مشاركة: Modem Booster v5.0 Final
بارك الله فيك على هذا البرنامج المميز وانا أستخدمه منذ مدة طويلة ولم أقم بتحديثة وفاجأني أن آخر نسخة مطابقة للموجودة لدي 100 % يعني سووا البرنامج ورقدوا عليه والا إيش ... تحياتي .
مشاركة: Modem Booster v5.0 Final
هلا أبوراشد
والله ما أدري عن النسخ القديمة بصراحة لأني أول مرة أستخدمه ..
الله يكرمك الأتصالات السعودية .. طلبت منها ترفع سرعة الدي اس أل من 256 الى 512
فلا هم اللي أرفعو السرعة ولا هم اللي خلوها على حالها ..
يقولون تعطلت كل المقسمات حق الدي اس أل يوم جينا نرفع السرعة لك هههههه
لي 17 يوم على الدايل أب .. ويوميا هواش وحش فيهم وما خليت فيهم الطيب
( كل ما أتصل .. القى ها الرسالة .. )
( أن جميع الحراميه مشغولين بسرقة عملاء أخرين فضلا أتصل في وقت لاحق )
والأ الثانية
( أن جميع المأمير يدخنون في وقت الصلاة فضلا أتصل وقت لاحق )
ومقدم خدمة الأنترنت يحسب علي أشتراكِ الأنترنت .. وهم يحسبون علي الأشتراك الشهري
وأنا أصلا ما عندي دي اس أل هههههه
أقولهم لعنبو أبليسكم وش تسوون أنتم .. تراني ما أبغى حفرية .. ولا برج جوال
والبارحة أتصل عليهم يقول عندي في الشاشة أن المهندس كشف على الخط وقاس السرعة
وطلعت معه 530 دوان لود و 300 اب لود ..
قلت لا شيخ .. أنت واللي كتب ذا الكلام نصابين .. الحين 907 يقولون ما بعد رفعنا أمر رفع السرعة
وأنت تقول السرعة رفعت ..
قال المهندس اللي كشف عندك في الباب على البوكسيه وحط لك لاصق ( استكر ) هو اللي موضح هذا
قلت ما أكذب منك الأ المهندس الكذاب ... البوكسية لها 5 سنين رابطها بسيم معلاق ثياب ما يفك
السيم الأ بزادية المانية .. رابطها أنا على بزران الشوارع لأنها مكسورة ما تتسكر اللي كنها خشتك
ما قد تسكرت عن الكذب .
قلت حولني على المشرف . قال المشرف معاه تلفون .. قلت أيه تلفون الساعة 3 الفجر .. قل يغازل لا تقول تلفون
كلمت المشرف المايع حول يسيح مع السماعة عندي من المياعية طول الليل
قال أنا برسل لك المهندس اللي كتب في الكمبيوتر وهو ما فتح البوكسية .. ( ما أدري أشلون ينطق البوكسيه ) طالعه معها فازلين الكلمة
قلت أرسل مهندس طياس كفرات السيارات .. شكله ما يعرف يفك اسيام الطياس عشان يسرقها
والحين من ثالث الفجر وأنا أنتظر .. صارت الحين ثنتين وثلث العصر
** خله بس يجي الأووف حقي بروح عندهم في المرسلات **
يا أطلع مخفور للشرطة :n200634: يا يرجعون الخط ذا الحرامية :n200628:
هذه من قصص بعد منتصف الليل بعد الساعة الثانية منذ 17 يوم
00000000000
تراك سألتني عن البرنامج .. بس أنا ضعيت من القهر :n200652:
البرنامج مسجل منه وفيه ونسخة أصلية
تحياتي
مشاركة: Modem Booster v5.0 Final
هههههههههههههه الله يعين انا يا دوب راح ابدأ سنه أولى دي إس إل ... الله يعين ... تحياتي .
مشاركة: Modem Booster v5.0 Final
هههههههههههههه
جميل البرنامج
لكن الأجمل منه مغامرات منتصف الليل مع شركة التليفونات
ههههههههههههه
بارك الله فيك أخي الحبيب
وصبرك على ما بلاك به
لك خالص التحية والتقدير
:n200674:
مشاركة: Modem Booster v5.0 Final
حياكم الله
ابوراشد لا تتوهق تزيد السرعة .. أنت خذ مباشرة اللي تعجبك ونم عليها
لاتبيع قردك يجيك أقرد منه وتتوهق مثلي
ابوعبد الرحمن .. عاش من شاف أسمك .. والله ذكريات قديمة صرت
وين الناس .. زعلان علينا أنت ياهلا فيك
* سؤال ابوراشد بالنسبة للبرنامج
فيه أعدادات خاصة للبرنامج أفضل من الأعدادات الأوتو اللي يسويها هو ؟
وأيهم أفضل نختار الأعدادات الأوتو .. تبداء من خيار html والأ Ping ?
تحياتي
مشاركة: Modem Booster v5.0 Final
أفضل طريقة تخليه على الآلي وبعد كذا تخليه يشيك براحته الين يخلص ... وتراه حتى لو كانت النتيجة على الشاشة غير مرضيه فإن التحسن بيكون خيالي ... تحياتي .
رد: Modem Booster v5.0 Final
عاشو والله عاشو انا نزلته البرنامج وكثير حلو
تسلمو اياديكم
