عطني من ايامك نهار وباقي العمر للي تبي (روايه رومانسيه تجنن)

[ALIGN=CENTER][TABLE1="width:95%;backgro und-image:url('http://www.mwadah.com/mwaextraedit2/backgrounds/35.gif');background-color:skyblue;border:1px double deeppink;"][CELL="filter:;"][ALIGN=center]
قصه سعوديه اعجبتني بجنون انجذبت معاها لرومانسيتها وحلاوتها حزنها بعده فرح وفرحها وناسه وحبيت اشارك فيها معاكم
صح احداثها كثيره بس مافي مجال للملل
واقول لكاتبتها اهات القلوب تسلم ايديك :n200673:







عطني من ايامك نهار وباقي العمر للي تبي
اول حاجه نعرف بالشخصيات الي راح نعيش وياها في قصتنا
عائلة ابو مازن (راكان)الله يرحمه
ام مازن..(شما)
مازن:عمره32 سنه متزوج من بنت خالته شمعه وعمرها 27سنه وعندهم ولد اسمه سليمان عمره 4 سنوات وبنت اسمها منى عمرها سنتين وهو يشتغل مع ابوه في الشركه
شخصيه قويه وعصبي وشايف حاله على الاكو الماكو ---
فيصل:عمره 27 سنه ماهو متزوج ... عنده عقده من الحريم بسبب امه وفعايلها مع ابوه وهو احسن واحد واطيبهم تعامل مع دلع -
فارس:عمره 26 سنه وعلا قته مع ابوه قويه... وهو يشتغل مع ابوه ويسمع كلام امه وطوع امرها -----
فواز : عمره 21سنه يدرس في الكليه العسكريه وهو شخصيه مرحه بس عصبي ونذل ---
دلع :عمرها 18 سنه وهي في ثالث ثانوي علمي اختهم من ابوهم وامهم مطلقه من يوم هي بيبي واكتسبت من امها الجمال والعيون الوساع السود والجاذبيه واكتسبت من تربيتها بين الصبيان انها صارة مثلهم بس كل ذا مايخرب روحها الحلوه وابوها متعلق فيها وايد بسبت شبها من امها ----
_________________________ __
عائلة ابو سلطان --- عبدالله زوج امها
ام سلطان منيره و ام دلع
سلطان:عمره 30 سنه متزوج بنت خالته عبير وعنده ولدين واحد اسمه عبد الله عمره 3 سنوات وولد عمره 8شهور واسمه احمد
مشعل : عمره27 سنه يشتغل في احد الشركات في منصب مهم
مشاري :عمره 24 سنه يدرس قانون
امال: 23 سنه متزوجه من ولد عمها سعود وحامل بالشهر السادس
دانه :22 سنه طيبه .. حساسه ..حبوبه .. يعتمد عليها في وقت الضيق سمراء جميله وعيونها وساع
هبه : 16 سنه جميله وحبوبه وفله وتحذف حكي من غير ماتقصد
*************************
وباقي الشخصيات نتعرف عليها في ثنايا القصه
اولا ... احب اوضح لكم ان ابو راشد الي كانت متزوجه ام راشد في البدايه وبسبب عصبيته الزايده طلقها ثلاث مرات وصار مايقدر يردها وبعد محادثات بين شيباهم اقترحوانها تتزوج ولد خاله سليمان عشان وبعدين يطلقها وتحل لرجلها الاول وتزوجها ورفض يطلققها في البدايه لانها اعجبته بس بسبب المشاكل واذيه مرته الاولى ماقدر يصبر وطلقها وهو مايدري انها حامل وجابت له دلع وبعد سنه من عمرها اخذها ابوها وتربت على ايد جدتها ..

البــــــــــــــــــــــ ـــــــــــــــــــــــ الاول ـــــــــــــــــــــــــ ــــــــــارت
في مستشفى ...... في الرياض بنت بريئة جسمها ضعفان ولونها اصفر وملاح وجها ماهي مبينه جروحها تنزف وباين عليها علامات الظرب وغايبه عن الوعي وساعه تفتح وتبربس عليهم بكم كلمه وترجع تغيب عن الوعي مره ثانيه
الدكتورخالد الي قام بحالتها وهو مره معصب : عرفتو من الي جابها وايش سبب ذا كله
الدكتور بندر : والله اخوها الي جابها حالته حاله وما عرفنا نكلمه
د خالد : ان زين راح نقوم بالواجب وبعدين يصير خير

كان فيصل واقف عند غرفة العنايه المركزه طبعا مااوصف لكم حالته.. ماقدر يقعد بمكان وكان يتحرك بأستمرار قدام الباب
واخيرا استقر في اخر المرر واقف قدام ... شباك
ويشوف الناس والسيارات اللي رايح واللي جاي ...
وماكان يلمح الا شكل دلع وهي بين ايدين امه واخوه مازن وطايحين فيها طق وتعذيب
كان يدعي لها من كل قلبه انها تقوم بالسلامه
ااااااااااااااااااااااااا اااااه ياقساوة قلبك يوما شلون سمحت لك نفسك تطققين ها اليتيمه وابوي ماله شهرين من مات وليته ماوصاك عليها الله يسامحك بس الله يسامحك وضرب بايده في الجدار يمكن الوجع الجسدي يخفف من النار الي بقلبه


وبعد انتظار دام حوالي ثلاث ساعات طلعوا الدكاترة من عند دلع وشافوا فيصل واقف يم الشباك وحالته حاله
الدكتور خالد وهو يربت على كتف الدكتور بندر : راح اترك لك مسولية تبليغ اخو ها البنيه عن حالتها وحاول انك تعرف شا الي صار لها واذا استدعى الامر نطلب الشرطه لا تتاخر ...؟

بندر : لا توصي ان شاء الله يكون الامر مايستاهل
ابتسم الدكتور خالد لدكتور بندر الي ماصار له فتره من يوم ما استلم شغله في المستشفى وما يستغني عن النصح والارشاد

بندروهو ياخذ نفس عميق : الله يعيني وراح ليما وقف وراء فيصل وأتنحنح عشان يصحيه من سرحانه وشروده

راح فيصل يمشي باتجاه الدكتور بندر ومسكه من ايديه
فيصل : هااااه دكتور بشر ؟
بندر : لا الحمدلله ...
فيصل : شنو فيها ..
بندر وهو يبتسم له عشان يخفف التوتر الي باين على وجهه : لا هذي يبي لها قعده ... اتفضل يا اخ وياي حجرتتي ... وبكل هدوء راح فيصل وياه حجرته والخوف متمكن من كل جزء بجسمه خايف على اخته الي دايم الظروف معاكستها وعايشه وحيده بذا الدنيا وحيده وكله بسبب حقد امه وتسلط اخوه الكبير


فيصل وهو يعيد نفس السؤال بس باصرار : هااااه دكتور بشر ؟
بندر وهو عاقد حواجبه : المفروض انا ياخوي الي اسالك اش سبب الي هي فيه ... الي فيها كان يستدعي انا نطلب الشرطه بس حبينا انا ننتظر الين ما نعرف منك اش الي صار
فيصل : مادري اش اقول لك انا كنت مسافر الشرقيه وتوني واصل ومن دشيت لقيتها بايدين الوالده واخوي الكبير يطقونها وحالها زي ماشفت .. ووطى راسه خجل من الي صار لان الي صار شي ماهو بسهل ... شي مستحيل ان انسان يسويه

د بندروهو يبقق عيونه بتعجب : في ام تسوي ببنتها كذا ؟؟؟
فيصل : لا هي اختنا من ابونا والوالد ميت وعشان كذا مستقوين عليها
بندر : ........... على العموم هي فيها كسر برجلها اليمين ورضوض متفرقه بجسمها ونزفت وايد بسبب الجرح الي براسها ونطلب من ربنا انه مايكون جاها ارتجاج بسبب ها الضربة (وشد عليها باسنانه ) هذا غير جسمها الخالي من الفيتامينات .. والاملاح .. و فقر الدم بعد... وهذا سبب لها نوع من الاغماء بس بعد ننتظرها الين ماتفوق وتعدي اربع وعشرين ساعه بعدين نطمئن اكثر...
فيصل : ............
بندر : الحمدلله على كل حال .. سهالات ان شاء الله ...
فيصل : ااااااه يادكتور هذي الغاليه
د بندر : شي احسن من شي ياخوي صح ولا انا غلطان والحين ماتبي تشوفها


اخذ فيصل رقم الغرفه الي اعطاه له الطبيب وطلع من الغرفه بسرعه ... ويوم وصل غرفتها ... ودخل عليها كانت شاحبه كلها اجهزه ...وعيونها مزورقه من الضرب ووجهها مجرح
فيصل وهو يبوس ايديها : سلامتك يالغاليه .. حشى هذا وانتي من لحمهم ودمهم وشلون لو كنتي غربيه شنو كان بيسوون فيك
السستر :-انت اخو هذا
فيصل :-ايه
السستر :-روح استقبال عشان معلومات مريضه
مشى فيصل وسجل معلوماتها كلها بالاستقبال بعد خمس دقايق ..رجع لها
دخل غرفتها كانت بتعترض السستر لكن الطبيب كان ورى فيصل واشر لها تطلع من الغرفـــــــــــــــــه ..
سحب فيصل كرسي وجلس جنبها ...
مسك يدها يكلمها ..وماهو حاس بوجود الطبيب
سامحيني .. صدقيني خلاص ماراح اتركك تعيشين بينهم .. ماراح اسمح لهم يتحكمون بحياتك ويسيرونك زي مايبون ..راح اخليك تعيشين عند امك وغصب عن الي مايرضى ..بس المهم ماتتركيني ..
قاومي وكافحي اعرفك انتي القويه العنيده الي محدن يقدر عليها ..!انتي طول عمرك عايشه وياهم كفاح وتحدي لما وصلنا النهايه تجين تضعفين وتنهزمين .. ما ارضاها لك يا دلع والله ما ارضاها يالغاليه
كان فيصل يحبها من حب ابوها لها ومن روحها الحلوه الي زي النسمه يحبها لدرجه لو كان بيده ما تردد دقيقه وجا فمكانها .. وتحمل الالم والعنا .. بس ذي امه هدت حيله وخلته عاجز قدامها انه يدافع عن اخته
كان متمسك بيدها بشكل ما ينوصف وكانها بتروح منه لاتركها !
"ربك كريم يا فيصل "
فيصل وهو يقز الطبيب بندر :.................
بندر : جلوسك وياها كذا ماراح يفيدها ... وانا اشوف انه من الافضل انك ترد بيتكم احسن انت حسب ماقلت انك توك راد من السفر واكيد تعبان

قام فيصل من محله وطلع مع الدكتور : أي والله العالم يادكتور ... يالله دكتور ماوصيك عليها
بندر : مايصير ها الكلام تراها في عيوننا .. بس ياليت تعطينا رقم الوالده عشان تجي تقعد يم بنتها .. تعرف البنت ماترتاح الا وامها يمها .. وهذا راح يساعد دلع كثير في تحسن حالتها
فيصل : والله ما اعرف رقم ام دلع بس هو اكيد مسجل بموبا يلها وانا لارديت باكر اجيبه وياي ... يالله دكتور بالاذن
بندر : اذنك معاك مع السلامه

طلع فيصل من المستشفى وهو يفكر بالي صار ويوم وصل البيت لقي امه واخوه مازن وفارس بالصاله يتقهوون ولا على بالهم
دخل وهو مسوي روحه مايشوفهم وما كان يبي يتعب روحه وياهم لا انه عارف ان مامن وراهم الا عوار الراس

ام راشد : ها شرفت ... يالحنون .. وتطالع تدور دلع .. وينهي شينة الحلايا لايكون ماتت
فيصل : كانت على وشك يوما ... وبسخريه ... كنتي بتذبحينها على بالك مالها احد
مازن : لاترفع صوتك على الوالده يا الطيب
فيصل : عن المثاليه الي مالها داعي .. وقولي اش الي خلاك تطق اختك بوحشيه
مازن : والله اكتشفت انها ماتربت عدل وجاء الوقت الي اعيد تربيتها فيه
فيصل والدم صار يغلي بعروقه من العصبيه : اقول لا تغلط دلع تربيه جدتي ونعم التربيه ... بنت رجال
ام مازن وهي تتصنع البكاء : حشى ماني امك اختك المدللة لما حست انا كشفناها قامت تطول لسانها علي والي ناقص بس انها تطقني وانت جاي تدافع عنها
فيصل وهو يطلع الدرج بدون مايناظر امه : يوما كافي ها المسرحيات انا عارف كل الي صار ارحمي البنيه خلاص كافي خافي ربك فيها ... وطلع فيصل غرفته وهو يسمع وراه سيل من الشتايم والتهزيء من امه واخوانه ... ودخل حجرته ونام

اما في المستشفى ... بعد ماخلص الدكتور بندر مناوبته حب يطمن على دلع الي حس نحوها بالتعاطف وشده لها شكلها الطفولي والوضع الي تعيشه مع مرة ابوها
دخل بندر وسمعها تأن واقترب منها وفتح عينها بايده وصار يوضي عليها بكشاف صغير بايده
دلع : اه شفيك فقعت عيوني …اه اه
بندر وهو يشيل ايده من على عينها ويبتسم : الحمد لله على سلامتك دلع
دلع وهي تفتح عيونها بخفه والدموع صارة تتارجح منها : دراكولا مرة ابوي وياك
بندر وهو يبتسم من اسلوبها وحاس بخوفها : لا تبين اطلبها
دلع وهي تغير السالفه : لا … ابي انوم بس راسي يعورني حييييل
بندر :هذا كله من اثر الجرح الي براسك
دلع ردت تصيح وهي تمسك راسها وتشوف رجلها وطبعا تتذكر الي صار يوم مرة ابوها تتهمها انها كانت واقفه بالدريشه وتأشر لواحد وترمي له رسائل .. وش كثر حست الظلم واخوها مازن يضربها برجله ويدوس على وجهها ويسبها في شرفها وتربيتها وكيف كان يبي ياخذها ويرميها فا الخلا بعيد عن الناس عشان تموت لولا الله ثم جيت اخوها فيصل بالوقت المناسب … صحيح انها قبل ماكانت عايشه وياهم مرتاحه ولا متهنيه بدلال ابوها وحبه لها بس كل الي جاها منه يهون ولا يتهمونها في شرفها وتربيتها …ثارت اعصاب دلع وصارت تصيح وتشاهق بصوت عالي وهي تقول : ما ابيهم الله يخليك لاتخليها وولدها يدخلون علي ما ابي اشوفهم ابوس ايدك …وردت تشاهق

بندر : سستر اعطيها ابرة مهدي بسرعه
السستر : اوكي دكتور ..وفعلن جابت السستر الابره وعطتها لدلع الي مازلت تصارخ
وبعد خمس دقائق بدءمفعول للمهدئ يسري بجسمها و تستجيب له وتهدى
دلع ودموع عيونها بعدها تهل : الله يخليك لا تخليني لوحدي لاتخلي مزون وامه ياخذوني .. طلبتك يا دكتور … خل امي تجيني … وانشل لسانها وبدت تغيب عن الوعي ومره تفيق وتجلس تترجاه
بندر قطعت قلبه دلع وحس انها شوي ويلمها ويهديها ماحياته انهز قدام أي انسان دايما كان الاقوى انسان له هيبه وله مكانه ومعزه بين الناس رغم صغر سنه الا انه رجال بمعنى الكلمه …: ابشري يادلع .. والله ماتطلعين من هنا وياهم .. والي خلقني ماتطلعين الاويا امك
فتحت دلع عيونها وناظرة بندر وتبسمت له ابتسامه اخذت علقه … ( دلع اكثر مايميزها ابتسامتها الي تاسر الكل وابوها ماكان يطيق زعلها من شان ها الابتسامه وزميلاتها يحسدونها يوم تبتسم وتبين غمازاها وتتقوس عيونها ويبين طول رموشها وسوادها وبياض بشرته والعرق البنفسجي الي نازل من يسار جبهتها الي حاجبها ويبرز اذا ضحكت او تكلمت )

مسح بندر على شعرها بايده ووصى السستر عليها وطلع رايح لحجرته ... وقبل يدخل غرفته جاء على باله انه ياخذ ملفها ... يمكن يلاقي رقم امها وفعلا راح لريسبشن وطلب ملفها وخذاه وراح حجرته حطه على مكتبه وسند راسه على الكرسي وهو يمرر ايده بشعره وسارح بافكاره
اه قد ايش الانسان ظالم ... ياخوفي لأكون ظلمتك يا نجلاء ( نجلاء هذي اخت بندر وبينهم سالفه طويله ) وقطع عيه تفكيره صوت الدكتور خالد وهو يتنحنح واقف قدام مكتبه
بندر وهو يفيق من شروده: اهلا دكتور اتفضل ما انتبهت لك يوم دخلت
خالد : ايش الي مجلسك الى الحين ونوبتك خلصت من ساعه
بندر: والله ماقدرة اروح ... البنت الي في غرفه 408 ترجتني ما اخليها لاخوانها وزوجة ابوها خايفه منهم حيل وانا وعدتها
خالد وهو يبتسم : كفو ياولدي ... بس انا جلست الحين ماراح تكمل للعصر بكره واكيد هذولي ان بغو يجون مايجون الا العصر ... وانا اشوف انك تروح ترتاح الحين والعصر ترد وانت نشيط
بندر بعد تفكير : طيب افرض الحين جو وماصابت توقعاتنا
د/خالد : انت ناسي اننا بمستشفى والسكيورتي الي بيها ايش شغلتهم ... وبعدين انا وين رحت وهذا وقت نوبتي
بندر : اعذرني ... يابو سطام والله ماقصدي ... وعشان اثبت لك كاني قايم راد للبيت
د/ خالد : فمان الله
بندر وهو ينزل البالطو الابيض ويرميه على الكرسي : فمان الله


اليوم الثاني العصررجع بندر المستشفى...وراح يشوف دلع ولاقها نايمه بسلام وكان شكلها مرره طفولي وبريئ....بس حس بخوف عليها لمن افتكر خوفها من اخونها مايدري بس في شي غريب يشده لها ويخليه يتعلق فيها
طلع من عندها وكتب لها ابره واعطاء الوصفه لنيرس وراح يمر على باقي المرضى
فتحت دلع عينها بتعب لحظه انا... وين هذي الفلبينية ايش جابها بس ليش ماسكه في ايدها ابره لحظه من هذا وددقت النظر وعرفت انها في المستشفى

دلع قامت: بسم الله ويني وش صاير

النيرس : مافي كوف هذا ابره مايعور

دلع وهي تبعدها عنها وتصارخ :اه وش هذا ابره وخري يعني وش مايعور ليش انا هنا
النيرس : بيبي مافي كوف ... انت مريض بيبي ... ويوم ماشافت منها الا الصد نادت على الدكتور بندر

بندر الي توه داخل : اختي انتي بعد تعبانه دلع طالعته باستغراب كبير وبعدين حطت يديها على راسها وكانها تو تحس ان ماعليها جلال

