الفرق بين العائلات الشامية والعائلات السعودية *لا تزعلون ترى المسألة فررررفشة *

بسم الله الرحمن الرحيم


هذا حوار يدور بين العائله السعوديه بين الاب والام والبنت والولد داخل السياره
وهذا حوار ثاني بين العائله الشاميه بين الاب والام والولد والبنت داخل السياره
عشان تشوفون الفرق بين عيالنا وعيال الشاميين<=== حنا احسن
السيارة الأولى : عائلة السعودي ( أب و أم و ولد وبنت .. ما نبي نكثرهم علشان يكون فيه تركيز في الحوار )
الأب : هاه ما قلتوا لي وين بتروحون ؟
الأم : و بعد بتشاورهم ؟! أنا قلت نروح لصحارى بلازا يعني صحارى بلازا ( سوق تجاري شمال الرياض )
البنت : لا يمه ملينا منه .. كل شوي نروح له خلينا يمه نغير
الأب : شوفي يا بنت الحلال .. سوق مانحن برايحين .. تراني مليت .. راحت فلوسي على هالملابس و الخلاقين .<=== بدت حركات المقعطه
الولد : ( يصرخ ) يبه يبه
الأب : ( بغضب ) وش تبي وجع ؟
الولد : ليش ما تودينا للثمامة و نشوف اللي يطعسون و هناك فيه عسكريم وشاورما و ببسي<=== ما شاف خيير
الأب : أقول انثبر يالله .. تبي تودي أمك و أختك عند الشباب ياللي ما تستحي
الولد : وش فيها يبه أماهم متغطين
الأب : ولو .. انطم بس انطم
ينطم الولد و يسود الصمت لحظات ...
-------------------------------------------
السيارة الثانية : العائلة السورية ( أب و أم و ولد وبنت )
الأب : لَك يا إم إياد .. جبت الفواكه معاك
الأم : آه جبتا تئبر عيني .. وجبت المي و الزاندويتشات كمان
الأب : تسلميلي عيني .. بدنا نئضي وئت حلو بالحديقة .. بدنا نشم هواء و نهدي أعصابنا
الأم : الله يخلينا إياك ابن عمي ..
الولد : لو سمحت بابا ممكن أحكي<=== قمه الادب
الآب : آه أحكي ابني .. شو بدك بابا
الولد : ممكن تشتري لي قصة جديدة لأنو كل القصص اللي عندي صرت آريهون عشر مرات
الأم : ولا يهمك ابني أنت الأول على فصلك و انت بتستاهل كل إشي
البنت : و أنا ماما .. بعد إذنك بدي عروسه
الأم : لك ماما وين عروستك اللي اشتريتها لك من إشي خمس سنوات
البنت : بعد إذنك يا ماما و بعد إذنك يابابا بدي أهديها لرفيئتي بالفصل نسرين لأنها مؤدبة و خلوئة كتير
الأب : ما مشكلة إهديها للبديك إياه وأنا مع الراتب الجاي راح أشتري لك عروسة زريفة كتير ..
البنت : شكرا يا بابا و شكرا ياماما و أنا أوعدكم أني راح أزاكر كتير علشان أطلع الأولى مثل العادة و أرفع رأسكن ..
---------------
السيارة الأولى :
البنت : يمه يمه
الأم : عمى وش عندس <=== طلع العرق
البنت : دحيم وطى رجلي
الأم : ترى يعلم الله يا دحيم إذا ما صرت رجال إني لأعلم أبوك وش انت مسوي اليوم الظهر ؟
الأب : وش هو مسوي ؟
الأم : أقول ولا بتووب
الأب : وش أنت مسوي .. طاق الشغالة ؟ ولا تافل في وجها ؟ إيه عارفك هذي عوايدك ؟<=== متعودين
الأم : لا ذي ولا ذي .. إلا شايتن القطوة برجله إلين ماتت..
الأب : أشوى أحسبه قايل شي للشغاله .
----------
السيارة الثانية :
( سيارة مسرعة تمر أمام سيارتهم و تكاد تصدمهم )
الأب : العمى شو هالسواقة
الأم : إيه الله يسامحه .. خليه يفووت
الأب : لك بنت عمي ؟
الأم : نعم تئبر عيني .. بدك شي ؟
الأب : كم باقي من الراتب؟
الأم : باقي كتير .. خير ربنا كتير..
الأب : يعني بنئدر نشتري للولد القصة اللي بدوه إياها و البنت كمان العروسه اللي بدها إياها
الأم : آه ممكن عيني .. وكمان بقدر أشتري كتاب أو اثنين علشان أسلي نفسي بيهم
الولد : بابا
الأب : نعم بابا
الولد : إذا ما عندكو أنا ممكن أشتري القصة من مصروفي
الأب : لك إبني أنت بتستاهل كتير ..أنا راح أشتري لك القصة آخر الشهر لما أروح للكمتبة علشان أشتري رواية جديدة إلي .
السيارة تصل للحديقة العامة و ينزل الجميع من السيارة بهدوء و بدون ضوضاء .
----------------
السيارة الأولى :
تمر سيارة و تحد الأب و تكاد تصدمه
الأب : تعال يابن الكلب قسم بالله ما أخليها لك<=== هههههه السعوديين فله
الأم : يا ابن الحلال تعوذ من الشيطان و اتركه يروح ولا تقلبنا
الأب : انتي اسكتي مالس دخل
الولد: يبه قرب جنبه علشان أصقعه بقارورة الموية اللي معي<=== ونعم التربيه
البنت : و أنا أبتفل عليه<===كلهم منسميين
الأب: أنحاش ابن ال... لكن يا هو ثور دمي الله يثور دمه
الأم : يا بان الحلال قايلتن لك اتركه عنك و خلنا نروح للسوق ترانا تأخرنا
الأب: سوق لا ما نيب رايح .. لا تخليني أحلف أنك ما تطيبنه حياة عينس
الأم : أعوذ بالله ما قلت لك شي وقلت إيه أعوذ بالله ( تلتفت بوجهها إلى الجهة الأخرى زعلانه يعني )
الولد : يبه
الأب : مصع وش تبي أنت بعد
الولد : ليش أمي ما تركب ورى الرجاجيل قدام و الحريم ورى
الأم : مابقي إلاهي طول عمري أركب ورى إلين أخذت أبوك و تبيني أركب ورى أنطم بس هين أوريك ما أشتري لك همبرجر و ببسي<=== بطونهم حااااره
الأب يقف بسيارته عند سوق صحاري <=== ما يقدر يخالف راي أم العيال

