ممكن تطوير شات الدردشه للاخ ابو راشد

السلام عليكم ورحمة الله وبركاته

عندي اقتراح وان شاء الله يكون له قبول

لدى الجميع وخصوصا مطوري الهاكات الا وهو

تطوير هاك المحادثه او الشات والذي قام بعمله

الاخ المبدع ابو راشد على الرابط التالي :

http://www.traidnt.net/vb/showthread.php?t=50055

اكيد راح تتسألون عن سبب طلبي هذا وانا راح اقولكم الاسباب

الحقيقه الهاك حلو وانا ركبته في منتداي ( روح الورد )

لكن حصلت فيه بعض المشاكل واشياء اتمنى التعديل عليها

ليكون كامل والكامل وجه رب العباد وبالنسبه لملاحظتي واقتراحاتي عليه راح تكون كالتالي :


1- لاحظت اني بمجرد ماأدخل لوحة التحكم الخاصه فيه يسجل دخولي تلقائيا للشات

والبعض يكون متواجد فيه ويتكلمون معي وطبعا بدون علمي ويحسبون اني مطنشهم

والحل لهذه المشكله من وجهة نظري هو ان يكون للشات كلمة مرور واسم مستخدم

(طبعا نفس معلومات العضو) عشان يسجله دخوله متى ماحب .



2- لاحظت انه مايوجد بنفس صفحة المحادثه ايقونه ( لتسجيل الخروج) وانما لازم

اكتب (exit ) عشان اطلع واقتراحي هو ان يكون فيه ايقونه لهالغرض مثلا على يمين

المحادثه فوق .


3- لاحظت اني اذا دخلت للمحادثه تفتح لي صفحه كامله بحيث ان الهيدر والصفحات

اللي فاتحها تحت الشاشه تختفي وهذا يخليني اظطر لتصغير الصفحه او اغلاقه

عشان اروح للصفحات اللي ابغاها واقتراحي انها تكون كصفحة منتدى عاديه وبنفس

الوقت ليت يكون فيه صوت جرس او اي علامه تنبهك ان فيه احد دخل للشات او رد

عليك وهذا ينفع اذا كنتت تصفح وانت مسجل دخولك للشات بحيث انك تتنبه اول ماتسمع الصوت


4- بالنسبه للصندوق المخصص لكتابة المحادثه لاحظت انه لازم عشان ارسل الكلام

لازم اضغظ على زر ( ارسل ) بالفاره اما لو استخدمت (enter) ماراح يرسله واقتراحي

انه بمجرد الضغط على إنتر يترسل الكلام وهذا مريح اكثر.


5- بالنسبه للاعضاء المتواجدين بالدردشه تظهر اسمائهم اسفل الصفحه على اليسار

وانا اقتراحي ان يكون مكان ظهور اسمائهم على يمين صندوق الدردشه تحت ايقونة

تسجيل الخروج مضافه لها امكانية الانتقال من غرفه لغرفه .


6- بالنسبه للابتسامات ولون الخط اتمنى يكون لهم ايقونات خاصه فيهم تحت صندوق

المحادثه بحيث كل عضو يقدر يختار اللون المفضل له وبنفس الوقت للابتسامات بمجرد

ان يضغط على الزر الخاصه فيها تطلع له قائمة منسدله يحدد اللي يبغى يستخدمه .


7- لاحظت ان صفحة الشات الرئيسيه اذا فتحت عليها والصندوق المخصص للمحادثه كلهم

يتحركون بمجرد تحريك الماوس واقتراحي ان تكون الصفحه الرئيسيه ثابته وصندوق المحادثه

اقدر احركه بمجرد وضع الماوس عليه .


8- لاحظت اني اذا دخلت احصل محادثه لاعضاء دخلوا قبل فتره مازالت محفوظه مع اني

قمت بتعديل خيار الحذف الالي بس ماازالت المشكله موجوده وللمعوميه الشات مثل مانتم

عارفين مخصص للاعضاء بس .


وماعليش ياأخوان احس من جد كثرت الملاحظات والاقتراحات عليها واتمنى انكم ماتتضايقون

مني ومن طلبي لكن اتمنى تعتبرون اقتراحي من باب تطوير المنتديات والاشياء المتعلقه فيها .

طبعا لايفوتني اخذ الاذن من اخونا الغالي ابو راشد قبل التعديل فهو صاحب الفكره

وبأنتظار ردودكم ورأيكم بالموضوع وان شاء الله احصل مبتغاي عندكم مثل ماعودتونا دائما


وللعلم انا قمت بطرح هذا الموضوع في معهد تردانت وكثير من الاخوان اعجبهم الاقتراح

لكن الاخ vip طلب مني طرحه هنا بشكل اضافي وهذا هو رابط الموضوع

http://www.traidnt.net/vb/showthread.php?t=135897

فمان الله

أغلب إقتراحاتك جميلة ومفيدة وأتمنى أن أجد لها الوقت اللازم لتنفيذها قريبا بإذن الله ... تحياتي .

ياهلا ومرحبا فيك اخوي ابو راشد

ويسلمك ربي من كل مكروه على

مرورك وتشريفك وكلي فخر واعتزاز

لقبولك الفكره وربي يعافيك ويقويك

وإن شاء الله عن قريب تفاجئنا بتعديلاتك

لك ارق التحايا واعطرها

اهلا وسهلا فيك اخوي جريح حياك الله في منتديات الموده

اقتباس:

---

لكن الاخ vip طلب مني طرحه هنا بشكل اضافي وهذا هو رابط الموضوع

---

معك V i P

انشاءلله ابو راشد ما يقصر

بارك الله فيك والله اقتراحاتك بمحلهاا

إقتراحات جميلة ومفيدة
وأرجو أن يكون هناك وقت كاف للأخ أبو راشد للتنفيذ
جزاك الله خيرا

بارك الله فيك اخوي تعب
وشاكر لك مرورك وتعقيبك
وانشاء الله اخونا ابو راشد
تتوفر له الفرصه لتطويره

صناع الحياة الاجمل هو
مرورك وتشريفك بارك الله فيك

ننتظر تطويرك للشات اخوي
ابو راشد بفارغ الصبر