دلع :من انت

الدكتور:انا بندر و ابعالجك ان شالله
دلع :وش فيني

الدكتور وهو يدخل القلم بجيب البالطو الابيض: مافيك الا الخير

والحين خليك هاديه عشان النيرس تعطيك الابره


دلع :لا... قسم بالله ماتعطيني اياها
الدكتور بندر وهو يقترب بعد ماكان يبي يطلع : ليه
دلع : بس خلاص انا حلفت تبي تاثمني .. والله وقسم ماتعطيني اياها لو اموت
بندر وهو يحاول يخفي الابتسامه : انزين نجيب لك نيرس ثانيه
دلع : قسم بالله ماتمسكني ممرضه هنا خلاص حلفت
اقترب بندر وهو فاك حلقه يضحك ... ودلع خافت منه واستحت من روحها
بندر : قسم بالله لاعطيك انا الابره
دلع : لا خلاص انا حلفت
بندر وهو ياخذ الابره من النيرس ويجهز المسحه الطبيه ولصق الاجراح: انتي حلفتي على النيرس ماهو على الدكتور ... ولا تبين تؤثميني عشان ااثمك

استسلمت دلع وسحب الدكتور ايدها وغمضت عيونها من شان ماتشوف الابره وهي تدخل ايدها وصارة دموعها تنزل غصب رغم انها ماحست بالم

د بندر وهو يقزها بخوف : خير دلع خلصنا ليه الدموع
دلع : خلصت ... وصارة تمسح دموعها ... ولا حاجه دكتور بس غصب عني نزلت
بندر : مسك الشاش الي على راسها وفكه وكلم النيرس تغير الضماده

وانتبهت على رجلها


دلع:ااااااااااااااااااااا ااااااااااااااااااااااااه

بندر :وش فيك

دلع:رجلي رجلي وش فيها.. ما اقدر احركها

بندر: دلع هدي وانا بفهمك


دلع:وشو اهدى

بندر: اسمعيني واجلي صراخك


دلع:وشو

بندر:قال لها كل السافه

دلع: ماراح امشي شهر شهر بقعد عاجزه(دلع نفسه عزيزه عليها يعني وعارفه انها لوردت عند مرة ابوها راح يذبحونها وهي مافكت رجلها اذا ماقدرت تمشي وهذا كل اللي مازمها)

بندر: دلع فتره مؤقته لاتصيحين ... ولا ابجيب الابره الحين




دلع كانت تبيكي وامارات الدهشه على وجهها وهي تطالع رجلها ماتحس فيها كانها مو رجلها
بندر: لاتصيحين راح تكون هذي الفتره فترة تغيير بحياتك ماراح تنسيها
واخذ القلم من جيبه وهو يبتسم وكتب لها على الجبس ) اذا قرب الرحيل فلم تروني*** فهذا خط قلمي فتذكروني وتوقيع بحرف b والتايخ )

دلع سكتت وقعدت تطالع رجلها لانها كانت مو مصدقه: ايش كتبت
بندر وهو يبتسم :بعدين تعرفي ... خليه يكون لك فتره ماهو برجلك دفتر ذكرياتك يذكرك بالناس الي حولك ... بس ها ماهو تشيلينه وتنسين كل الي بيكتبون لك وياه...
دلع بعد صمت :انا متى بطلع

بندر وهو بيطلع : بعد اسبوعين

دلع :ايــش
بندر: ... ما مداك مليتي...وطلع
ورجعت للصياح الاان نامت

باليل الساعه 9 دلع بدت تصيح وهي تقريبا نايمه

فيصل الي كان جالس وياها :دلع ..دلع وش فيك

دلع : رجلي توجعني وتعبت من النومه على ظهري

فيصل :طيب انادي الدكتور

دلع :لا اشوفه قدامي ... ماعنده الا ابر
فيصل سفهها ونادى الدكتور

الدكتورخالد : سلامات وش تحسين

دلع : انا ماناديتك
الدكتور خالد :الدكتور بندر انتهى دوامه

دلع: مابي احد مابي ابره مابي علاج كافي و صاحت بقوه وصارت تئن بسبب رجلها

الدكتور: رجلك توجعك ماانقدر نسوي شي غير اننا نعطيك مهدئات هذي فتره حرجه ولا نقدر نحرك رجلك

دلع سفهته ونادى النيرس وعطتها مهدىء وقبل لاتنوم قعدت تسال فيصل عن امها
فيصل : والله يادلع ... انا مانسيتها بس شكلهم طالعين مايردون ... وهذاني جبت موبايلك بس رقم امك ماهو مسجل عندك
دلع وهي تتنهد: ايه ماهو عندي عشان مزون لايحصله عندي وياخذ الموبايل مني ... تعرف يكره امي
فيصل : لها الدرجه وصلت فيك النذاله يامازن حسبي الله عليك
والتفت لدلع ولقيها رايحه بسابع نومه

اليوم الثالث لدلع بالمستشفى صارت احسن من قبل بس نفسيتها كانت تعبانه وبحاجه لامها
بندر وهو يدخل يطمئن عليها : ها دلع بشريني عنك اليوم
دلع : الحمد لله ... بس امي ماجات ... ابيها ولي يسلمك
بندر : ان زين انتي اعطيني رقمها وانا اطلبها
دلع وهي تنزل عيونها بحزن : رقمها ماهو معي بس انا مسجلته عند صديقتي
بندر : انزين معاك موبايل تكلمينها
دلع : ايه اخوي جابه في وحده من الشنط ذي
بندر استحى ينبش باغراضها وطلع موبايله من جيبه وقال لها تتصل على زميلتها
ما عارضت دلع وخذت الموبايل منه واتصلت على صديقتها اريج

اريج وهي تنعم صوتها : الووووووو
دلع :هاي اريج
اريج : وعليكم الهاي ... هذا انتي وانا اتميلح على بالي واحد مضيع
دلع وهي تبتسم غصب :ماني فاضيه لسوالفك ..بس بغيت رقم امي
اريج : دلع اشفيه صوتك تبيني انا اكلمها
دلع : لا الله يسلمك اعطيني الرقم وانا اكلم ... وبعدين انا في مستشفى......... اذا تقدرين تمريني
اريج : ليه سلامات عسى ماشر
دلع بابتسامه بارده : كالعاده مطاردات توم وجيري
بندر في نفسه ( يالبى قلبي مهونتها عن نفسك غصب )
اريج :ياعيني .. اكيد راح امرك .وذي يبي لها سوال ... واذا تبين بعد اتصل لك على امك اتصل عادي
دلع : لا مايحتاج انا اكلمها احسن عشان ماتنجلط لادرت ... عاد يالله اروجي طولتي علي وفشلتيني من الادمي الي اتصل من موبايله
اريج : الدكتور... كيف شكله حلو ولا مايستاهل
دلع : ايه اخلصي الرقـــــــــــم

وسجلت دلع الرقم في الموبايل وقفلت واعطته بندر عشان يتصل لانها ماتعرف لجهازه وخافت لتخربه عليه
اخذ بندر الموبايل وهو مبهور من لباقة وادب ها البنت...وضغط على مفتاح الاتصال .... وشوي الاوتجيه مفجاءه
كانت راح توقف له قلبه ... شي خيال ..حلم ...مستحيل كان يتوقعه ... جار الاتصال ..

دلع الي شدها ذهوله نادت عليه بخوف : دكتور ... دكتور في شي

بندر والي الى الان مو مصدق :هاه .. لا.. بس الرقم ناقص انتي شكلك نقلتيه خطاء
دلع : اكيد هذي المطفوقه اريج عطتنيه بسرعه .. الله ياخذها
بندر اتصل على اريج واعطى دلع الموبايل وقال لها ترسله بطاقة اعمال
وفعلا قالت لها دلع وما تأخرت أريج

بندر : ان زين دلع ... شكل الوالده ماترد على ارقام ماتعرفها وانا راح اتصل فيها من الهاتف الثابت واخبرها بهدوء
دلع وهي تتنهد : طيب
بندر : يالله تامرين شي
دلع : ايه ... ابي جلال و ابي اصلي وماعرف شلون اتوضاء والنيرس فلبينيه مافهمت علي
الدكتور: اها مو مشكله نجيب لك نيرس مصريه تقدر تساعدك
دلع: :مشكور
الدكتور: مع السلامه
طلع بندر من عند دلع وكانت نهاية فترة دوامه وعلى طول راح مكتبه واخذ ملف دلع الي تركه على المكتب وقعد يقراءه والي اثار تعجبه عمرها
بندر وهو يقفل الملف : يااااه معقوله هذي عمرها18 سنه والله مبين اصغر يعني كبر اختي نجلاء... اه يانجلاء اه ه ه
طلع بندر من المستشفى وباله مشغول وتعبان ...صار قلبه وتفكيره متعلق في هذي البنت اكثر واكثر ركب بندر سيارته ومشى وهو مقرر انه يروح لبيت عمه وطلع موبايله و ودق على مشاري الي ماتاخر في الرد
مشاري : ياحي الله ذا الصوت
بندر : الله يبقيك ... وشلونك ... ياولد العم وشلون الاهل
مشاري : مناح نشكرفضل الله
بندر :هههههه اخس يالبناني ... بس لايكثر ... اقول مشاري عمي موجود بالبيت
مشاري : ايه الوالد اهم شي عنده قعدة المغرب ويا حبيبة القلب ... أي ..اه ويكلم ابوه ..هماها حبيبة القلب ولا انا غلطان....
بندر: هههههه اجل انتظروني على ها القعده الحلوه الحين جايكم ...يالله سلام

انهى بندر المكالمه وسرح بافكاره وهو ناسي انه واقف بالاشاره ومانبه الا اصوات بواري السيارات من وراه
جفل بندر من الاصوات ...الناس حيل مستعجلين ... ؟ وعلى ايش تنهد بندر و اخذ يردد ثم

اول الناس انتي .. وكلهم ..
وآخر اللي عيوني .. تملهم ..
لو تحبيني .. هذا يكفيني ..
اسكني عيني .. ونامي ..
انتي يانوري .. وظلامي ..
ياقمرهم .. كلهم ..
أعدل الناس .. وازينهم خجل ..
واغلى من الناس .. في وقت الزعل ..
واجمل اللي حصل لي .. وماحصل ..
لو تحبيني .. هذا يكفيني( بدر بن عبدالمحسن)
( بندر كان من محبين الشعر ولدرجة الجنون بعد ويحب المقناص وعلوم الرجال ابوه رامي كل حمل اخوانه عليه ولاهي ويا ابله وحلاله ..وله مكانه بين عمامه وعيالهم والكل يحسب له الف حساب27 سنه اسمر حلو ومملوح طويل وعريض شعره اسود وشوي طويل وعيونه نواعس وجذاب .. توه راد من بريطانيا دارس الطب هناك وهذا بداياته في العمل
......................... ......................... ........
اما في بيت ابو سلطان
مشاري : يبه هذا بندر يقول الحين بيجينا
ابوسلطان : اللهم اجعله خير
ام سلطان : وش بلاك هماه ولد اخوك يجي باي وقت .. لازم يكون فيه شي
ابوسلطان : والله قلبي ناغزني ..بندر ماعمره جاء بها الوقت
سلطان : يمكن يبه يمكن جاي يخطب وحده من ها المقرودات
ابو سلطان وهو يبتسم ويطالع بناته : والله هذا يوم المنى ليته ..
هبه : وععععععع ماقعد الا ذا الي شايف نفسه تاخذه هبوش بنت عبدالله
مشاري وهو قايم ويرميها بالمخده : والله لو يصح الك كان مسكتي فيه باسنانك بس انت داريه انه مايتنازل ياخذ بلوى زيك
الكل :هههههههه
هبه عاجبك يبه ...هين يامشاريوه يا لثور اوريك وطلعت حجرتها زعلانه ... ولحقتها دانه عشان بندر بيدخل وهي مامعاها جلال

مشاري : ياولد طريـــــــــق
سلطان : اقلط يا بندر حياك

ابو سلطان : هلا والله بالغالي
تعدلت ام سلطان وتمت جالسه يم زوجها الي كانو يتقهون بالصاله ...
بندر "السلام "
وسلم على عمه عبدالله قبل لا يقوم ...
ابو سلطان بابتسامه "هلا والله بالغالي "
بندر : هلا بك .. وشلونك عمي عساك بخير .. وشلونك خالتي ام سلطان عساك بخير
ابو سلطان وام سلطان : الحمد لله وشلونك انت
مشعل : ياهلا والله بندرمن زمان ماشفناك سم ... ومد له فنجال القهوه
بندر : اسلم ... انا معذور مشغول بس انت قولي اش وراك
مشعل : وراي الباب
الكل: هههههههههه
وبعد ماتقهوو وشربوا الشاي وبل الاذان بشوي ناظر بندر ساعته وشاف انه الوقت المناسب عشان يخبر زوجة عمه وبعد فترة صمت قصيره رفع راسه وشاف الكل يناظره وكانهم حاسين ان بيه شي وهذا الي شجعه انه يتحكى

بندر وهو يطالع عمه:قبل يومين جاتنا بنيه صغيره في عمرها جايبها اخوها ومعالم وجهها مختفيه من الطق ورجلها مكسوره ونزفت دم كثير وكنا نظن انها ماراح تعيش او انها راح تتاثر بسبب الطيحه الي على راسها.. بس البنت كانت قويه وقاومت وكنا راح نطلب الشرطه بس حبينا انا مانستعجل احسن لحد مانشوف ملابسات الموضوع ( الكل تعاطف مع السالفه وضنو انه يبي مساعده ماليه لها البنت )
ابو سلطان : قول ياولدي اذا تبي فلوس لذا البنت ترانا حاضرين ...
بندر : خل اكمل ياعمي بعدين اقولك اش ابي
ابو سلطان : السموحه ياولدي كمل
بندر : ومالكم بالطويله .. انا فهمت من اخوها ان اخوها البكر وزوجة ابوها اهم ......................... .................. المهم اهي الحين بخير وباحسن حال وبصحه لايعلى عليها وراح تخرج من عندنا عقب اسبوع عشان رجلها المكسوره ... وهي عطتني رقم امها عشان اتصل لها عليها وفعلا اخذته ودقيت نفس الرقم الي سجلته هي بجهازي ولما اتصلت ...وطالع يم ام سلطان ... جاني مكتوب جاري الاتصال بام سلطان ... وماخبرتها ولما اخذت ملفها لقيتها دلع بنت راكان الـــــ
طالعوا الكل ام سلطان الي كانت تصيح بصمت والي خفف عليهاالصدمه اسلوب بندر لانه قال لها في البدايه وضع بنتها الي مايخفى عليها ثم خبرها انها بنتها الكل كان متفاجئ ب لموضوع معقول ..ابد ماخطرة على بالهم اختهم يصير فيها كذا وهم مايدرون
ام سلطان : سالتك بالله الي ماتنام عينه بنتي فيها شي
بندر بابتسامه كلها حنيه : لا يا عمتي دلع مافيها الا العافيه ... واذا تبين اوديك لها الحين فانا حاضر
ام سلطان وهي قايمه : أي والله يوما الحين اجهز
بندر : بس على شرط عمتي
ام سلطان : امر يوما
سلطان : دلع ماتدري اني اصير لكم .. ولا ابيها تدري
سلطان : ليه ياولد العم
بندر : لاتفهموني غلط ... بس انا المسؤل عن حالتها والبنت خجوله واخاف لادرت ترفض اني اكمل وياها علاج وهي يالله بالقوه تاخذ علاجاتها
مشاري : فديتها والله اختي راسها يابس
اذن العشاء وراحو الرجال يصلون بالمسجد عبال ام سلطان ماتجهز والي الدمعه مافارقتها من عقب ماخبرها بندر
ام سلطان وهي بدارها تجهز روحها عشان تروح لدلع
......: تك تك تك
ام سلطان : ادخل
عبير وهي تشوف خالتها لابسه عباتها : على وين ياست الحبايب
ام سلطان : هلا يوما الله جابك
عبير : امري يالغاليه
ام سلطان : حكتها بكل السالفه ......... وابيك يوما تقعدين مع خواتك
عبير : امري يوما ماهو تشاورين هبه ودانه خواتي
ام سلطان وهي تشيل موبايله الي يدق : الله يبشرك بالجنه يابنتي
وردت على زوجها ابو سلطان : زين كاني نازله ... يالله مع السلامه
عبير مع السلامه

وصل بندر وعمه ام سلطان للمستشفى ودلهم على حجرتها وراح مكتبه
ويوم دخلت ام سلطان شافت بنتها نايمه ووجها الطفولي الملايكي مبين عليه التعب والضرب حاولت تصحيها بس ماصحيت ماقدر تمسك نفسها كان شكلها مبين فيه الالم كانت نايمه فيه جرح بوجهها قربت منها و شافت يدها مضمدة مجروحه والجروح كانت عميقه شوي ورجلها كانت كلها من اولها لاخرها مجبسه وكان الجبس عريض مره من اصابعها الا نص فخذها طلع قلبهاو تقطع على بنتها المحرومه منها اللي مبين انها تعاني من حياتها ويا اخوانها

ام سلطان : هئ هئ هئ يابوسلطان بنتي اش فيها ماترد والي يسلمك خل بندر يجي يشوفها لايكون صابها شي
ضرب ابو سلطان الزرار الي فوق السرير وجاه بندر جري
بندر : في شي
ام سلطان : بنتي ليه ماترد
بندر وهو يحس نبضها : ياعمتي خوفتيني .. وبعدين انا معطيها ابرة مهدي عشان الالم وهي الحين بسابع نومه وماراح تفيق الاالصبح
ام سلطان : اكيد
بندر : أي والله عمتي .. ويالله انا الحين اترخص ابرد البيت وباخذ عمي وياي وانتي اذا احتجتي أي شي رقمي وياك دقي ان زين وسامحيني عالقصور
ام سلطان : الله يعطيك العافيه ياولدي وينور لك طريقك يا يوما مامنك قصور
ابو سلطان : يالله يالغاليه سلامة دلع .. ابروح من الحين ازهب لها حجره عندنا باذن الله ماراح ترجع الا في بيتك يامنيره
ام سلطان : تسلم يالغالي انا اشهد انه مافي احسن منك ياسيد الناس
ابوسلطان : رضيتي عنا ياحياتي
ام سلطان : ابو سلطان ....
بندر :هههههههههه عنبوكم .... استحو ماتقولون ويانا عزابي عيب
عبدالله +منيره :ههههههههههه
بندر+عبدالله : يالله فمان الله
وراحو كل واحد لبيته ...اما ام دلع فقعدت جمب بنتها تصلي و تناجي ربها الين ما نامت
(..هل ياترى نلتقي وتخز أيامنا بالفرح وترتسم بلقياكم احلى ايام المنى ويضمني السعد والهنا وتجمعنا احلى الصدف ..)

الصباح فتحت دلع عينها ببطأ وهي تحس بالكسل .. وخدودها صايره مثل الجمر تحترق من كثر الصياح والدمع الي نشف فيها .. تحس بحراره على حدود شفايفها تفجرت دلع بالبكاء .. وقامت امها على صوتها وجلست يمها تمسح على شعرها: شفيك يا توؤم روحي>>> لاتصيحين يالغاليه

دلع: يوما حبيبتي (( مسكت يدها بترجي))لا تتركيني

صاحت امها اول مره تشوف بنتها الي دايما تمثل القوه كذا .. ضمتها لصدرها ظلت تقرأ عليها السور ه الى حافظتهم..