----------------------------

لما نزلوا من السيارة طاحت المدام الشامية فجا زوجها مسرع وقال : سلامة ألبك تأبريني أنشالله ماتأزيتي !!!

----------------------------

اما العائلة السعودية يوم طاحت ام العيال قالها رجلها : قومي فشلتينا مغير تهابدين وماتشوفين قدامك !!!!!




تحياااااااااااتي

ههههههههههههههه

حلوووه

الله يعطيك العافيه ويشرح صدرك


تحياتي

[align=center]هههههههههههههههه

..والله كأنك تشوفهم ..ضحطتني من جد ..

هههههههههههههههه[/align]

مشكوور


تحياتي

[grade="00008B FF6347 008000 4B0082"]على الرغم من أننى لم أستطع فهم معظم الكلمات
إلا أننى أشكرك أخى الكريم
لك كل شكرى وتقديرى[/grade]

أخواني

تعب

صدى المجمعة

صناع الحياة

أبو عبدالرحمن


ألف شكر لكم على مروركم وتفاعلكم مع الموضوع


وشكرا


أخوكم / سلطان نجد

ههههههههههههههههه
خفت تكون قنبلة جت سليمة بس حلووووووووة
معقولة حقيقة؟زعلت على السعودية معقولة مظلومة كدة؟
لاتحسدوا الشامية عندها مية مشكلة في حياتها مسؤولة البيت شايلاها على راسها

السلام عليكم ورحمة الله وبركاته
اما العائلة السعودية يوم طاحت ام العيال قالها رجلها : قومي فشلتينا مغير تهابدين وماتشوفين قدامك !!!!!

مابلاش فضايح ده ربنا أمر بالستر

ههههههه والله مدري يضحك والله يبكي

تسلم ياسلطان نجد على طرفة البديعة:sm239:

تحياتي : توت بري