز تقدر تصيد كذبته صح؟

5- اسم الشركه المنتجه للمذربورد

6- مكان وجود مجلد الويندوز

7- اللغات المثبته بالجهاز
والواضح بالصوره ان بجهازي اللغه العربيه-الكويت ... واللغه الانجليزيه-الامريكيه

8- توقيت الجهاز
وفي الصوره توقيت جهازي .. الكويت-الرياض

9- الذاكره الفعليه المثبته عالجهاز
وانا ذاكرتي 256 لكن الذاكره الفعليه 255
والكل يتأكد من ذاكرته بيلقاها ناقصه

10- انواع التحديثات التي تم تركيبها على الجهاز
والظاهر بالصوره اني مركب ثلاث تحديثات للويندوز


وجذي خلصنا من المعلومات الضروريه والحلوه لاجهزتنا واللي يبي معلومات اكثر جدا جدا عن جهازه
فما عليه الا يروح قائمه ستارت ويختار برامج ثم
accessories
ثم
system tools
ثم
system information
ومن النافذه اللي بتطلع نضغط علامة الزائد عند كلمه
component

ونتمتع بمعلومات اكثر عن كل قطعه مثبته على الجهاز





____________ _________ _





نطلع من جو الويندوز وندخل عالم الهوتميل مع حركه بسيطه وحلوه بالايميل
.....
هل حاولت ترسل رساله لشخص وماقدرت لأن ايميله متروس وما يستقبل رسايل؟؟ هل يطلعلك هذا المسج؟

https://mwadah.com/images/imgcache/2007/02/309.imgcache

انزين في طريقه حلوه نلعب من خلالها على الهوتميل ونرسل رساله لأي شخص ايميله متروس ومايستقبل رسايل

والطريقه هي ... اننا نكتب اول حرف كابتل من ايميل الشخص اللي بنرسله
يعني اللي بيرسلي على هالعنوان
aboslah4u22@ yahoo.comوما يقدر لأن ايميلي متروس .... يجرب يكتب عنواني بهذا الشكل
Aboslah4u22@ yahoo.comولاحظوا اول حرف كابتل .. والرساله بتروح غصب عن ابو الهوتميل .. وجربوا وقولولي

منقول من الاميل

مشكووررررررررر يا ملك البرامج
والله حواسبنا تشكي وتان
تحياتي لك

شكرا لك ... بارك الله فيك ... شرح رائع جدا ومفيد

شكرا لك ... بارك الله فيك ... تحياتي .

موضوع اكثر من رائع يالرائع
شكرا لك ... بارك الله فيك ...

https://mwadah.com/images/imgcache/2007/02/266.imgcache