هدات دلع : يوما انا اسفه تعبتكم معاي

ام دلع : للحين ما تعرفين انتي شنو بالنسبه لي .. انتي الضحكه الى اضحك معاها والدمعه الى تطيح من عينك انا امك يادلع لولا الظروف ماكان هديتك يوما

دلع : فديتك يا بعد عمري
وجلست امها تصيح يمها

دلع :يوما انا بخير
وفجاءه انفتح الباب بدون احم ولا دستور الي خلى دلع وامها يطالعون للباب بذهول تذكرت ضربه وحقده واهاناته و جتها نوبه لما شافته حست بالقرف والحزن والألم حست بكره كبير له في قلبها صاحت وبين دمعه وثانيه كانت تتنفس وتشهق (لكم عاد تتخيلون الموقف) : اطلع يا مازن اطلع أنت منت اخوي ولا اعرفك انت اهنتني قــ.. ... ذبحتني بالحيا

و صارت الدموع تنزل من عيونها بغزاره دموع غير عن دموعها اللي اعتادت كل مره تبكيها .... بكاها مو أول مره يصير بسبب مازن ... بس كل المرات كانت تصيح بسببه .. بس المره بسبب الي قاله عنها ... و هاللي سواه مثل سكين حااادة انغرست بقلبها .. الصفعات لو جت من غريب ماتهم ولا تذكر ... بس هي جت من اخوها وما تداويها الأيام. اخوها الي المفروض يكون لها سند وعزوه بعد موت ابوها .. مهما كان جرحها بسيط الا ان تأثيره قوي .. ورغم كثر غلطاته الا ان غلطة ها المره غير .. لأنها طعنه في الظهر في شرفها

دلع بهستيرياء : يوما طلعيه من هنا يوما اااااااااااااااا ... اطلع يانذل ..براااااااا . صرخت دلع بأعلى صوتها.. ما ابي ارجع معاك خلاص يوما اااااااا ... طلعووووووه ... يمه شوفيه شوفيه بيضربني احموني منه وخروه عني يمه نادي الدكتور ناديه. صارجسم دلع يرتجف وهي تصارخ وشكلها صار يكسر الخاطر
ام دلع دقت الجرس والخوف على بنتها ومن الحاله الي صابها نستها وجود مازن
مازن : اقول خلي بنتك توفر دموعها الين ماترجع البيت وراءنا حساب طويل ... ولاتفكرين انك راح تاخذينها وياك ... كااااافي المسخره الي هي بيها

منيره: أطلع برا بسرعة أختك ما تبي تشوفك
مازن : ماهو بكيفها
منيره حطت ايدها على الجرس وعلقت عليه ...وصارت تطالع مازن وهي تقول : انت تفتقد لرجوله في شخصيتك ..انت انسان منحط وقوتك ماتقدر تفرغها الا في الضعاف ياولد شما ... الحين نطلب لك الشرطه

ماخلصت منيره كلامها الا والدكتور خالد داخل ومعاه كم دكتور على بالهم ان فيها شي
الدكتور خالد وهو يروح لدلع الي شاف حالتها حاله وتصارخ : خير اش صار اش فيك دلع ... دلع خليك اقوى من كذا
دلع من شافته امسكت في البالطو الي عليه : خله يطلع بـررررررره مابي ارد وياه مابي ارد عشان يقتلوني
الدكتور خالد وهو يطالع مازن : لو سمحت اخوي اطلع بره
مازن : فوضي ذي ... اطلع بره هذي اختي وراح تطلع وياي الحين غصب عنك
الدكتور خالد : لوسمحت دكتور هزاع اطلب الامن واطلب الدكتور بندر
الدكتور خالد وهو ماسك دلع الي غابت عن الوعي : دلع ... ردي دلع خليك اقوى يادلع ...( ورد يكلم مازن) . عاجبك الي سويته في اختك ... انت ادمي ماعندك ذرة احساس
ام دلع كانت ميته بكاء وخوف على بنتها وماسكه ايدها وتدعي لها
هنا دخل بندر وهو يدق مازن يايده عشان يبعده عن طريقه زي شي غير مرغوب فيه وراح لعند دلع
بندر : خير دكتور ايش فيها
د خالد : اغمى عليها لازم ننقلها للعنايه ...
بندربعد ماطلعو دلع للعنايه تذكر وعده لدلع انه راح يحميها منه فراح لمازن بشجاعه وتحدي : لولا اني انسان محترم ولا كان شتك برجلي بره لاكن اشكالك مايستاهلون انا نعبرهم ... سكيوورتي خذوه بره هذا مستشفى محترم
مازن بذهول واستسلام طلع برا المستشفى بدون مايحكي ولاكلمه .. وهو يفكر في قرارة نفسه انه ارتكب غلط كبير بس لايمكن يعترف بيه
اما دلع فنقلوها العنايه ...

ام دلع الي اتصلت على زوجها وعيالها : يابو سلطان شوفهم صار لهم ساعتين من دشو هنيء
ابوسلطان : ماعليك يامنيره هونيها مافيها الا العافيه ان شاء الله
ام سلطان : ان شاء لله

في ذا اللحظه طلع بندر ووجه منور ومن شافوه راحو له ركض
مشاري : ها بندر بشر
بندر : لا ابشرو اهي طيبه الحين جاها انهيار عصبي لاكن بسيط ان شاء الله اذا أبعدناها عن الي يزعلها ... بس يبي لها 24 ساعه عشان تستقر حالتها
ام سلطان : الله يبشرك بالخير ياولدي
بندر : واجبي يوما ... يالله تامرون بشي
ابو سلطان : ايه ياولدي نبي نشوفها
بندر : ان شاء الله بس بهدوء وانتبهو لاتزعلونها
مشاري : لاتوصي ... تراها الغاليه
راح بندر ودخلوا عند دلع الي كانت نايمه وتمو اخوانها عندها شوي بعدين

راحو وبقيت عندها امها وخواتها الى الساعه 9 بالليل وقت ماصحية دلع
دانه تناظر دلع الي كانت مسكره عيونها والتعب واضح على ملامحها ومعبسة وجهها .. !! ومادرت هي نايمة ولا لاء الا يوم شافتها تحاول تبلع ريقها بألم بسبب البنج اللـّي الي كان بحلقها !:يوما دلوعه صحيت..
قربت منها امها وقالت بحنان : دلع حياتي .. فتحي عيونك حبيبتي الحمدلله على السلامة !

فتحت دلع عيونها بوهن وحست انها مو بالدنيا ومدت ايدها.. ومسكت امها إيدها بسرعه واخواتها من حولها يقولون : الحمدلله على سلامتك يادلع
دلع بوهن: اه ...ابي مويه
دانه راحت ركض وجابت لها مويه وشربتها
دلع : مشكوره دانه

مسكت امها ايدهاوصارت تقراء عليها المعوذات
دلع بابتسامه : يوما كافي .. ما اقدر عا الدلع
هبه : ايه وش عليك الجو يشجع لدلع بس ملحوقه عا الكرف في البيت
دانه : ايه دلع بسرعه خفي بابا جهز لنا حجره انا وانتي تاخذ العقل
دلع بابتسامه : الله يخليه لكم
دانه : ويخليك لنا ان شاء الله
ام دلع : طاح الشر ان شاء الله يوما
دلع : ان شاء الله
تك تك تك : وفتحت النيرس الباب وقالت لهم ان الدكتور بيدخل
دلع : ماماتي ابي جلالي
هبه : وشهو له الجلال هماك طول النهار بين ايدينهم ماقعد واحد هنا ماشافك
دلع : واذا يعني خلاص لاشافوني صارو حلالي
دانه : ههههههههه ماعليك من داعية التحرير لا تخربك وغطتها بالجلال والبنات بعد تغطوا ودخل بندر
بندر ها كيفك دلع الحين
دلع : زينه بس ابي اطلع
بندر وهو يقيس الضغط عندها: بس احنا مانبيك تطلعين مونستنا
دلع : بس ان مليت ابي اطلع
بندر : ابشري يومين ان شاء الله وتكونين بالبيت
دلع وهي متشققه من الوناسه : صــــــدق
بندر وهو طالع : ايه اذا اهتمتي شوي بأكلك ونفسيتك راح تطلعين
دلع : ان شاء لله .. وطلع بندر من الحجره
هبه كانت طايره عيونها في بندر وماخذته قز من اول مادخل

دانه : هبوش استحي اكلتي الرجال
هبه : خليني امتع عيني بالجمال بدل مقابلة خشتك لوعتي كبدي
دلع : ههههههههه... ماعليك منها دانه مفجوعه ذي الله يستر عا الرجال منها
هبه : حشى ماصارت كلمه كلتني
مرة ليلتها حلوه ويا دانه الي قعدة يمها بدال امها واليوم الثاني بدو يجون الحريم قريبات واهل وصديقات ام سلطان وحريم عمانها وبناتهم
اليـــــــــــــــوم يوم خروج دلع من المستشفى
مشاري : بعد اليوم يابندر ماراح نفشلك احنا والجيوش الي مرتصين عشانا
بندر : وش دعوه ماحد على حسابك
مشاري : قلت شي
بندر : لا سلامتك بس اهم حاجه الدواء في مواعيده وبعد شهرين تجون نفك الجبس ونسوي صوره مقطعيه للراس
مشاري : ماتقصر يابندر اذا خلصت الشهرين تعال خذها وياك وانت رايح لدوام مره وحده وقوم بالازم
ابوسلطان : ماعليك منه يابندر ذا ماينعطى وجه ابشر انا بنفسي اجيبها
مشاري : وش دعوه يبه ماصارة مزحه
بندر: لا مشاري .. اهم شي الفتره هذي مابيها تعرف من اكون
الكل : ان شاء الله
اما في غرفة دلع
مشعل وهو يشيل دلع ويحطها في الكرسي المتحرك : اوه ياثقلك كسرتي ظهري
دلع : وش دعوه كلي50 كيلو
مشاري : والجبس خمسين صارت ميه
الكل :ههههههههه
دلع : لاتحاولون ماراح تعكرون مزاجي ومدة لهم لسانها وقعدت تغني
حسيت في أخر زيارة
شئ بعيونك مختلف شئ بحديثك مختلف
حتى سكوتك مختلف وصرت بشكوك
شفت الحقيقة بعيونك تعترف
موقف أبد ما ينوصف ..
وين الكلام ..؟
وين الحرارة في السلام ..؟......كبيرررر...وسكت فجاءه
مشعل : علق الشريط
مشاري :لا في ضيوف غير مرغوبين
بندر الي كان واقف من بداية الاغنيه وماوده انها سكتت ولا وده انها تطلع : لا ماشاء الله لو داري انك بتستانسين كذا كان من بدري مطلعك
ابو سلطان فيك البركه يابوك .. ( اما دلع راحة فيها من الخجل .. والباقين ضحك عليها )
بندر : اسف .. ياعم ماكن قصدي ادش كذا بس هذي اغراض دلع اخذتها منها اول ماوصلت المستشفى ... واعطاءها ابو سلطان في ايده وطلع وصوت دلع في راسه وكلمات الاغنيه على لسانه ...اما ابو سلطان بدوره اعطاءها دلع
دلع وهي تشيل الغطاء من على وجها : ياااااه والله فكرتها ضاعت مني..وصارت دموعهاتنزل بحراره
دانه وهي تحظنها : ليه دلع الصياح خلاص كاهي بايدك
دلع : والله من الفرحه هذي اغلى هديه من الوالد ... وضمت السلسال والساعه لقلبها وباستها ولبستها
منيره :يالله
ابو سلطان : يالله ياعيال مشينا .. الحقونا
وراحو ابو سلطان وام سلطان بسرعه لسياره
اما مشاري فما طلع من المستشفى الا بعد ماسوى خمسات وتفاحيط باسياب المستشفى
ودلع مستانسه وايد وناسيه مازن وطوايف مازن .. الي مانسيها وقاعد يدبر و يحرض في اخوانه وعمامه عشان يذلها ....

نــــــــــــهاية البارت الاول ....
ردودكم ما استغني عنها انسوني وشدو همتي بيها ومــــــــا استغني عن اراءكم .....
[/ALIGN][/CELL][/TABLE1][/ALIGN]

:n200674::n200674::n20067 4:

شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية .

[align=center]
وعليكم السلام ورحمة الله وبركاته
تسلم اخ امير ..لكن ما اعطيتنا رايك بالروايه ( سوري على ثقالة الدم بس عشان اعرف اكملها ولا لا )
وشكرا جزيلا على الرد والتفاعل
[/align]:n200682:

[align=center]البــــــــــارت الثاني
بعد ربع ساعه وصلو البيت و نزلت دلع من السياره بمساعدة اخوانها ..ودخلوها بيت عمها .. كان الهدوء يعم المكان .. ماعدا اصوات جايه من الصاله ..

دخل مشاري دلع وهو ماسكها بايدها وبالايد الثانيه ماسكه مشعل ....دخلو البيت وكانت دانه في انتظارهم
دلع وحالتها حاله : من عندكم داخل
قال لها مشعل :هدي نفسك يالغلا مافي غير خواتك وعبير مرة سلطان
اخذت امها جلالها من عليها :-حياك الله يوما في بيتك وبين اخوانك

ناظرتها وهي شكلها من جد متاثره باين من صوتها :-الله لايحرمني منكم ماماتي
دانه بصوت كله دموع :-هلا بالغلا كله هلا بلي له الخاطر يهلي ... وباستها على خدها ومسكتها من ايدها الي تركها لها مشعل
انكمش قلبها .. هذي هي الحياه الي حلمت بيها من يوم ماعرفت ان امها وابوها منفصلين وانها مشتته ولازم تعيش حياتين
تذكرت مازن وامه وفواز واسودت الدنيا بعينها بس هي كانت مصره انها تخلي ذا اليوم عيد وتنسى همومه واحزنه
مشاري وهو يمسك يدها :-لازم تكونين الاقوى يادلع .... مابين بنات الحمايل ضعيفه
دلع وهي تسوي روحها قويه :ماكاني طولت وانا واقفه و ايش رايكم ماتاخذون لي صوره وانا واقفه كاني عجوز
مشاري:ههههههه ولا تزعلين راح اختصر لك الطريق وشالها بين ايدينه ليما جلسها عالصوفا في الصاله ويا خواتها وبنت عمهم
دلع : واي مشيري الدنيا مره حلوه من فوق كل شي صغير ليت الصاله ابعد شوي
مشعل :هههههههههه اخس يابو المطرررررررنه
مشاري : ما عليك منه تعجبيني وانا في الخدمه متى مابغيتي شي بس امري , يالله يوما تامرين شي نبي نرد الشركه
ام سلطان : لا فديتكم يوما
مشعل +مشاري وهم يبوسون راس امهم : فمان الله
الكل :فمان الله
وبعد شوي دخلت عليكم امال الي توها جايه من الظهران
واول ماشافت دلع الي ما قدرت تجيها المستشفى ضمتها من قلب وقالت وهي تبكي :-دلع ..نورتينا الحمد لله على السلامه ... وحشتيني موت
دلع وهي شوي و تبكي :-تكفين مانبي نفكها مناحه خلينا مستانسين
منيره وهي داخله عليهن ...وخافت يوم شافتهن يبكن :-يوما شفيكم يوما دلع فيك شي
سلمت امال عليها وغمزت لدلع تسكت وباست راس امها :-شخبارك يوما ..عساك بخير
امها بخوف : امال شجايبك وين رجلك ..
امال وهي تمسح دموعها:-فكيت مناحه على سعود و جابني بسرعه
عاتبتها امها : مالك حق فشلتينا من الرجال ..جايبته من الظهران بذا السرعه
عبير :- سعود ماخذ اجازه
دلع وهي تبتسم لهن :-لاتكبرن السالفه الحمد لله على السلامه و شخبار حملك اموله وي ما تخيلتك دبدوبه بذا الشكل

امال :-والله عبالي جزتي عن سوالفك يالعصلا
دلع :-انا عصلا يالدب القطبي
البنات : ههههههههههه
امال :-خير ان شاء الله المره هذي راح امشيها لك بس عشانك تعبانه بس المره الجايه ياويلك
التفتت دلع يم امها تكلمها :- ماماتي حشى وين القهوه .. والعلوم الزينه ماكانا بيت منوره راععية الكرم والجود
امها :هههه كافي دلع ما اقدر على الدلع انا ... ورفعت السماعه وكلمت الشغاله عشان تجيب لهم القهوه
قعدو البنات وامهم يتقهوون ضحك ووناسه وسعة صدر اليما دخلن عليهن بنات عم دانه واخوات عبير
( عبد الرحمن اخو ابو سلطان الكبير وعياله محمد 45 سعود وبندر ونواف 22 سنه طالب في الجامعه وعبير ونجلاء 20 سنه تدرس في جامعة الملك سعود انجليزي وندى 18 سنه وكلهن بنات جميلات واخلاق ويحبن بنات عمهن عبدالله
اما عائلة عمهم حمد( ماجو لدلع بس نعرفكم عليهن) الي كان علاقته شوي باخوانه بسبب مشاكل زوجته الي ماتخلص وبناته الي شايفات حالهن وهن سلمى 25 سنه ماهي متزوجه وهذا اكبر همها وساره 20 سنه منافقه وام وجهين وإشكالهن مقبولة واخوانهم فاضل 40 سنه زوجته ميته وعياله عايشين عند جدتهم ام امهم بسبب مشاغله وسفرياته وشاكر 27 سنه واغلب وقته عند عمانه لانه يكره مشاكل امه وخواته وفهد 22 شاب مستهتر يشتغل مع ابوه مغزلجي وفتان ويحب يخرب بين الناس )

ندى وهي داخله مع الباب وتصارخ: داااانه هبووووش يا قليلات الأصل وينكن
دانه :-الله المستعان جاتكم ام لسانين خل اروح الحق عليها لاتتقطع حبالها الصوتيه
دانه : اهلين بنات العم الله يحييكن
نجلاء : البقاء دانه (وتبوسها وتبوس ندى ) اهلين بالغاليات اتفضلن
ندى : من غير ماتقولين ... وتركتها وسط ضحك البنات ودخلت
ندى : كلللللللوش اخيرا دلع بتعيشين معنا واااي وناسنه من دريت وانا متشققه من الوناسه
دلع : :هلا والله ندوش تسلمين لي
ندى

نجلاء:كيفكم ياصبايا

دلع:بخير الحمدالله

ندى: هاه دلع تسيف الحال

دلع ابتسمت على رجتها:بخير
نجلاء بعد ماسلمت : اتفضلي دلع هذي حاجه بسيطه بمناسبة سلامتك
دلع : ياااااه نجلاء كلفتي على حالك شوفتكم عندي اكبر هديه
ندي : يالله عاد دلع شوفيها بس اذا ماعجبتك لاتقولين ذوقكن خايس ترى ذوق بندر اخوي هو الي اصر انا مانجيك وايدينا فاضيه
دلع وهي تفتحها : واااااااااااااااااااااااا و تجنن خيال تسلم ايدنكم
هبه : أي ايدين فيهم الي جابتها والا الي شرتها
دلع وهي تنعم صوتها : كلها طبعا .. كانت الهديه عباره عن عكازين خشب منحوت ومزخرف بحجار كريمه وطالع ستايل وحلو
نجلاء : وذي يا دلع سلة شوكلا وباقة الورد من واحد اعطاها السواق من واحنا داخلين وطلب انا نسلمها لك
دلع اخذتها بحماس وكانت متوقعه انها من اخوها وفعلا ماخاب ظنها يوم قراءة البطاقة الي مع الورد
تحدنـــي الدنيا على ضيقـــتي حد
واطيـــعها لاشك / ماهو بيدي
انت تدري عن غلاك لو عيوني ماتراك
شاغل قلبي وعقلي وكل إحساسي معاك
مانسيك وماعمري راح انساك اعذريني عا لقصور بس طالما انتي بين امك واخوانك فانا متاكد انك بامان وماتحتاجين لوجودي وما راح احرجك وياهم
اخوك فيصل
دمعت عين دلع غصب وقامت امها ولمتها لصدرها
ام دلع : من فيصل
دلع : ايه يوما ماجاء يشوفني .. مايبي يحرجني وياكم
ام دلع : ايش ذا الكلام لولا الله ثم فيصل كان ماشفناك الله وحده العالم وش مكانته بقلبي هو الي كان يجيبك لي من وراء اخوانك عشان اشوفك وهو الي كان يحميك منهم وشلون يعد نفسه غريب عنا ... اشوف اتصلي عليه الحين خليني اكلمه عشان يجي
اتصلت دلع على فيصل الي كان مستلم خط مسافر لشرقيه
فيصل : هلا والله بالغاليه
دلع : لو غاليه ماكان تركتني من غير ماتسلم
فيصل : اوه الغالين زعلانين اجل
دلع : انا مالي تفاهم وياك
فيصل : لك وحشه لو يدري بها الليل مافاق
يطوي الشروق ويحبس النور للغد
لاتنتـظـر مـنـي فــراق ومـصـدّه !
وإن شفتني مقفي .... ترى عذري ( مسافر )
....: معذور والله
فيصل :............
ام دلع : يوما يافيصل والله ان معزتك بقلبي كبر معزة دلع ... ولا اسمع انك تستحي او تخجل تجي تشوفها عندنا ... انت ولدنا ولك صدر البيت ولنا العتبه
فيصل : الله يسلمك ياخاله لولا اني عارف حبكم لها ولا ماكان خليتها تغيب عن عيني
ام دلع : وان كانك حقيقه تغليها فتعال عندنا الحين والله يا ان دلع ولهانه عليك ومابطلت سوال وزعلنا يوم انك ترسل الهديه من عند الباب ولا كلفت على روحك تدخل
فيصل السموحه خالتي..... انا وراي عمل ومافي وقت ادخل وكاني الحين مابقي لي كثير على الظهران
ام دلع : ان زين وانا امك انتبه لنفسك، ولا تسرع ومتى مابغيت دلع تعال هي اختك مثل ماهي بنتنا ... فمان الله
فيصل : فمان الله
سكر فيصل جوله ورماه على المقعده الثانيه وتنهد بصوت عالي : اه ه ه ه يوما ... اه ...ليتك تفوقين لنفسك وتحسين انا عيالك ماهو اعداء
وسار في طريقه والافكار شاغلته

اما دلع الي كانت زهقانه وعيونها محمره ومانامت من امس :- ماماتي تعبانه ومالي خلق القعده وبعدين فيني نوم
ندى :-لا يالخايسه نجيك وتقولين فيني نوم وتعبانه
دلع وهي تبتسم :-ما نمت من البارح فرحانه اني ابخرج
مسكت عبير يدها وقالت وهي تقومها للباب :-قومي خلي اوديك غرفتك ماعليك منهن شبعان مايدري عن جيعان
نجلاء بضحكه :-اخس ياختي يام الامثال هذا من فين جايبته
ندى كانت فيها بعد غصه من الضحك بس مسكتها :-واختي بعد لاتنسين كفو
عبير ههههههه وجلسن البنات يضحكن عليها وهي سفهتهن وراحت
ام سلطان : انا رايحه حجرتي ابي ارتاح وانتي يوما دانه شوي خذي اكل وديه لدلع حجرتها ولاتروحين الا لما تخلص الصحن كله
دانه : ان شاء الله ماما
دق جوال ندى باغنية سحر الغرام حبك حنان
قلبك أمان
بقربك حبيبي
عمري بزيد بين
القلوب لو مهما شوف
بقلبي حبيبي انت
ردت ندى وهي تغني وياه ... اهلين بندوره ...قصدي بندر ..... لاماهي عندي ... ايه ايه..لا.. طيب وش رايك ماتكلمها .... خلاص ماصارت كلمه قلناها ..سي يو
هبه:ههههه هزءاك
ندى : ايه الاخ داق بس عشان دلع ...( وغمزة لهن ) والله بندر ماهو هين
دانه : وش قال
ندى وهي تقلد صوته .: كيف دلع ... ايش تسوى خذت علاجها ولا لا ..هماني موصيكم عليها والا لازم اتابع كل شي بنفسي
عبير : والله ماهو هين شكله طاح بالعمق
البنات :هههههههههههه

كان ندى روقت :-الله ياليت ويفكنا من اذاه
امال : دانوه نسيتي اكل دلع قومي جوعتيها
دانه :-هههههههههههههه والله بنات عمك هذلي جنني وطلعن سوى دانه ونجلاء للمطبخ وهبه و ندى لغرفة دلع الي كانو حاطينها لها موقتا بالدور الاسفل
هبه وهن بيدخلن الغرفه : الا بندر ماشاء الله على خبري للحين مزيون
ندى :-ههههههههههههه يالمفجوعه وزايد زينه بعد
هبه وهي تسبل بعيونها :-ياحظ الي بتاخذه فيه توم كروز العرب
ندى :-ههههههههههههههههه لا وهو احلى من توم كروز بعد
هبه :-اخ يا البي
ندى :هههههههه هبوووش ماعرفنا لك مره نواف والحين بندر الي خبري ماتطيقينه
هبه وهي تكشر :اوه نسيت اني طبيت بالعميق صدق بندر شايف حاله ومغرور بعد .. بس نواف مافي مثله
دانه تتوعدها: ايه لا تنسين بعدي... قال توم كروز قال وفكت باب حجرة دلع ودشت
هبه:-دلععععععععععععع
دلع نقزة مخترعه : ههههههههه وجع خرعتيني
ندى وهي تجلس يمها :-غريبه للحين مانمتي
دلع :-ههههههههه القعد وياكن تجيب النوم بس يوم قعدت لحالي طار النوم .. اعمل ايه بقى
هبه :ااري القرنال ( لان دلع كانت تقراء مجله )
دلع :-الا وين البنات
ندى :-راحن للمطبخ ,وجايات الحين ..
وجلسن البنات سوى قالت ندى لدلع :-بندر دق يسال عنك يقول خذت علاجها ولا الحين اجي اعطيها اياه بايدي
دلع بغصه تطالع فيها :بندر مين ... بلا بكش
هبه وهي تداري الموضوع : قصدها الدكتور بندر والله اتصل يسال عن حالك وقلنا له فيه تحسن بس طفيف ماينذكر … وبعدين لاتنسين ان ندى عندها اخ اسمه بندر
قالت دلع وهي تناظرهن ودموعها بعيونها : والله ها الانسان مادري شلون اطلع من جمايله ياحليله
ندى وفي وجها ابتسامه خبيثه :-كيف شكله حلو ... صدق يشبه توم كروز
دلع : لا فديته شبيه فزاع هههههههه
هبه :-ايوااااااااااا اظهر وبان عليك الامان ماهي بس انا المفجوعه ومسوية لي اخلاق بالمستشفى
دلع :ههههههه خربتي اخلاقي
ندى وهي تنتبه للكتابه الي عا لجبس وتشهق باعلى صوت
هبه : خير اش بلاك
ندى : تعالي شوفي هبوش
هبه : اه... دلع اعترفي الحين من ذا الي كاتب لك
دلع وهي شوي مكسوفه وخافت من الي مكتوب: ليه شنو مكتوب ندى : اول قولي من الي كاتبه بعدين نقول لك اش مكتوب
دلع : لا ........ بالأول انتي قولي
ندى بنظرات خبيثه : اذا قرب الرحيل فلم تروني*** فهذا خط قلمي فتذكروني b
دلع سكتت انبهرت من الكلام الي تسمعه .. ماهي مصدقه معقول بندر يكون مايبيها تنساه ..معقول ....
ندى وهبه : ههههههههههههه دلع اعترفي الدكتور بندر الي كاتبه هااااه
دلع : ايه اش حشركن المسكين شافني ماني طايقته وقالي اخليه لذكريات عشان لافكيته اتذكر كيف كانت ايامي بيه
هبه :ههههههههه العن ام الرومانسيه علينا دلع
ندى وهي تطلع الاي لاينر من شنطتها : وهذي ذكرا مني انا بعد ..
هبه : عاد الله الله بالخط عشان يوم يشوفها مشاري يعجبه الخط
ندى :اه ... جبتيها عا لجرح
دلع : اقول رجلي ماهي دفتر مغازله لك ست ندى
ندى :لايعني بس لمغازلتك انتي سكتي بسوالي يعافيك ... يا عل قلب ما شكا الحب والتاع=تنهار من فوقه محاني ضلوعه ...ذكريات N عشان يعرفني

دلع : هههههههههه صدقيني لأقول لمشاري انك تقصدينه بها البيت
ندى : انتي سويها وشوفي لاقول لبندر انك قلتي لي اكتبها فيه
دلع مشتها وما اهتمت : اذا قدرتي توصلين لدكتور بندر ذاك الوقت تحكي وقامت تجاكرها ويتحدن بعض.. وشوي الا دانه داخله
دانه:-الاكل قاااااااااااااااي
دلع : الله يسلمك دانه مابي شيليه
دانه:ليش ماتبين تأكلين

دلع : ماشتهي شيليه دانه

ندى اخذت صحن الشوربه وقربته عند فمها

دلع:افتحي فمك

دلع :خير حبيبتي ماابي


ندى : صدق دلع .. اسم على مسمى من قالك اني اشاورك حبيبتي افتحي فمك

دلع تحت الضغوط فتحت فمها و شربتها ندى كل الصحن

دلع :الله يعافيك.. بس في شي يسمونه ملعقه

ندى : وشوله ملاعق عصر السرعه احنا ... بعدين لازم نتعلم عادات اجدادنا
نجلاء : ليه بتودينا الجنادريه
دلع ماقدرت انها غير تبتسم

البنات جلسو بحاله سكوت نجلاء قامت من مكانها وراحت طفت الليتت ( اللمبات )
نجلاء:يالله بنات طلعنا

هبه :وين نروح
نجلاء :البحر ... وين يعني الصاله خلن البنيه ترتاح
طلعن البنات ودلع اتسطحت بسريرها ونامت




%%%%%%%%%%%%%%%%%%%%%%%%% %%%%%%%%%%%%%%%%%%%%%%
مرت الاسابيع في طرفة عين وصارت شهرين لدلع من يوم ماجات لامها وفيها اتعلقت اكثر بامها واخوانها حتى زوج امها الي كانت تشوفه زي ابوها يعاملها زي مايعامل اخوانها وكانها بنته من صلبه
واخوانها صارو متعلقين فيها اكثر واكثر وماصار باقي لدلع وتفك الجبس الا اسبوع وكانت طايره من الفرح ... وناسيه ان في واحد بذا الدنيا اسمه مازن وحتى عمامها ماحسبت لهم حساب وماهي بداريه انه الايام هذي ماغير هدنه من هم عشان يجهزو روحهم لحرب شرسه
يوم جديد
بعد الفطور كانت دلع جالسه لوحدها في الصاله وتتفرج على التلفزيون وسارحه بافكارها وشوي يدخلن عليها اخواتها طايرات من الفرح
هبه : دلع اليوم كم التاريخ
دلع : اليوم خمس تعش \سبعه
هبه ودانه قامو ينطن ويصارخن من الفرحه
دلع : الحمد لله والشكر وخير يعني اول مره يصير خمس تعش
دانه : ياغبيه اليوم هو يوم التمرد على الشباب
دلع : وش تمرده ... كلموني على قدي (وتاشر على رجلها وباستعطاف ) لان رجلي توجعني
مشعل وهو داش عليهن : ههههههههههههه حشى ماهي رجل الا عقلك وينه منها
دلع : ميشو ... وغمزة له يسكت
دانه : هذا ياستي يوم نتحكم فيه بالشباب أي شي نامر فيه ينفذونه بدون أي مناقشه (وتشدعليها باسنانها )
مشعل :ويوم 15 / 10 يوم تمرد العيال على البنات ونرد الكن الصاع صاعين
هبه : انت خل نطلع الي براسنا اول بعدين في يومكم نطلع الباقي
مشعل : ان كيدكن لعظيم
هبه : شوكرا
هبه : احنا اتفقنا مع بنات عمي عبدالرحمن انا نخليهم يستاجرون لنا شاليه وينزلونا المول ويعشونا في مطعم
دلع سكتت قهر وحزن على حالها وحاجتها لمساعدتهم
دانه الي انتبهت لدلع : لا هبوش بس بنطلبهم نروح لشاليه والباقي نخليها المره الجايه عشان دلع هبوش
هبه : اه ... صدق انزين راح نشترط عليهم يودونا مره ثانيه صح دلع
دلع : لا هبه .. انتم روحو استانسو وانا ملحوقه علي انا والصبه ذي وتاشر على رجلها
مشعل : كله يهون عشانك دلع وبعد ماتفكين الجبس وتقدرين تمشين راح نأخذكن لروضة التنهات ..( التنهات مكان فله ووناسه لتخييم والصيد والمكشات وكان ابو بندر حاط ابله فيها ) والكن يوم مميز على كيف كيفكن
البنات شوي وتجيهن سكته قلبيه من الوناسه ويضمن مشعل ويسلمن عليه لدرجه ان مشعل خاف على روحه منهن وانحاش




قبل العصر راحو كلهم لشاليه الي استاجروه والي كان مكمل من كل شي واختيار البنات وطبعا البنات قبل مايروحون مرو عاالسوبر ماركت وماخلو شي ما خذنه من عنده
نواف : يالله شباب نبي نسبح
هبه : وعععععععععع وجع بعدين احنا كيف نسبح بعدكم
نواف : ومين الي قال لكن انكن تبن تسبحن
هبه : ايه نبي نسبح غصب عنكم
نواف : لا وبعد غصب
هبه الي كانت شوي وتنط بطنه: ايه اليوم يوم تمردنا وانا ابتمرد واتحكم فيك انت بالذات ... روح بسرعه جيب الشبس من السياره... روح يا لدب

نواف وعصبيته تحولت لمرح :امري بس كذا ..(وغمز لها ) كم هبوش عندنا
هبه استحت وحمرة خدودها خصوصا وهي تشوف اخوانها وعيال عمها يضحكون عليها وانسحبت تبي تروح لامها وهي تمشي من جمب المسبح الي كانت المويه مطشوشه عنده وصندلها (تكرمون) يزحلق خلقه بدون وجود مويه وشششششششششششششط طرشششششششششش ، الا وتطيح على ظهرها في المويا .. وتغرق وصرخت من الخوف والاحراج وحست قلبها بيوقف من الطيحه ولفشله
والبنات انهبلو يوم زحلقت بالمويه ووقف الزمن وهم يناظرونها وهي تغطس وتطلع من المويا وتستنجد بيهم
نواف عرف انها مرتبكه وياليتها تدري انها طاحت بمطب قوووووووي وحب يفجر الصمت والسكون بضحكته وصار يضحك زي المجنون والباقين صارو بعد يضحكون وهم مب عارفين الضحك من طيحة هبه ولا من ضحك نواف الي طالع من قلب
هبه حيل انحرجت بس عرفت ان ذا الموقف راح يكون نقطه لصالح نواف
ولامت نفسها على هالموقف الي يذبحها (وفي نفسها.. والله ماتتهنى بفشلتي ) و قالت لهم وهي تبتسم :-مســــاعده
مشاري وفي باله انه يبي يوري ندى قد ايش هو نشمي وينشد بيه الضهر : ماطلبتي شي
وقرب من المسبح يبي يشدها من ايدها ويطلعها وهو ناسي خباثة تفكير هبه ونيتها الشينه الي استغلت بلل الارض وشدته من ايده وطيحته في المسبح
دلع : ههههههههههههههه يلعن ام الشهامه يامشاري ههههههه
مشاري : دلع وتبن جب ولاكلمه
دلع : لقط وجهك من المسبح بعدين تعال كليمني يابو الفزعات
مشاري ماقدر يستحمل تعليقاتها وطلع من المسبح رايح لها .. ودلع الي كانت جالسه عا الكرسي عشان رجلها مسكت في رجلين مشعل وقعدت تستنجد فيه ومشعل ونواف لقيوها فرصه للعب والمرح .... وبسرعه قبل مايمسك دلع مسكه مشعل من ايده ورجله اليمين ونواف مسكه من الايد والرجل الثانيه ....,
مشعل : يله نواف ..هيلا هب هيلا هب وبوم وسط المويا
مشاري : طيب ياحمير جعلكم الماحي اراويكم
نواف : ههههههههههه والا يهمك انا اوريك ونط وراه في المسبح اما هبه طلعوها البنات ووجهها صاير الاون من الفشيله وهي تداري عنهم ذا الشي ...





دخلو الفيلا لعب ورق وكيرم وضحك واستهبال على كيف كيفكم
ابو سلطان وهو داخل عليهن الصاله ...: السلام عليكم
الكل يقلدون المدارس : وعليكم السلام ورحمة الله وبركاته

ابو سلطان :ههههههه هااااا خلصتوا
دلع : ههههههههه فاتك باباتي الموقف هههههههههههههههههههه
ابو سلطان : وش موقفه ؟؟ ( طبعا دلع من زود حبها له صارت تناديه ابوها )
هبه : قسم أن قلتي ماراح أكلمك يالنتفه
دلع وهي تشهق : انا نتفه يام لسانين ... اعتذري ولا صدقيني لاقول
هبه نطت من محلها وراحت باست دلع عشان ماتحرجها
دلع وهي تتذكر أشكالهم : هههههههههههه خلاص مابقول ههههههههههههه
ندى : وأنتي وراك من دخلنا وانتي تقولين كلمه وتضحكين
امال : البلا ماهو منها من الي قاعده وياهن
دلع : تسلم لي اموله الي دوم بصفي

دلع وهي مو قادره تتكلم من الضحك : ههههههههههههههههههههه بموت من الضحك أما شكلك ياهبه ههههههههههههههههههه وأنتي مسويه نفسك شخصيه و تزلقين وتطيحين فا المويا شيء مو طبيعي هههههههههههههه


ندى : ههههههههههههههههههههههه ياربي بموت أنتي ماشفتي شكل نواف خوفني من كثر ماضحك
وشوي ماتشوف ندى نفسها ألا والماء البارد مغطيها والله شكلها يموت من الضحك وجها كان يقول وش السالفه يالربع ؟؟
الكل : ههههههههههههههههههههههههه هه
امال : لحظه بس أضحك ههههههههههههه... يوما ما اقدر استحمل ( وتمسك بطنها وتضحك
الكل : هههههههههههههههههههههههه
ندى : هه هه هه هه وللعلم ترا مايضحك
دلع : واضح ....

نجلاء انسحبت من بين البنات بهدو وماحسو فيها وطلعت
دلع : انا ابعرف ليه نجلاء دايما تفضل القعده بروحها وباين عليها الحزن
ندى :-كح كح غبار ... الاخت منذ ان مبطي وهي حاكره روحها لوحدها ... اتوقع انها تحب
هبه تستهبل :ومن توقعين ... بس تضنون انه يبادلها نفس الشعور ولا حاقرها وتتنهد بقهر ...اه زي بختي
دانه :-ههههههههههه... هماك من شوي متهاوشه انتي وياه
هبه انهبلت ورمتها بورق البلوت :-وانتي بعد اش دراك انه هو الي ببالي
دانه : انا افهم لغة العيون ... والي تسبه تحبه يا ذكيه عاد مافي اكثر منك تسبين في ها المسيكين

هبه بتحرها :-والله شنسوي اذا مافي زين غيره ماله شبيه ووصيف ومن كل مزيون ياخذ حلايا ..ياجعلك الماحي يانواف
عصبت عبير :-هيبوه خمسه وخميسه ان صار لاخوي شي ذبحتك انتي سامعه
هبه وهي تاخذ صحن المكسرات وتقوم: ازعجتينا باخوك الخبل وكان مافيه بالكون غيره
دلع :-ههههههههههه ماينعرف لك ... اخذيني وياك خليني اشوف نجلاء
ام محمد قاطعتهن :-وش ها النور دلع اشوف صرتي تحركين ماشاء الله
دلع وهي واقفه وماسكه عكازاتها :-ذا نورك ياخاله ... وبعدين لولا الله ثم ها العكازات الحلوين ماكان قدرت اتحرك وسلمت دلع على راسها وطلعت
ام محمد وهي تطالع لدلع نضرات اعجاب :-الله يحفظك يوما



نجلاء كانت جالسه لوحدها وضايقه من حالها وحظها وقعدت تتذكر اسراب الماضي من قبل اربع سنوات يوم اعطتها بنت عمها سلمى رقم وقالت لها انه رقمها وهي المسكينه صدقت وصار يجيها رسايل من ها الرقم وكلها حب وغرام وفي هذاك اليوم المشؤم
يوم طلعت فوق ودقت من جوالها .......... . ...........وبعد شوي يفتح الخط على طوووول بدون تفكير.........
نجلاء : مشتاق أسولف معاك .. وأحس لحظة بهواك .. من كثر ما أقول غالي .. زادبغيابك حلاك .الووووووووووو يالعياره فديتك يابعد عمري
.....: ابتسم : لا والله انتو بالقلب دايما..............
نجلاء .......طاح قلبها بين رجولها وتناظر الرقم الي مكتوب عنده سلمى ؟؟؟؟؟؟؟؟؟؟.............
...... : نجولتي ماعرفتيني:؟؟؟؟؟؟؟؟؟؟؟؟؟؟
نجلاء: ......................... .

وشافت نجلاء بندر وهو يدخل حجرتها و حس ان فيها شي وخذا الجوال منها وهي كانها صنم عرفت انو الحين بتصير مصيبه اكيد...............
...... : انا فهد يا نجلاء .... انا احبك ؟؟؟؟؟؟؟؟؟؟؟؟؟
بندر الي اختبص وصار وجهه اسود : واذا ايش عندك ياولد الاجواد بخاطرك شي قوله ؟؟؟؟؟؟؟؟؟؟؟؟؟( وطبعا هو ماعرف انه فهد ولد عمه
فهد : اعذرني ياخوي والله اسف ..............اسف ..............ولاعاد تزعجونا على ها الرقم ..............
بندر طالع الموبايل وشاف اخته هي المتصله وصدق كلام الرجال
: الغلط علينا اسفين بس ( وبنغزه ) أنت دايم تسوي كذا اذا جاك اتصالات بالغلط ؟؟؟؟؟؟؟؟؟؟
فهد : ربو بناتكم بالاول بعدين تعال رب لك رجال عاره يشيله على كتفه
بندر : قفل بدون ماينتظر يسمع له كلمه ثانيه تسم بدنه اكثر وتشعل ناره

قفل بندر الخط وضرب بكل قوته الجوال على الجدار وتحطم لالف كسرة وكسرة وتناثر بالارض


بندر : طالع اخته وتم ساكت ........... ونجلاء بدت دموعها تنزل ويدينها ترتجف ...........
نجلاء : .................والله ياخوي............. ارجوك ياخوي وقربت والله هذا رقم ......

بندر ........مااستحمل عصب حده...: وضربها كف وطاحت على الارض عند رجليه من قوته وهي تصيح.........
بندر : الغلط علينا انا عطيناك حريه زايده ووثقنا فيك.........ماراح اوسخ ايديني بدمك .......بس انسي انسي ان كل شي يتم زي ماكان ... ماخلقت الي تذلنا وتحط راسنا بالارض احنا عيال...الـ.........
وطلع وهو يصفق الباب بقوة وطلع برا البيت ودمه فاير من العصبيه

يومها طاحت وجاها انهيار عصبي ... وتحطمت علاقتها باعز اخوانها واقربهم لقلبها ومن يومها ماصار يكلمها ولا يحتك فيها
غمضت نجلاء عيونها بقوه واتسللت منها دمعه نزلت على خدها ولسعتها بحرارتها
دلع الي كان لها فتره واقفه وراها بس نجلاء مانتبهت لها : الي ماخذ عقلك نجـ.... وانتبهت لدموعها وشهقت وجلست جمبها وهي تضمها لصدرها : نجلاء لا يالغاليه وش هو له ها الدموع
نجلاء ردي على لا تحقريني ... تفكرين اني ماني شايفه الحزن الي بعيونك لا يانجلاء
نجلاء : ......... لاتكدرين خاطرك دلع هذا طبعي ولازم تعودين عليه لازم كل شوي والثانيه تلاقيني اصيح وصدقيني مع الايام راح تتعودين
دلع ضمتها بقوه وصارة تبكي :ننجلاء لو اطلب طلب تنفذينه

نجلاء :امري يالغلاء بس وشو

دلع :طلعي اللي بقلبك يانجلاء انا حالي يمكن زي حالك واردا بعد بس ماتعودت اكبت طلعي اللي بخاطرك يانجلاء صيحي اتكلمي بس المهم ماتكبتين
نجلاء كانت تتنتظر مثل ها المبادره من أي احد عشان تقدر تخفف على نفسها و من دون اي مقدمات قامت تصيح وتشاهق ودلع بعد صاحت معها و ضمن بعض وقعدن يصيحن اللين كل وحده طلعت اللي بقلبها من دون كلام ........ وبعدها فضفضت نجلاء بكل شي لدلع الي كانت تتقطع قهر وحزن على حال نجلاء المسكينه الحنونه الي مستحيل ان نفسها تكون بها الحقاره

دلع : نفس السكين الي غرزها بقلبي مازن بس ماعليك يالغلا مصير الايام تبري هالجرح
نجلاء : والله يادلع ماقدر اصبر على جفاه هذا بندر بنـــــدر الي مافي احد بطيبته وحنانه ... بندر الي تربيت على ايديه وقت ماكان الوال لاهي عنا ,... بندر الي يفزون لاسمعو طاريه رجال وشلون تبيني انا اسوي لاشفته يصدني ويحقرني .. حتى لاسلمت يرد على بدون مايناضرني ... وردت لنوبة بكاء
دلع : خلاص نجلاء شوفيني انا اكبر دليل عندك على فرج الله طول عمري كنت احلم باليوم الي اعيش فيه بحضن امي .... وشوفي الحلم صار حقيقه .... وان شالله بكره حلمك انتي بعد يتحقق
نجلاء بابتسامه : ان شالله



راحوا الشباب عند الزرع و فرشوا لهم فرشه تحت شجره قريبه الفيلا وقعدوا عليها و قهوه وسوالف
سلطان : وين الحريم ماشوف حد منهم
مشعل : انت قول وين هي مرتي ماهو وين الحريم .. وكاهي دلع وحده معها هناك ...
مشاري : وينهن إيه والله (وهو يأشر بأيده) هااااااااي دلع
ابو مشاري وهو يرفسه برجله : اخس يالخبل رجال طول وعرض وتقول هاي قل سلام .. يامال البلاء
الكل :ههههههههههههههههههههه
بندر : الله يهداك ياعمي خطا تضربه برجلك على رقبته يمكن لاقدر الله تسبب له من وراء هالضربه شلل
ابو سلطان : فال الله ولافالك حنا عجزنا فيه طيت شلون لا صار طايح بكبودنا ليل نهار
مشاري وهو قايم ويحب راس ابوه : افا يالغالي ماهقيتها منك
ومشى رايح لعند دلع ونجلاء
دلع :اقول نجووول ارفعي راسك وغطي كاهو مشاري جايل يمنا
وبعد شوي الا مشاري عندهن ويجلس جمب دلع
مشاري : هاااي ويلتفت وراه .... حشا لايكون الوالد وراي ها ثم انه يشوتني مثل قبل شوي ... ويحط ايده على رقبه ... والله انه بغى يشيل راسي
دلع :هههههههههههههه هاايات و تستاهل يا لثور
مشاري : انا ثور يلــــ ( وانتبه لعيونها المحمره والمنتفخه من البكاء ) وش بلاك يالغلا .... ليه كنتي تبكين
دلع وهي تداري وجهها عنه : لا ابد مشيري بس حنيت لمازن وطراقاته
مشاري شدها لحضنه وضمها وهو يضحك وبنفس الوقت مقهور عليها وخايف عليها من عمامها الي يمكن في أي لحظه ياخذونها من بينهم
مشاري : ولايهمك متى مابغيطي طراق قولي لي وانا في الخدمه اخوك خبره ...لا مازن ولاغيره
دلع :ههههههه
مشاري : اقول صكي حلقك وتغطي .. هذا بندر جاي بيمر من عندنا
دلع غطت بجلالها ولفت وجهها للجهه الثانيه ماتبي تشوفه ... ماتبي تشوف الانسان النذل المتسرعالي قسى على اخته ...الي تحبه وتعشقه

اما نجلاء من سمعة اسمه ارتجف كل جزء بجسمها وكيف وكل ذكريات الماضي كلها رجعت لها ... وقعدت تناظر للجهه الي هو جاي منها
شافته بشموخه ورزته جاي يمشي وكان الارض تهتز تحته وهو لابس ثوب ابيض وشماغه على كتفه ونضارات شمسيه .... وشعره الاسود الفاحم الي طويل شوي وذيك السكسوكه وطالع ياخذ العقل ... نزلت نجلاء راسها ونزلت دموعها لا اراديا
وبدون صوت

اما بنر كل كل الي يتمناه ان دلع تلتفت له وتشوفه ويشوفها حس بشوق لها حس قلبه ينبض بقوه وهو يشوفها جالسه نفسه يعرف ردت فعلها لا شافته راح تفرح ولاعادي عندها...

مشاري : ها يالحبيب على وين
بندر : على وين يعني غير الشغل
مشاري : اجل ماناخرك فمان الله
بندر :هههههه لا اشو كانك عقلت فمان الله
مشاري : عناد فيك ابقول باي
بندر : لا مادام فيها باي ابهج قبل مايجي عمي ويشوتك ويجيك شلل اطفال
الكل :هههههههههههههههههههه
مشاري : والله ماتوقعت دمك خفيف

هنا نجلاء رفعت راسها وطالعت بندر تبي تشوفه وهو يضحك وهو مبسوط ويوم طاحت عينها بعينه تحولت ضحكته لحزن تغيرت ملامحه

نجلاء مااستحملت وقامت جري عشان مايسمع بكاها ليما دخلت الفيلا وهي في نفسها تسب وتلعن في روحها ... ولها الدرجه تكرهني يابندر لها الدرجه ماتبيني ياخوي ...
بندر الي ماكان غضبه وزعله بسبب وجود نجلاء سلم وطلع من عندهم
اما دلع كانت تطالعه بقهروهو معطيها قفاه ودها تمسكه وتغسل له شراعه وتفش خلقها فيه .... اما مشاري كان زي الأهبل في الزفه >>>>قويه ههههه

ركب بندر سيارته وضرب الدركسيون بأيده بأقوى ماعنده : ليه يانجلاء ليه الدموع الي شفتها بعيونك لييييه يانجلاء .... وحرك سيارته ومشى لعمله



في الليل دلع والبنات راحوا الغرفه وناموا على طول
اما نجلاء مالقيت لها محل هي وهبه بينهن وراحن لحجرة العيال الي كانو يلعبون كرة طائره بالحديقه
هبه دخلت الحمام وانتم بكرامه
ونجلاء نسدحت ونامت هي مغطيه نفسها بالكامل

سعود : شرايكم نلعب ورقه
سلطان : يالله والله لكسر راسك
سعود : مشاري وين حطيتها أمس
مشاري : الحين أجيبها
مشعل : يالله اجل انا ابروح انوم
سلطان : ايه قول انك خايف نهزمك
مشعل قام يغني ويرقص : قول عني ماتقول صوبي كم صعب الوصول
سعود : لا والله ضيع ... رح بس نوم لاتنوم علينا الحين ومافينا نشيلك
مشعل : ههههه يالله تصبحون على خير

طلع مشعل للحجره ودخل وحصل النور مطفي وغير ثيابه ونسدح على نفس السرير الي نايمه عليه نجلاء وسحب الشرشف وتغطى بيه وشوي الا يحس الشرشف ينسحب منه
مشعل اخترع وهو يتذكر كل الشباب اسفل وتوقع انه مقلب منهم .. ومد ايده في الضلام يتحسس ومسك وجه ناعم وصغير وشوي الا يمسك شعر وانه طويل حيل ومافي بالعيال احد شعره بذا الطول وماحس بنفسه الا وهو يشده
نجلاء بصوتها الناعم : اه ه ه بلا هبوش ونامي يا الخبلا

مشعل نقز وولع الابجوره على طول وشاف نجلاء وهي نايمه جمبه ومغمضه عيونها وشعرها متناثر على المخده وشكلها يسحر وانهبل قشعر كل شعر جسمه
هبه الي طلعت من الحمام وجنت يوم شافته يطالع نجلاء وبصراخ : مشعــــــــــــــــــــــ ـــــــل
نجلاء فزت قاعده يوم سمعت هبه تناديه ويوم سمعت صوته وشهقت وبغت تجيها السكته وغطت روحها بالشرشف وهي تبكي ( يعني هو الي قبل شوي يلمس وجهي ويشدني بشعري وي فشله )
مشعل فز واقف من الخرعه : اش جابكن في ذا الحجره ... هماكن تدرن انها حجرتنا وطالع وهو متفشل ومستحى وشلون كان منسدح جمبها وماحس فيها
بس لما تذكر شكلها البري وملمس وجهها الناعم وشعرها قعد يبتسم
ونزل عند الشباب الي ماهم دارين وش فيه مستانس ولعب معهم بلوت وفاز عليهم ثلاث مرات من الفرحه

اما المسكينه نجلاء فقعدت تصيح وسبت وشتمت نفسها يوم وافقت هبه ونامت بحجرتهم
هبه : خلاص نجول ليته يصح لي ..
نجلاء شالت المخده وضربتها بيها وقعدت تضحك وتبكي بنفس الوقت
هبه : وي اشفيك استخفيتي
نجلاء : والله لو يدري بندر كان يذبحني
هبه بخبث : وش صار تحكي
نجلاء : والله عبالي يوم رمى روحه على السرير انها انتي وشوي سحب مني الشرشف وقمت سحبته منه وتركه .. وشوي الا يمسك وجهي ويشد شعري قمت انا سبيتك وولع الابجوره والباقي انتي تعرفينه
هبه وهي تغمز لها : بس نجول علينا
نجلاء الي حمر وجهها قامت : كله منك يالعله انتي الي جبتينا حجرتهم ياجعلني الموت ان عاد طاوعتك ... قومي قدامي لو ننوم بالارض بس ما نفشل حالنا
هبه استسلمت وطلعت وهي ميته من الضحك




اليوم الثاني
صحيو الكل مع الفجر وصلو وطلعو يفطرون بالحديقه قدام المسبح وبعد الفطور دخلو الكل ومابقي غير البنات يسولفون ويضحكون
ويلعبون لعبة الاغاني ندى وهبه وعبير فريق
ودانه ونجلاء ودلع فريق
ندى: ودعت عامك الماضي باللي تمنيته
وابشر بعامٍ جديد يحقق امالك
مسموح ياغلى واحلى حب حسيته
رووح عسى الايام ياخلي تصفى لك
هبه :حرف الكاف
دانه : حمد لله والشكر حتى اغاني ماتعرفين تجيبين
ندى : 1 .2
نجلاء : كان ودي نلتقي في حياتي تشرقي مثل نجمه تبرقي لاكن ظروفك عجيبه
هبه : وين تلتقون عالسرير هههههههههههه
نجلاء : سفهتها وكانها ماسمعت شي طبعا البنات ماهم دارين بالسالفه
عبير : ها حبيبي.. مو على بعضك أحسك

ها حبيبي.. بخاطري لا تأذي نفسك ..
من زعلك انت ؟؟ ..

مني تزعل؟؟ لك والله زعل الدنيا كلها ولا مكروه يمسك..حبيبي
دلع : حرف الياء... يا خسارة حبنا فيكم حــــــــرام واتضحلي معدنك على العموم
ما على شوقك ولا حبك مــلام والملامه هي على قلبي الوم
ندى : دللللللللللللللع يوما فار فار على رجلك
دلع ناضرت رجلها وهي كانت متوقعه انه مقلب عشان تطير الاغنيه من راسها وشافت الفار طالع عالجبس وناوي يكمل طريقه لها
دلع صرخت بخوف ووقفت تحاول تنزل الفار وشوي الا تشوته على دانه الي صرخت وهجت ... والباقيات نفس الشي والفار ماغير يحوس فيهن حوس
هبه : وييي شوفي هنـاااك >> و تأشرلهن صوب اليمين
دلع كان تشوفه و لا تجيها دزه ع ورا ماحست بعمرها والا هي تحت فالمسبح و البنات هجن داخل وماحسن بيها يوم تطيح في المويا

دلع شهقت كانت بتغرق والجبس مثقلها وكل ماله ينزلها على اسفل المويا وتمت تصارخ وماحد يمها وضنت انها خلاص بتموت و شافت ماحد يمها و بنظرات حزن ناضرت حولها وهي ماتشوف احد بـ اه ليش تسوي فيني الدنيا كذا.... ليه تركتوني اموت ... وغابت عن الوعي واستسلمت للغرق
سعود سمع صراخ البنات وطل من البر نده الي بالدور الثاني وكان يشوف دلع وهي غرقانه بالمسبح وجن ارتعب بالحيل وهو يدري ان دلع مستحيل تقدر تسبح ويا ها الجبس

وراح جري يركض وهو منهبل ووجهه رايح اسود ومبين عليه الخوف وينقز الدرج نقز ويمر من عند الحريم بدون ما يطلب طريق
امال : سعود حبيبي اش فيك... بس ماعبرها وراح
اما مشعل فراح وراءه على طول
دانه وقفت وشهقت وكانها فاقده الذاكره وتوها تسترجعها : دلعععععععع

الكل راح جري
رمـــــى سعود نفسه بالمسبح وسحب دلع اللي كانت فاقده الوعي ...
طلعها برا المسبح .كان خايف من اللي صايــر خايف تكون ماتت
وصلو مشعل واخواتها و لقيو سعود في المسبح وشايلها بايديه زي البيبي ويرفعها من المويا وياخذها مشعل منه

مشعل سدحها على الارض و شاف وجها ازرق كله مويا و شفا يفها محمـــره و مشعل بنظرات حنونه ",وخوف دلع عشان خاطري قومي دلع ويضربها على وجهها وماردت ,, سعود : سو لها الاسعافات الاوليه
مشعل : ما اعرف ... مشاري يعرف وينه مشاري نادو عليه

وفعلن نادو على مشاري الي جاهم منهبل
مشاري وهو يجلس جمبها : اشفيها دلع ... دلع ..ردي
سعود : ياخوي سولها الاسعافات على بال مايوصل الاسعاف

مشاري : شف يامشعل اذا سويت لها التنفس ورفعة انت على طول تضغط بكوفك كذا على صدرها
دانه ما استحملت الموقف وركضه صوب الفيلا .. دخلت البيت و لازم تمر من الصاله عشان تدخل الحجره


ابوها : دانه يبه دانه بلاك ؟

دانه : ......... وراحت جري و دخلت الغرفه و قفلت ع عمرها ,, وصارت تبكي بهستيريا
ام دلع : ياحسرتي ,,بنتي قم يبه سلطان شوفها
ابو سلطان : لا يابوك ان رايح اشوفها .... من زمان عنها
دق دق دق دق ,,
دانه وهيه تصـارخ : مااااااااابا خلوني بروحي
ابو سلطان : دانه ... دانه فتحي الباب وانا ابوك عشان خاطريه فتحي


دانه وهيه تهدي عمرها شويه فكت الباب وطاحت بحضن ابوها
ابو سلطان : يوبا دانه شبلاك
دانه : يوبا دلع غرقت وشكلها ماتت
ابو سلطان وهو مرعوب : ايش يابوك .... سكتي لا تدري امك وانا بروح اشوف اش صار وانتي روحي يمها وطلبتك يابوك لاتدري خبرك امك فيها السكر وماتتحمل

......................... ......................... ......................... ......................... ....


راح ابو سلطان عند دلع الي بعد الاسعافات فاقت وقعدت تكح من المويا الي شربتها


ابو سلطان وهو يجلس جمبها ويرفع راسها : دلع بنتي خطاك السو يبه
دلع ماصدقت تشوفه بوجهها وعلى طول ارتمت بصدره وصارت تبكي وتشهق وابو سلطان ضمها لصدره بقوه ويسلم على راسها ومافكر حتى بثيابه الي غرقت وكان شوي ويبكي وياها ..

ندى جابت لدلع شرشف ولبسها اياه ليما طلعت دارها ومن حسن حضها انه مالقيت امها بالصاله وبدلت ثيابها وجففت شعرها بمساعدة عبير وهبه وبعدها راحت مع مشاري ومشعل للمستشفى


مشاري :الحمد لله على سلامتك يالغلا

دلع :...............
مشاري الي التفت بسرعه وهو يسوق شاف راسها مايل ومغمضه : دلع دلع ... ردي دلع
مشعل : انتبه يامشاري
كانت جايتهم سياره من قدامهم ولولا ستر الله كان صار عليهم حادث ....

وقف مشاري علي جمب ونزل لها بسرعه حركها وضربها على خدودها بس ماردت عليه
مشعل : معاك عطر
مشاري ايه افتح الدرج الي عندك تلاقيه
طلع مشعل العطر واعطاه مشاري الي بخ في ايده وحطها على انفها ليما بدت تفوق لنفسها
دلع : اه ... فيصل
مشاري : يابنت الذين الحين انا الي حولك من الصبح وتنادين فيصل
دلع : اكتفت بالابتسامه وحطت راسها على صدره من التعب والارهاق واضطر مشعل انه يكمل الطريق بداله لحد ماوصلو للمستشفى الي يشتغل فيها بندر
وجابو لها كرسي متحرك وشالوها فيه


وهم ماشين في اسياب المستشفى قابلهم بندر الي كان على اتصال وياهم
بندر : هلا مشاري +هلا مشعل ... هاه بشرو
مشعل : كاهي قدامك قطو بسبع ارواح
مشاري : امحق قطوه تخاف من الفيران
دلع : مشاري وتبن اسكت يالضب

الكل :ههههههههههه

اخذهم بندر لدكتورة الباطنيه الي اعطت دلع معذيه ومحاليل عشان المويا الي شربتها و كلها كلور



وبعد العصر .. رجعو لبندر عشان يشيلون الجبس ...
دلع شافت بندر وهو يدخل وطيرة عيونها فيها باعجاب ماتدري هل شوقها له حب او مجرد اعجاب
بندر : السلام عليكم
الكل : وعليكم السلام
دلع : باقي اشلون تبي تفكه الحين
بندر وهو ماهو بداري المناحه الي بتفكها دلع : اذا كانتبعد نرد نحط جبس جديد
دلع بعصبيه : لا.. اذا تفكه صدقني ماتحط غيره

بندر ابتسامه وهو يسحب الكرسي الين عند رجلها : لاتسبقي الاحداث ... ( ويطالع رجلها ) انا قلت لك خليه دفتر ذكريات ماهو دفتر تلوين
دلع طالعت رجلها الي صايره الوان من الحبر الي نزل من المويا : شفت مشيري مابقي غير ذكريات ندوش وغمزة له .. ومشاري انحرج لان بندر ماهو بداري انه يحب ندى اخته ودلع ماتدري انه يصير اخو ندى
مشعل حب يصرف الموضوع وقراء كتابة ندى : يا عل قلب ما شكا الحب والتاع=تنهار من فوقه محاني ضلوعه

ابتسم بندر وطالع دلع وهو يشكر ندى على البيت الي كتبته : يا ما نهيت القلب لا شك ما طاع=ما طاع يد لـه والليالي تلوعه

أثر المولّع دمعته تجرح القاع=وإلى ذكر ما فات هلّت دموعه

يفز قلبي تالي الليل مرتاع=أخاف تبعد عن ربوعي ربوعه

الموت كان العرف عقب البطا ضاع=والمنتحى يا ..... صعبٍ رجوعه

في غير شوف العين ما نيب طمّاع=حقّه علي أمشي بدرب المطوعه

أبو عيونٍ رمشها سود ووساع=في ذبحها العاشق فتون وبتوعه
قولي لها هذي تكملة البيت الي كاتبته لك
ابتسمت دلع وهي منحرجه وحاسه انه بالبيتين هذي يقصدها
مشاري : وش رايك بندر مانردها مساجلات شعريه ونخلي شغلنا وش ورانا
بندر ايها انت وش وراك ولا انا وراي مراجعين منا لليل
مشعل :دكتوررجلها الحين مليانه مويا خل الممرضه تفكها عشان ماتعدمك

بندر :طيب

جت النيرس ومعاها شي يشبه المنشار فكت الجبس كله وشالت الشاش وجابت زي الطاسه ومويه وغسلت رجلها ونشفتها

مشاري راح ومسك دلع استغربت منه ماتدري وش فيه لما حرك الدكتور رجلها بسرعه عرفت السبب صرخت

دلع :اااااااااااي عورتني

بندر :معليش شوي بس تحملي بحالتك كذا لازم علاج طبيعي عشان ركبتك كانت مثبته بشكل مستقيم طوال شهرين واكثر
دلع :زين خلاص يالله مشعل قوم نطلع بروح البيت

مشاري :ههههههه الله يرجك مشوته
بندر عذرها لانه تعبت من خاطر: على وين بالأول بنسوي لك الاشاعه .. وصوره مقطعيه لراسك ونفك الخياطه وبعدين يصير خير

راحت دلع وسوت الاشاعه وطلعت رجلها جبرت وفرحت حيل وسوت صوره المقطعيه لراسها وطلعت سليمه بعد ومافيها ارتجاج

وبعدين ردت لبندر يفك الخيوط اللي على الجرح لأنها صارت مالها داعي ..وتعرفون دلع سوت لهم فضيحه في المستشفى ...بسبب الألم اللي تحسه وهم


يقطعون الخيوط لأنه الجلد ملتصق بالخيوط.ولازم يفككونها بأدوات حاده

..وشوي ودلع بتجيها حاله هستيريه..من الصراخ والألم اللي تحس فيه..
ومشعل ميت عليها من الضحك

اما المسكين مشاري فكانت ماسكه أيده وكل مايقطع بندر خيط تقرصه ذيك القرصه لمن تطلع حرتها كلها وهو يصرخ معاها ..وفي النهايه

خلصوا وحطوا على الجرح مطهر ولزقه مؤقته لتخفيف من الألم ..وطلع بندر الغرفه وتركها ترتاح وتغسل وجهها بعد البكاء وتزين جلالها

وبعد شوي طق الباب ودخل بندر : ها دلع شخبارك الحين
دلع : زينه الحمد لله والحين أقدر أمشي زي العالم والناس
بندر : تحملي بروحك ولا تمشين كثير وحاولي في البدايه تسوين تمارين لرجلك ولا راح نرد لك الجبس
دلع : كله الا الجبس
بندر : ولاعاد اشوفك هنا في المستشفى
دلع اتذكرت انها اخر مره راح تشوفه فيها وحست بحزن كانت تبي تملا عيونها منه تتم تناضر فيه لولا الفضيحه : ان شاء الله
مشاري : يالله بندر تامر بشي
بندر : لا بااي
مشاري وهو يحط ايده على رقبته : ليت الوالد عندك ويشوتك ماتعرف تقول فمان الله
الكل :ههههههههههههه
بندر :فمان الله
كان بندر في خاطره وده يقول لدلع انه يصير لهم بس باي وجه وايش يهمها اصلا في الموضوع واذا يصير لهم اش يعني ... ماتتعدى علاقته بيها غير مريضه وطبيبها .. بس بالنسبه له اكثر من كذا انسانه طول الشهرين الي فاتو يفكر فيها ومايقدر ينساها
تم بندر يطالعهم ليما اختفو عن عينه ... ودلع كانت شايفته وهو يطالعها

دق جوال بندراليما فصل ورد دق مره ثانيه انا المغرم انا الهاوي .. انا المجروح المداوي .. ولا لي من يداوينــــــي
احب الحب واعمل به .. واداري عهودالمحبه .. ويجافوني محبينــــــــي

اقضي الوقت من دونه .. اخايل نظرة اعيونه .. وطيفه ساكن بعينــــــي
اباه ولا ابا غيره .. احبه بشره وخيره .. ولا لكن لا يخلينــــــــــــــــــــ ي

لذيذ النوم جافيته .. وليلي ماتهنيته .. ولا لي من يسلينــــــــــــــــــــ ــــي
بندر : هلا سعود
سعود : ها بشر عن دلع
بندر : لا ابشرك بخير ...تصلح لخفر السواحل منقذ
سعود : كلك ذوق يالغالي ... تبي ترد الليله
بندر : لا ما اضن عندي مناوبه يمكن باكر
سعود : لا احنا الليله رادين بيوتنا
بندر : زين احسن خلنا نرتاح ... يالله تامر على شي
سعود : لا فما ن الله
سكر بندر وكان بيرد لشغله ... الا ويدق جواله مره ثانيه .. ويشوف الرقم وانه مايعرفه ورد الاويجيه ذاك الصوت الانثوي الناعم
..: الووووووووووووو
بندر : نعم
....: كيفك دكتور بندر
بندر : خير مين معاي
......: ههههههههه معقول ماعرفتني .... راجع جوالك وراح تعرف انا مين

بندر اختبص وفي نفسه يقول معقول تكون وحده يعرفها مقول تكون وحده من قرايبه بذا السذاجه
بندر : انزين لاعرفتك دقيت عليك وقفل الخط بوجهها بدون مايسمع رده وصار يدور بجواله الرقم زي المجنون

واخيرا لقيه ........ معقول اش تبي .......ليه تكلمني [/align]
:n200629:عطونا وجه ياناس با اضافة رد وشلون ابعرف اذا القصه عاجبتنكم

[align=center]

بارت جديد وحب جديد

أترككم مع احداث البارت الثالث

في الطريق لشاليه نزلت دموع دلع غصب عنها .... وهي حاسه انها راح تفقد ها الانسان الي تعودت عليه كانت تعد الايام والليالي عشان تشوفه والحين خلاص انتهى بالنسبه لها صار ذكرى
انسان محترم مؤدب وذوق ..........قطع عليها تفكيرها مشعل وهو يدخل السياره الشاليه ويفتح لها الباب
مشاري : ها يالغاليه تبين اشيلك
دلع بسخريه : ههههههاه ذاك اول يوم تشيلني الحين خلاص عادت حليمه لعادتها القديمه وصارت رجولي هي الي تشيلني
مشاري :حلفي ..حليمه بولند ولا حليمه الشقراء
دلع بتعجب : الاولى وعرفناها ... الثانيه منو ؟؟؟
مشاري بخبث : انتي بالاول اختاري وعقب اقول لك
دلع :اممممممممممم الثانيه شكلها حلوه من يوم هي شقراء مو حليمه بولند الي كل يوم شكل
مشعل +مشاري :هههههههههههههههههههههههه هههه
دلع بدلع : منو ذي وليه تضحكون
مشعل : ماعليك من ذا الاثول بعدين اقول لك
مشاري وهو يفتح باب الفيلا ويبي يدخل : لارحنا التنهات خلي ندوش تعرفك عليها لان هي رفيقتها هههههههه


سكتت دلع وهي في بالها تسال ندى عقب لاكن الحين كل تفكيرها بامها اشلون بتفجاءها بفك جبيرتها

فتح مشعل الباب ودخل دلع وهي متعنزه عليه ويوم دشت لقيت الرجال جالسين بالصاله لوحدهم وسلمت عليهم وتحمدو لها بالسلامه وشكرت سعود الي انقذها وهي محرجه بالحيل منه

وطلعت للحريم في الحديقه الخلفيه


دانه وهبه شافو دلع وراحو لها جري ... وخذوها اليما جلستهم

ام دلع : دلع يوما وش ذا النوم يوما

دلع : ومنو قال لك حياتي اني نايمه
ام دلع : هوووووو اجل وين كنتي
دلع رفعت الجلال عن رجلها شوي شوي

وشافو الكل رجلها وطبعا الكل يدري بسالفة دلع وكانو يدارون عن امهم عشان مايرتفع عندها السكر .... كانت رجل دلع متقشره ومجرحه من الجبس

دلع ما انتظرت امها تسالها وقالت لها انها راحة المستشفى عشان تفك الجبس وتسويها لها مفجاءه ... وطبعا امها انبسطت كثير وماخبروها عن سالفة الغرق ولا كان سوت لهم سالفه


مشاري وهو جاي صوبهن ووياه نواف : تغطو نواف النسيواني جاي لكم (يعني يحب يقز ويقعد مع الحريم )
نواف : مشاريوه وعله شوهت سمعتي قدامهن

عبير : تفضلو كلنا عارفين سوالفكم مايحتاج تتبلون على بعض

مشاري : افا عليكم الحين انا ( ويمسك دقنه ) ويا ها البراءه نسيواني

ندى : ايه ...انا ما ادري ليه الرياجيل دوم يتلزقون بالحريم اش السر

مشاري : وععععع من زينكم
هبه : ان زين وش الي جايبكم عندنا الحين
نواف : جايين نتحمد لدلع بالسلامه


دلع : هماني قبل شوي جايه من عندكم
نواف قعد يغمز لها عشان تمشيها
دلع : وبعد تغمز ... تبيني اكذب ...كبرنا نواف عن حركات البزارين

نواف : دلع وتبن .... صدق بزر
دلع حبت تحرجه قدام الحريم وتقهره : انا بزر نواف الله يسامحك بس
نواف : ايه بزر يالخبله ماتعرفين تقولين ايه
ام نواف : نواف وبلا يالاثول اعنبو دارك تحسب البنيه مثلك كذابه .. صدق انها تسواك وتسوا عشر مثلك

نواف بقق عيوانه وقعد يقز دلع الي خذتها امه بحضنها وهي ترفع حواجبها وتنزلها بحركة تقرهه بيها والضحكه ماليتها

نواف : يوما شوفيها
ام نواف : نواف قم انقلع انت اليوم مب صاحي ا...دلع تقاطعها : لا خالتي والي يسلمك لاتسبينه قدامنا ليتعقد بعدين
ام نواف : والله عشان خاطرها ابسكت ولا كان غسلت شراعك يا الاهبل

الكل قعدو يضحكون ونواف شوي ويطق من القهر
نواف : ياجعلك سبعين عقده ... ومسويه روحها بريــ...

ماكمل نواف كلامه الاوامه تطلع النعال من رجلها و ترميه بيها وهو من شافها كان بيقوم يهج بس ماسلم جاته بظهره

الكل قعد يضحك وبالاخص مشاري الي شوي ويموت عليهم من كثر الضحك

ام مشاري : مشاري وش بلاك كل ماقلنا شي فكيت حلقك

مشاري : والله مدري فيني وناسه مدري وين اطلعها

امال : لارحنا التنهات طلعها كلها كافي رجه

دلع : ايووووووووووا على طاري التنهات ندوش لارحنا ابيك تعرفيني على رفيقتك
ندى بغباء : من
دلع : حليمه الشقراء
ندى الي بققت عيونها وبعصبيه : منو قالك رفيقتي
دلع ببراءه وتطالع مشاري : مشاري قاله

مشاري فحط بالضحكه وكان ندى تشيل فرده النعال الثانيه من رجل امها تبي ترميه بيها وكان هو حاله زي حال نواف وقام وهج بس جاته بظهره بعد وهو مايقدر يسك حلقه من الضحك
ندى : تستاهل يالخايس ...... خلني امسكك والله لاوريك حليمه الشقراء وربعها


دلع : ندوش حيرتيني منو حليمه ذي

هبه :ههههههههههههه هذي حماره عند عمي عبدالرحمن هههه
دلع :ههههههههههه ومالقيتي الا ذي تصاحبينها خلصو الآدميين
ندي الي قامت عيونها تحمر من العصبيه وهي تشوف مشاري راد لهم : خير تبي أزيدك طق يالثور

مشاري: صدق يعور بس خذي راحتك ضرب الحبيب مثل اكل الزبيب


ندى انحرجت واسكتت وهي تسمعهم يضحكون ويتمسخرون عليها


مشاري وهو يقلد الصغار : ابوي يقول تزهبو عقب العشاء نبي نرد بيوتنا

ام مشاري : رح رح يمه درينا (وتتنهد ) الله يعوضني فيك ياولدي مافي امل تكبر

مشاري بترجي :يمه لاتشوهين سمعتي كذا توقفين حضي واعنس

ندى : اوه شفنا البنات متكسرات قدام بيتكم عشانك

مشاري : ايه وانتي اولهم يومين والثاني وانتي عندنا

ندى : وعععععععععععععععع ماقعد الا انت


ام مشاري : بـــــــــــس ازعجتونا ماتقابلون الا تناقرتو

دلع : أيــــه قال الي تحبه تسبه ............؟ مو انا الي اقول المثل يقول

مشاري وهو يحط ايده على قلبه : أي والله جبتيها عالجرح ... يالله انا رايح توصون بشي


هبه : أي والي يسلمك جب لنا ضمادات ولصق اجراح ولوازمها

مشاري بغباء : ليه
دانه : لانا الليله بنشوف فلم اكشن رعب بينك وبين ندوششششششش


ندى : سخيفات انتن واخوكن الاهبل وقامت رايحه وخلتهن وراها وماتسمع منهم غير ضحكهم

مشاري الي جلس جمب امه : يوما شوفي بنت السفاحه شنو سوت بايدي يوم شالو لها الجبس ... وراها ايده الي مخضره ومزورقه من قرصات دلع ...
امه : وي وعلي عليك يوما عوروك يوما ..وتناظر دلع

مشاري : يوما انا الي تعورت بنتك ماغير اتدلع

امه : انت رجال والمفروض تستحمل ويوم انك ماتبي القرص كان قلت لي انا اروح وياها واستحمل منها كل شي بسي هي تكون مرتاحه

دلع حست بخسارتها طول السنين الي طافت وهي تشوف الكل يسعون لسعادتها وراحتها دمعت عيونها وحضنت امها بقوه : الله لايحرمني منك يوما ولا منكم كلكم

مشاري : دلع حياتي لايكون صدقتي والله ان قرصاتك على قلبي مثل النسيم بس المهم انك تكونين مرتاحه كلي تحت امرك يا لغلا
دلع : اسفه مشيري وربي ماحسيت بنفسي بس تدري ......تستاهل

مشاري والكل جلسو يضحكون من قلب



وراح الليل في ضحك ووناسه وعقب العشاء وخذو لهم يومين وهم ماستعادو نشاطهم كسلنين ويقضون معضم وقتهم بالنوم ... ما يلامون كله من العب والسهر


اما دلع ماكان عندها وقت للكسل وهي كل املها انها ترجع تمشي باريحيه في اقرب وقت عشان ماتكون عاله على احد فراحت ويا دانه وهبه
وسجلت بمركز لومييغ سنتر عشان تسوي رياضه لرجلها وترجع تمشي زي من اول
وصارت تروح له كل يوم



في الومييغ سنتر
:اه ه ه ه ه ه ه ه ه ه ا
الفلبينيه : ايش في انتا هدا مافي عور
دلع : لا بس ابي احلل فلوسي عندك مانع
دانه +ندى : ههههههههههه
الفلبينيه الي زهقت من قلب من حركات دلع ودلعها الزايد راحت للمشرفه تناديها لانها عجزت في دلع الي طايحه انتقادات طفشتهم

المشرفه الي كانت مصريه : انتي تاني في ايه تاني
دلع : يا حبيبتي ابغى وحده تفهم عربي مب اقول لها عورتيني ...تقول كويس ماما وتشدني بقوه ... انا علاج طبيعي ماهو تفكيك وتركيب

المشفرفه : مو الاولانيه كانت مغربيه وطفشتيها

دلع : هذيك تتكلم عربي والله ان العربي في ديره وهي في ديره

المشرفه : طب عايزه ايه يا بتي
دلع وهي معصبه حدها : لاتقولين بنتي ... نادي لي المديره الحين

دانه ألي راحت للمشرفه عشان تهدي الموضوع : انتي ماجاك توصيه من الدكتور بندر (وغمزة لها )
المشرفه : هي دي خطيبتو ولا ايه



دلع وهي تتنهد وترفع ايدينها بدعاء : ياليت والله كان اكسر راسك مو بس اكلمك

ندى :ههههههه ولا يهمك وردت تحاكي المشرفه ... ايه خطيبته وياويلك لو يدري انك مزعلتها

المشرفه وهي تشهق وتحط ايدها على فمها : اسفين يابتي .. ااصد انسه دالواتي تكون عندك افضل بت عندنا وتعمل لك الي انتي عيزاه ... أي اوامر تانيه

دلع : ايه ابي عصير فرش لي وللبنات

المشرفه : انتي تامري بس والنبي ابئي سلمي لي على سعادة البيه الدكتور

دلع : حاضر لما ابقى احصلو بالاول

راحت المشرفه ... وجلسو البنات يضحكون على دلع بس دلع عصبت على ندى وزعلت عليها

ندى : دلع خلاص وربي ماتسوى كلمه قلتها

دلع : شايفتها سهله افرضي اتصل بندر يسال وقالت له سلم لي على خطيبتك دلع وش بيقول عني ما تكلمين

دانه : وعلى أي اساس يتصل يسال عنك

دلع وخدودها راحت طماط : مو شرط يسال يمكن يبي يوصي على وحده غيري وذي ام لسانين يمكن هي الي تروح تتصل عليه

ندى : احسن خليه يحس ويتلحلح ويخطبك احس انكم لايقين على بعض

دلع : لاعرفتيه بالاول ذاك الوقت احكمي يالفالحه

دخلت عليهم وحده لبنانيه وهي الي كانت راح تكمل مع دلع الرياضه ونسيو البنات الموضوع وكانت غايه في الذوق مع دلع وطبعا موكله على شان سواد عيونها

عقب المغرب جاء مشعل واخذ البنات ووداهم البيت ورد ندى لبيتهم


بندر : هلا والله هلا بندوش

ندى وهي تفصخ جلالها وتعطيه الشغاله : هلا بندوش ولا بأخبار ندوش

بندر وهو يسوي روحه يفكر : اممممممم كلهم بس تعالي وقولي لي اش سويتو اليوم

ندى : اسكت يابندر اما دلع اليوم عزرت في المسيكينات الي بالمركز وربي حزنت عليهم

بندر : ليه اش سوت

ندى : اسمع بالاول الفلبينيه كل ماحركت رجلها صرخت باعلى ماعندها والفلبينه انخرعت وتسالها اش فيها ودلع تقول ابي احلل فلوسي والمسيكينه ماتدري هي وش قالت ووين ربي حاطها وو


بندر : بعدي والله ماتبي احد ياخذ حقها

ندى الي صارت تطالعه بنظرات عجز يفهمها : بندر ليش كل ها الاهتمام بدلع

بندر الي اخذ الخداديه بحضنه وضمها وسند ظهره للكنبه : والله ما ادري بس احس انها اشغلت بالي من اول ماشفتها انسانه غير عن الكل مرح وتفال وخفة ضل واخلاق

ندى بخبث : وحلوه
بندر : اه؟ حلوه ...؟ الاملكت جمال قولي
ندى : هههههههههه هات من الاخر وقول انك تحبها

بندر : احبها ... أي والله احبها بس تتوقعين لو اخطبها توافق

ندى : اقص لساني لو قالت لا
بندر : اش هو له الثقه

ندى : اليوم يوم تقول المشرفه (وتقلدها ) دي خطيبت الدكتور بندر .. كان هي دلع تقول ياليت

بندروالفرحه ماهي سايعته : صدق والله ندوش

ندى : أي والله بندوره ...اخطبها وفكنا على الاقل تلاقي لك احد تفك حرتك فيه وتنسانا
بندر الي رجع له الهم : مو بالاول تعرف اني اصير لهم وبعدين اخطبها
ندى : انزين خل اقول لها واريحك



بندر : لا انا ابيها تعرف بنفسها ابي اشوف ردت فعلها لا شافتني بينكم .... بس هي مب معطيتني فرصه كل ماجيت من يمها مار او ابي اقعد تقوم من غير حتى ماتناظرني



ندى : واذا يابندر البنيه تستحي

بندر : هماها تجلس ونواف معاكم وبعد سعود ومحمد وش معنى انا

نواف وهو يدخل عليهم : ابوك يالغيره هذا وبعدها ماصارة مرتك وتغار وشلون لاتزوجتو


بندر : انت خليها توافق بالاول وبعدين الله يحلها


وتمو سوالف وظحك ومناقرا ليما دق البيجر حق بندر وطلعه وشافها المستشفى وتوه يبي يرجعه لجيبه الا ودخلت نجلاء الي حبت تجس نبض بندر بالنسبه لها
وماكانت تدري ان جاء له استدعاء من المستشفى

بندرالي ناضر نجلاء ثم رد يناظر ندى : يالله انا استاذن بس لارديت ندوش تكملين لي ..........



نجلاء الي اتحجرت عيونها بالدموع :انا ادري انك ماتبيني ولا تبي تشوفني اسفه بندر بس خليك وياهم وانا ابطلع حجرتي ... اغلى ماعلي شوفتك مستانس
وراحت جري لحجرتها وهي تبكي وهي ماتدري ان قومت بندر ماهي كرها لها ولا لدخلتها


بندر فهم قصدها : ندى طلعي لها وحاولي تهدينها

ندى : صار .. سي يو ( وطلعت لحقت اختها

في حجرة نجلاء فتحت ندى الباب ولقيت الحجره ظلام ولا ينسمع فيها غير شهقات نجلاء من شدة بكاءها
ندى : نجلاء والله مايسوى انتي ظلمتي بندر

نجلاء من بين شهقاتها : ليه بندر مـ...اهـ...و قادر ينسى ليه ما يـ..بي يسمعني ...والله ظلـ..مني ...ظلـ..مني.... ياندى

ندى انقهرت على اختها واخذتها لحظنها ولمتها وهي شوي وتبكي معاها

ندى : خلاص نجلاء والله بندر كان طالع من قبل ماتجين المستشفى طلبوه

نجلاء : ياندى ذي مب اول مره ... عشان ازعل هو دائما كذا من يشوفني يقوم وكانه شايف شيطان

ندى : نجلاء تدرين ليه انا جيتك الحين

نجلاء وهي تناظرها من بين دموعها : ليه

ندى : لان بندر هو الي طلب مني اطلع لك واهديك

نجلاء وهي تمسح دموعها بقفا كفوفها : قولي قسم

ندى : وقسم نجلاء ولا كان ما شفتيني

نجلاء الي ردت تبكي :يالبى قلبي ... وتلوميني يوم احبه انا ما ابيه يزعل مني والله العظيم اغليه اكثر من روحي

وتمت عندها ندى ليما هديت وصارت تحكيها عن الي كانت تحكيه لبندر



في سيارة بندر
بندر ركب سيارته وهو يلوم نفسه ليه ماسمع منها ... ليش تسرع بالحكم عليها ... واذا كان غلطت فالمفروض منه يساعدها عشان تتجاوز غلطها
مشى بندر في طريقه وهو يفكر في نجلاء .... وقطع عليه تفكيره فيها جواله وهو يدق


بندر : خيـــــــــــــر
....: ولو ليه ماتدق يالجاحد ماعرفتني

بندر: انتي وين هلك عنك ماتستحين ...... مالــ

.: على هونك كليتني...بس تدري يالغالي تمون

بندر : انتي اش اسمك

......: انا ...

بندر : اريج

اريج : برافو عليك ...وتقول مالك بذا السوالف ( اكيد عرفتوها )

بندر :دلع لها بها السوالف ولا لا

اريج وهي تضن انه ماراح يقدر يحصل رقم دلع من عند غيرها : ههههههه دلع يوم دقت من عندك كانت بس تبي تجيب الرقم

بندر : كذبتي يالواطيه انا الي عرضت عليها تتصل من عندي

اريج : حرام عليك حبي لاتظلمني ...ان كيدهن لعظيم
بندر والشك قام يدخل قلبه : صدقتي... طيب تقدرين تعطيني رقمها

اريج :هاه ... ايش لا لا هي محلفتني ما اعطي رقمها لاحد
بندر : هماك تقولين انها خايسه مثلك ومتصله من عندي بس عشان تجيب الرقم .. وشلون ما اتصلت ولا تبيك تعطيني رقمها

اريج : .............. اتصل عليك بعدين بعدين اهلي ينادوني

بندر :ههههههههه اهلك روحي قبل مايكشفونك ..وقفل في وجهها من غير مايسمع ردها
مشعل الي جاء وجلس جمب ابوه الي يقراء بالجريدة وقام يسوي له مساج لرجليه : يبه .

ابو ه : سم
مشعل : وش رايك بالمساج
ابوه وبعده ماسك الجريدة : والله انه جاء بوقته

مشعل :طيب وش رايك بالزواج



ابوه وهو ضربه بالجريده :ههههههههه قول كذا من البدايه ... بس قولي من ذي الي الله موفقها عشان تاخذ مشعل بن عبدالله
مشعل وهو مسوي روحه مستحي : نجلاء بنت عمي عبدالرحمن

ابوه : ماشاء الله يازين ما اخترت وانا ابوك .... بس انت قلت لامك

مشعل : ايه وهم فرحانين بالحيل

ابوه : اه يالخايب وانا وش انا طرطنقي عندكم

مشعل : لايبه انت الخير والبركه بس تدري هن يعرفنها احسن مني ويعرفن اذا كان تصلح ولا

ابوه : زين الله يوفقك يوبا ولا رحنا التنهات اكلم عمك ... خبرك عمك ماينصاد الا هناك
مشعل : طيب يوبه قل لامي تكلم مرة عمي خلها تعطيهم خبر
ابوه :ههههه صار يوبا لاجابت امك القهوه اخليها تحاكيهم عشان البنيه لاتطيرخبرك الخطاطيب عليها منا لليل
.
.
.
.
استمرت دلع على التمارين اسبوعين ليما ردت تمشي احسن من قبل وسجلت ويا ندى وهبه ثالث ثانوي وكانت ناويه تشد حيلها بالدراسه وتنسى كل شي بحياتها عشان تدخل طب وتنفع نفسها وتستغني عن اخوانها وتشيل عبئها بنفسها وتضمن مستقبلها

اما نجلاء فكانت موافقه على خطبتها من مشعل مبدئيا ليما تتم موافقة ابوها
وندى على حالها ماغير مناقره وهواش ويا مشاري وهي بقلبها تغليه وتحبه وهو بعد
اما عبير وسلطان فسافرو لي اسبانيا يتمشون وخلو العيال عند ام سلطان والكل كان فرحان ليهم على سعادتهم
بندر على حاله ماغير يتنقز ويطامر من قدام دلع ودلع ماكلفت على روحها تناظر فيه وحاقرته بشكل احرق اعصابه وكان شوي ويمسكها من شوشتها ويقول ناظريني



......................... ......................... ........................

في مكان ثاني عايله يحسبها الكل سعيده وحياتها خاليه من المشاكل اثنين في بداية حياتهم وماهم خالصين من المشاكل في بداية الحياه ...اكيد عرفتوهم امال وسعود الي كان لهم جناح بفيلا ابوه وقاعدين فيها وقت اجازته


امال الي كانت تتكلم بدلع : سعود.. انت من جينا الرياض وانت كل ليله تسهر ويا ربعك لصبح

سعود وهو يضبط شماغه : طيب ... انا مامنعتك أي مكان تبي تروحين له عندك السواق ولا ليه جايبينه

امال : وانت شو بالنسبه ليه لاتجلس وياي ولاتطيق تسمعني .. انا مومرتك

سعود : ..............

امال : ماترد ... ماتبرر ولا حكيي صح ...لو انك عارف انك على حق كان تكلمت
سعود : ..............
امال وهي وشوي وتنفجر من سكوته وطناشه لها : انا يوم تزوجتك عبالي رجال شورك من راسك مو تنتضر ربعك يسيرونك دميه بايديهم................اه ه ه ه

سعود ماقدر يستحمل كلامها كان يرفع ايده ويطقها باقوى ماعنده ... اما هي المسيكينه طاحت على الارض مغمى عليها ....وكان سعود الي انقهر من رواحه يوم طقها يشيلها ويوديها المستشفى
.
.
.
.
في أحد عنابر المستشفى .. و في وحدة من الغرف .. برودة فضيعة فالغرفة .. قامت امال من .. و فرأسها صداع فضيع ويعورها .. و فايدها واير المغذي .. قامت و ما تتذكر شي.. كل اللي تتذكره .. انها فالمستشفى .. لفت و شافت الدكتوره
وتقطع حبل افكارها صوت الدكتوره المصريه:الف الحمدلله عالسلامه
امال :وش فيني مين جابيني هنا... وتحس بطنها
الدكتوره :قوزك هو الي قابك والحمدلله دالوقتي راح نشوف التحاليل وانشالله خير
امال :بس امانه بلغيني أول زين
الدكتور:انشالله أول مايخلص التحليل ااولك
امال متى يخلص التحليل
قصدي النتايج
الدكتوره:انشالله ساعه وكل حاجه خالصه

وبعد انتظار دام حوالي ساعه طلعت الدكتوره ..
وراح لها سعود ركض
الدكتوره : انت زوجها
سعود : ايه ..بشري ؟
الدكتوره : لا الحمدلله ...داء شوية ارهاق والزعل برضو ... وعملنا لها شوية تحاليل ونستنى لما نشوف النتيجه
سعود : الحمدلله .. تقدر تطلع
الكتوره : بالاول نشوف التحاليل زي ماقولت ليها

وراحت الدكتوره وخلته

سعود كان شايل هم لقاءه لي امال بعد الي سواه فيها بس شجع نفسه وطق عليها باب حجرة التنويم ودش

امال اول ماشافته صدت بعيونها وكانها ماتبي تشوفه
وسعود تم يناظرها و الصمت سايد من بينهم من عقب الهوشه الي صارة بينهم .. وسعود مقهور من طوالت ايده .. وامال منصدمة و مستحية بنفس الوقت من كلامها اللي قالته و حست انه جرحته وجرحها
امال بينها و بين نفسها .. يا ربي انا شفيني مهتمه له .. حتى انا ماغلطت هو الغلطان .. بس انا قلت له ماهو رجال .. شذنبه هو ماقصر ولا حرمني من الخرجه .. يالله يا رب ساعدني ..

سعود وهويقرب الكرسي منها و يجلس بجمبها ومسك ايدها وباسها : امولتي سامحيني انا اسف ... بس والله انتي استفزيتيني

امال ومحل الكف مزورق ودموعها صارت تنزل بغزاره : سعود انا تعبانه ومافيني للكلام

سعود استسلم وقام : تامرين بشي يالغلا
امال : ايه ابي هلي يكونون حولي

سعود : تامرين يالغاليه ...الحين اكلمهم

طلع سعود مهموم مقهور من الي سواه ... واتصل على سلطان وخبره ان امال تعبانه وبالمستشفى ... وبعدها راح لاخوه بندر حجرته

.......تك تك تك
بندر : اتفضل

سعود : السلام عليكم
بندر : ماشاء الله تبارك الرحمن وأنا أقول المستشفى منور اثرك أنت موجوده..وسلم عليه سعود بن عبدالرحمن أشحالك وكيف صحتك

سعود :ههههه ... منور بوجودك ...وهماني وياك بالبيت

بندرالي انتبه للحزن الي بوجه اخوه : خير سعود وش بلاك

سعود : والله ما ادري اش اقول لك بس اليوم كنت ابي ......................... ...................وقص له كل الي صار

بندر : هونها وتهون وامال عاقله ولا يمكن انها تهدم بيتها بسبب تافه

سعود وهو يطلع جواله من جيبه : هذي عمي ينصل اكيد هم وصلو ابروح عند امال قبلهم

بندر الي صار قلبه يدق وهو يدعي ان دلع تكون وياهم : ان زين اخلص الي بايدي واجيكم


....:تك تك تك
امال :ادخل
دشو اهل امال حجرة امال وبدون مقدمات نطت منيره ببنتها وخذتها بحظنها وهي تبكي وبعد امال تبكي وقالت: "بسم الله عليك يوما خطاك السوء
دانه : يوماااااااااااا خلاص ماصار ذا سلام

منيره : ها يبنتي اش فيك
امال وهي تناظر سعود : : ولا شي يوما اغمى علي وطحت وجابني سعود ... وكاني انطر التحاليل
هبه :سلامات اختي الغاليه ومعاها بوكيت ورد جوري احمر على عنابي إلي تحبه امال
امال :واو عطينياه
دلع يضحك:اكيد بتعطيكياه اجل لمين بجد فشلتينا مو شايفه خير
سعود :لاتغلطين على امولتي خليهابس تطلع من هنا والله لأملا لها جناحها ورد
امال : يالله تهبل(تشم)الله ريحتها تجنن

هبه :اخوات ويدلعون اختهم على طريقتهم وش فيها وانت لا تحشر نفسك بين الاخوات

امال تبي تحرجه وتثار:وهي صادقه


جات الدكتوره ووجهها باين عليه اثار الفرح:قالت الدكتوره الف الحمدلله عالسلامه فقر دم حاد
وانتي مابتعرفي ان عندك سكر حمل يعني تغذي واشربي العصيرات الطازجه والمفيده



امال : لا والله دكتوره ما ادري
الدكتور : متخافيش دي حاجه بسيطه وان شاء لله تعدي على خير
الكل : ان شاء الله
سعود : ان زين تقدر تخرج اليوم
الدكتور : لا لا مش حتخرج النهار داء عشان نطمن اكتر عالجنين
ابوها : مايخالف وانا عمك احسن لها ولولدها
تركتهم الدكتوره وطلعت بعد ماطمنتهم
امال وهي تناظر سعود بسرحان : اكيد السكر هو الي سبب لي الاغماء

ابوها: يابوك جات سليمه وسلم الي ببطنك الحمد لله

دلع ناضرة الكفخه الي بوجه امال وردت ناضرت سعود وهي رافعه حاجبها بعصبيه سعود ما استحمل نظراتها وطلع جلس في كراسي الانتظار قدام غرف التنويم ...

دلع ما صدقت وما مشيت عليها كذبة امال وسعود وراحت تبرر لنفسها عذر عشان تطلع وراء سعود

دلع : وي اموله خرعتينا على ماكو اروح ادور لي اكل بالكوفي ابرك لي ...

مشعل : هاتي لي شاي مغربي معاك يالفقمه

دلع وهي تحط اصبعها على خشمها : من على ها لخشم

مشعل : يسلم لي هالخشم

طلعت دلع ولقيت سعود جالس عند الغرفه وكان تجي وتجلس قدامه بالتمام وتناظر فيه بتفحص لدرجة انها احرجته

سعود : دلع وجع .. وش تناظرين استحي يابنت ...( ونزل راسه عشان مايطالعها

دلع :وععععععع من زينك عشان اطالعك
سعود : اجل اشهو له تناظرين
دلع :سعود
سعود رفع راسه وشاف نفس النظرات ماغيرتها : خيــــــــــــر
دلع : ليه طقيت اموله

سعود بقق عيونه فيها مندهش مسرع قالت لها امال ... وشلون؟ ماهو طبع امال : امال قالت لك

دلع وهي تسند ظهرها للكرسي : اجل انت للحين ماعرفت اموله زين سعود .. العوار الي عند

عين امال مو شغلت طيحه لو طيحه كان جات فوق شوي وكان انجرحت بس العوار شغلت طق ...وابتسمت ولا نسيت اني خبره ومجربه جميع انواع التلطيش والتكفيخ والكفوف

سعود :ههههه صدق خبره ما اقواك ... وبالاعتماد لخبرتك تتوقعين ترضى عني

دلع شافت بندر جاي في الطريق واستحت حست بروحها ترتجف كان له هيبه وهو يمشي ووجهه منور وردت ناظرت سعود وهي قايمه : عاد هذي انت وشطارتك .... خبرك انا كنت انطق وارضى من حالي ولالو بيراضيني مزون ماكان طقني
و دخلت الحجره

مشعل : دلع يالخاينه وين الشاي حقي
دلع : انت ماطلبت مني اجيب لك



مشعل : اجل من مين طلبت

دلع وهي تضم ابو مشعل الي جالس من وراه : من الفقمه رح اسالها وينه

مشعل وهو يمسح عى ذقنه بتهديد : هين ..هين دلع

دلع سفهته وردت تكلم ابوها : باباتي حياتي

ابو مشعل : عيونه وحياته وروحه امري

دلع : مايامر عليك عدو بس بغيت اقعد مع اموله هني

ابو مشعل ابتسم وهو مندهش انها طلبت منه ولا طلبت من امها الي هي اقرب لها منه : ان زين انتي قلتي لامك

دلع : امممممممم امي مره سنعه واذا انت قلت ايه مراح تقول لا
ابو مشعل وهو مسوي روحه يفكر : بس احنا مانقدر نستغني عنك باليت
دلع وهي مسويه روحها ترد قصيده : يبه تكفى وترى تكفى تهز رجال
ابوها الي فز واقف : ابو سلطان .. ابشري بلي تبينه كل شي تبينه صار مني ليما اموت
دلع وهي تبوس ايده وسط ضحك اخونها : عسى يومي قبل يومك يالغالي

ام سلطان :هو يبو سلطان خلنا نقعد شوي
ابو سلطان : انتي نسيتي ان عيال اخوي حمد جايين لنا
ام سلطان نتصل نعتذر منهم
امال : لا يوما روحي انتي نسيتي سوالف زوجة عمي بعدين انا موب روحي دلع وياي والحين تلاقين عيال عمي جايين
ام سلطان : اجل يوما ديري بالك على روحك وانتي يادلع ماوصيك عليها واي شي يصير اتصلو على

دلع : ان شاء الله ماماتي لاتوصين الحين احنا زباين بها المستشفى وماراح يقصرون ويانا

الكل : ههههههههه


دانه وهبه : واحنا بنرد مع مشعل يوما

ابوهم : خلاص بس موتاخرون

وطلعو رايحين للبيت والبنات تمو ضحك وسوالف ويا مشعل ومشاري

وشوي الا الباب يدق

مشاري : منو

ندى : فكت الباب وسلمت

مشاري وانا اقول وشهو له المستشفى منور

ندى : ادري كله من نوري
مشاري : لا الليتات مولعه كخخخخخخخخخخخخخخخخخخ
الكل قعد يضحك من مشعل وندى وصلت حدها من العصبيه وضربته ببوكيه الورد الي بايدها وراحت جلست يم امال عا السرير
مشاري من الضحك قام وطلع من الحجره وندى قعدت تسب وتشتم فيه

امال : ندوش اعصابك والله مشاري حبيب ومايقصد
ندى : ولي يسلمك فكينا يقصد ولا مايقصد انا مايهمني

هبه : علينا ندوووووووش مايهمك وشهو له العصبيه اجل
ندى : هبه جوزي عن طبعك واسكتى ولا ترى نواف بره يحتريك
هبه سكتت وحمرة خدودها والبنات ضحكو عليها

تمو البنات يسولفون ليما نادى كل واحد على اخواته وراحو وقعدت دلع مع امال وجابت لهم النيرس العشاء وتعشووتمن سوالف ليمن نامن


والنهار الثاني الساعه تسع ونص الصبح جات الدكتوره واطمنت على امال وفحصتها ودلع طلعت عشان ماتحرجها وراحت للكوفي وتريقت
ولما ردت حصلت سعود عندها والجو شوي مكهرب
دلع : يالله صباح خير اش جايبك الحين

سعود : وانتي اش عليك حلالي واجي متى مابغيت

دلع : حمدلله والشكر حتى دمقراطيه مافي

امال ماقدرت تستحمل رجتهم وقعدت تضحك وسعود كان من قلبه يشكر دلع لانها طلعت امال من الكابه الي عايشتها من وقت ما جاء

وشوي الا وبندر يدش عليهم وهو كان يضن ان دلع بعدها في الكوفي وكان حاب يتحمد لا امال بالسلامه وتفجاء يوم شافها وبنفس الوقت انبسط وهي بعد
بندر : السلام عليكم
سعود : وعليكم احنا ناقصينك انت بعد
دلع : سعود وجع استح على وجهك ... هذا الدكتور بندر احسن دكتور للمكفخين والملطشين
ماتعرف

سعود ناظر بندر ثم رد ناظر امال وانفجرو بالضحك وصارو يضحكون زي المجانين وبندر كان شوي ويسوي مثلهم بس ماكان يبي يهز صورته قدامها وخرج من الحجره بسرعه وانفجر باللمر وقعد يضحك

دلع وهي توقف بعصبيه : ... امال حمد لله والشكر قبل شوي ما تناظرينه والحين تضحكون مع بعض من سوادت وجهكم ..(وردت تطالع سعود)..صدق انك ماتستحي ماصارت كلمه قلناها شوف الرجال مسكين شكله زعل روح اعتذر منه الحين

سعود ماناقشها ولارد عليها وقام وهو يحاول يكتم ضحكته : الحين اروح اعتذر من اخصائي المكفخين والملطشين انتي تامرين ... وطلع وهو يضحك

دلع وهي تحاكي امال : وانتي بعد وشهو له تضحكين

امال : من صدقك انتي ماتعرفينه ...
دلع : لا اعرفه ذا الدكتور الي وقف وياي وعالجني المره الي طافت
امال : بس
دلع : ايه ... ويبي يعالجك انتي بعد عشان الكف الي خذيتيه

امال وكانها ماخذه لها كف ثاني اتفجات وصارة تطالعها بانتظار تبيها تتكلم



دلع : امال اش المشكله الي خلتك تتهواشين انتي وسعود .... مافي شي يسوي طال ما انتم تحبون بعض ... لا تستغربين امال لوخبيتي عن الكل عني انا ماراح تخبين ولا نسيتي اني مافتحت عيني الا عا الهواش والطق والمشاكل ... واذا كان في مشكله راح احس وادري ... ( وحاولت تتصنع المرح ) بس اذا في فرحه ووناسه ذي والله البلشه لا اني نادرا ما اعيشها ومالي بيها خبره

امال ما استحملت قسوت كلام دلع على نفسها حست انها عاشت شي اكبر منها بكلامها كانت كبيره وعظيمه .. فقامت لها ولمتها وصارت تبكي بحضنها كانت حاسه بهم وضيقه بصدرها اليما تكلمت معاها دلع ونفست عنها وصارت امال تفضفض لدلع وتقص لها كل الي صار





في مكان ثاني من المستشفى كان سعود وبندر جالسين جمب بعض ويضحكون والي يشوفهم من بعيد يقول يبكون .. وهذا حال مشعل ومشاري الي شافوهم من بعدين وجاء في بالهم ان امال صار لها شي وجو لهم جري


مشاري وهو يلهث من الجري : خير سعو امال فيها شي

سعود وهو يلتفت له والضحكه بوجهه :مشاري

مشاري : اه يالخايس انت تضحك وانا احسبك تبكي ... حسبي الله عليك

مشعل : خير ان شاء الله ضحكونا معاكم

سعود : هذي اختك دلع يوم شافت بندر وانا تمللت منه كان تقول ( ويقلدها ) هذا الدكتور بندر احسن دكتور للمكفخين والملطشين
ماتعرف

مشعل جلس يضحك اما مشاري فانقهر على اخته الي قاعدين يمثلون من حولها وهي ولا داريه


مشاري : افا عليكم ماهقيتها منكم ... استغليت يابندر عدم معرفتها لك وقمتو تمسخرون عليها

الحين رايح اخبرها انت من تكون


بندر الي نقز بوجه مشاري عشان مايروح يقول لها : لا يامشاري والي يسلمك ..خلها تعرفني بنفسها بس والله هي بصراحه خفيفة دم وانا داري انها ماقالت ها الكلام الا عشان تخفف عن اختها الملل ... بس والله خفيفة دم

مشاري وهو يناظره من فوق لتحت ويشوف نظرات الترجي الي بعيون بندر : انزين بس لاتقول ما احد قالي دلع زعلها صعب وصعب ترضى

بندر : لا ان شاء الله ماراح تزعل


سعود يالله خلونا نروح لهن وانت بعد يابندر عشان ماتضن انك زعلت ... والله انها كل يوم تكبر بعيني اكثر الله يستر عليها من اخوانها

مشعل : بعدي والله اختي مايهون عليها زعل احد ... وعن الف رجال

دخلو الشباب حجرة امال وسلمو مشعل ومشاري على امال
وبندر تحمد لي امال على السلامه ومسك الوحه الي عند نهاية السرير وقعد يقراءها
اما مشعل فجلس و مسك بايده موبايل دلع وقعد يفر فيه

دلع : مشعل وتبن وش تفتش له بموبايلي
مشعل : هاه ... ادور رسايل جديده عندك

دلع :اش قصدك يعني رسايل من مين يعني

مشعل : يعني من مين ... اش قصدك

دلع بخبث: هاه علينا ميشو

سعود : ماعليك منه دلع تكلمي من مين

دلع : من نجلاء بنت عمي عبدالرحمن .. ماتعرفها

بندر تفجاء و طير عيونه في الوحه( عادي ما اعرف اسمه بس اسميه من راسي وانتم عارفين ههه) من وين لنجلاء جوال وايش ها الادب في البنت عمي مره وحده
سعود : ههههههه الا اعرفها اظن انها خطيبته

دلع وردت تطالع مشعل : وارتاح نجلاء ماعندها موبايل موتقعد كل شوي والثانيه وانت تفتش مثل مشاري الاثول
امال كانت بالحيل منحرجه من اختها بس مب قادره تسكتها
مشاري : شكرا يالغلا يجي منك اكثر

دلع : لاشكر على واجب حاضرين في أي وقت
مشاري طيرعيونه فيها مابين معصب وشوي ويضحك من اسلوبها البريء

مشعل وهو ناسي بندر وسعود وطوايفهم : وش معنى ندى ونجلاء لا وهي الكبيره

دلع الي ماكانت تبي تعلمه بالسالفه الي صارة لنجلاء : مو تسالني اسال اخوها الدعله

بندر طير عيونه وشوي ويقولها ان هو الي ماخذه راحتها بسبه ..( بس يستاهل هو الي جاب السب لنفسه )

سعود : انتي ماتعرفين تقولين كلمتين زينه على بعضهم انا وش سويت .....
دلع وهي تقاطعه وتجلس على الكرسي جمب مشاري : انت اسكت ماتدري الله وين حاطك ..

سعود وهو مبتسم : تمونين بس لانك ضحكتي امولتي
دلع : اخوك الخايس بندر يحرمها من الموبايل وانت ماتدري وش هو له اخوها الكبير ...وش الي عطاك الحق يعذبها كذا ... مازن الي مافي اكثر منه قسوه وشر ما خذاه مني وهو الي ماقد

مر علي يوم ماطقني ...

بندر كان مبتسم من هجومها ودفاعها وعصبيتها وكانها تدافع عن نفسها وهي تدافع عن وحده حي الله تكون بنت عم اخوانها
و مسك الورقه وكتب عليها ومدها لسعود وقال له يوقع


سعود ماكان يبي يقراء يحسب انه يخص امال بس بندر اشر له بايده على المكتوب وقراء ورجع له الوحه

سعود : ان زين انتي شلون عرفتي انه بندر الي خذاه
دلع : الحمد لله والشكر انت ماقد شفت الحزن الي بعيونها ... لا قابلتها تامل عيونها وانت تعرف وش كثر تخبي من احزان واسال تعرف ؟؟

مشاري وهو يضحك منها وهو يسمعها وهي تسب في بندر الي واقف يسمع كل شي : طيب اسكتي والي يرحم والديك لا ينط الحين بندر بيننا ويسوي لنا سالفه


دلع : مايهمني ... اه بس لو احصل فرصه والله لا اعزر فيه القاسي والله لاتوطى ببطنه صدق يوم قالت هبوش شايف نفسه ... ورفعت ايدينها تبي تدعي عليه ...الله يابندر يجعلك ...وفجاءه سعت صراخ واحد
.....: لا
دلع انقزت وهي تطالع الدكتور بندر بتعجب : خير
وكان الشباب وامال يقعدون يضحكون وهم يحسبون انه خلاص يبي يقول لها
بندر : قصدي ... لاتدعين على احد بالشر لانك لودعيتي عليه بالشر في ملكان كل دعوه تدعينها يقولون ولك مثلها ...وابتسم وهو يرفع كتوفه

مشاري :هههههه ادعي انه يحب
سعود :ههههاه مايحتاج الاخو واقع لشوشته

امال : دلع ماعليك فيهم اخسريهم مايدعي عالناس الا العجايز ..( لايكون بينكم عجوز تطقطق عالمنتدى ههه)

دلع : وانتي صادقه عشان بس نجلاء الي تموت فيه ماراح اقول الا الله يهديه

بندر اهتز كيانه حس انه ظالم اشلون يدعي الرجوله والحكمه : ان زين امال انا راح اقول لدكتوره رضا تكتب لك خروج لان انتي ماعاد لك حاجه عندنا ولاعاد نشوفك هنا ... والحمد لله على سلامتك

مشعل : أي والله فشلناك كل يوم والثاني وحنا مرتزين عندك زباين زي ماقالت دلع

بدر في نفسه ...: كل شي حولي لازم تكون فيه دلع كلهم يتكمون عنها كلهم متعلقين فيها حتى انا اش السر في هالبنت معقوله حرمانها ووظلم السنين لها خلاها بها القوه والروح الحلوه ياترى راح تتغير مع الايام ولا اصلها كذا بدون تصنع ..

سلم بندر وطلع وهو مرتاح وبنفس الوقت مقهور من الفكره الي راسمتها له دلع ومشغول باله بيها

وبا لكلام الي سمعه عن اخته معقول تكون شايله كل هالهم بصدرها وساكته يالل اربع سنين وهو ظالمها ولا حتى حاول يناظر لعيونها عشان يشوف الحزن الي قالت عنه دلع


بندر : رفع جواله الي كان يدق وقفل الخط بوجه اريج الي ازعجته صدق ذا البنت غثيثه

بس انه رجع واتصل


.....الو ...( عرف بندر صوتها وعلى طول بدون مقدمات

بندر : بعد ربع ساعه القاك جاهزه ابي امر اخذك .. يالله سلام


ياترى من الي كلمها بندر؟ هل ممكن يكون زي ماتظن اريج

البارت الجاي ان شاء الله تتعرف دلع على بندر بس كيف وايش راح تكون ردت فعلها ...اش تتوقعون

سامحوني اذا تاخرت رمضان مره وحده بالسنه وانا ما ابي اكتب بسرعه ابي نعيش القصه باجمل لحضاتها والحلو مايجي بسرعه وانا بنت مشغوله لشوشتي هههههه


يااااااااااااااناس ردو عبروني :n200638:

[/align]

مشكورة اختي اميرة
بس الرواية طوييييلة مرررررررررة
محد وده يضحك عليك ويقول لك انه قراها
وانا عن نفسي ما اقدر اقراها لانها تحتاج تركيز

قصه جميله واحداث شيقه كملي القصه

ويا ريت بسرعه شوي حتى الواحد يبقى متابع

قصه جميلة ورائعة ننتظر تكلمت القصة لاني تحمست معاها
شكرولك مني اجمل تحية’’

السلام عليكم

انا اول مره اشارك فيذا المنتدى وابغى اسال الي منزله القصه اميرة الرومانتك القصة كامله بتنزليها لاني قريتها في منتدى ثاني بس كانت ناقصه واذا كامله ياليت ماتطولين علينا

ولكي خالص شكري:mwalat18: